Revelation 15:4 - ASII LAKDAP Bible (BSI)

⁴ O Tati we lei, ümniima haimakti juwa? Ümmang jong ka tiitsam makti juwa? Ümniili kata asii. Mangjong maiqse angu raq, ümniili she mishom noq. Ating arai ümjaq sham, tsangshiq raq chhi wanto.”

Hawa Naga Bible 2001

⁴ Taungjix lex, mnoz muex hiyaz tvtsanc nganc muq maq ukhaq lac httax lot yaq nguinx? Mnoz yungx luz yaq lvmx kuex kvjungc muq jix ukhaq lac httax yaq nguinx? Mnoz washiz dvyx vsawc rvtoq. Miq phvnx ruip rawx kaz vtueq mnoz muex nawk palx kv-phux, yvmx khoc lac ngoz ruiux lec mnoz rueq shuimx vshuiux yauk shuimc kuex tvrac vlvmz rvtueq lvmx lotlaz rueq khiz yaq,” ngoz tueq jungx tueq.

Muklom

⁴ Teyhungwa, utang nangma cho moq angna? Etho ba miing phun amun moq angna? Chammatakoi nang hun asang, thaji phan ajat tang raa ba relna thupha na etho shumnuk na, chammatakoi ba khaphung jaksom sha takhi shey angta.

Revelation 15:4 Referencias Cruzadas

Tvtsvmc 105:7

Tati ka nashiq Shiikeawe; apaiq aming raütu mangjong lotli miitu.

Tvtsvmc 111:9

Apaiq raq asenginok ka dokda raüta wase ma tiijato raüta tsangshiq rai pattup pat-sa tongshongto. Apaiq ka asii kiimaq ajong pinthum!

Tvtsvmc 22:23

“Apaiq tiitsam ronglaq, namshiq Tatiwe jaqshisekong raq! Apaiq ka shreng ronglaq, namshiq Jakob saüse phan raq! Apaiq ka shomnoq ronglaq, namshiq Israilnok raq!

Tvtsvmc 22:27

Mangjong maiqse kunli raq Tatiwe ka tsan na mitiitsang. Mangjong hiqraikhü na siti barapseti apaiq wokhong na minyap wan; Maiqphan tlotli raq apaiq mishomnoq wan.

Tvtsvmc 22:3

Shatmaq ümniika Asiiwe nguta hokham ngacho na nga tlaü, Israilnok raq ümniika tiitsamtlo.

Tvtsvmc 86:9

Maiqmung thun ümniiraq tiiqlaü thun wiita ümjichong na miwa raüta hiq na bumraüta minoq; tsangshiq raq ümnaq jonglu kra mitiitsam.

Tvtsvmc 89:7

Ramungtan na rung thungtlaq kiijaq winjikong thun ka ümniima haitlo; tsangshiq tarü ümman na haikhiq chaptlo.

Tvtsvmc 97:8

Jajon hiqti ka chochikhiq sitlo, kiimaq Juda mung na siti chela thun khoqriiqtlo, ümniiraq kha thun photlaü kra chhi raüta, O Tatiwe lei.

Tvtsvmc 99:5

Tiitsam ronglaq nashiq Tati Shiikeawe; apaiq hokham ngacho khaki maq shomnoq rong i! Apaiq ka asii!

Tvtsvmc 99:9

Tiitsam ronglaq Tatiwe nashiq Shiikeawe, lanta apaiq asii hiqlam kiijaq shomnoq ronglaq! Tatiwe nashiq Shiikeawe ka asii.

ISAIA 24:15

Kiimaq shedong mung na siti raq apaiq ka mitiitsam. Khamjong chumkii wang na siti raq Tatiwe raq, Israilnok Shiikeawe ka mitiitsam.

ISAIA 25:3

Ningkun jonghea rümti maiq mung thun raq ümmaq mitiitsam; maiq mung thun bihea phan chela thun na sitinok riimin, ümniimiika phiiptsi rakrak mihaisong.

ISAIA 26:9

Rawa thung niimin itsan imong wiita kuq lata, ümniikli lungwii tiikang, ümtiikiiwa ümniiraq mangjong hiq kha miphohaü, kiijiiqtiq tsangshiq wiita raq tingting khapho ka jamlai wa kra misap.

ISAIA 45:23

Ikiq kham ka tengteng, kriika klai mak phan. Ngi raq iramkok sham lata sinkham tiikang; Maiqse loweatek ngi phana miwa raüta ikhaki na kaütsrong na mibum, raüta iwokhong na misiha nguta sin mikham.

