Revelation 1:5 - ASII LAKDAP Bible (BSI)

⁵ kiimaq Jesuq khristo, tsapkap maq Shiikeawe bomtsi chongketi we raq, apaiq ka tarü thaq na apha shaq shaq amaa wa atiidong wanti we, kiimaq apaiq ka mangjong hiq na honyung hokham ümchuwa sitlaq kriithaq na, hupkhang wanti we raq, namshiq ma ara lungwii bomtsi ara tiisaü tlo. Jurwa nashiq lungwii tlaq, raüta nashiq ka nashiq ngarai kharü mong wa apaiq tiijai maq dokdaa wantaq,

Hawa Naga Bible 2001

⁵ tvmtuing vhttax maq hakhix khvmc yaq waz, vthueyc wvnc jix hez wawc kungkhux yuing kvtenc wvnc jix, mungkawx hokhvmx bix guimz jix waz Yesu Christu kox wawc muinz, kejux nuiyc suinglix kuex nuimshiq rueq lvp wvnc shuinz. Naungshiq muex lungwawx vtueq vpiq pumz maq shomc nawk kuy thueyc khvmc tueq nuiyc naungshiq mvrax htenc dawc kuq ruiux,

Muklom

⁵ etho Jesu Khristo ching kowang nim rangma ráng manchan nia nungmay cham ang aa, bara kamtey miikkhi kottey, etho phang utik wang wey jey tey, etho mingrip mungrang lungwang tang jaktáng o shingtey. Piq aa hiqtang ma tinmat shing aa, etho piq aa utahi tungkang o hiqtang sha ngarey wang thalun taphi.

Revelation 1:5 Referencias Cruzadas

Tvtsvmc 51:2

Ikhum wa abi thun ka hebaiqlaq kiimaq ngi ka ngarai mong wa tiisiirai helaq!

Tvtsvmc 72:11

Hokhambi thun wiitarü raq ajichong na bum raüta minoq wan; Maiqphan tlotli raq apaiq minoq wan.

Tvtsvmc 89:27

Ngi raq apaiq ka ise chhikhuwe ma mitiijaha, hokhambi thun wiita thaq na ajong pinthum.

TAKSU LAK 14:5

Maiqkam seachang saqse riika, riikhaqli saqse mikuq; shatmaq maiqkam seachang riimakti riika, arot saqse mikuq.

ISAIA 55:4

Ngi raq apaiq ka wela ma shongkang, kiimaq mangjong tlotli thaq na phentuwe ma shongkang, kiimaq apaiq lümaq Ngi raq tsangshiq ma iningkun tiichhikuq kang.

DANIEL 2:2

Kriikha niishe apaiq raq asengi maiqjaq liitibi, mintin kloti, maiqwuqtibi, kiimaq along liitibi thun ka waraüta apaiq rawa ma liichum ka michongkuq laq nguta tiiheakito. Krai mren tsangshiq ka saüwa raüta hokhamwe man na chapto.

DANIEL 7:14

Apaiq ma arang, shreng, kiimaq hokham jaqsham ningkun kuqto. Krai mren maiqmung thun, maiqphan thun, kiimaq maiq phan phan bomti thun, wiita raq apaiq kli she minoq wan. Apaiq arang ka pattup pat-sa thummak miraq, kiimaq apaiq mungtan ka, ümtiikiimin thummak miraq.

LEWI 13:58

Kiimaq apaiq raq kra hupsam ka kham maq heraüta, kra jai maq thathaü watlaq ba kiiwa thathaü ka asii she riiki raüla, apaiq raq kra hupsam ka jangshi ri hali kham maq henong chang. Kiimaq kra hupsam ka asii she miraq. Apii raa mak she.

JEKERIA 13:1

Tati Ningkun Ajong Pinthumwe raq ngutlo, “Kra akhing saü wan raüla, hiqtang maq jütangkham miphok. Kra kham raq Dawit saüse phan nai Jerusalem na siti raq ngarai nai ashe sumla noq wantaq kriiwa mitiisii heakuq wan.

Matthew 20:28

Maiq Se saükitaq kriika, maiq raq apaiq ka mishiili lii laq nguta aki riimak. Shatmaq maiqse shiililii kai kito. Kiimaq maiqse pahea khupi kai miitu kito. Akhiisii hali, namshiq min sichang.”

Matthew 28:18

Kiijiishe, Jesuq ka tsangshiq tiinap niishe tiisotto. Raüta tsangshiq ma akhiishe chongkuqto, “Ramungtan nai mangjong hiq ara lang miitu arang ka ngi ma thumli ake kun she.

