TAKSU LAK 1:22 - ASII LAKDAP Bible (BSI)

²² “Angok angikong lei! Ümtincho na saüli wa mingok ngisiq han? Nyan phaqchi ka shipoq wan ruqli shea mishipoq han? “Ümtiikiimin, saptsin wan roman shea?

Hawa Naga Bible 2001

²² “Miqyaq jix lex! Nuimshiq kuex mtanc nuex httuiuc laz miqyaq roc lac? Mtanc nuex httuiuc laz lac phaqjic kuex wvlc guez waqguez tvyaungc vtueq piauc liauc tuinx? Nuimshiq rueq mkaq muinz tharc humc muit shex haz?

TAKSU LAK 1:22 Referencias Cruzadas

YOBA 34:7

Riita namshiq raq Job akhnok maiq ka weshi ra chhilan shea? Apaiq raq Shiikeawe ma shreng manto thümak kata.

Tvtsvmc 1:1

Shiimanhea miraq jurwa abi maiqsetiim danhon lang mak, riimakla ngarai klotibi lam phan mak, riimakla Shiikeawe raq lang maktibi rai pong mak.

Tvtsvmc 94:8

Isenginok lei, namshiq ka atinkhan ngilasang jaro ngikilan? Namshiq raq ümtinchotiq wa tsii michhihan?

DUNGWVNC 10:3

Krai mren Mosheq nai Aron ka hokhamwe phana wato. Raüta apaiq ma nguto, “Tatiwe, Hibrunok Shiikeawe raq ngutlo, ‘Ümniika ibom taimaü ikiq khiiruq ka ümtincho na saüli wa mikhiisiq haü? Isenginok ka tiiwalaq. Raüta tsangshiq raq Ngi mishomnoqlaq.

DUNGWVNC 16:28

Kra ningkhan na Tatiwe raq Mosheq ma nguto, “Namshiq raq Ngi aming thun ka ümtincho na saüli wa lang man mijin han?

TAKSU LAK 1:21

Chela kilamchong maq tiihong raüta agi lülü heatlo. Nokwe thungtlaq kiimaq riimtlo:

TAKSU LAK 1:29

Ümniiraq nyan phaqchi ka ümtiikiimin rit wan maü riilaü. Kiimaq ümniiraq Tatiwe bomtsi ka, jang wrap she atlea riiwan laü.

TAKSU LAK 1:32

Taksu tsii ritmak, tamtang maiqse ka tsailam mirhum. Jamkhano ngukla tsangshiq raq, nyan phaqchi shipoqto. Angi nolakong ka athen mirki, tsangshiq tsii ahü kha maq.

TAKSU LAK 1:4

Jamtsinhon makti kra jaqsham atsinwiqti ma tiijati, Jerobi ma howe minwe rilung lam shrinketi.

TAKSU LAK 1:7

Tatiwe ma haisong tsantsii thüwan kata, anyan phaqchi tsin wan kilamchong. Angi nolakong raq taksu bomtsi ka ashipoq riitlo, hon atsii chhiwan lungwii mak riitlo.

TAKSU LAK 14:6

Kumrong kumraqti ka, ümtiikiimin maiqshaq ma jalot mak. Shatmaq maiqshaqti riika jaqloseli, phanrap saptsin hotlo.

TAKSU LAK 15:12

Khünga maiqse riika, tsii achongkuq ka tairo mak. Tsangshiq riika taksu maiqse rai, hon atsii riiwaiso mak phan.

TAKSU LAK 19:29

Chuphit nüphitti miika, sintsang tiiho chang. Angi nolati ka arai khü na, ketsat tsea chang.

TAKSU LAK 21:11

Maiqjiqti ka sintsang maq tsat raüla, tsiihüti raq atsii mihum. Maiqshaqti ma tsii chongkuq raüla, apaiq ka taksu ma mija.

TAKSU LAK 21:24

Angi nola ngutlaq kriika, ashkong tamli, khünga, ajaq phum rap raüta siti, kiimaq maiq ka maiq ngumak, kra nangnga ngutlo.

TAKSU LAK 22:3

Maiqshaqti riika akhaki na, jamlai wa saü wan tlaq kriika achhi. Raüta honlamshat maq tiipaü ngaki tlo. Shatmaq maiqjiqti riika, alam liimak maq kiraüta, maiq thiikho na dea watlo. Raüta biiphaqtlo.

TAKSU LAK 3:34

Maiqmii kli asap atsin nguta, akhü tiinga raü siti miika, Tatiwe ma jamliip ahü. Shatmaq tsannin wokninti miika, apaiq raq khrum kuqtlo.