ISAIA 57:15

“Ngi ka ratsan ramong nyang na siti kiimaq asii Shiikeawe, pattup pat-sa thummak miqmak phan. Ngi ka ratsan ramong na kiimaq asii ba na siti. Shatmaq Ngi ka ka maiqse juwa aranse ma jatlaq kiimaq maiqmii ngarai tiidiitlaq kriiti rai sitiikang. Krai mren Ngi raq tsangshiq ma kamtsantsii nai rantsantsii ka thüda kuqtiikang.

ISAIA 6:3

Tsangshiq ka tsangshiq liipan na akha riibomtlo: “Asii, asii, asii! Ajong Pinthum Tati ka asii! Apaiq khushü ngao raq mangjong hiq ka nyamtlo.”

ISAIA 60:5

Ümniiraq ara michhihaü laüta chojongchise mirhaü; Ümniika chochisitsi ma adoqhaha midoqsiq haü. Maiqmung pahea wa tsiiqtum thun ka ümnii miishe mihokuq wan. Khamjong chum reko wa tsangshiq tsiiq tum ka ümjaq niishe misaü wan.

JEREMIA 10:7

Ümniika maiq mung thun tlotli thaq na hokham, ümnaq shreng makti ka juwa maiq asi shea? Ümnaq shreng ka thektlo dongdii. Ümniikhan ahin ka jumin ahü, maiq mung thun na sitlaq taksma maiqse phong na. Kiimaq tsangshiq hokhambi phong niimin ahü.

JEREMIA 16:19

Tatiwe ümniikli ngi khup wongtiwe kiimaq ngi ma ningkun shoqketiwe. Ümniiraq ngi ka litkot chamchao ranaiq na khrum kuq tlaü. Maiqmung pahea wa maiq ka ümphana wa raüta, akha mingu, “Naititiim pat na jam min ahü shaqmii siwanto. Tsangshiq raq arot phra phongkli shomnoq wanto. Jamlai liip min ahü, shatmaq thiihü sumla phra phong kli shiili liiwanto.

JEREMIA 5:22

Ngi ka Tatiwe; Namshiq ngi ma hai man ka jaro? Namshiq raq ngi ma namhai tiisiman jaro ngikilan? Ngi raq khamjong chumkii na kumtsai ka phong lata khamjong chum hiq rai thükang. Kriika pattup pat-sa miitu. Kham raq liim wan lot mak she. Khamjong chum ka rathaiq wan raüla miblunrai sham. Shatmaq ara takii rai ka lüm wan lot mak she. Khamjong chum ka miblun siq wan sham. Shatmaq takii raikang kra lüm wan lot mak.

Hosea 3:5

Shatmaq akhing ashi misaü wan, Israilnok ka tsangshiq Tati Shiikeawe wokhong na hali mijang wan nong. Raüta tsangti Dawit saüse phan wa tsangshiq hokham ma shong wantlaq kriiwe puk niishe hali mishang wan nong. Kra akhing niishetiq tsangshiq ka Tatiwe ma haisong tsantsii kra mithü wan nong. Krai mren, tsangshiq raq Tatiwe achu shiiman ahea kongphiq thun kriishe milap wan nong.

HABAKUK 1:12

O Tati i Shiikeawe lei, ümniika pattup pat-sa miiphü, Shiikeawe dongdii, ümniika i Shiikeawe, asii kiimaq pattup pat-sa, ümniiraq Bebilon mungti ka, naishiq kha phoke miitu she, shong wan laü. Naishiq ma sintsang tiiho wan miitu, tsangshiq ma munglang wan ningkun, kuq laü.

JEKERIA 14:16

Raütiishe, pongmungti Jerusalem khatkai akiwa abung atiichongti raq, Jerusalem na rawiitek kiraü raüta, Tati Ningkun Ajong Pinthumwe kiidea hokham nguta mishomnoqki. Kiimaq rawiitek Joli Tiip Na Jap Poi kra lomkai dam miki.

JEKERIA 2:11

Kra akhing na maiq phan pahea Tatiwe puk na minyap wan. Raüta asengi miishe mija wan. Apaiq ka namshiq rai adam misi wan. Kiimaq ngi ka namshiq phana apaiq riidea tiikito nguta misap wan han.

MALAKI 1:11

Mangjong maiqse shedong maq riita shenyap mung na saüli raq, ngi shrengtlo. Tsangshiq raq barapse maq ngi ma homseng honglu athuk atsom kuqtlo. Tsangshiq tarü raq ngi shrengtlo!