John 13:1

Arka Tiichhii Wan Poi ka anap she miraq angu wa bom. Jesuq raq apaiq ka ara mangjong hiq ara baiqthü raüta, Awe phana wawan aningthoi ranaiq akhing ka saü wato she nguta asap. Apaiq raq mangjong hiq na siti asengi thun ka pinthum lungwiito. Tsangshiq ka apaiq rii dongdii. Apaiq raq tsangshiq ka atiisup ranaiq na saüli lungwiito.

John 13:34

Riita ümchaü min ngi raq namshiq ma aming anye she kuq tiipha ara: Namshiq ka riimang riichan maq shongnga ronglaq. Ngi raq namshiq ka jamkho lungwii kang, kiikhiisii hali, namshiq liipan niimin, riilung riiwii maq sirong laq.

John 15:9

I We raq ngi ka jamkho lungwii tlaq kiikhiisii hali, ngi riimin, namshiq ka kai lungwii tiikang. Krai mren, namshiq ka i wokhong na aheawiq maq, si ronglaq.

John 18:37

Kiijiishe, “O, ikhiijiika, ümniika hokham we dea kata nya?” nguta Pilat raq Jesuq ma bom ka wai nongto. Kiijiishe, Jesuq raq treto, “Ümniiraq ngi ka hokham we nguta ngutlaü kata. Ngi ka ara mangjong hiq na pokikang arka, ara tengteng bomtsi ara chong kekai miitu kikang. Jurwa tengteng bomtsi kra lang tlaq, kriiti riika, i bomchong arka phaqchii nichii maq taitlo.”

John 3:11

Ngi raq chong tiikang arka tengteng: Naishiq raq jamlai wa saptiikai, kra chong tiikai. Kiimaq naishiq raq maiqmii mak maq jamlai wa chhi tiikai, kra namshiq ma chong kuq tiikai. Shatmaq, namshiq phong wa jurmin naishiq raq chong kuq tiikai tsütsa bomtsi arma kam man.

John 3:16

Ara jamkhano chongtiikang ngukla, Shiikeawe raq mangjong maiqse ka pinthum lungwiitlo. Raüta, Ase Sekhuq laqlaqse kra kuqto. Krai mren, jurwa Ase ma kamtlaq, kriiti ka tsai mak she miraq. Kiimaq pattup pat-sa rilung milap.

John 3:32

Apaiq raq jamlai phan wa sap tlaq, chhi tlaq kra mangjong maiqse ma chongkuqtlo. Shatmaq, apaiq raq jamlai hakhi wa kuq tlaq, kra miika jurmin kam mak.

Acts 20:28

Riita ara chongkuq tiikang arai mren, namshiq raq maiqmii wenyi khum ka tiikhup wong wan shatmaq shongnga rong laq. Kiimaq Asii Wenyi raq namshiq jaqkhong na skuse kong ümchuwa trüm tlaq, kra thun ka samhea wiq maq rümkom ronglaq. Namshiq raq tsapkapkap maq Shiikeawe phungtu kra shiikum pan ronglaq. Phungtu ka Shiikeawe Se tsaitaq kra lümaq Shiikeawe rii she nguta tiija wanto.

Acts 26:23

Tsangshiq riimin: Khristo ngutlaq kriika ka pinthum chamchao wan chang dongdii miraq, nguta chongthüto. Raüta apaiq ka mitsai. Raüta apaiq ka tarü thaq na apha shaqshaq amaa wa dong wanti we miraq. Kiimaq Jehudinok ma nai Pongnok phan maiqse ma tiichhii wan rawii lam phan kra chongke wanti we miraq nguta chongkuq thüto.”

Romans 3:25

Shiikeawe raq apaiq ka honglu na kuqto. Kriika apaiq honglu na tsaitaq, kriikha maq jurwa apaiq ma kam tlaq, kriiti ngarai ka tsangshiq kamtsantsii thü tlaq kra lümaq diike miitu she tsaito. Shiikeawe raq ara tiichhii wan lam tankuq wantaq arka, apaiq raq maiqse ka apaiq rai jamkhiiwa wehea ma tiija wan tlaq, kra tiichhikuq tlo.

Romans 8:37

Shatmaq, arthun chong kai chamchao litkot wa nai kham arthun arka, nashiq raq, nashiq mangchan wanti we lümaq, kunkun atang wan kun she!