TAKSU LAK 5:12

Kra akhing na, “Ngi dea shut kang. Itsii chhiwan mang riikang. Ngi ma hon atsii achongkuq, taimang shipoq wan kang.

TAKSU LAK 6:9

Riininwe lei, ümtincho na saüli wa mikon siqhaü? Akon wa ümtinchotiq wa mitiido haü?

TAKSU LAK 7:7

Kiijaq jerobi jamsapti riimak chhikang; tsangshiq phong na jero weshi, tsiihü pinthum chhikang.

TAKSU LAK 8:5

Namshiq wepuqbi lei, maiqshaq ma ja rong liina; namshiq ka tsiihü shaqli shea? tsii she hum ronglaq.

JEREMIA 13:27

Apaiq raq saisitlaq thun kra ümniiraq klowan laü thun ka apaiq raq chhito she. Apaiq raq ümniika thatsang maiqse sumla phra thun shomnoq kai ku akin thun na kiimaq wakjam ram thun kiina shomnoq wan kriika wiita achhi wanwi siisaq. Laüta ümniika maiqwe ashi raq achak sishat taü maq maiqchak rai sraki tlaq ikha sra wan laü. Kiimaq kumrang pongwe ka kumrang kaüshii kaü kra chhiraüta pherai tlaq ikha phephiiq wan laü. Jerusalemti lei, namshiq ka miqlan she! Namshiq ka ümtincho shetiq wa asii maiqsetiim ma mijahan?

JEREMIA 4:14

Jerusalem lei, ümtsan mong na abi kra hebaiqlaq. Kra riihaü jiiqtiq ümniika mitiichhiilot haü. Ashut ashai ngarai tsantsii ka ümtincho na saüli wa mithii haü?

WEAWEA 14:27

“Ara abi pinthumnok ariiraq Ngi shra bottsaü arka ümtincho na saüli wa mibot nyan trang wan? Ngi raq tsangshiq bottsaü trang ka pahea achan she tai tiikang!

Matthew 17:17

Kiijiishe, Jesuq raq treto, “Namshiq kamtsantsii ka ahü. Kiimaq namshiq ka ajiq! Ngi raq namshiq chanja ka ümloq cho na saüli wa minin wanha ta? Üm se ka ana iphana shea wan laq!”

Matthew 23:37

“O Jerusalem, o Jerusalem! Ümniiraq shammibi thun ka tsatbaiq wan laü. Kiimaq Shiikeawe kiimwebi thun ümniiphana atiiki thun ka long maq tiiqbaiq wan laü! Ngi raq ümse ümno thun ka ümtinkhan wa i wokhong na, wukaü raq asetiim ka wowan tlaq ikha wowan hajaq nguta tsinngin wan kang. Shatmaq ümniiraq ümsetiim ka ngi ma tiiwo wan maü riilaü!

Matthew 9:13

Asii bomtsi na, ‘Ngi miika mangchan tsii li ra tlo, honglu ngamrea thop ka riimak!’ nguta chongtlaq arka jamlai ngo wa, kra namshiq raq samhea phat rong laq. Lanta kra liichum ka takwan han jaq ahea miraq. Ngi ka chiisan maiqsetiim heakai akiha riimak; ashleq arbaiqti thun kra triichom sheakai kikang.”

Luke 19:42

hoqto: “Ümniiraq ümchaü ranaiq na, khusang maq si miitu jamlai riichang wa, kra sap haü jaq ahea riichang! Shatmaq, ümchaü ümniiraq chhilot maü she!

John 3:20

Abi ngarai jaqsham riika, rawü ka angeng riitlo. Kiimaq rawü niika siro mak. Rawü na si raüka, apaiq raq ranyaq jaqsham tlaq kra rawü na mitiichhiki. Kriikha maq apaiq raq rawii ka romak.

2 Peter 3:3

Namshiq raq ara bomtsi ara tsan na tiitsangdada shaq rong laq. Phangthum akhing saü wan raüla, maiq wiijamti namshiq phana misaü. Raüta tsangshiq ka maiqmii abi ngarai han-ngam ramho kra pao wantibi li miraq. Tsangshiq raq namshiq kamtsantsii, Jesuq ma thü tlan kra minaikü.

Revelation 22:17

Asii Wenyi nai junrii Nyung raq heatlo, “Kira!” Ara tsütsa ara taiti loweatek raq ngo raa tlo, “Kira!” Juwa khamnyangtsi, warong ra! Rilung tsitsü kongphiq kham ka, jurwa ro tlaqti raq, nyang ronglaq!