Romans 15:9

Kiimaq kra thaq niimin, apaiq raq Pongnok phan maiqse kra khup wong kuq wan tlaq kra miitu, tsangshiq raq apaiq ka mitiitsam kam laq nguta kito. Arka Asii bomtsi na waiq thütaq ara tiiku wan miitu she hongtha wanto. Asii bomtsi na akha chongtlo, “Riita ara chongtiikai arai mren, ngi raq ümniika, Pongnok phan maiqse phong na mitiitsam kam wankang. Ngi raq ümniima shomshi mishi wan kang.”

1 Peter 1:16

Asii bomtsi na Shiikeawe raq, “Ngi jamkho asii sitiikang, akhiisii namshiq min asii siraa tlo,” nguta chongtlo.

Revelation 11:15

Kiijiishe, rase miishi ngoja raq alerong ka tsüto. Krai mren, ngi raq ramungtan na maiq bom hong raüta abom kra taikang. Tsangshiq raq akha arü ariiq rütrangto: “Mangjong hiq peng arang ningkun ka nashiq Tatiwe nai apaiq Khristo rii she. Apaiq raq pattup pat-sa she mung ka milang wan.”

Revelation 14:7

Apaiq raq tiihong raüta riimto, “Shiikeawe ka shreng ronglaq, kiimaq apaiq jonglu ka shomra ronglaq! Jamkhano ngukla, apaiq raq mangjong maiqse angu kunli kha phoke akhing she saü wato. Apaiq ka ramungtan, mangjong hiq, sammoktra jü, kiimaq jüse rai thun sitla kra phansangti we!”

Revelation 16:5

Kiijaq ngi raq kham thaq na arang howanti we rase raq akha Shiikeawe ma chongto taikang, “Ümniika Asii; Ümniika man na min asi, ümchaü min asi! Mangjong hiq na ümniiraq arthun chamchao tiisaü tlaü arka tri na riikhaqli thek tlo!

Revelation 16:7

Kiijiishe, ngi raq kra berongwacha wa maiq bom ashi akha chongto taikang, “Ajong Shiikeawe lei! ümniiraq kha pho tlaü ka tengteng. Kiimaq riikhaqli, athuk atsom maq pho kuq tlaü!”

Revelation 19:2

Apaiq raq khapho tlaq ka tingting, kiimaq riikhaqli pho tlo! Apaiq raq mangjong maiqse sethoq ja ngarai maq tiisheshi wanti, mephe nyung kha ka photo she. Shiikeawe raq asengi thun tsea baiq wan kha na, mephe nyung ka tiidea baiqto she.”

Revelation 19:8

Junrii nyung miika siirairai hea namrai khea miirii akekun she!” (Ara namrai khea miirii arka Shiikeawe sengi raq, asii jaqsham wantaq thun kra riito.)

Revelation 3:7

“Philadalphia na phungtu sitlaq kra liiti rase ma ara waiq laq: “Ara tsütsa arka Asii kiimaq tingting sitiwe raq atiiwan. Apaiq jaq na Dawit sapitu ka asi. Krai mren ümtiikiiwa apaiq raq kilü ashi ka ditlaq, kriika jurmin shaqlot mak she, kiimaq ümtiikiiwa apaiq raq kra ashaq riitlaq, kriika jurmin dilot mak she.

Revelation 4:8

Kra chongtiikai ngamkaü blai wiita dü niika kaüshi khum niili arakong ka trokrok. Kiimaq kra arakong thun ka, akii niimin, among niimin, amakpo siisaq tiidiimshat. Ranaiq rawa tsaq mak phan maq, tsangshiq raq akha Shiikeawe ka shomnoq shitlo: “Asii, asii, asii Tati Ajong Shiikeawe ka asii. Apaiq ka man na min asi, ümchaü min asi kiimaq jai na saühoti we.”

Revelation 6:10

Tsangshiq raq tiihong raüta siitrangto, “Ajong Pinthum Tatiwe lei, ümniika asii kiimaq tingting! Naishiq tseati matwe thun ka ümniiraq ümtinchotiq wa kha mipho kuq haü. Laüta tsangshiq kha bu ho tlaq kra miitu, tsangshiq ka mitiichamchao haü?”

1 SAMUEL 2:2

“Tatiwe khan asii jumin ahü; apaiq khan jumin ahü, nashiq Shiikeawe khan chhiiti jumin ahü.