TAKSU LAK 1:28 - Hawa Naga Bible 2001

²⁸ Kvkaq jix mnoz rueq taksux tharc kuex gvl shuiux, yuq muinz ngaz rueq tvralc phaungx rvmuq. Mnoz rueq ngaz kuex baung ruip saz nuex thuiyx phux, yuq muinz ngaz kuex humc lot muq.

ASII LAKDAP Bible (BSI)

²⁸ Kra akhing na ümniiraq taksu tsii mirit haü. Shatmaq ngi raq tre mang she. Ümniiraq ngi rit ka shokchhum nochhum miphe haü. Shatmaq ngi ka hum maü she mirhaü.

TAKSU LAK 1:28 Referencias Cruzadas

RAPHA HIQWA LAK 6:3

Yehowa rueq, “Miq kuex vthueyc phvnx rvtueq, mkaq muinz rullungx tvraungx httaz tvkoc ngaz rueq kuq mauk. Majuiuc maq phaungc vtueq miq rullungx kuex wawc shashiz rac wawc roknueyc dvyx mruez kueq,” ngoz tueq jungx tueq.

YOBA 27:9

Vkuilc vdaz httuiuc tuex nuex, tsuingshiq rueq ramc thoz yaq kuex Tishox rueq tay shuex haz?

YOBA 35:12

Tsuingshiq muex romc kuy tvkoc guyc sez wuez tueq, yuq muinz Tishox rueq tvralc muq, yvmx khoc lac ngoz ruiux lec tsuingshiq kuex ngamc ngax vtueq layx vbac rvtueq.

Tvtsvmc 18:41

Romc kuy tvkoc tsuingshiq guyc koq muinz, tsuingshiq kuex uraq muinz palc wvnc muq; tsuingshiq rueq Yehowa kuex gvl tueq, yuq muinz vpiq rueq tvralc kuq muq.

Tvtsvmc 18:42

Ngaz rueq tsuingshiq kuex tvbunx jek gay tauk, tsuingshiq kuex raungguil nuex pvnc wvnc yaq bokkhuyx ikhoc yaungx wvnc wuez vtuex. Lvmx laungx wawc bokbiq ikhoc nuiuz nut gay tauk.

Tvtsvmc 66:18

Ngvy mvrax htenc kuex kvduimx kaz tauk ngoz ruiux yuq, Taungjix rueq ngaz muex tay kuq phuex rvmuq.

TAKSU LAK 15:29

Miq hvlx jix htenc rueq vjux thoz yaq nuex Yehowa rueq tay kuq yaq, yuq muinz honc bac jix miq htenc vjux thoz bomc kuex wvlc guez rvkuq yaq.

TAKSU LAK 8:17

Ngaz muex lungwawc jix kuex ngaz rueq lungwawx vshaungx; ngvy thuiyc jix ukhaq rueq muinz ngaz kuex humc lot yaq.

ASHICHONG 5:6

Ngaz rueq ngvy lungwawc waz tvkoc kaluix kuex daz tauk, yuq muinz piq kuex vguez shex. Ngaz rueq piq thuic bomc tay roc vshaungx! Piq kuex ngaz rueq thuiyx tauk, yuq muinz humc mauk; ngaz rueq piq kuex gvl tauk, yuq muinz tvralc muq.

ISAIA 1:15

“Nuimshiq rueq yauk phac tv-phop vtueq vjux thoz shuinx nuex, ngaz rueq nuimshiq kuex lawc phaungx rvmuq. Nuimshiq rueq mtanc dvyx thoz ruiux muinz, ngaz rueq tay kuq phaungx rvmuq, yvmx khoc lac ngoz ruiux lec nuimshiq yauk htenc nuex tvguiy kawp yaq.

JEREMIA 11:11

Kvkhoc rvtueq majuiuc ngaz, Yehowa rueq tsuingshiq kox nuex tvbac gay juing tvkaz vtueq honc tvsvmc vshaungx, tsuingshiq yuz wvnc lot tuex rvmuq. Tsuingshiq romc kuy tvkoc ngaz kox wawc ramc thoz phuex yuq, ngaz rueq tsuinghez tvruingc kuex tay kuq shaungx rvmuq.

