Revelation 3:21 - ASII LAKDAP Bible (BSI)

²¹ Jurwa rekhat tangtlaq, kriiti ka ngi hokham ngacho tho na nga dam miitu ngi raq arang mikuqha, ngi raq rekhat tang lata, srea ma jawankang krai mren, ümchaü i We hokham ngacho tiinap na nga tiikang. Kiikhiisii kriiti kiimin ngi tiinap na i hokham ngacho na mitiinga ha.

Hawa Naga Bible 2001

²¹ Ngaz rueq taungx wvnc vtueq Iwaz hoc daungraungc hep nuex vpiq rulc vdvmz ngaungc taungx ikhoc, taungx wvnc jix waz ukhaq yuq muinz ngvy hoc daungraungc hep nuex ngaz rulc vdvmz ngaungc lvp vkhangx ngaz rueq kuq shaungx.

Muklom

²¹ Chamal nga tho ujin kap eq iwa jamoq utongching o tatong taphang thimal utang eq jin aa, nga piq sha i jamoq itongching o tatong náng.

Revelation 3:21 Referencias Cruzadas

Matthew 19:28

Kiijiishe Jesuq raq tsangshiq ma chongto, “Namshiq raq tsan na tiitsang shat maq siwan lili rong laq. Ümra akhing niiwa Mungtan Anye kra saüho tlaq, kra akhing na Maiq Se ka apaiq Hokham ngachang ngacho na nga raüta, achhai anyii maq, mung ka milang wan. Kra akhing na, ümchaü namshiq i jaqshisetiim weroqshi ri wenai sitlan kriimin, maiqmiimii hokham ngachang na nga lanta, ngi rai Israilnok mung maiq phan phan roqshi ri phannai kra milang wan.

Matthew 25:21

Kiijiishe, ‘Riikhaqli, ong laü. Ümniika maiqshaq ashi. Kiimaq tsapsaü kapse jaqshi se!’ nguta atijong we raq ajaqshi se bom ka treto. ‘Ümniiraq tsiiq ka atsapse li jiimin, asho awo tliip pha laü. Arkha maq, ümchaü sanha ngi raq ümjaq na tsiiq ka apa she sham miitu arang mikuq kang. Wara, ümchaü min, ümniika ngi rai chojong chise maq poi arshe lom dam laq!’

Matthew 28:18

Kiijiishe, Jesuq ka tsangshiq tiinap niishe tiisotto. Raüta tsangshiq ma akhiishe chongkuqto, “Ramungtan nai mangjong hiq ara lang miitu arang ka ngi ma thumli ake kun she.

Luke 22:30

Krai mren, namshiq ka ngi rai i Mungtan na hokham ngachang na nga lanta, takshi pinshi maq miphaq siq wan dam han. Lanta namshiq ka Israilnok maiq phan, phan roqshi ri phan nai kra thaq na nga lanta, mungsea wan mungtubi ma mija wan han.

John 13:32

Riita, Shiikeawe khushü jong kriika apaiq pum lümiishe tiichhikuq tlaq jiika, Shiikeawe raq Maiq Se khushü jong kriika, Shiikeawe apaiq pum niishe mitiichhi kuq. Arka ümchaü jaqlo liipan niili she mitiichhikuq wan.

John 16:33

Ngi raq namshiq ma ara bomtsi chongkuq tiipha arka, namshiq ka ngi rai pumshi hanshi maq silanta, hansang maq misi laq nguta ngo maq chongkuq tiikang. Mangjong maiqse raq namshiq ka mitiichamchao wan. Shatmaq, srea nola ma ja ronglaq! Ngi raq mangjong hiq ka tang kang she!”

2 Timothy 2:12

Kiimaq nashiq raq phanrap chamchao, nin wan ruq maq siwan hai jiila, nashiq riimin, apaiq rai mung milang wan dam rong i. Kiimaq nashiq raq apaiq ka, Tatiwe riimak nguta tiishaü hai jiila, apaiq riimin, nashiq ka Khapho Ranaiq mitiishaü baiq.