1 Corinthians 6:11

Namshiq phong wa maiq wiijamti ka, man na akha siwanti. Shatmaq namshiq ka ngarai mong wa tiisii hekuq wanto she. Namshiq ka Shiikeawe ma apaiq rii she nguta akiinongke wan kun she. Namshiq ka Tati Jesuq Khristo raq nai Asii Wenyi raq Shiikeawe jam niishe tiidiito. Raüta Shiikeawe rai wehea she tiijato.

Galatians 2:20

Riita, ara chongtiikang, i han-ngam arka atsai kaikun she kha maq, ümchaü ngi atra sitiikang arka, i han-ngam maq atra si ka riimak she. Arka, ümchaü sanha, i khum niika, Jesuq Khristo lishe atra sitlo. Krai mren, ümchaü ngi atra sitiikang i rilung arka, ngi raq Shiikeawe Se, ngi ara pinthum mangchan raüta, ngi miitu tsaiti we ma kamtsantsii thü tiikang kra, lü miili she atra sitiikang.

Ephesians 2:4

Shatmaq, nashiq miitu Shiikeawe tiihang wan mangchan tsii ka pinthum asho awo rümtlo. Kiimaq apaiq raq nashiq ma lungwiitsii rüm tlaq, kriika achong lot mai, tsaühea rüm tlo.

Ephesians 5:2

Khristo raq namshiq ka kai lungwii tlo. Raüta arilung ka nashiq miitu, honglu na kuq raüta tsaito. Apaiq tsaitaq ka, Shiikeawe ma honglu ngamrea ashu ikha, ahomwiq Shiikeawe tsan tiiheali riito. Krai mren, ümchaü sanha, namrilung ka lungwii tsii ma lam tiishea lantli she si ronglaq.

TRI CHONGKE 18:2

Israilnok maiq phan ahin raq lap tlaq kiikha tsangshiq raq tachong hupsam hiq ka thü maimak. Tsangshiq ma kiim jonghea pinthum ka Tatiwe raq kiq khamkuqtaq kra phan phan tsangshiq ma Tatiwe ramwebi jaqsham kuq wantaq kra.

TRI CHONGKE 23:5

Shatmaq Tatiwe üm Shiikeawe raq Balaam bom ka tremak riito. Kra rii na Shiikeawe raq Balaam manson ka ram ram ke ma tiija baiqto. Jamkhano ngukla apaiq raq ümniika lungwiitlo.

TRI CHONGKE 7:8

Shatmaq Tatiwe raq namshiq ka lungwii wanto. Kiimaq apaiq raq namtitiim ma kiqkham kuqtaq kra tiiku wan rotlo. Kra ningkhan tiina apaiq raq namshiq ka Ejip mung hokhamwe jaqkhon mong na dikong asi han wa apaiq ningkun jonghea kriimaq namshiq ka dokda wan raüta wasetiim ma tiija wanto.

Colossians 1:18

Apaiq ka apaiq khum phungtu khupo. Apaiq kli apaiq khum phungtu ma tsitsü raü chong. Apaiq ka Shiikeawe Se chhikhu pinthum. Apaiq ka amaa wa tiidong wanto. Apaiq amaa wa tiidong wantaq ka, wiitarü thaq na, apaiq kli Shiikeawe jamkun na chhikhu pinthum sitlo nguta tiichhike miitu tiidong wanto.

1 Timothy 6:13

Phanrap ma tsitsü thiiketi Shiikeawe man na, kiimaq Jesuq Khristo Pontias Pilat rung maq, apaiq kamasham na, mak triijap mak maq, kamtsantsii thüti we man na, ngi raq ümniima ara aming

1 Timothy 6:15

Riita, apaiq saüho akhing ka, akhing aten rahiq jipi riikhaqli ranaiq na, Shiikeawe kiqkap jaqshapti we, kiimaq wiitarü thaq na riikhaqli, ra nai hiq Rümti we, hokham thaq niimin Hokham we, kiimaq tati thaq niimin Tatiwe Shiikeawe raq mitiihong kuq.

Hebrews 10:29

Ikhiijiika, Shiikeawe Se ka ji maq nishishi raüta saisi tlaq, kriiti ma kiiha? Shiikeawe tongshong khamchong ram chang tiijai kok, apaiq maiqmii ngarai khum ka tiisii he chang tiijai ka, apii ashi min ngu mak, shishe tlaq, kriiti ma kiiha? Tiima rong liita, akhnok maiqse miika, Shiikeawe raq ümtinkhan heng mo tiihoke chang she wa miraq!

