Revelation 3:1 - ASII LAKDAP Bible (BSI)

¹ “Sardis na phungtu sitlaq kra liiti rase ma ara waiq laq: “Ara tsütsa arka Shiikeawe winji miishi kiimaq raiqsaiqpo miishi rümti we raq atiiwan. Ngi raq namshiq jaqsham ka asapha. Namshiq ka wenyi na amaa sitlan. Shatmaq, atra sitiikai nguta tiitsaki tlan!

Hawa Naga Bible 2001

¹ “Sardi phungc wawc kamx waz muex vkhoc wuiyq shuiuz: “Vruex kuex Tishox siyac mvshix nuiyc ruiysuiyq poz mvshix httax yaq waz kox wawc bomjungc rvtueq. Mnoz rueq shuimx vshuiux yauk shuimc kuex ngaz rueq tuiuz yaq; mnoz kuex thuiuzthuic tvraungx httax vtaungx ngoz tueq kvsomc parc ruiux muinz vmaungx dvyx httax vtuiux!

Muklom

¹ “Sardis mondoli rangkamwa ma wit u: “Iri raaq raa bari jakna Shkewa sanat tsija nia sanat taset, piq ching kowang. Nga ba jaksom sha usam eq ang. Nang atharang ta thamiing u etharin nang amáng.

Revelation 3:1 Referencias Cruzadas

Luke 15:24

Ara jamkhano chongtiikang ngukla, ara i se arka, atsai arki wa, ümchaü ka atra she; apaiq ka amo arki wa, ümchaü ka hum kai she,’ nguta awe raq ajaqshisetiim ka thaüto. Krai mren, poi ka klo raüta peokhiq chochi wanto.

Luke 15:32

Shatmaq, ümchaü akhing akha ahea ranaiq arka, nashiq raq khoqriiq shishiiq maq, poi ka klo chang. Ara jamkhano chongtiikang ngukla, ümno ka ama arki wa, ümchaü ka atra she. Apaiq ka amo arki wa, ümchaü ka hum kai she.’ ”

John 1:16

Apaiq kaphap mangchan tsii ka jürai ikha tümlüm tümli sitlo. Krai mren, apaiq raq nashiq ma, achu shiiman ramram jaqshamke ka tangwa jüchhang khamkai ikha, raükuqtlo.

John 1:33

Ngi riika apaiq ka arwe arshe sham nguta sap mang shaqli riikang. Shatmaq tiina, Shiikeawe raq ngi ma, maiqse ma kham lamkuq kikiq nguta tiikitaq akhing na, ‘Ümniiraq Asii Wenyi ka ra wa satki raüta, maiqwe ashi khu thaq na angakai michhi haü. Kriiwe raq, maiqse ma Asii Wenyi maq kham milam kuq,’ nguta chongkuqto. Riita, krai mren, Asii Wenyi ka kiraüta maiqse ashi khu thaq na ngakito kra chhikang.

John 20:22

Kra ngu raütiishe, apaiq raq tsangshiq khuthaq na anü maq ameike wan lam maq akha nguto, “Ara Asii Wenyi ara namtsan mong na tiisi ronglaq.

John 3:34

Shiikeawe raq juwa tiikitaq kra riika, Shiikeawe bom li chongkuqtlo. Ara jamkhano chongtiikai ngukla, apaiq ma Asii Wenyi ka asho awo maq apheake kun she.

Acts 2:33

Awe Shiikeawe raq, Jesuq ka apaiq ma jaqtsi nü niishe tiinga wanto. Kiimaq Awe raq kongkhuji na, apaiq miika Asii Wenyi mikuq nguta kiq khamtaq kriishe kuq wanto. Riita, ümchaü namshiq raq arjaq jamlai wa chhi tlan arka, Jesuq apaiq raq, Asii Wenyi ka naishiq khum na phong tsoktsok akuq kriishe chhi tlan.

Ephesians 2:1

Man na ji na, namshiq ka wenyi na amaa siwan lan. Namshiq raq Shiikeawe kiq khü lanta, ngarai mong na silan kha maq, namshiq ka wenyi na amaa silan.

