Revelation 11:3 - ASII LAKDAP Bible (BSI)

³ Ngi raq i shammi anai, ngi miitu hakhi kekai mitiikiha. Tsangnai ka maaho maanyi miirii sam raüta miki. Tsangnai raq Shiikeawe tsütsa ka 1,260 ranaiq liipan na mangjong maiqse ma, chiiriim raüta michong kuq.”

Hawa Naga Bible 2001

³ Ngvy hakhix khvmc jix wanueyc kuex ngaz rueq tvkaz shaungx, tsuingnueyc kuex ruiyhec khvy svmx vtueq raungnuiyq 1,260 tup Tishox bomjungc kuex jungphvnx kuq shuex,” ngoz tueq.

Muklom

³ Etho nga i miikkhi kottey ani sha takat náng. Etho ning 1,260 saal nángduk jashit khat sam eq raaqtóng na.”

Revelation 11:3 Referencias Cruzadas

RAPHA HIQWA LAK 37:34

Kiimaq Jakob raq atsanbi tsi ma adü wa khea kra chaiham chaihea chai baiqto. Raüta wunthaü riinaü miirii ka samto. Raüta ase maaho rahiq luhea hoqsiqto.

2 SAMUEL 3:31

Kiijiishe Dawit raq Joab nai akongtibi thun ka tsangshiq dü na asam miirii kra chai lanta, puchü riiqshin khea kra sam lanta Abnar majo maaho manyi hoq ronglaq nguta aming kuqto. Kiimaq kra maalapkai na, Dawit ka maiq maa piho tlaq kra jai na kidamto.

1 HOKHVMX 21:27

Ümtiikiiwa Elija raq apaiq bomchong kra lottaq, Ahab raq adü na asam khea kra chaibaiqto. Raüta adü wa chhutbaiqto. Raüta wunthaü riinaü khea she samto. Apaiq raq dung min phaqsiq mak she riito. Raüta rawa niimin wunthaü riinaü khea kra sam raütli konto. Raüta munjuk mijuk athea phi na tapkhu wali she tsaiji tran raüli she sito.

2 HOKHVMX 19:1

Hokhamwe Hejekia raq tsangshiq raq achong wan tsütsa kra tairaüta, adü na asam khea kra atsanbitsi ma chaiheahea chai baiqto. Raüta wunthaü riinaü khea samto. Raüta Tatiwe Shomjam na wawanto.

1 KAÜWA WERAÜ 21:16

Dawit raq rase ka rawang win na chap raü ajaq na nepjasai kaü sham raü Jerusalem wa maiq jiipbaiq miitu khekham chhito. Kiijiishe Dawit nai welabi thun tsangshiq ka wunthaü riinaü miirii sam raqraq kra hiq na bumrang tsang khakam maq hiq na bumtlii she bumki trangto.

NEHEMIA 9:1

Kra jipi lü na sii hali, raroqnai ri rablai ranaiq na, Israilnok ka adam na thung nongto. Raüta, tsangshiq ngarai miitu shutkai dea nguta tsanbi tiichhi mra tiidii dungsea achu jaüto. Kra akhing na, tsangshiq ka pongmung maiqse phong wa pong na atiitsea wan wishe riito. Raüta, makphai khüshang maq, tsangshiq khakam na botkhulai maq tiinyat raüta, kiimaq wunthaü riinaü thoila sam raüta, ngarai tiidiito. Raüta achap lam maq tsangshiq ngarai ümchu wa tang wantaq, kiimaq tsangtitiim pat na ngarai ümchu wa tang wantaq thun kra wiita tiidiito.

YOBA 16:15

Ngi ka ijümii tsi ma wunthaü riinaü khea samlata hoqsiq tiikang, lata botkhulai na montsok tsok miqkang she dea nguta nga tiikang.

Tvtsvmc 69:11

Ngi raq wunthaü riinaü khea sam lata maaho manyi sikang, kiimaq tsangshiq raq ngi ka naiküto.

ISAIA 22:12

Ajong Thaq Na Ajong Pinthum Tatiwe raq kiitiikaq maaho manyi hoqsii ronglaq kiimaq namkhu ka loktam sibaiq lantea, wunthaü riinaü khea samlanta hoq ronglaq nguta hea wanto.

JEREMIA 1:10

Ümchaü ranaiq ngi raq ümniima maiq mung thun nai maiq mungtan thun sitlaq kra arangchong maq babaiq wan miitu kiimaq arunbaiq wan miitu, tiithenbaiq wan miitu kiimaq hokham ngachang wa tiidea baiq wan miitu, lata ahai wan miitu kiimaq acham ka chhi wan miitu arang kuq tiikang.”

