Revelation 4:1 - ASII LAKDAP Bible (BSI)

¹ Arjai miishe hali, ngi raq ra nü na liikangta, ramungtan na kilü ashi ka atiidi raü chhikang. Kiijiishe, ngi ma kongkhu lak na chongketi, abom lerong tsü heng ikhiiwe kriiraq hali, ramungtan maq, “Ana wara. Ara rawii shiqwii hongtha wan chang bomchong sitlaq ara, ngi raq ümniima tiichhi kuq pha. Arthun arka hongtha wan chang dongdii,” nguta ngi ka heato.

Hawa Naga Bible 2001

¹ Kvruex yimaq vganc tvkhic romzyac vshiz nuex raungmungx nuex kaluix vshiz kvdaz khiz tauk. Vphaungc lauk tay tauk bolic thuic rulc rv-ngvlc yaq thuic tvruingc kuex, “Vnuex waung loq, yix maq yaungc wvnc juing phvnx htenc kuex ngaz rueq tvkhic kuq ix,” ngoz tueq jungx phuex.

Muklom

¹ Iri tang jio nga siin táng tho mungtan na ashey kalung alak ta khitáng; Etho nga lirong tom tharaaq mal tharaaq aa tha tat táng bara i jamoq jakho wan taphang. Ira bat aa, “Aluk náng wang eq ináng wangphu, etho iri jio chamlang ang ching tha nga nang ma takhi phang náng.”

Revelation 4:1 Referencias Cruzadas

DUNGWVNC 1:1

Jakob setiim apaiq rai loweatek raq achak asetiim nongnong sheaho raüta Ejip mung na laühotaq thun ka arthun ara riito.

DUNGWVNC 19:24

Tatiwe raq treto, “Ümniika satkikiq. Laüta Aron ka ümniirai ana sheakikiq. Shatmaq ramwebi nai mungmaiqse ka hiqtrai ka jin raüta ana Ngi phana wa maimak. Riimakla Ngi raq tsangshiq ma mo mitiihoha.”

DUNGWVNC 24:12

Tatiwe raq Mosheq ma nguto, “Pum na düwan laüta Ngi phana wara. Kiimaq ümniika arjaq shon na, Ngi raq ümniima longpen anai kra mikuq kang. Kiijaq Ngi raq mungmaiqse ma tsii chongke bomtsi waiqkeje she.”

TAKSU LAK 25:7

Jamkhano ngukla, wese ngachang wa, welabi ngachang na ngawakiq nguta achong ka, wela ngachang wa, wese ngachang na ngakikiq nguta achong thaq na ahea.

EJEKIEL 1:1

Rawii roqtsam she angu na jipi lüblai liiwa rabiingi ngo ranaiq akhing riito. Ngi, ka ramwe jaqshamti. Iwe mang ka Buji. Kra akhing na ngi ka munglu shumwi ma atsuq wan Jehudinok rai Bebilon mung na, Chebar rai tan na sikang. Ramungtan ka atlin riikito. Kiimaq ngi raq riisham mak maq Shiikeawe ka chhikang.

Matthew 3:16

Khamlam lot ri she, Jesuq ka khamchum mong maq dong wanto. Kra akhing na Jesuq raq ramungtan ka atlin raü chhito. Kiimaq Shiikeawe Asii Wenyi ka haütaü kaü ikha ra wa satki raüta, apaiq khuthaq na ngakai chhito.

Mark 1:10

Jesuq ka kham mong maq takii na dong wan ri li she, apaiq raq ramungtan ka tiidi wan chhito. Kiimaq Shiikeawe Wenyi ka haütaü kaü ikha satki raüta, akhu thaq na ngakito.

Luke 3:21

Kra akhing na nokmaiqse thun tarü raq, khamlam wan lot jai she, Jesuq riimin kham ka lam wanto. Apaiq raq khamlam akhing na achu jaüto. Apaiq achu jaürea akhing na, ramungtan ka atlin riikito.

John 16:13

Shatmaq, ümtiikiishe wa, Asii Wenyi ka saüki jiiq, kra akhing niishetiq apaiq raq, namshiq ma Shiikeawe tingting rilung bomtsi thun kra mitiichhi kuq wan. Apaiq riishetiq namshiq ma teng man tlaq bomtsi thun liichum kra arang chong maq thu raütiishe mitru chongkuq wan. Apaiq riika, apaiq tsiitsii maq chong kuq mak. Apaiq raq jamlai wa ani maq tai tlaq, kriili namshiq ma michong kuq. Kiimaq, rawiichii akhing na jamlai phan saüho chang wa sitlaq, kriithun bomchong kra namshiq ma michongkuq.

Acts 10:11

Apaiq raq ramungtan kilü ka atiidi riiraü chhito. Kiimaq ramungtan maq jonghea luhea adiimliim kaü ashi ka shokblai wiita maq sham raüta, mangjong hiq nü ana atiisat rea wan chhito.

Acts 7:56

Krai mren, “Liirong laq! Ngi raq ramungtan kilü ka atiidi raü chhi tiikang. Kiimaq Maiq Se ka Shiikeawe ma jaqtsi nü na chap raü chhi tiikang!” nguta Stephen raq chongto.

Revelation 1:10

TATIWE ranaiq na, Wenyi raq ngi ka kunli rom wanto. Kiimaq ngi raq i jai nü na lerong tsüwa trang ikha, nirang chat-hit-hit maiq bom kra taikang.

Revelation 1:12

Ngi rai juwa bomtla nguta, trosaq lata liikangta, piijongteng tochang chaq kham miishi chhikang.

Revelation 1:19

Riita, ümchaü min waiq thü laq, ümchaü ümniiraq, ümmak maq jamlai phan wa chhi tlaü, kiimaq ara jai maq jamlai phan mra pin wan chang wa sitlaq thun ka wiita waiq thü laq.

Revelation 11:12

Kiijiishe, shammi we nai raq ramungtan maq tsangnai ma tiihong raüta achong maiqbom ashi akha taito, “Warong ra ana!” Krai mren, tsangnai jaqtibi maklii rashra niili she, tsangnai ka phum rai, ramungtan na wawanto.

Revelation 11:19

Kiijiishe, ngi raq ramungtan wa Shiikeawe shomjam kilü ka dito chhikang. Kiimaq Tongshong Tek kiimin shomjam mong na chhikang. Kiimiili she rachhai ralüp watrang, ramok wa trang, kiimaq hiqjong muwa trang, kiimaq tsakhiiq rokwa trang liishe chhikang.

Revelation 16:17

Kiijiishe, rase miishi ngojati riishe, ajaq wa Shiikeawe tsankhiq winpin ka rawang win niishe raübaiqto. Kiimaq tiijorotli she, maiq bom ashi raq tiihong raüta, shomjam mong na hokham ngacho wa akha bomto, “Arka lot kang she!”

Revelation 19:11

Kiijiishe, ngi raq ramungtan ka atiidi raü chhikang. Kiimaq kiijaq kumrang alü kaü ashi chap raü chhikang. Kriithaq na chaoti we mang ka Tsapkapkap nai Riikhaqli nguta ngutlo. Apaiq riika tingting maq kha pho tlo. Raüta re ka khattlo.

Revelation 22:6

Kiijiishe rase raq ngi ma chongto, “Arthun bomtsi arka tengteng kiimaq akam sea chang. Kiimaq Tati Shiikeawe raq shammibi ma Asii Wenyi pheaketi we raq arase ka tiikito she. Raüta jaqlo miili she jamlai phan mra pin wan chang wa sitlaq, kra thun ka asengi miishe mitiichhi kuq.”