Revelation 4:2 - ASII LAKDAP Bible (BSI)

² Asii Wenyi raq ngi ka romsaq li she ramungtan na shea wanto. Kiijaq ramungtan na hokham ngacho ashi chhikang. Kiijaq maiq weshi nga raü chhikang.

Hawa Naga Bible 2001

² Kvkaq dvyx Siyac rueq ngaz kuex buk wvnc phuex. Raungmungx nuex hoc daungraungc vshiz httax yaq, kvruex hoc daungraungc htauk nuex miq washiz ngaungc yaq.

Muklom

² Kalo hun Tsija nga raa lota phang. Etho ashey tongching mungtan na tashing aa tha khi ang, etho eshi tongching o chamtey utong angta.

Revelation 4:2 Referencias Cruzadas

1 HOKHVMX 22:19

Kiijiishe Mika raq abi ri akha tiitsuq chongkuqto, “Ümchaü min Tatiwe raq jamlai wa chongtlaq kra tairong laq! Ngi raq Tatiwe ka ramungtan na apaiq hokham ngacho na ngaraü chhikang. Kiimaq arasetiim thun ka apaiq tho na chapraqraq.

Tvtsvmc 11:4

Tatiwe ka apaiq asii shomjam na; apaiq hokham ngacho ka ramungtan na. Apaiq raq maiqse ka barap binrii wa liitlo kiimaq tsangshiq raq jamlai wa klotlaq kra wiita asap.

ISAIA 6:1

Hokhamwe Ujjia tsaikitaq rawii, ngi raq Tatiwe ka chhikang. Apaiq ka apaiq hokham ngacho na ngaraü, ratsan na, akhushü ngao jonghea khakii ngiimngiim chhikang. Kiimaq adü na samtong jongkaü samtlaq kriiraq Shomjam mong ka wiita hamto.

JEREMIA 17:12

Nashiq Shomjam ka achhai anyii hokham ngacho ikha, man na aphaji miiphü hiqlam dii luhea thaq na tiichapshat riito.

EJEKIEL 1:26

Kra jamtamkaü thaq niika hokham ngacho ikha phanshi ra asi. Kra hokham ngacho ka saphir longseng maq alo. Kiimaq kra hokham ngacho thaq na ngatiwe ka maiqwe kaü ngochang chang ikha ngaraü riito.

EJEKIEL 1:28

Kra liliimtlaq kriika maitsai kaü na rong ümchuwa sitlaq kra thun kra chhaitlo. Kriika, Tatiwe asi nguta akhushü ngao liliim chhainyii tiichi riito. Ngi raq kra chhilata, ngi ka hiq na bumsaq bumkikang. Kiijiishe ngi raq maiqbom ashi raq

EJEKIEL 10:1

Ngi raq cherubim khuthaq na jamtamkaü kiijaq liikangta, kriithaq niika hokham ngacho athii tsinhea phan saphir longseng maq alo ikha chhikang.

DANIEL 7:9

Ngi raq liishat imakki na, hokham ngacho phong tiihongto. Rathup Raphawe ka, ngacho phong wa ashi na ngato. Apaiq dü na asam khea thun ka, tsak-hiiq ikha lüdiidiihea riito, kiimaq akhubin ka chiisan skurai ikha, lüdiidii hea riito; Apaiq hokham ngacho ka, watu jikom thaq na shongto, watum nyaitlaq ikha nyaitlo,

Matthew 22:43

“Riita ikhiijiika Asii Wenyi raq Dawit ma Messia ka ‘Tatiwe’ nguta jaram wa tiingo ta? Dawit apaiq riili akha nguto ahata,

Hebrews 8:1

Riita, ija ara naishiq raq rengkiq pinthum bomtsi chong tiikai kriika arshe. Ümchaü sanha, nashiq miitu, Ajong Pinthum Ramwe ka asi she. Apaiq ka ümchaü Ratsan Ramong nyang na, Shiikeawe ngachang hokham ngacho kra tiinap na, jaqtsi nü niishe nga tlo.

Revelation 1:10

TATIWE ranaiq na, Wenyi raq ngi ka kunli rom wanto. Kiimaq ngi raq i jai nü na lerong tsüwa trang ikha, nirang chat-hit-hit maiq bom kra taikang.

Revelation 12:5

Kiijiishe, jechak nyung raq ase ka maiqwe se chiito. Kra no raq mangjong maiqse tlotli ka jin chongwai sham raüta mijam sha wan. Shatmaq, noshii se ka dopot li dowan raüta Shiikeawe phana, Shiikeawe ngachang hokham ngacho na shea wanto.