AJONJÜ 2:10

Jerusalem wa nyungwere kaiqshakshak maq, hiq na ngaraqraq, tsangkhu na botkhulai tiinyat raüta, wunthaü riinaü khea riijob sam raqraq. Junriire ka tsangtok hiq na kuraqraq.

EJEKIEL 4:6

Ümtiikiiwa ümniiraq kra milot haü, ümniika jaqtsi nü siim niishe hali bum nonglaq. Laüta Juda mungti ngarai miitu raroqblai mo ka holaq laüta chamchaolaq. Tsangshiq ümchu rawii moho chang wa sitlaq kra miitu, wiishi chamchao ka ranaiq shishi chamchao laq.

DANIEL 12:7

Kiijiishe rase raq ajaq wiinai ka ra nü na doraüta, pattup pat-sa Shiikeawe mang na, ramkhamkok sham raüta, akha kiqkham kuqto. Apaiq raq akha nguto taikang, “Kriika wiitsam ri wiithiq miraq. Shiikeawe sengi tiichamchao wan jai maq, arthun mra arshe mipin wan.”

DANIEL 7:25

Apaiq raq Ajong Thaq Na Ajong Shiikeawe kra mishummii. Kiimaq Shiikeawe sengi wiita, hok maq nishishi mitiichamchao. Apaiq raq tsangshiq Shiikeawe, shomnoq thunglai nai poi tri thun ka, laibaiq wan mitan khan. Kiimaq Shiikeawe sengi ka, apaiq raq wiitsam ri wiithiq mijam sha wan.

DANIEL 8:14

Kiijiishe rase ashiti raq, “Arka ranaiq 1,150 na saüli mitangta wan. Ara akhing bala na ranap nai raji honglu take wan ka tiikuq mak miraq. Kriijai miishetiq Shomjam na honglu ka mitiikuq wan,” nguta treto taikang.

Yoel 1:13

Ramwebi lei, wunthaü riinaü khea sam lanta hoqtrang ronglaq, namshiq berongwacha na jaqshamti ramwebi lei, hoqtrang ronglaq! Warong ra Shomjam mong na Shiikeawe kolibi lei rawa minru! makphai khüshang hoq lanta, mra tiidii wan achujaü ronglaq! Ümchaü sanha, namshiq Shiikeawe jam na, wongrai honglu nai spiq tai honglu ke chang min ahüshe.

Jona 3:5

Krai mren, Ninewi chelati mungmaiqse wiita raq Shiikeawe bomtsi ma kamto. Raüta ajong alabi maq phaho raüta nyungwe nose tarü hutjok amang maq achu jaü rong i nguta tri romto. Krai mren, wunthaü riinaü miirii sam raüta, maiqmii mra tiidii wan maaho manyi maq achu jaüto.

Jona 3:8

Maiqse wiita kiimaq nyamse wiita raq khuriim kheariim samraq maq si ratlo. Tarü raq Shiikeawe jaq wa pinthum tsan tiitsi raüta makphai trok raüta achu jaü ratlo. Raüta tarü raq maiqmii abi ngarai jaqsham kiimaq tiimaq tsantsii abi thun ka wiita baiq ratlo.

WEAWEA 11:26

Welabi roqmiishi phongwa wenai, Eldad nai Medad ka tsangshiq piitiip niili khingkito. Tombutiip na kimak dea. Kiijaq tsangshiq piitiip na wenyi ka tsangnai khum na satkito. Krai mren, tsangnai kiimin shammibi ikhiishe siitranghoto.

Matthew 11:21

“O, Khorajin chelati le! Namshiq ma phiiptsi chang asi jo! Kiimaq Bethsaida chelati le! Namshiq miimin phiiptsi chang asi jo! Ngi raq namshiq makki na ümchuwa awang chang jaqsham wankang thun kriika, Tajar nai Sidon mung na sham wan ha jiika, tsangshiq raq man niiphü thoila thum sam raüta, kiinyiikhiq maq makphai khüshang raüta, tsangshiq khakam na tapkhu maq nyat raüta, tsangshiq ngarai kra tiidii maaho manyi mihoqsiq wa!

