Revelation 4:9 - ASII LAKDAP Bible (BSI)

⁹ Atra ngamkaü blai raq ngacho na ngati we kra shomnoq, apaiq khushü jong ka tiitsam kam shinge, shreng manto shinge, kiimaq apaiq somra shinge shishun trang tlo. Apaiq ka pattup pat-sa atrali siruq sitiwe. Ümtiikiiwa ngamkaü blai raq shitrang tlaq, tsangshiq rai dangshi maq

Hawa Naga Bible 2001

⁹ Ngvmx saz bvlic rueq hoc daungraungc nuex ngaungc vtueq pattup pat-sac rullungx tvraungx httax yaq waz piq ngauz vngax, tvtsanc nganc nuiyc kejux kuex shix ngoyx tuex nuex,

Muklom

⁹ Baluk otho ning aa piq ma bara tongching na tong aa etho bara salwet atharang tong aa, piq ma phun amun, etho rangka, etho kechu ajong kot aa,

Revelation 4:9 Referencias Cruzadas

Tvtsvmc 47:8

Shiikeawe ka apaiq asii hokham ngacho na ngatlo; apaiq raq maiq mung thun ka pengtlo.

Tvtsvmc 48:14

“Ara Shiikeawe ka pattup pat-sa miitu nashiq Shiikeawe; apaiq raq nashiq ka pattup pat-sa mishunshea wan.”

DUNGWVNC 15:18

Tatiwe lei, ümniika pattup pat-sa hokham mija haü.”

ISAIA 6:1

Hokhamwe Ujjia tsaikitaq rawii, ngi raq Tatiwe ka chhikang. Apaiq ka apaiq hokham ngacho na ngaraü, ratsan na, akhushü ngao jonghea khakii ngiimngiim chhikang. Kiimaq adü na samtong jongkaü samtlaq kriiraq Shomjam mong ka wiita hamto.

DANIEL 12:7

Kiijiishe rase raq ajaq wiinai ka ra nü na doraüta, pattup pat-sa Shiikeawe mang na, ramkhamkok sham raüta, akha kiqkham kuqto. Apaiq raq akha nguto taikang, “Kriika wiitsam ri wiithiq miraq. Shiikeawe sengi tiichamchao wan jai maq, arthun mra arshe mipin wan.”

DANIEL 4:34

“Rawii wiimiishi thumjai niishe,” nguta hokhamwe raq nguto, “Ngi raq ra nü na liikang. Kiimaq isung itsii ka atsangshe riiwan nongto. Krai mren, ngi raq Ningkun Ajong Shiikeawe ka tiitsamkam kang. Kiimaq ngi raq pattup pat-sa atra siti Shiikeawe ma akha shreng manto kiimaq khushü tiijong kuqkang: “Apaiq raq mangjong maiqse, pattup pat-sa milang wan, kiimaq apaiq hokham jaqsham, ümtiikiimin thummak phan.

TRI CHONGKE 32:40

Ngi arli tengteng atra Shiikeawe, Ngi raq ijaq ka ra na dotiikang kiimaq ikiq sinkham bom chongtiikang

Hebrews 7:25

Kiimaq, apaiq ka pattup pat-sa atrali she sitiwe. Kriikha maq, ümchaü sanha, maiqse angu ümchuwa Shiikeawe wokhong na, Jesuq mang chong raüta wawan tlaq ti thun kra, apaiq raq tiichhii kuq wan ruq lishe miraq. Ara jamkhano ngutiikai ngukla, apaiq ka ümchaü Shiikeawe man na, maiqse miitu kiimwe miishe jawanto.

Hebrews 7:8

Riita, aroq khu wa manshi alu na akuq phaqseati thun, Lewi saüse phan ramwebi ka, rilung sung jai atsai riiwan tlo. Shatmaq Asii bomtsi na chongtlo, aroq khu wa alu jaüti we, Melkijedek ka ümchaü min atrali sitlo nguta chongtlo.

Revelation 1:18

Ngi ka atra sitiwe! Ngi ka amaa wa shatmaq, ümchaü ka pattup pat-sa miitu atrali she misiha. Amaati nai wulum mung na siti ka, i jaqkhon mong niishe.

Revelation 10:6

Raütiishe, apaiq raq pattup pat-sa atra sitiwe, ra nai hiq phansangti we, kiimaq sammoktra jü phansangti we, kiimaq ta na nai jü mong na sitlaq wiitsitsü phan thun kra tiiqti we, Shiikeawe sitlaq mang na atiitum riito. Raütiishe, rase raq, “Shiikeawe raq jaqsham wan chang nguta jamlai phan wa süriitaq, kriika ümchaü jai na tiijai hitthü mak she!

Revelation 15:7

Kiijiishe, atra ngamkaü blai wa kaüshi raq, rasetiim miishi ma chaq sorija winpin miishi kuqto chhikang. Kra winpin thun ka, pattup pat-sa atra siti we, Shiikeawe tsankhiq che athü tuptup ama riito. Kra che winpin thun ka, mangjong maiqse khuthaq na raübaiq wan miitu she kuqto.

Revelation 21:5

Kiijiishe, hokham ngacho na ngati we raq nguto, “Ümchaü ngi raq phanrap ka anye she tiiq tiikang!” Apaiq raq ngi ma hali thaüto, “Ara bomtsi ara waiq thülaq. Ara bomchong ara tengteng kiimaq akamsea chang.”

Revelation 4:2

Asii Wenyi raq ngi ka romsaq li she ramungtan na shea wanto. Kiijaq ramungtan na hokham ngacho ashi chhikang. Kiijaq maiq weshi nga raü chhikang.

Revelation 4:8

Kra chongtiikai ngamkaü blai wiita dü niika kaüshi khum niili arakong ka trokrok. Kiimaq kra arakong thun ka, akii niimin, among niimin, amakpo siisaq tiidiimshat. Ranaiq rawa tsaq mak phan maq, tsangshiq raq akha Shiikeawe ka shomnoq shitlo: “Asii, asii, asii Tati Ajong Shiikeawe ka asii. Apaiq ka man na min asi, ümchaü min asi kiimaq jai na saühoti we.”

Revelation 5:1

Ngi raq hokham ngacho na ngati we, jaq jaqtsi nü na lakdam kom ashi chhikang. Kra lakdam kom ka siimhap ri na waiqje siisaq. Kiimaq ba miishi na sil maq trap phanje.

Revelation 6:16

Tsangshiq raq aho anyi lam maq, ku akin thun kiima, “Naishiq ara hokham ngacho na ngati we maklii wa tiiwong kuq rong laq. Kiimaq Skuse tsankhiq walü wa kiiwa tiiwong kuq rong laq!

Revelation 7:15

Arningkhan she, ümchaü sanha, tsangshiq ka Shiikeawe wokhong niishe, apaiq shomnoq ranaiq rawa, apaiq shomjam mong na sitlaq ara. Ümchaü sanha, hokham ngacho na ngati we raq, tsangshiq ka achi arakhong maq pangshat she.