Revelation 17:3

Kiijiishe, Asii Wenyi raq ngi ka rom wanto. Kiimaq rase raq ngi ka kumtsaiphii na sheahoto. Kiijaq ngi raq jechak nyung ashi ka, shiiroro ngamthaiq kaü raikhü na nga raü chhikang. Kra ngamthaiq kaü khum niika, Shiikeawe shummii mang thun pahea, diim phinphin tiiwaiq raqraq asi. Kra ngamthaiq kaü khupo ka miishi. Kiimaq arong ka roqshi.

Revelation 19:4

Nyungwere roqnai ri blai, kiimaq ngamkaü blai ka hiq na bumrang raüta Shiikeawe ka shomnoqto. Shiikeawe ka ngacho na ngashat. Tsangshiq raq akha nguto, “Amen! Shiikeawe tiitsam rong i!”

Revelation 20:11

Kiijiishe, ngi raq Shiikeawe ka ajong alu lüdiidiihea hokham ngachang ngacho na nga raü chhikang. Ra nai hiq kiimin maklii liipan niili she pan wanto chhikang.

Revelation 21:10

Asii Wenyi raq ngi ka rom wanto. Raüta rase raq ngi ka pum ashi diiluhea langlang thaq niishe shea wanto. Apaiq raq ngi ma Asii Chela Jerusalem ka ramungtan wa Shiikeawe pha wa akai rai kra tiichhi kuqto.

Revelation 21:5

Kiijiishe, hokham ngacho na ngati we raq nguto, “Ümchaü ngi raq phanrap ka anye she tiiq tiikang!” Apaiq raq ngi ma hali thaüto, “Ara bomtsi ara waiq thülaq. Ara bomchong ara tengteng kiimaq akamsea chang.”

Revelation 3:21

Jurwa rekhat tangtlaq, kriiti ka ngi hokham ngacho tho na nga dam miitu ngi raq arang mikuqha, ngi raq rekhat tang lata, srea ma jawankang krai mren, ümchaü i We hokham ngacho tiinap na nga tiikang. Kiikhiisii kriiti kiimin ngi tiinap na i hokham ngacho na mitiinga ha.

Revelation 4:10

kiijaq nga tlaq shiilangbi weroqnai ri weblai kra riimin, hokham ngacho na ngati we khaki na, hiq na bumrang rang raüta, pattup pat-sa atra sitiwe kra shomnoq tlo. Tsangshiq raq tsangshiq khuphok ka, hokham ngacho na ngatlaq we khaki na tiiwe rangrang raüta, akha shomnoq tlo:

Revelation 4:5

Kra hokham ngacho maq rachhai ralüp wa trang, ramok wa trang la chhai liip tlo. Hokham ngacho khaki na, wanii tu ka tu miishi tiiniishat maq chaqto. Kriika Shiikeawe wenyi miishi sitlaq kra.

Revelation 4:9

Atra ngamkaü blai raq ngacho na ngati we kra shomnoq, apaiq khushü jong ka tiitsam kam shinge, shreng manto shinge, kiimaq apaiq somra shinge shishun trang tlo. Apaiq ka pattup pat-sa atrali siruq sitiwe. Ümtiikiiwa ngamkaü blai raq shitrang tlaq, tsangshiq rai dangshi maq

Revelation 5:1

Ngi raq hokham ngacho na ngati we, jaq jaqtsi nü na lakdam kom ashi chhikang. Kra lakdam kom ka siimhap ri na waiqje siisaq. Kiimaq ba miishi na sil maq trap phanje.

Revelation 5:13

Kiimaq, ngi raq atra phan ümchuwa sitlaq, ramungtan na, mangjong hiq na, wulum mung na, kiimaq sammoktra jü mong na atra tsitsü asi phan ümchuwa, ara ra nai hiq raq aham na diim tlaq tarü kunli raq, akha ashi trang taikang: “Hokham ngacho na ngati we nai Skuse ma, shomra, shreng, khushü, kiimaq ningkun kli pattup pat-sa misi laq!”

Revelation 6:16

Tsangshiq raq aho anyi lam maq, ku akin thun kiima, “Naishiq ara hokham ngacho na ngati we maklii wa tiiwong kuq rong laq. Kiimaq Skuse tsankhiq walü wa kiiwa tiiwong kuq rong laq!