Matthew 18:16

Shatmaq apaiq raq shut mang dea nguta khiilataq she hongho raü ka, phungmaiqse phunaino wa ashi lo anai lo sheaho laüta, apaiq phana jangshi ri hali riihumki nongkiq. Arka Asii lakdap na, ‘Ashut aweatek kra hakhi anai raq riimak la atsam raq shutto dea nguta bom ka tiiku wan chang,’ nguta chongtlaq kra phan phan tri ka tiihong chang.

Luke 10:13

“O Khorajin chelati le! Namshiq ma pinthum phiiptsi chang asi! O Bethsaida chelati le, namshiq ma pinthum phiiptsi chang asi! Ngi raq namshiq makki na, awang chang jaqsham ümtinkhan wa shamkuq kang thun kriika, Tajar chela nai Sidon chela na shamkuq wan kang ngu haü jiika, tsangshiq ka manniiphü, ngarai tiidii wan, makphai khüshang mihoq siq wan wa!

Luke 24:48

Riita namshiq ka arthun hongtha wantaq ara chhi tai wanti saqse hakhibi kong sitlan. Kriikha maq ara tsütsa ara michong kuq han.

John 15:27

Kiimaq, namshiq riimin la, ngi hakhi ma jawan lanta, ngi tingkhu wa bom ka maiqse ma michong kuq han. Ara jamkhano chongtiikang ngukla, namshiq ka ngi raq trahoke wan jaqsham phaho kang ranaiq miiphü she, ngi rai kongshi maq jaqsham wan dam lan kata.”

John 3:27

Kiijiishe, Johan raq tsangshiq bom ka treto, “Shiikeawe raq jamlai wa, apaiq rii she nguta, maiqse ma maiqmii kharü na phankuq wantaq, kriili apaiq rii miraq. Kiiwa chan raütiika, juwe riimin lap lot mak.

Acts 1:8

Shatmaq, ümtiikiiwa Asii Wenyi ka namshiq khum niishe saüki tlaq, kra akhing na, namshiq ka Asii Wenyi raq kunli arom mir wan. Krai mren, namshiq raq ningkun jonghea milap han. Kiimaq, kra ningkun lü miishetiq, namshiq ka i hakhi ma mija lot han. Lanta, namshiq raq Jerusalem na, Judia wang tlotli na, kiimaq Samaria wang na, kiimaq ra takiq na mangjong hiq sitlaq kriithun tlotli na, namshiq raq ngi rai jamkho mang riisap wan lan, kra hakhi she michong kuq han.”

Acts 13:31

Kiimaq apaiq ka rahiq luhea na saüli, Gelili maq riita Jerusalem chela na saüli, apaiq rai jaqsham khrum damti pha na sham tiichhikai nong riihum kito. Tsangshiq raq ümchaü akhing na Israilnok mungmaiqse ma apaiq hakhi kuqtlo.

Acts 2:32

Riita, ija, ümchaü ka ara Jesuq arka amaa wa, Shiikeawe raq tiidong wanto she dea nguta, naishiq tarü raq asap hai kha maq, hakhi kuq tiikai.

Acts 3:15

Namshiq raq maiqse ma tsitsü raüchong tiichamketi we kriika, atsea riibaiq lan. Shatmaq, Shiikeawe raq apaiq ka amaa wiishe hali tiidong wan nongto. Kiimaq, apaiq ka amaa wa dong wantaq kra chhi wantibi hakhi ka naishiq sitiikai.

1 Corinthians 12:28

Riita phungtu na Shiikeawe raq maiqse tarü ma maiqmii maiqmii tiisuk nga chang tiihong kuqto. Apha na kiimwebi kra shongto. Kra jai na, shammibi shongto. Kiimaq kra jai niika ashrinketibi shongto. Kra jai niishetiq awang chang jaqsham ketibi shonto. Kra jai na maiq atsi asiti thun tiiheaketibi, kiimaq nanok ma khrumketibi lo, nanok ma lam tiichhiketibi lo, kiimaq maiq raq taimai chang phan bom maq bomti thun kriishe shongto.

2 Corinthians 13:1

Riita, ümchaü lak ariiraq, ngi ka namshiq phana, laktsam she watiikang. Asii bomtsi na, “Hakhi anai riimak la, apa riishe jiqto dea,” nguta hakhi kuq raütiq, ajiq we ka shut laü dea nguta tiishut chang nguta chongtlo.

Ephesians 4:11

Apaiq arkata, “Maiqse angu ma kongphiq pahea pheakuqto” nguta chongtliiwe kra. Apaiq raq, maiqse wiijam ka kiimwebi ma shongto; maiq wiijam ka shammibi ma shongto; kiimaq wiijam ka Tsütsa Ahea chongke wan miitu shongto; wiijam ka shrabi ma shongto; kiimaq wiijam ka ashrinketi ma shongto.

