Biblia Todo Logo
La Biblia Online
- Anuncios -




Revelation 15:4 - Hawa Naga Bible 2001

4 Taungjix lex, mnoz muex hiyaz tvtsanc nganc muq maq ukhaq lac httax lot yaq nguinx? Mnoz yungx luz yaq lvmx kuex kvjungc muq jix ukhaq lac httax yaq nguinx? Mnoz washiz dvyx vsawc rvtoq. Miq phvnx ruip rawx kaz vtueq mnoz muex nawk palx kv-phux, yvmx khoc lac ngoz ruiux lec mnoz rueq shuimx vshuiux yauk shuimc kuex tvrac vlvmz rvtueq lvmx lotlaz rueq khiz yaq,” ngoz tueq jungx tueq.

Ver Capítulo Copiar

ASII LAKDAP Bible (BSI)

4 O Tati we lei, ümniima haimakti juwa? Ümmang jong ka tiitsam makti juwa? Ümniili kata asii. Mangjong maiqse angu raq, ümniili she mishom noq. Ating arai ümjaq sham, tsangshiq raq chhi wanto.”

Ver Capítulo Copiar

Muklom

4 Teyhungwa, utang nangma cho moq angna? Etho ba miing phun amun moq angna? Chammatakoi nang hun asang, thaji phan ajat tang raa ba relna thupha na etho shumnuk na, chammatakoi ba khaphung jaksom sha takhi shey angta.

Ver Capítulo Copiar




Revelation 15:4
44 Referencias Cruzadas  

Yehowa kuex naungshiq Tishox rvtueq; vpiq rueq nvrc bomc kuex mungkawx lotlaz tvkoc rvtueq.


Vpiq miqsaz htenc kuex vpiq rueq tvdung wvnc ruiux, pattup pat-sac nuex seng yaq bomkhvrc kuex tsuingshiq rulc vpiq rueq tvhungx tueq. Vpiq kuex vsawc nuiyc hungc vlaungc httax yaq waz rvtueq!


“Yehowa nvrc waz hez lex, vpiq muex tvtsvmc wuez shuinz! Yaku suiuz vsaz hez lex, vpiq muex tvtsanc nganc wuez shuinz! Israel miqsaz htenc lex, vpiq muex nawk palx wuez shuinz!


Miq phvnx lotlaz rueq Yehowa kuex rvwvl wuez shuex. Mungkawx baung ruip saz wawc miq htenc kuex vpiq kox nuex kvroz wvnc yek tuex, lotlaz rueq vpiq muex nawk palx wvnc wuez shuex.


Yuq muinz mnoz kuex hoc daung-raungc htauk nuex ngaungc jix Vsawc Waz rvtoq, Israel miqsaz rueq tvtsvmc kuy rvhumc jix waz rvtoq.


Mnoz rueq tvdung sung taq toq miqphvnx htenc kuex kaz vtueq, mkhaungkac nuex bumx ruiux nawk palx wuez shuex; tsuingshiq rueq mnoz yungx luz vtuiux lvmx kuex tvtsvmc wuez shuex.


Mnoz kuex vsawc jix htenc phungc nuex tvtsanc nganc kuy rvhumc vtuiux; tsuingshiq lotlaz rueq mnoz muex kawc yawc vtueq tawz jvp wuez yaq.


O Yehowa lex, mnoz rueq phoc kuy ningkhvnc nuex Zion miqsaz htenc shuenruenz wuez yaq, Yuda mungx wawc ghaqyungx muinz kokez wuez yaq.


Yehowa naungshiq Tishox muex tvtsvmc wuez shuinz; vpiq hoc daungraungc khaungkac nuex bumx vtueq nawk wuez shuinz! Vpiq kuex Vsawc rvtueq!


Yehowa naungshiq Tishox muex tvtsvmc wuez shuinz, vpiq vsawc ghaqluimx nuex nawk palx wuez shuinz! Yehowa naungshiq Tishox kuex vsawc rvtueq.


shaldungc kox nuex httax jix rueq vpiq muex tvtsvmc wuez shuex. Svmuktvrax hep nuex httax jix miq htenc rueq muinz Yehowa Israel Tishox muex tvtsvmc wuez shuex.


Luimc vkawc yunghvlc miqphvnx htenc rueq mnoz muex tvtsvmc wuez shuex; guirguenc hvlc miqphvnx httax yaq ghaqyungx htenc kuex mnoz muex hiyaz wuez tuex.


Raungwvrx nuex ngaz kuex mnoz muex ngvy thuinz vmungx lotlaz maq rvwvl vphaungx; ghaq nuiyc kvyuq httax yaq miqsaz htenc kuex mnoz rueq phox shuiux nuex, tsuingshiq lotlaz rueq tvrac vlvmz kuex yvmx lac rvtvnx tvluing wvnc wuez shuex.


Ngvy bomkhvmc kuex vlvmz rvtueq, kvruex kuex kvlayc kaz tuex rvmuq. Ngaz rvtauk ningkhvnc nuex phvnx ruip saz kuex bomkhvmc maq kvtuemc taq vshaungx: Miq ruip rawx kuex ngvy khaungkac nuex kaz vtueq kuix tsvrung maq bumx ruiux, ngaz nuex tvmtuing httaz tvkoc kvtuemc wuez tuex.