JEREMIA 14:12

Tsuingshiq rueq phuiuz svy mamc vtueq ngaz rueq romc kuy tvkoc tsuingshiq rueq thoz ruiux muinz tay kuq shaungx rvmuq; tsuingshiq rueq ngaz muex wvr maq jauk shomc kuy nuiyc vruiy vwungx shomc kuy shomc kuq ruiux doc muinz ngaz rueq raungc raq shaungx rvmuq. Kvkhoc ngoc mvnx, ngaz rueq tsuingshiq kuex ralx lungc, khvmc vrvmc nuiyc vmac vtsac htenc maq thvt gay shaungx,” ngoz tueq.

EJEKIEL 8:18

Tsuingshiq rueq ngvy thuinkhvy phuk yaq lotlaz kuex rvhumc phauk tuex. Ngaz rueq tsuingshiq kuex tvraungx taq shaungx rvmuq, tsuingshiq muex menjenc shaungx rvmuq. Tsuingshiq rueq ngvy kox wawc tsuingshiq guyc lot tuex tanc khvnc maq ramc thoz shuex, yuq muinz tsuingshiq rueq thoz yaq kuex ngaz rueq tay kuq shaungx rvmuq,” ngoz tueq jungx tueq.

Hosea 5:15

“Ngvy miqsaz htenc rueq tsuingshiq mvrax htenc laung nuex kuilc daz rvhumc vtueq, ngvy kox nuex yek waungc vkhing nuex httuiuc laz ngaz rueq tsuingshiq kuex tuip gay shec shaungx. Tsuingshiq kuex kuilc daz rvhumc tuex nuex ngaz kuex laungc maq thuiyx wuez phuex.”

Hosea 5:6

Tsuingshiq khelbuenx nuiyc manx kuex Yehowa muex shomc nawk juing shomc kuy tvkoc laq wuez tueq, yuq muinz kvruex kuex tsuingshiq muex vhvlx tvyaungc kuq muq. Vpiq kuex tsuingshiq kox wawc kay wvnc ningkhvnc nuex tsuingshiq rueq vpiq kuex humc lot muq.

AMO LUIK DVP (AMOS) 8:12

Miq htenc kuex Yuix Maungx Jumx maq Mediteranean nuex httuiuc laz, ghaqkhux kox maq shaldungc kox nuex httuiuc laz kvroz khuemx tuex. Tsuingshiq rueq Yehowa kox wawc bomjungc kuex baung ruip saz nuex thuiyx shuex, yuq muinz tsuingshiq rueq kvruex humc muq.

Mikha 3:4

Nuimshiq rueq Yehowa kox wawc ramc thoz jauz shex httuiuc wvnc yaq, yuq muinz vpiq rueq nuimshiq muex tvralc shuex rvmuq. Vpiq rueq nuimshiq vjux thoz bomc kuex tay shuex rvmuq, yvmx rvtueq lac ngoz ruiux lec nuimshiq rueq layx vbac shuimx gay tuit ningkhvnc nuex rvtueq.

JEKERIA 7:13

Ngaz rueq jungx koq tueq tsuingshiq rueq tay muq ningkhvnc nuex tsuingshiq rueq thoz yaq kuex ngaz rueq tvralc mauk.

TRI CHONGKE 1:45

Kvkaq nuimshiq kuex Yehowa rueq romc lawc kuy tvkoc khoarsez kvmenc jenc thoz tuit, yuq muinz nuimshiq rueq thoz tuit kuex vpiq rueq tay kuq muq, bvlvmx lawx muq.

James 4:3

Nuimshiq rueq thoz tuit, nuimshiq rueq lvp muit, yvmx khoc lac ngoz ruiux lec nuimshiq thuinz vmungx nuex kvmungx vshuinx kuex vbac nuiyc nuimshiq piauc liauc lvmx nuex shuimc lvmc laung dvyx thoz vshuinx.

1 SAMUEL 8:18

Ekvkhoc httuiuc wvnc tuex nuex, nuimshiq miqmac rueq thvl wvnc tuit nuimshiq hokhvmx waz ningkhvnc nuex, khuip khaq laz juing nuimshiq kvbot nyvnx wuez tuinx, yuq muinz Yehowa rueq nuimshiq kvbot nyvnx tuinx kuex tay kuq kv-phuinx rvmuq,” ngoz tueq jungphvnx kuq tueq.