Revelation 1:6

raüta nashiq ka Apaiq Shiikeawe, Awejong Shiikeawe kra shomnoq miitu, nashiq ka ramwe mung ashi miishe shongtaq, kriiwe miili, khushü, kiimaq ningkun kra pattup pat-sa misi wan laq. Amen.

Revelation 12:11

Tsangshiq raq apaiq ka Skuse tiijai maq nai, tengteng bomtsi chongkuq wantaq kriimaq tang wanto she. Tsangshiq raq atsai ma kham raüta, tengteng bomtsi ka chongkuqto.

Revelation 17:14

Kra ngamthaiq kaü nai hokham weroqshi raq, Skuse ka mikhat. Shatmaq, Skuse nai asengi raq tsangshiq ka mikhat wan. Raüta mitang. Apaiq ka Tati ajong pinthum. Apaiq ka hokham thaq na Hokham. Tatiwe thun thaq na Tati. Kiimaq tsangshiq ka Shiikeawe raq ashong kiimaq atsea wan kiimaq tsangshiq ka apaiq ma pinthum kamtsantsii thü raüta siwanti.”

Revelation 2:7

“Arkha maq chong tiikang, nam ni asi jiila, Asii Wenyi raq phungtuti ma tsii chongkuq tlaq ara, tiitsang tai rong laq! “Jurwa ara rekhat ara tang wan tlaq, kriiti sreabi ma, ngi raq Shiikeawe sonruk mong na rilung petsi chong sitlaq kiiwa atsi pansea miitu arang mikuq ha.

Revelation 20:4

Kiijiishe, ngi raq hokham ngachang ngacho thun ka chhikang. Kiimaq hali ngi raq Jesuq tsütsa nai Shiikeawe bomtsi ka tsapkapkap maq traho bom chongke wan kha na, atsatbaiq wanti maiq tsaiji thun min chhikang. Tsangshiq raq ngamthaiq kaü lo, ngamthaiq kaü sumla lo kra shomnoq mak dea riito. Kiimaq tsangshiq raq ngamthaiq kaü abi khoqramkii maq tsangshiq khakam na lo, tsangshiq jaq na lo, tiiwaiq wan mak dea riito. Tsangshiq ka amaa wa dong wan nongto. Raüta hokham ngacho na ngatlo. Jamkhano ngukla, Shiikeawe raq tsangshiq ma hokham jawan arang ka kuqto she. Kiimaq krai mren, tsangshiq raq Khristo rai rawii hingshi mung she milang dam.

Revelation 20:6

Ümriitiwa ara apha lak, amaa wa tiidong wan tlaq lak na lomdam tlaq, kriiti ma kechu jonghea kiimaq achu shiiman jonghea miraq. Tsangshiq ka Shiikeawe sengi she. Tsangshiq ka thongnai tsai wan ngutlaq wamungtan wa raq khiim wan lot mak she miraq. Shatmaq, tsangshiq ka Shiikeawe nai Khristo ramwebi she. Kiimaq tsangshiq raq Jesuq rai rawii hingshi mung misiq dam.

Revelation 5:10

Ümniiraq tsangshiq ka, Shiikeawe shiikumpan ma ramwebi mungtan ma tiija laü; kiimaq tsangshiq raq mangjong ka misiq wan,”

Revelation 6:2

Kra tai lata ngi raq liikang. Kiimaq, kiijaq kumrang kaü lüdiidii kaü ashi chhikang. Kriithaq na chaotiwe jaq niika, liq ashi sham raü chhikang. Kiimaq apaiq ma khuphok ashi tiiphok kuqto chhikang. Raüta, apaiq ka kumrang thaq na chao raüta srea jong we rekhat tangkai ikha mangjong hiq na rekhat kai kihoto chhikang.

Revelation 7:17

Ümchaü sanha, hokham ngacho wang mong na ngati, Skuse ka tsangshiq rümti she. Apaiq raq tsangshiq ka, rilung tsitsü raisetiim wa kham mitiinyang. Kiimaq Shiikeawe raq, tsangshiq makphai khüshang, wiita atat she mirkuq.”