“Ngaz kuex pattup pat-sac httax vtueq, johvlc vsawc Tishox rvtauk. Ngaz kuex johvlc vsawc baung nuex httax vtaungx, yuq muinz ngaz kuex thuinz tvyomx jix nuiyc tharc humc jix rulc vdvmz httax vtueq, tsuingshiq thuinz maq kvmx yaq nuiyc tvluimc yaq kuex ngaz rueq tvhungx htaungx kuq shaungx.


Tsuinghez vshiz maq vshiz rueq ngoz yaq kuex: “Vsawc, vsawc, vsawc! Tvphaungc Tvsuip Yehowa kuex vsawc! Vpiq ngauz vngax kuex mungkawx nuex mvrc yaq.”


Mnoz rueq vruex khiz vtueq vshuenc vruenc maq mvrc tuiux; Mnoz kuex thuinz nuex heq vtueq kvkhuirc wuez tuinx. Miq phvnx htenc tsak vnyvmx kuex mnoz kox nuex wvnc wuez shuex; Tsuingshiq tsak vnyvmx htenc kuex svmuktvrax yanz wvnc vtueq waung kvruiux.


Miq phvnx lotlaz hokhvmx waz lex, mnoz muex uraq lac tvtsanc nganc muq dvyx rvshvnx? Mnoz kuex tvtsanc nganc aungx yaq. Miq phvnx htenc nuex taksux httax yaq jix lotlaz tsuingshiq hokhvmx bix htenc wawc muinz mnoz rulc rv-ngvlc jix washiz muinz vguez.


Yehowa lex, mnoz kuex ngvy tvkhup wungx vtueq hungc vlaungc kuy jix rvtoq; kuilc daz rvhumc vkhing nuex mnoz rueq ngaz muex romc kuq phux. Ghaq tvsuip wawc miqphvnx htenc kuex mnoz kox nuex kaz vtueq, “Nuiyshiq jix vwaz tamx kuex phara yac yuimx htenc maq lvy vtueq vganc yvmx muinz vguez, kvruex htenc kuex vjux vguez nuiyc khuec guez dvyx rvtueq.


Ngaz kuex Yehowa rvtauk; nuimshiq kuex yvmx ngoz tueq lac ngaz muex hiz muit? Ngvy max nuex yvmx ngoz tueq lac nuimshiq kvkhuirc muit? Ngaz rueq svmuktvrax tvkoc ghaqruiy vtueq, yuix rueq yanz wvnc muq laung kumtsvy maq ruiy taq tauk. Svmuktvrax yuix daungx duiz yaq, yuq muinz yanz lot muq; yuix daungx kuex tvruingx yaq, yuq muinz ghaqruiy kuex yanz lot muq.


Yuq muinz Israel miqsaz htenc kuex Yehowa tsuingshiq Tishox kox nuex nuiyc tsuingshiq hokhvmx Dawid suiuz vsaz kox nuex yek waungc vkhing httuiuc wvnc tuex. Kvruex yimaq tsuingshiq kuex Yehowa muex hiyaz tvtsanc nganc wvnc vtueq, vpiq kox wawc vhvlx yauk noalc htenc lvp wvnc wuez shuex.


Yehowa lex, mnoz kuex raungphaungc ghaqwaungc maq phuex Tishox rvtoq. Mnoz kuex ngvy Tishox rvtoq, vsawc nuiyc pattup httax vtuiux. Yehowa ngvy Tishox nuiyc ngaz muex tvkhup wungx kuy jix waz lex, mnoz rueq Babelon miqsaz htenc kuex thvl wvnc vtueq tsuingshiq muex hungc vlaungc tvhungc kuq toq, kvkhoc rvtueq tsuingshiq rueq nuiyshiq muex murx tvgurc kuq lot yaq.


Kvruex yimaq Yerusalem khvt gay jix miqphvnx htenc wawc tvraungx kvjungx yaq jix lotlaz kuex, Tvphaungc Tvsuip Yehowa muex nawk palx tvkoc muinz, Bulax Tap Moalx moalx tvkoc muinz wawc tek kvruex ghaq kvyuq woz wuez tuex.


Kvruex kaq miqphvnx paunghvlc Yehowa kox nuex waung vtueq vpiq miqsaz muex yaungx tuex. Vpiq kuex nuimshiq vmungx baung kvyuq httax vtueq, nuimshiq kox nuex ngaz tvkaz phuex kuex nuimshiq rueq tuiuz wvnc shuinx.


Mungkawx tvsuip baungshiz maq vganc baungshiz nuex httuiuc laz httax yaq miq htenc rueq ngaz muex tvtsanc nganc wuez yaq. Tsuingshiq rueq ngaz muex vhomc vtumc phvnx kuex baung ruip saz nuex jauk ruiux vraungc raq juing shomc nawk juing htenc shomc kuq yaq. Tsuingshiq lotlaz rueq ngaz muex tvtsanc nganc wuez yaq!


