TAKSU LAK 1:28 - ASII LAKDAP Bible (BSI)

²⁸ Kra akhing na ümniiraq taksu tsii mirit haü. Shatmaq ngi raq tre mang she. Ümniiraq ngi rit ka shokchhum nochhum miphe haü. Shatmaq ngi ka hum maü she mirhaü.

Hawa Naga Bible 2001

²⁸ Kvkaq jix mnoz rueq taksux tharc kuex gvl shuiux, yuq muinz ngaz rueq tvralc phaungx rvmuq. Mnoz rueq ngaz kuex baung ruip saz nuex thuiyx phux, yuq muinz ngaz kuex humc lot muq.

TAKSU LAK 1:28 Referencias Cruzadas

RAPHA HIQWA LAK 6:3

Kiijiishe Tatiwe raq nguto, “Ngi raq maiqse ka pattup pat-sa tiisi mang. Tsangshiq ka atsaikaiti. Ümchaü miiphat sanha tsangshiq rilung ka wiishishi ri wiiroqnai thaq niika simak miraq.”

YOBA 27:9

Chamchao akhing na, tsangshiq hoqsii tlaq kra Shiikeawe raq mitai shea?

YOBA 35:12

Tsangshiq ka aho anyi khrum jaütlo, shatmaq Shiikeawe raq tre mak, jamkhano ngukla tsangshiq ka shiikonghea kiimaq abi kiimungti.

Tvtsvmc 18:41

Tsangshiq ka khrumti rit hoqtrangto, shatmaq jurmin tsangshiq ka tiichhiikuq mak; tsangshiq raq Tatiwe heato, shatmaq apaiq raq tremak.

Tvtsvmc 18:42

Ngi raq tsangshiq ka tiinamtok thaübaiq kang, krai mren tsangshiq ka botkhulai ma jakito raüta rahai raq pan wanto. Ngi raq tsangshiq ka lam na boqda thaq na khumtiikai ikha ji maq nibaiq kang.

Tvtsvmc 66:18

Ngi raq ingarai thun ka apaü riiha jiika, Tatiwe raq ngi achu jaü ka tremak mirwa.

TAKSU LAK 15:29

Maiqshaqti raq achu jaü raüla, Tatiwe raq tretlo; shatmaq ashut maiqse achujaü ka, apaiq raq tremak.

TAKSU LAK 8:17

Ngi lungwiiti ka ngi riimin lungwii tiikang, Jurwa ngi rittlaq kriiti raq ngi mihum.

ASHICHONG 5:6

Latiishe itawe ma kilü kra dikuq kang. Shatmaq apaiq ka kilamchong na ahü, akaihowishe riito. Ngi ka apaiq bomtairo raq ahaü riikang! Lata ngi raq apaiq ka ritkang. Shatmaq apaiq ka hummang she riikang. Ngi raq apaiq ka heakang, Shatmaq apaiq raq ibom tremak she riito.

ISAIA 1:15

“Ümtiikiiwa ümniiraq ümjaq ka ra na dolaüta achu mijaühaü, Ngi raq ümniika alü min liimang she mirha. Ümniiraq ümtinkhan li achu jaü raümin, Ngi raq tre mangshe. Jamkhano ngukla ümjaq ka maiq tiijai na atsam reawi she.

JEREMIA 11:11

Arningkhan she ümchaü sanha, Ngi, Tatiwe, raq tsangshiq ka mitiithenbaiqha nguta honlam bom chongkuqtiikang. Kra then wan rahai saü wan raüjaq tsangshiq ka lunlot mak she miraq. Kra akhing na tsangshiq ka aho anyi raüta Ngi jaq wa khrum kuqlaq nguta mihoqtrang. Ngi raq tsangshiq bom ka taimang she mirha.

JEREMIA 14:12

Tsangshiq raq amang maq achu jaü raü min, ngi jaqwa khrum jaütlaq kra bom ka trekuq mang. Kiimaq tsangshiq raq ngi ma chaqtlii-honglu thun nai wong-honglu thun kuq raü min, ngi ka tsangshiq rai itsan riihea mang she. Kra rii na ngi raq tsangshiq ka re ma mitiijiipbaiqha, kiimaq ram tiidong lata mitiijiim baiqha kiimaq tha tiidong lata mitiijiimbaiqha.”

EJEKIEL 8:18

Tsangshiq raq itsankhiq walütu hengwa kriishe mihophaq. Ngi raq tsangshiq ka tiiwong kuq mang she. Kiimaq tiihang mangchan min tiichhikuq mang she. Tsangshiq raq ijaq wa achujaü ka ümtinkhan hong raüta jaü raü min, Ngi raq tsangshiq achu jaü ka trekuq mang she.”

Hosea 5:15

“Ngi raq isenginok mimiimbaiqha, lata tsang ngarai miitu riitsi tsaitsiiq mitiichamchaoha, jursap, chamchaotsi ma tsangtsii lo chhijiiq riila, raüta ngi lo rit wan jiiq riila.”

Hosea 5:6

Tsangshiq skusekong nai jamnyamsekong kra tsuqho raüta, Tatiwe ma shomnoqkai nguta kitlo, shatmaq Tatiwe raq, tsangshiq honglu ka tao mak she miraq, apaiq raq tsangshiq ka miimbaiqto.

AMO LUIK DVP (AMOS) 8:12

Tsangshiq ka Amaa Khamjong chum maq riita, Mediterenian Khamjong na saüli, Tati bomtsi rit mikhum, shekhu maq riita shemai na saüli mirit wan, Shatmaq hummak miraq.

Mikha 3:4

Namshiq ningthoi ranaiq ka saü wanto she. Kra akhing na namshiq ka, mihoq phaq han. Shatmaq Tatiwe raq namshiq achu jaü tremak miraq. Apaiq raq namshiq achu jaü ka taimak she miraq. Jamkhano ngukla namshiq raq ashut thunglai pahea klo lan.

JEKERIA 7:13

Ngi raq tsangshiq ma tsii chongkuq kangta taiwi mak, kriikha niishe tsangshiq raq ümtiikiiwa achu jaü wan taq kriimin trekuq mangshe riikang.

TRI CHONGKE 1:45

Kra ningkhan she namshiq raq Tatiwe jaq wa khrum jaü hoq trang lan. Shatmaq apaiq raq namshiq achu jaü ka tre mak riito. Kiimaq namshiq hoqsii trang lan kriika akhiismin bro riimak riito.

James 4:3

Kiimahali namshiq raq Shiikeawe jaq wa tsiiq nai nyam miitu achu jaü tlan. Shatmaq apaiq raq namshiq ma kuq mak. Apaiq raq namshiq ma tsiiq nai nyam ka jamkhano kuq mak, ngukla namshiq raq tsiiq nai nyam jaü tlan kriika, namshiq raq mangjong ngarai han-ngam polosea miitu jaü tlan. Kriika Shiikeawe maklii na ajiq. Kriikha na apaiq raq namshiq ma kuq mak.

1 SAMUEL 8:18

Ümtiikiiwa kra akhing she saüwa jiiq, namshiq maiqmii raq atsea han nam hokhamwe miitu, namshiq raq, makphai khüshang miishe mitiibot han. Shamtaq Tatiwe raq namshiq tiipaiqnea hoqtrang tlan ka, tre mak she miraq.”