Ephesians 2:5

Arkha maq tiina, nashiq ka man na, Shiikeawe kiqkhii laita, wenyi na amaa sitiikai liipan niili, apaiq raq nashiq ka Khristo rai atra tiija kuq wantaq ara. Namshiq ka Shiikeawe kaphap mangchan lümaq tiina tiichhii kuqtaq.

Colossians 2:13

Namshiq ka akhing ashi na, namshiq ngarai na amaa silan. Kiimaq namshiq ka Pongnok phan maiqse kha maq, Thungtri wura maq tiiham mak dea riito. Shatmaq, ümchaü sanha, Shiikeawe raq namshiq ma Khristo rai tsitsü rilung she kuqto. Shiikeawe raq nashiq ngarai ka wiita diibaiqto she.

1 Timothy 5:6

Shatmaq, juwa ango nang ka manti-nyung ngu raü, ngarai rilung peo lam phan niili sitlaq, kiikhiiti ka atra li siraü min, amaa ikhli.

James 2:26

Riita, ara chongtiikai arai mren, Phungmaiqse ashi raq, kamtsantsii ka rümtiikang ngu raü, apaiq raq ajaq sham maq tiichhikuq mak jiika, apaiq raq rüm tlaq kamasham kriika achhii, awong ka ahü. Kriika maiq maa ashi bumrai tlaq ikhli miraq.

1 Peter 1:11

Tsangshiq riika ara kupi wan akhing ranaiq ka ümtincho wa miraq, kiimaq arka jamkhiiwa miku pi wan, kriithun ka wiita sap lot haijaq nguta shiichaq sidi wanto. Khristo Wenyi tsangshiq shammibi khum na tiipum raüta phanchan kuq wantaq ka, ara chongtiikai ümchaü kupi wantaq akhing ranaiq arshe riito. Kra tiithai kuqtaq bomtsi ka, Khristo ka pinthum chamchao riihum wan chang miraq nguta chongto. Kra chamchao walü lea wan lot raütiitiq, apaiq achai anyii khushü ka jonghea mijong wan nguta chongthüto.

Jude 1:12

Tsangshiq arka namshiq Phungmaiqse rintii riitam nga tlan na, shakaq sükhatam kong. Maiqmii wok triim phaq miituli sitlo. Tsangshiq arka phumlü da, rahai raq rawang win na pan rai tlaq ikhli sitlo. Tsangshiq arka rajun kham ahü, phumlüda tam ikhli. Tsangshiq ka atsi ahü pechong ikhli. Atsicho niimin tsihü li siwan tlaq ikha. Tsangshiq arka, pechong arang chong maq babaiq jeshe ikha, atsai kaikun she.

Revelation 1:11

Kra maiq bom raq chongto, “Ümniiraq jamlai wa chhi tlaü kra waiq thü laq. Laüta, kra lakdap ka ara chela miishi na, phungtuti sitlaq kiima tiiho wan laq. Ara chela miishi thun ka ara: Ephisia, Smarna, Pargamum, Thiatira, Sardis, Philadalphia kiimaq Laodesia.”

Revelation 1:16

Ajaq jaqtsi nü niika, raiqsaiqpo miishi shamtlo chhikang. Kiimaq anübok miika, nepja siimhap ri na aniq asi, sihea dong tlo chhikang. Atheaphi ka rashe ranaiq shethung bala kiirai tlaq ikha, henghea lirai tlo chhikang.

Revelation 1:20

Apaü raüta athü liichum ka ahata. Ümniiraq i jaq jaqtsi nü na raiqsaiqpo miishi, kiimaq lem tochang chaq kham miishi chhi tlaü liichum ka ara: Raiqsaiq pomiishi chhi tlaü kriika phungtu miishi kheti rasetiim sitlaq kra. Kiimaq piijongteng kham miishi chhi tlaü kriika phungtu miishi sitlaq kra.

