Revelation 13:2 - ASII LAKDAP Bible (BSI)

² Kra, ngamthaiq kaü sham ka chiqwaiq kaü ikha. Ahokpe ka chapbi hokpe ikha. Kiimaq anübok ka hangsi nübok ikha. Prenkaü raq ngamthaiq kaü ma, apaiq raq rüm tlaq ningkun tu, apaiq ngachang hokham ngacho, kiimaq apaiq raq rüm tlaq arang jonghea kiiwa wiijam triisha raüta kuqto.

Hawa Naga Bible 2001

² Ngaz rueq khiz tauk svl vwvl kuiux kuex jaqtuik kuiux rulc rv-ngvlc yaq, vhuk kuex japbawx huk ikhoc vnuix kuex hangsic nuix ikhoc rvtueq, yungrex kuiux rueq piq luimc vkawc nuiyc piq daungraungc kvmuinz, yungc loayc hvlc vrangx vpangx htenc muinz svl vwvl kuiux kvmac lekuq gay tueq.

Muklom

² Nga jatngam khi táng tha, wittim mal angta; ujaa tha shap jaa mal angta, etho unung tha shaq nung mal angta. Puchapak they utarong tha, etho ulungwang tongching tha, etho ajong authority tha, jatngam ma kochak ta.

Revelation 13:2 Referencias Cruzadas

2 HOKHVMX 2:24

Elisha raq jainü na trosaq riito, raüta tsangshiq ka makbi maq tiqtiq liito. Raüta tsangshiq ka Tatiwe mang maq sonto. Kiijiishe rummong wa chapbi kaü nai dongkito. Raüta kra nosere maiqwesere kong roqblai ri wenai ka bunlak buncha kaqbaiqto.

Tvtsvmc 22:21

Ara hangsi kong nübok wa chhiilaq; Ngi ka ara rum minsaüpongwe kong phong na jamkhii min jasiq lot mang she.

TAKSU LAK 17:12

Maiqjiqwe rai, ajiq jaqsham lomdam nam miika, chapbi noshii kaü ase ahiipbaiq, kriirai riihum riiwe ka, phanshi ahealin.

TAKSU LAK 28:15

Mung rümtiwe ka abi raüla, asengi miitsan maiqse ka jamkha ijasiq miraq, Hangsikaü ikha ahok ahii wali miraq, Kiimaq chapbikaü hoktlaq ikha miraq.

ISAIA 5:29

Phenlabi kong ka hangsikong raq ngam kaq raüta, anü na kam raqraq maq ngam maa ka jurmin tsangnü wa nyeaholot mak hiq ba na hit hotlaq ikha gantrangtlo.

JEREMIA 13:23

Maiq ngamnyaq phanwe raq apaiq sham ka miklai lot shea? Kiimaq chiqwaiq kaü riika akhum wa awaiq thun kra mitiimobaiq lot shea? Kra nguraü kla ngohea dea namshiq akhnok abi thaq niimin abi pinthum ngarai klo wantinok riimin, riikhaq tingting jaqsham kra misap wan han wa.

JEREMIA 5:6

Kra ningkhan rum wa hangsi kong raq tsangshiq ka mikaq; kumtsaiphii rumnyangkhi wa shekong raq tsangshiq ka bunlak buncha mikaq phaq. Kiimaq tsangshiq chela thun mong na chiqwaiqkong wa raüta mikhephaq. Tsangshiq ka chela phai niishe dongki raüla, tsangshiq ka bunlak buncha mikaq phaq. Jamkhano ngukla tsangshiq ngarai ma ka ra ma hiq ma. Kiimaq tiithongkiki tsangshiq raq Shiikeawe bom ka tlea wanto.

Hosea 11:10

Tatiwe raq ngutlo, “Hangsi gitlaq ikha tsangjaqtinok raq mikaqphaq. Raüla isenginok iwokhong na miwa. Tsangshiq shenyap mung wa taülaükhiq, ngi phana miwa.

AMO LUIK DVP (AMOS) 3:12

Tatiwe raq ngutlo, “Kra akhing na Israilnok, skurümti raq hangsi nüchho ahokpe anai, riimak la anilok wiinaise kli, skuse akaqho wa hangsi nüchho nyeaki tlaq ikha, chiithe lüwa chamtraq chang na tiipii raüta konti, Samaria chelati Israilnok kiimin, sku hokpe kiikha, asoseli she mitiichhii wan.

AMO LUIK DVP (AMOS) 5:19

Kra ranaiq akhing ka, maiq weshi ka hangsikaü raq jowan raüta aju, chapbi kaü rai riihum rainong tlaq ikha miraq! Kiimaq maiq weshi ka wakmaq awa ajam na saü, ajaq hiqkhu chong na arwiiq, kiiwa paü raq athaü ikha miraq!

HABAKUK 1:8

“Tsangshiq rekhat kumrang kong ka, chiqwaiq kong phiq ikha abi ali. Shenyap wan na asea shekong adong ikha. Tsangshiq rekhat kumrang kong ka, adoq haha maiq jowan. Tsangshiq rekhat kumrang kong ka, ratho ko wa watlo. Tsangshiq ka liihawe raq wuphiim tlaq ikha, phiqhea maq jo raüta do wan tlo.