TRI CHONGKE 17:6

Shatmaq tiina, akhnok khü akha tangti ka saqse ka maiq wenai raq kuq raütiq, riimakla kriithaq na apa raq saqse kuq raütiq, apaiq ka tsea baiq chang. Saqse keti ka maiq weshi laq laq se riili kuq raüla, apaiq ka tseabaiq raa mak.

TRI CHONGKE 19:15

“Maiq weshi laqlaqse raq saqse kuq raüta kha nyantliiwe kra shutto dea nguta tiishut baiqlot mak. Maiq weshi ka shutto dea nguta mra na tiidea baiq miika saqse keti ka maiq anai ratlo.

Revelation 1:5

kiimaq Jesuq khristo, tsapkap maq Shiikeawe bomtsi chongketi we raq, apaiq ka tarü thaq na apha shaq shaq amaa wa atiidong wanti we, kiimaq apaiq ka mangjong hiq na honyung hokham ümchuwa sitlaq kriithaq na, hupkhang wanti we raq, namshiq ma ara lungwii bomtsi ara tiisaü tlo. Jurwa nashiq lungwii tlaq, raüta nashiq ka nashiq ngarai kharü mong wa apaiq tiijai maq dokdaa wantaq,

Revelation 11:2

Shatmaq, shomjam kinphai ka naq shinkiq. Jamkhano ngukla, kriika thatsang maiqse ma alike kun she. Tsangshiq raq Asii Chelati ka jipi lüroq blai ri lünai, ji maq nishishi mihaihii baiq.

Revelation 11:6

Tsangnai jaq na ra kilü ka shaq baiq miitu arang asi. Krai mren, tsangnai raq, ra kilü ka shaqbaiq raüla, tsangnai raq Shiikeawe tsütsa chongke liipan na, ra ka jun mak she miraq. Tsangnai jaq na jüserai setiim thun ka, tiijai ma tiija baiq miitu ningkun asi. Kiimahali, tsangnai raq ara mangjong hiq na, phanphan sawa tha mitiiwalot. Tsangnai raq ümchu jang tiidongro wa, kra phanphan tha ka mitiidong lot.

Revelation 12:6

Kiimaq, jechak nyung ka kumtsaiphii bintang jüngi hiq bashi, Shiikeawe raq tiijeje athü, kiijaq tiipaü juhoto. Kiijaq jechak nyung ka 1,260 ranaiq aheawiq shiililii raüta mitiisi wan.

Revelation 13:5

Kra jü mong maq adong ngamthaiq kaü miika, Shiikeawe ni na wamak chang, Shiikeawe shummii bom shiikong miilong tiishomra akhing kuqto. Kiimaq apaiq ma arang ka jipi lüroq blai ri lünai miitu kuqto.

Revelation 19:10

Kiijiishe ngi ka ajichong na bumsaq, apaiq noqla nguta bumkang. Kra riikangta apaiq raq ngi ma chongto, “Ngi ka naq noqkiq! Ngi ka namshiq Phungmaiqse phong wa ümchu riiwa Jesuq wokhong na sitlan, kriiti thun tlotli kongti Jesuq jaqshi sii. Kra ningkhan, Shiikeawe kli shomnoq laq!” Jamkhano ngukla, Jesuq raq achongkuq tengteng bomtsi raq shammibi ma tsütsa chongke wan miitu ningkun kuq tlo.

Revelation 20:4

Kiijiishe, ngi raq hokham ngachang ngacho thun ka chhikang. Kiimaq hali ngi raq Jesuq tsütsa nai Shiikeawe bomtsi ka tsapkapkap maq traho bom chongke wan kha na, atsatbaiq wanti maiq tsaiji thun min chhikang. Tsangshiq raq ngamthaiq kaü lo, ngamthaiq kaü sumla lo kra shomnoq mak dea riito. Kiimaq tsangshiq raq ngamthaiq kaü abi khoqramkii maq tsangshiq khakam na lo, tsangshiq jaq na lo, tiiwaiq wan mak dea riito. Tsangshiq ka amaa wa dong wan nongto. Raüta hokham ngacho na ngatlo. Jamkhano ngukla, Shiikeawe raq tsangshiq ma hokham jawan arang ka kuqto she. Kiimaq krai mren, tsangshiq raq Khristo rai rawii hingshi mung she milang dam.