Revelation 1:4

Johan raq Asia wang na siti phungtu miishiti ma: Shiikeawe raq namshiq ka phumram kham maq batshat, kiimaq khoqramkii maq keishat maq mirümkom laq. Shiikeawe ka man niimin asi, ümchaü min asi, kiimaq apaiq ka jai maq saüho tlaq we. Kiimaq Shiikeawe shiiliti winji miishi, Shiikeawe ngacho khaki na nga tlaqti raq,

Revelation 2:13

Ngi raq namshiq sitlan chela ka Thawe hokham sichang ba nguta asapha. Namshiq ka ngi rai tingting maq sitlan. I jaqshise maiqshaq pinthum, Antipas ka ngi ma kamtlaq kha na tsat baiqto. Apaiq ka Thawe hokham sichang ba maq tsatto. Apaiq tsaitaq akhing niimin, namshiq kamtsantsii thaq man maq silan.

Revelation 2:19

Namshiq raq jamlai wa sham tlan kriika ngi raq asapha. Namshiq raq ngi lungwii tlan, tsapkap tlan, kiimaq ngi shiili tlan, kiimaq phanrap nin tlan thun ka, ngi raq asapha. Namshiq raq man na Phung na shangpha wan ji na nam ma, ümchaü ka apa jaqsham tlan kiimin asapha.

Revelation 2:2

Namshiq Ephisia na siti Phungmaiqse raq jamlai wa sham lan, kriika ngi raq asapha. Namshiq ka pinthum jaqsham shiikut chaq wan tlan. Kiimaq namshiq tiichamchao wan taq kiimin tsan tiibum lanta nin wan lan. Ngi raq asapha, namshiq raq maiq abi lamphanti, namshiq phana awa ka ninlot man riilan. Kiimaq jurwa kiimwebi jatiikai nguta, namshiq makki na tiichan ne wi taq, kra namshiq raq chechiip lan. Lanta, tsangshiq ka awong riimak, achhü nguta sap lan.

Revelation 2:9

Ngi raq namshiq chamchao ka asapha. Namshiq ka thümse ngutiimin asapha. Shatmaq, namshiq ka chiithe jong! Maiq wiijamti, tsangshiq ka Jehudinok nguta tiingo tlo. Shatmaq, arot. Tsangshiq raq namshiq chongsiq tlo kiimin asapha. Tsangshiq ka Thawe shomnoqti kong!

Revelation 3:15

Namshiq raq jamlai wa sham lan kriika ngi raq asapha. Namshiq ka wenyi na atra min riiman, amaa min riiman. Kili jiipli tsaijang jam sirai tlan! Tiikotea, ashi ngusaq amaa jiila maa tlii kiimaq atra jiila atra kamto sihan jiika ahea riichang!

Revelation 3:2

Arkha maq, namshiq ma tsii chongkuq tiipha ara tai rong laq. Lanta, namshiq ka wenyi na akon wa, sam wan tlo ronglaq. Namshiq mongjii na wenyi wa ka ham wanto she. Kra mimatki shaq na, tiinyai chaq tlo rong laq. Namshiq raq Phungmaiqse jaqsham lan ka i Shiikeawe makki na riikhaqli thuktsom mak.

Revelation 3:8

Namshiq raq jaqsham tlan kriika ngi raq asapha. Namshiq ningkun ka akhiise kriimin asapha. Ningkun akhiiseli jiimin, namshiq raq i bomchong ka tsapkapkap maq lang tlan. Kiimaq ngi rai tiinap shatmaq sitlan. Krai mren, ngi raq namshiq ma kilü ashi dije thü tiikang. Kriika jurmin shaq lot mak she.

Revelation 4:5

Kra hokham ngacho maq rachhai ralüp wa trang, ramok wa trang la chhai liip tlo. Hokham ngacho khaki na, wanii tu ka tu miishi tiiniishat maq chaqto. Kriika Shiikeawe wenyi miishi sitlaq kra.

Revelation 5:6

Kiijiishe ngi raq, Skuse ka hokham ngacho khaki na chap raü chhikang. Kiimaq apaiq tro niika atra ngamkaü blai, kiimaq nyungwere ka asi riito. Skuse ka atsea arbaiq wa ikha riito. Arong ka miishi. Kiimaq, amakpo min miishi. Kriika Shiikeawe winji miishi ara mangjong hiq hamli, Shiikeawe raq atiiki kra riito.