2 Timothy 4:17

Shatmaq, Tatiwe ka ngi rai nong shiinong. Kiimaq apaiq raq ngi ma ningkun kuqto. Krai mren, ngi raq Tsütsa Ahea ka kunli ma chongkuq kang. Pongnok phan maiqse wiitarü raq taili chang chongkuq kang she. Kiimaq ngi ka phaqsi na thübaiq chang wiimin tiichhii kuq wanto.

1 Peter 5:8

Honkam shat rong laq! Khekham si ronglaq! Namjaqti, Thawe ka, namshiq tro na ashi ra kaqphaq hoha jaq nguta, hangsi kaü ikha, agam agu wa la, khum tlo.

Revelation 12:13

Krai mren, prenkaü raq, apaiq ka mangjong hiq na tiidea baiqto she nguta sap raüta, ase maiqwe se chiiti noshii nyung kriishe tiikot mrot she johoto.

Revelation 12:15

Kra chhi raütiishe prenkaü raq jechak nyung ka kham na tiichebaiq baiq miitu, apaiq nübok maq kham tiidongto. Raüta jechak nyung jai na, ajai phanphan jüchhang jonghea tiiwa raüta tiijoto.

Revelation 12:9

Kra ajong pinthum prenkaü ka, man niiwa paükaü nguta sitaq kriili. Apaiq ka Thawe riimak la Soitan ngutiimin ngutlo. Apaiq raq mangjong maiqse tlot li laolii wanto. Apaiq ka ra wa mangjong hiq na, akongti asengi rasekong rai tiidea baiqto.

Revelation 13:12

Ara hiq mong maq adong ngamthaiq kaü raq, sammoktra jü mong maq adong ngamthaiq kaü ningkun ümchuwa sitlaq kra ho raüta sito. Krai mren, ara hiq mong maq adong ngamthaiq kaü raq, mangjong hiq raikhü na siti, maiqse angu kunli ma, sammok tra jü mong maq adong ngamthaiq kaü, ami aheakai wishe kra shomnoq wan raa dongdii ngutiishe, ningkun ningkaq miishe shiikeng raüta tiishomnoq wanto.

Revelation 13:4

Wiitarü raq prenkaü ka shomnoqto. Jamkhano ngukla, apaiq raq sammoktra jü mong wa adong wan ngamthaiq kaü ma, apaiq arang ho tlaq kra triisha kuqto. Tsangshiq raq jü mong maq adong ngamthaiq kaü kriimin shomnoqto. Tsangshiq nü maq akha abom lam maq shomnoq wanto, “Ara jü mong maq adong ngamthaiq kaü atinkhan ka juwa sitla? Ara ngamthaiq kaü arka juro mirkhat lot?”

Revelation 16:10

Kiijiishe, rase biingi ngojati raq, ajaq wa Shiikeawe tsankhiq winpin kra ngamthaiq kaü ngachang ngacho thaq niishe raü baiqto. Krai mren, ngamthaiq kaü raq lang tlaq maiq mung thun thaq na rashe nyaq wanto. Kiimaq mangjong maiqse ka tsangshiq chamchao tsi ma, tsangrong tsangwi kra tiitsan raq miili she sito.

Revelation 17:12

“Ümniiraq arong roqshi chhi laü ka hokham weroqshi, ümchaü niitaq mung misiq wan shaqti riito. Shatmaq, tsangshiq ka ngamthaiq kaü rai nari shi miitu hokham ma mishong.

Revelation 19:20

Kra ngamthaiq kaü nai apaiq jaqshi arot shammi awang chang jaqshamti we ka kharü maq khato. (Ara arot shammi we raq pahea awang chang jaqsham wanto. Kiimaq ara awang chang jaqsham wantaq kra lümaq apaiq raq maiqse pahea laoto. Apaiq raq lao wan kha maq, tsangshiq khum na kra ngamthaiq kaü sil maq tiikhat waiq wanto. Kiimaq ngamthaiq kaü sumla ka tsangshiq raq shomnoq wanto.) Kra ngamthaiq kaü nai arot shammi we ka sammoktra jüchum jonghea ikha walü jonghea nyiimwin wa nyai rai tlaq ikha lü tlaq wamungtan na tiidea baiqto.

Revelation 2:13

Ngi raq namshiq sitlan chela ka Thawe hokham sichang ba nguta asapha. Namshiq ka ngi rai tingting maq sitlan. I jaqshise maiqshaq pinthum, Antipas ka ngi ma kamtlaq kha na tsat baiqto. Apaiq ka Thawe hokham sichang ba maq tsatto. Apaiq tsaitaq akhing niimin, namshiq kamtsantsii thaq man maq silan.

Revelation 20:2

Rase raq prenkaü ka khahoto chhikang. Apaiq ka richü pat wa paükaü kra. Apaiq mang ka Thawe riimak la Soitan ngutiimin ngutlo. Rase raq apaiq ka jinraü maq tep khato. Raüta rase raq apaiq ka hiqkhobok jonghea acha ahü linlii mong kiina tiidea baiqto. Raüta kilü ka shaq raüta sil maq phan baiqto. Thawe ka kra hiqkhobok jonghea acha ahü linlii mong na rawii hingshi phaqtek na tiikhashat misi. Kiimaq kra liipan na apaiq raq maiqse angu mangjong hiq wiika lao lot mak she miraq. Kra rawii hingshi phaqtek na shaq jai she, apaiq ka jaqlo miitu adii baiq chang midongki nong.