Hebrews 9:14

Riita ija, akha mrochhi raüta mra ka tiisii kuq tlaq jiika, Khristo raq, akhum ka honglu na kuq raüta, atiijai raübaiqtaq kriika wiitarü thaq na araa pinthum she! Apaiq raq akhum ka pattup pat-sa Shiikeawe Wenyi sitlaq kra lümaq, asii pinthum honglu she kuqto. Apaiq tiijai raq nashiq hon atsii, nashiq mong nai jii ara thiihü, thatsang tri kharü mong wa, apii ashan lang tiikai thungtri kharü mong wa tiisii kuq tlo. Arka nashiq raq, atra Shiikeawe ka tiima tsantsii khangriri maq shomnoq miitu she tiisii kuqto.

1 Peter 1:19

Kra ri chang ka athii tsinhea, Jesuq Khristo ka skuse ashi, akhum na jamlai phan kojo min ahü, siirairai rilung khum ka honglu na takuqtaq kra lümaq ari wan.

1 John 1:7

Shatmaq apaiq ka jamkho rawü na sitlaq, kiikha nashiq min rawüli na sihai jiika, nashiq liipan na riilung riiwii maq misi rong i. Kiimaq Shiikeawe Se Jesuq tiijai maq nashiq khum na phanrap ngarai sitlaq thun kra wiita mitiisii he baiq.

1 John 4:10

Riita lungwiitsii ngutiikai ka arhata: Nashiq raq Shiikeawe lungwii tiikai nguta ngo nang ka riimak, shatmaq apaiq raq nashiq lungwii tlo. Raüta, Ase ka nashiq ngarai kharü diibaiq kai miitu tiikito. Raüta nashiq ngarai kharü ka diibaiqto.

Revelation 11:15

Kiijiishe, rase miishi ngoja raq alerong ka tsüto. Krai mren, ngi raq ramungtan na maiq bom hong raüta abom kra taikang. Tsangshiq raq akha arü ariiq rütrangto: “Mangjong hiq peng arang ningkun ka nashiq Tatiwe nai apaiq Khristo rii she. Apaiq raq pattup pat-sa she mung ka milang wan.”

Revelation 11:3

Ngi raq i shammi anai, ngi miitu hakhi kekai mitiikiha. Tsangnai ka maaho maanyi miirii sam raüta miki. Tsangnai raq Shiikeawe tsütsa ka 1,260 ranaiq liipan na mangjong maiqse ma, chiiriim raüta michong kuq.”

Revelation 17:14

Kra ngamthaiq kaü nai hokham weroqshi raq, Skuse ka mikhat. Shatmaq, Skuse nai asengi raq tsangshiq ka mikhat wan. Raüta mitang. Apaiq ka Tati ajong pinthum. Apaiq ka hokham thaq na Hokham. Tatiwe thun thaq na Tati. Kiimaq tsangshiq ka Shiikeawe raq ashong kiimaq atsea wan kiimaq tsangshiq ka apaiq ma pinthum kamtsantsii thü raüta siwanti.”

Revelation 19:11

Kiijiishe, ngi raq ramungtan ka atiidi raü chhikang. Kiimaq kiijaq kumrang alü kaü ashi chap raü chhikang. Kriithaq na chaoti we mang ka Tsapkapkap nai Riikhaqli nguta ngutlo. Apaiq riika tingting maq kha pho tlo. Raüta re ka khattlo.

Revelation 19:16

Apaiq samtong jong samtlaq thaq na nai apaiq wütong niika ara mang ara tiiwaiq raü riito chhikang: “Hokham thaq na Hokham kiimaq tati thaq Tati.”

Revelation 2:13

Ngi raq namshiq sitlan chela ka Thawe hokham sichang ba nguta asapha. Namshiq ka ngi rai tingting maq sitlan. I jaqshise maiqshaq pinthum, Antipas ka ngi ma kamtlaq kha na tsat baiqto. Apaiq ka Thawe hokham sichang ba maq tsatto. Apaiq tsaitaq akhing niimin, namshiq kamtsantsii thaq man maq silan.

Revelation 3:14

“Laodesia na phungtu sitlaq kra liiti rase ma ara waiq laq: “Ara tsütsa arka Amen, tsapkapkap kiimaq riikhaqli hakhi keti we raq atiiwan. Apaiq ka Shiikeawe raq phanrap phansang wantaq kiima arang chong.

Revelation 7:14

“Shiilang we lei, ngi riiri sap mang. Ümniiraq asap haü,” nguta ngi raq trekang. Kiijiishe apaiq raq ngi ma chongto, “Arthun arka Phungmaiqse kong, kai chamchao wamong nyang maq alun wanti thun ahata. Tsangshiq raq tsangshiq miirii ka Skuse tiijai maq hewanto she. Raüta, ümchaü sanha lüdiidii hea she samtlo.