TAKSU LAK 1:22 - Hawa Naga Bible 2001

²² “Miqyaq jix lex! Nuimshiq kuex mtanc nuex httuiuc laz miqyaq roc lac? Mtanc nuex httuiuc laz lac phaqjic kuex wvlc guez waqguez tvyaungc vtueq piauc liauc tuinx? Nuimshiq rueq mkaq muinz tharc humc muit shex haz?

ASII LAKDAP Bible (BSI)

²² “Angok angikong lei! Ümtincho na saüli wa mingok ngisiq han? Nyan phaqchi ka shipoq wan ruqli shea mishipoq han? “Ümtiikiimin, saptsin wan roman shea?

TAKSU LAK 1:22 Referencias Cruzadas

YOBA 34:7

Nuimshiq rueq vruex Yoba vkhoc jix miq kuex ukhaq lac khiz ruiux shuinx? Piq rueq Tishox muex tvtsanc nganc lvmz kuex mkaq muinz tvkhic muq.

Tvtsvmc 1:1

Layx bac jix miqsaz rueq jungphvnx yaq kuex tvdux gay jix htenc, mvrax vhttax jix bomc poz kuex phvnx muq jix htenc, Tishox muex ngoc ngac jix htenc rulc vdvmz nuex ngaungc naungx muq jix kuex thuinhvlx wuez yaq.

Tvtsvmc 94:8

Ngvy miqsaz htenc lex, nuimshiq kuex yvmx ngoz lac vngauk vngaz miqyaq muex dvyx yaungx kaz tuinx? Mkaq jix lac tvluing wvnc wuez shuinx?

DUNGWVNC 10:3

Moshe nuiyc Arun kuex hokhvmx waz kox nuex kaz vtueq piq muex jungx tueq, “Hebre miqsaz htenc Yehowa Tishox rueq ngoc, ‘Mnoz rueq ngvy kvjaz kuex mtanc nuex httuiuc laz lac tvlvlc phux? Ngaz muex nawk palx kuy kay tvkoc ngvy miqsaz htenc kuex tvkaz shuiuz.

DUNGWVNC 16:28

Kvruex yimaq Yehowa rueq Moshe muex ngoc, “Ngaz rueq nvr shaungx kvjaz kuex miq htenc rueq mtanc nuex httuiuc laz tvlvlc lac?

TAKSU LAK 1:21

ghaqyungx palx daungx htenc maq nuiyc miq rvtuimx yaq htenc maq guyc sez ramc yaq.

TAKSU LAK 1:29

Mnoz rueq phaqjic raungluingx saz doc muinz mkaq muinz vjux tvyaungc muq doc, Yehowa tvtsanc nganc tvkoc mkaq muinz tvlvlc vshuiux.

TAKSU LAK 1:32

Rvhumc rvhelc vguez jix miqsaz htenc rueq taksux tharc kuex tvdux gay ningkhvnc nuex vthueyc rvhumc wuez yaq. Miqyaq jix htenc kuex yvmx muinz tvmaung raung muq httaz ningkhvnc nuex tvbac gay rvhumc vtuex.

TAKSU LAK 1:4

Kvruex kuex vkhic vtuiuz vguez jix kuex vhengx miq muex tvyaungc kuq ruiux, miqwaz yalxrox bix muex vthenc vtuiuz httax wvnc tvkoc tvluing kuq yaq.

TAKSU LAK 1:7

Mnoz kuex phaqjic lvp tvkoc vphaungc nuex Yehowa muex hiyaz tvtsanc nganc thuinz httax wvnc toq. Miqyaq jix rueq taksux tharc vhtawz kuex tuiuz wuez muq, kvruex tvluingc tvkoc tvlvlc wuez yaq.

TAKSU LAK 14:6

Vngamc httaz jix miq htenc kuex mkaq muinz wvtharc muex yaungx lot muq, yuq muinz tharc vhttax jix rueq kuex yoalx rekrek dvyx tvluing laung yaq.

TAKSU LAK 15:12

Laungc tsvnc jix miq htenc kuex tvhonc tvtharc lvmz roc muq, tsuinghez rueq tharc httaz hvlc jix kox wawc tharc jungc kvjaz kuex mkaq muinz thoz muq.

TAKSU LAK 19:29

Vngamc tvyungc jix vngaz kuex vsuing murx tvgurc kuy rvhumc yaq.

TAKSU LAK 21:11

Laungc tsvnc jix waz kuex piq rueq murx gurc rvhumc tuex nuex, tvmaung thenc muq waz rueq tvluing lvp wvnc yaq. Wvtharc jix waz kuex piq muex tvluing kuq tueq kvwawc tharc lvp wvnc yaq.

TAKSU LAK 21:24

Laungc tsvnc jix miq washiz ngaz muex tvkhic koq, kvkaq ngaz rueq tuluimc thuinz maq ngamc ngax yaq nuiyc menjenc thuinz vguez waz kuex tvkhic phaungx.

TAKSU LAK 22:3

Tvmaung rvwvlc vhttax miqsaz htenc kuex httuiuc wvnc yaq wawc kuilc daz kuex tvluz nuex khiz vtueq koayc gay yaq, yuq muinz tvmaung thuinz vguez waz kuex vgvrx vtsvrx phvnx rulc khaungc rvhtux rvhumc vtueq jix rvwvlc khiz yaq.

TAKSU LAK 3:34

Vpiq rueq thuinz tvyungc tvjoz yaq miqsaz htenc kuex roc muq, yuq muinz thuinz tvyomz jix miqsaz htenc muex htvlx phawc tvlvp yaq.