Pungnuk miqsaz rueq doc muinz Tishox rueq menjenc kuy kejux lvp wvnc tueq ningkhvnc nuex, vpiq muex tvtsvmc kvmc kuy tvkoc rvtueq. Rumvrc luik nuex: “Kvkhoc rvtueq Pungnuk miqsaz phungc mungx maq ngaz rueq mnoz muex tvtsvmc shaungx; Mnoz kuex tvtsvmc shic maq tvtsvmc shaungx,” ngoz tueq wuiyq shec tueq rulc rv-ngvlc rvtueq.


Rumvrc luik nuex, “Ngaz kuex vsawc rvtauk ningkhvnc nuex nuimshiq muinz vsawc yaungx wuez kuinz,” ngoz tueq wuiyq shec tueq.


Kvruex yimaq mvshix ngoc yaungc raungkamx waz rueq piq bolic kuex tuimz tueq, kvkaq raungmungx wawc tvruingc yunghvlc guyc dung wvnc tueq kuex, “Mungkawx guimz juing luimc vkawc kuex naungshiq Taungjix Mesia yauk nuex httuiuc kaz tueq, vpiq rueq pattup pat-sac guimz wvnc shuex,” ngoz tueq jungx yaq.


Kvruex raungkamx waz kvraq, “Tishox muex tvtsanc nganc wuez shuinz, vpiq yungx luz yaq kuex tvtsvmc wuez shuinz! Yvmx khoc lac ngoz ruiux lec vpiq rueq khac phoc vkhing kuex httuiuc wvnc yaq shex. Raungx nuiyc ghaq, svmuktvrax nuiyc yuix kuiuq htenc tvdungc sungc jix waz muex nawk palx wuez shuinz!” ngoz tueq ramc tueq.


Yuix kvruex bvmc jix raungkamx waz rueq, “Majuiuc pat nuex muinz, mvnnuex pat nuex muinz httax ruq httax vtueq, Sawc hvlc Waz lex, mnoz rueq phox vshuiux lvmx htenc kuex tvrac vlvmz rvtueq!


Kvruex yimaq shomrawx wawc thuic tvruingc vshiz kuex, “Tvphaungc Tvsuip Taungjix Tishox lex! Mnoz rueq phox vshuiux lvmx kuex tsuingrux nuiyc tvrac vlvmz rvtueq!” ngoz tueq jungx yaq kuex ngaz rueq tay tauk.


Piq rueq khac phox yaq kuex tsuingrux nuiyc tvrac vlvmz rvtueq! Miqmac sahtok sapawx tsak vnyvmx maq ghaq htauk nuex tvyaq kuy jix mephex nyuiuz muex phox kuq gay tueq. Vpiq nvrc waz hez thvy gay ningkhvnc nuex Tishox rueq murx tvgurc kuq yaq,” ngoz tueq guyc wuez tueq.


Piq rueq svmc juing vluiz vsawc khvynyel maq piq shauk gvnz kvmarc tvkoc vkhangx lvp tueq shex.” (Kvruex khvynyel kuex Tishox miqsaz vhvlx honc vyaungc, shuimc vkay ngoc rvtueq.)


“Philadelphia phungc wawc kamx waz muex vkhoc wuiyq shuiuz: “Vruex kuex vsawc nuiyc tsuingrux waz kox wawc rvtueq. Vpiq rueq Dawid hokhvmx waz kaluix saqpix kuex shuimx yaq, kvruex kaluix kuex vpiq rueq daz gay koq tueq uraq muinz shauk lot muq, vshuiuz rvgay ruiux yuq uraq muinz daz lot muq.


Kvruex ngvmx saz bvlic vtaungx nuex vraungx tvruk phok httax yaq, tsuingshiq shauk gvnz vmungx vtsec lotlaz nuex vmuik poz mvrc yaq. Tsuingshiq kuex raungnuiyq raungwvrx thauk muq maq: “Mvnnuex pat, majuiuc pat, yix maq pat httuiuc wvnc yaq nuex httax ruq httax yaq, Tvphaungc Tvsuip Taungjix Tishox kuex vsawc, vsawc, vsawc rvtueq,” ngoz tueq jungx yaq.


Siyac htenc kvraq, “Tvphaungc Tvsuip Taungjix, vsawc nuiyc tsuingrux waz lex! Nuiyshiq thvt gay phuex mvrax rawc nuex ghaq htauk wawc miqsaz htenc kuex mtanc nuex httuiuc laz lac mnoz rueq phox kuq muq, murx tvgurc muq maq dvyx httax tuiux nguinx?” ngoz tueq yunghvlc maq ramc tueq.


Ukhaq muinz Yehowa ikhoc vsawc jix vguez; vpiq ikhoc ukhaq muinz httax muq, nuiyshiq Tishox rueq ikhoc tvkhup wungx kuy jix ukhaq muinz vguez.


Síguenos en:

Anuncios


Anuncios


¡Síguenos en WhatsApp! Síguenos