Revelation 13:3 - ASII LAKDAP Bible (BSI)

³ Ngamthaiq kaü khupo miishi kiiwa ashi ka tiibitaq tiimije ikha riito. Shatmaq, kra mi ka aheakai wishe riito. Mangjong maiqse tarü raq apaiq ka chhi raüta, kai awang li she riito. Kiimaq ngamthaiq kaü, sammoktra jü mong maq adong wan kaü puk na siisaq she shang wanto.

Hawa Naga Bible 2001

³ Svl vwvl khux htenc wawc vshiz kuex thueyc khvmz vmac lvp tueq ikhoc rvtueq, yuq muinz kvruex vmac kuex vhvlc shex rvwvnc vtuex. Ghaq tvlot laz kuex kvruex svl vwvl kuiux kvmac wangc langc vtueq vyix nuex phvnx wvnc wuez vshuex.

Muklom

³ Ukho thi wang ashey kho tho ajong uma angta, etharin uma tha uqhal angta, etho thaji mingkang miqtang patja eq eshi jatngam ji ji qhing chuwang ta.

Revelation 13:3 Referencias Cruzadas

EJEKIEL 30:24

Kra latiishe Ngi raq Bebilon hokhamwe jaq phum ka ahong ala miishe mitiijaha. Lata inepja ka apaiq jaq niishe mitiishamha. Shatmaq Ngi raq Ejip mung hokhamwe jaq phum ka mitiingoq bukbaiqha. Kiimaq apaiq ka amitsi ma angam angu she miraq. Raüta ajaqtinok makki na mitsai.

Luke 2:1

Kiitincho ji, Roman Hokhamwe Agastas raq apaiq jaqkhong na mung ümchuwa sitlaq, kriiwa maiq ka wea miitu aming kuqto.

John 12:19

Ara mungmaiqse raq Jesuq tao wan kra chhi raütiishe, Phorisinok ka tsangshiq nai tsangshiq liipan na, bom ka akha riichongto, “Liimanta, notsam, nashiq riika tanglot mai dongdii she! Liirong laq, mangjong maiqse tlotli raq, apaiq jai li she phan wanto!”

Acts 8:13

Simon apaiq riimin Jesuq miishe kamwanto. Kiimaq apaiq riimin kham lamto. Khamlam jai maq apaiq ka Philip rai napshnap miishe sito. Kiimaq Philip raq awang chang nai amao chang jaqsham pahea shamtlaq kra chhi raüta, apaiq ka pinthum awang riito.

Revelation 13:12

Ara hiq mong maq adong ngamthaiq kaü raq, sammoktra jü mong maq adong ngamthaiq kaü ningkun ümchuwa sitlaq kra ho raüta sito. Krai mren, ara hiq mong maq adong ngamthaiq kaü raq, mangjong hiq raikhü na siti, maiqse angu kunli ma, sammok tra jü mong maq adong ngamthaiq kaü, ami aheakai wishe kra shomnoq wan raa dongdii ngutiishe, ningkun ningkaq miishe shiikeng raüta tiishomnoq wanto.

Revelation 13:14

Ara hiq mong maq adong anai ngoja ngamthaiq kaü ma, sammoktra jü mong maq adong apha ngamthaiq kaü makki na, awang chang jaqsham wan miitu arang kuqto. Kra awangchang jaqsham pahea sham wantaq kra lümiishe, mangjong maiqse kunli ka, ngarai lam na lao wanto. Kra hiq mong maq adong anai ngoja ngamthaiq kaü raq, sammoktra jü mong maq adong, apha ngamthaiq kaü ka ja maq ase baiq, atsai arki wa, atra she jang wan nongtaq kra ngamthaiq kaü khushü tiijong miitu, sumla phra ka ashi hai raa dongdii ngutiishe aming kuqto.

Revelation 17:10

Kiiwa webiingi ka atsai kai kun she. Weshi ka ümchaü niitaq hokham ja tlo. Kiimaq weshiti riiwe ka ümchaü min misaüho shaqli. Kra saüho tlaq we raq hokham jaqsham ka jaqlose li dongdii sham wan chang miraq.

Revelation 17:11

Kiimaq kra ngamthaiq kaü ka, man na atra riito. Shatmaq ümchaü ka ama she. Kra kaü kli hokham wetiichat ngoja we riito. Apaiq ka hokham wemiishi phong wa ashi. Apaiq ka ümchaü chongthum ma tiija baiq chang she.

Revelation 17:13

Ara hokham weroqshi ara kiimung ka ashi li miraq. Tsangshiq raq tsangshiq ningkun nai tsangshiq raq arang ho tlaq kra, ngamthaiq kaü ma mikiinong kuq baiq. Raüta, tsangshiq ka kra ngamthaiq kaü jaqkhong maq mung misiq.

Revelation 17:17

Kra hokham weroqshi raq, ara misham wan. Jamkhano ngukla, Shiikeawe raq tsangshiq ka, apaiq raq jamlai wa thimi wantaq, kra tiisham wan miitu, tsangshiq tsan mong na athiike kun she. Kiimaq ara ningkhan tiina, tsangshiq tarü raq, hokham arang ho tlaq kriika, ngamthaiq kaü ma kiqshi maq mikiinong kuq wan. Raüta, Shiikeawe kiimung kra miku wan shaq wiiwii, tsangshiq ka ngamthaiq kaü jaqtakiq na misi.

Revelation 17:6

Ngi raq kra nyung ka, asii maiqsetiim tiijai nai Jesuq hakhi ma jawanti tsatbaiq wantaq kra tiijai nyang raüta, chephe maakaiq chhikang. Ngi raq apaiq ka chhi lata pinthum awang raili she riikang.

Revelation 17:8

Kra ngamthaiq kaü ka man na atra riito. Shatmaq, ümchaü ka amaa she. Apaiq ka wulum mung wa saü wan nam nam she. Kra saüwa raüla, ngamkaü ka atsea she mirbaiq. Mangjong hiq na maiqse diim tlaq kiiwa, ümriiti mang wa atra lakdap na, ra nai hiq miphan sang wan shaq niiphü dongdii waiq thü hü, kriiti thun tarü raq, ara ngamthaiq kaü sham na lii raüta, kai awang mirwan. Kriika man na atra riito. Shatmaq, ümchaü ka atra riimak she. Shatmaq, ngamthaiq kaü ka thongshi ri hali atra misam wa nong.