TAKSU LAK 5:12

Kvkhoc rvtueq mnoz rueq, “Yvmx ngoz tueq lac mkaq muinz tvluing wvnc mauk rvtauk nguinx? Miq vshiz shiz rueq tvhvlc tvlanc yaq kuex ngaz rueq yvmx ngoz tueq lac mkaq muinz tvlvlc gay vshaungx.

TAKSU LAK 6:9

Vduimz vyoz waz kuex mtanc nuex httuiuc laz bumc belc ngoz tueq lac ngoz yaq nguinx? Piq kuex mtanc jauz jilac kvtenc tvnx?

TAKSU LAK 7:7

httoarc lvp phaungx lvp vguez yalxrox bix paunghvlc kuex ngaz rueq khiz tauk, yuq muinz tsuinghez nuex miqyaq washiz kuex ngaz rueq sunx lvp tauk.

TAKSU LAK 8:5

Nuimshiq thuinz max htvnz shauk doc haz? Thuinz htvnz wvnc tvkoc tvluing shuinz. Nuimshiq kuex miqyaq haz? Tvmaung thenc laz tvluing shuinz.

JEREMIA 13:27

Piq kuex piq rueq suirsac yaq htenc mnoz rueq shuimx vshuiux kuex khiz tueq. Yuimx phic yuimx phaungx jix taungnyuiuz muex rvnphvnx yaq waz ikhoc, rvmuq ngoz ruiux mvre kuiux yix nuex yurc yaq loze laungc ikhoc, ghaq luimx htenc nuiyc tvnx htenc wawc tishox htenc yix nuex mnoz rueq phvnx vshuiux kuex piq rueq khiz tueq. Yerusalem miqsaz lex, mnoz vphoc rvhumc tuiux! Mkaq jix lac mnoz kvsawc nawc wvnc tuiux?

JEREMIA 4:14

Yerusalem lex, mnoz palc wvnc rvhumc tvkoc mthuinz mungx wawc layx bac kuex hoal gay shuiuz. Mnoz kuex mtanc nuex httuiuc laz lac vbac kvmungx hvt rvtuiux?

WEAWEA 14:27

“Vruex layx bac jix miq kuex mtanc khvnc nuex httuiuc laz lac ngaz muex kvbot nyvnx phvnx? Kvkhoc kvbot nyvnx yaq kuex ngaz rueq tay tsuiyc mauk shex!

Matthew 17:17

Yesu rueq tvralc tueq, “Kvmluimx thuinz vguez nuiyc vyaq miqsaz htenc lex! Nuimshiq rulc vdvmz ngaz kuex mtanc nuex httuiuc laz httaz naungc juing lac? Mtanc nuex httuiuc laz ngaz rueq nuimshiq muex nanx kuy juing lac? Kvruex nox miqwaz saz kuex ngvy kox nuex shvlx wvnc luit!” ngoz tueq.

Matthew 23:37

“Yerusalem lex, Yerusalem lex! Shvmmax bix htenc thvt toq ghaq, Tishox rueq vtvkaz htenc kuex lung maq tuip thvt gay toq ghaq lex! Wukuiux rueq vsahez kuex vraungx khung nuex tvtuimx wvnc shuex ikhoc ngaz rueq mnoz kuex tvkhup wungx wvnc tvkoc paunghvlc lauk hunglaungx wvnc tauk, yuq muinz mnoz rueq roc muq!

Matthew 9:13

Vsawc luik nuex, ‘Ngvmx saz maq shomc nawk kuy lvmx kuex rvmuq, menjenc kuy lvmx dvyx ngaz rueq roc vshaungx,’ ngoz tueq luik wawc vlvmz kuex nuimshiq rueq wvllawc kaz kuinz. Ngaz kuex tsuingrux miqsaz palc kay vkaz rvmuq, mvrax vhttax miqsaz palc kay tvkoc vhttuiuc kaz rvtauk,” ngoz tueq.

Luke 19:42

“Ghaqyungx mnoz lex, nomic lvmx lvp tvkoc yvmx lac rax yaq nguinx kuex majuiuc raungnuiyq mnoz rueq tuiuz ruiux yuq lex! Yuq muinz majuiuc mnoz rueq khiz tuiuz muq!

John 3:20

Yvmx khoc lac ngoz ruiux honc vbac yauk shuimc jix ukhaq yuq muinz, raungwuic kuex shuiuc pac vtueq miqmac honc vbac kuex kvkhic kay muex hiz ningkhvnc nuex, raungwuic nuex kvnvp wuez muq.

2 Peter 3:3

Vtvsuip raungnuiyq htenc nuex miqmac gvnngvmx thuinz phvnx vtueq, thuiuzthuic tvraungx jix miqsaz htenc dung wvnc tuex lvmz kuex nuimshiq rueq vphaungc tuiuz wvnc juing rvtueq. Tsuingshiq rueq nuimshiq kuex shummarc vtueq,

Revelation 22:17

Siyac nuiyc Nyuiuz nyalx nyuiuz rueq muinz, “Kaz loq!” ngoz phuex. Kvkhoc jungx yaq kuex tay jix htenc rueq muinz, “Kaz loq!” ngoz tueq ngoz wuez yaq. Khvmsvy jix waz ukhaq yuq muinz mkaz rueq; rullungx yuix roc jix waz uraq muinz vhtawz vrawz kuy guez maq yauk noalc ikhoc mlvmz shueq.