Revelation 1:4 - ASII LAKDAP Bible (BSI)

⁴ Johan raq Asia wang na siti phungtu miishiti ma: Shiikeawe raq namshiq ka phumram kham maq batshat, kiimaq khoqramkii maq keishat maq mirümkom laq. Shiikeawe ka man niimin asi, ümchaü min asi, kiimaq apaiq ka jai maq saüho tlaq we. Kiimaq Shiikeawe shiiliti winji miishi, Shiikeawe ngacho khaki na nga tlaqti raq,

Hawa Naga Bible 2001

⁴ Ngaz Yohan rueq Asia mungx hong nuex httaz jix phungc mvshix muex luik wuiyq tvwvnc vphaungx. Majuiuc pat, mvnnuex pat, yix maq pat nuex muinz httax hvt dvyx httax yaq Tishox kox wawc muinz, vpiq hoc daungraungc khaungkac nuex httax yaq siyac mvshix kox wawc muinz,

Muklom

⁴ John ching kowang Asia mung sanat mondoli tang ma: Shkewa ching kowang nim rangma ráng manchan nia nungmay cham ang aa, bara ang aa etho bara angta etho bara ukat angtey; etho piq tongching jakho na eshi sanat tsija tang ching kowang,

Revelation 1:4 Referencias Cruzadas

Tvtsvmc 90:2

Ümniiraq kin thun mitiiqhaüshaq niiphü riimakla mangjonghiq ka mitiiqhaüshaq niiphü, ümniika pattup pat-sa miiphü Shiikeawe dongdii, kiimaq pattup thummak Shiikeaweli mirhaü.

DUNGWVNC 3:14

Shiikeawe raq nguto, “Ngi ka Ngi dongdii. Ümniiraq tsangshiq ma akha ngo ratlo: ‘Ngi ka Ngi dongdii nguta ngutlaqwe raq ngi ka namshiq phana tiikito.’

ISAIA 11:2

Tatiwe wenyi raq apaiq ma taksutsii mikuq, kiimaq asenginok peng wan miitu apaiq ma anyan phaqchi nai jaqsham sma mikuq. Apaiq raq Tati tiima tsantsii kra mikhon; kiimaq apaiq ma shreng manto thüshat miraq.

ISAIA 41:4

Atinkhan arka juwero tiihong thalottla? Manphan ka juwero thapthi kuqta? Ngi, Tatiwe ka rapha hiqwa niiphü asi dongdii riikang, kiimaq Ngi, Tatiwe ka atiithum na saüli kiijaq asi mirha.

ISAIA 57:15

“Ngi ka ratsan ramong nyang na siti kiimaq asii Shiikeawe, pattup pat-sa thummak miqmak phan. Ngi ka ratsan ramong na kiimaq asii ba na siti. Shatmaq Ngi ka ka maiqse juwa aranse ma jatlaq kiimaq maiqmii ngarai tiidiitlaq kriiti rai sitiikang. Krai mren Ngi raq tsangshiq ma kamtsantsii nai rantsantsii ka thüda kuqtiikang.

Mikha 5:2

Tatiwe raq ngutlo, “Bethlehem Ephrath le!, ümniika Juda mung na chela aranse pinthum. Shatmaq ngi raq ümchelati wa, Israil mung rümti hokham ashi, Mishong wan ha. Apaiq weraü manphan ka, rathup rapha pat achat wa miraq.”

JEKERIA 3:9

Ngi raq Joshua khaki na long ashi, amak pomiishi asi thü tiikang. Lata ara long na phanshi ra bomtsi mitokha. Kiimaq ranaiq shi niili armungti ngarai ka mipibaiqha.

JEKERIA 4:10

Jamkhano ngukla, tsangshiq ka jaqthiq dongmak nguta atsutsa riito. Shatmaq tsangshiq raq Jerubabel ka tsankhun maq Shomjam hai wan ka nungpaq mak maq shiichaq wan ruq maq sham wantlo. Krai mren, tsangshiq ka kai mikhoqriiq wan.” Kiitiikaq rase raq ngi ma, “Kra wakoksetiim miishi ka mungkang tlotli chhiti Tatiwe makpo riito.”

JEKERIA 6:5

Kiijiishe apaiq raq, “Ara kumrang leng blai chhitlaü arka, lamblai maq haiwan tlaq rahai kra tiichhikuqto. Arthun rahai haiwan tlaq arka, mangjong hiq rümti Tatiwe raq atiiwa,” nguta treto.

John 1:1

Mangjong hiq ara mitiiq wan shaq niiphü Bomtsi ka asi dongdii. Apaiq ka Shiikeawe rai kongshi. Kiimaq apaiq ka Shiikeawe rai khum ashi maq ashi.

Acts 19:10

Paul raq mungmaiqse ma akha trahoke wan arka, wiinai na saüli chongkuqto. Apaiq raq atinkhan chongke wan kha maq, Asia wang na siti mungmaiqse Jehudinok phan nai Pongnok phan maiqse tarü raq, Tatiwe tsütsa ka tai wanto.

Acts 2:9

Nashiq ka Parthia, Media, kiimaq Elam mung wa awa hai ahata. Kiimaq Mesapotamia, Judia kiimaq Kapadosia; kiimaq Pontas, kiimaq Asia mung wa aki hai ahata.

Romans 1:7

Riita, ara chongkuq tiikang arai mren, ngi raq namshiq tarü Rom na sitibi ma, ara lak ara waiq tiikang. Shiikeawe raq namshiq ka dang na lakshiipo alak ikha lungwii tlo. Raüta, namshiq ka apaiq raq asengi miitu riichom hea wanto she. Shiikeawe, Na we, kiimaq Tati Jesuq Khristo raq namshiq ka kaphap shat kiimaq hansang maq mithülaq.

1 Corinthians 1:3

Na We Shiikeawe kiimaq Tati Jesuq Khristo raq namshiq ka kaphap shat kiimaq khusang maq mirüm laq.

2 Corinthians 1:2

Nawe Shiikeawe kiimaq Tati Jesuq Khristo raq namshiq ka kaphap shat mirlaq kiimaq khusang maq mirümlaq.

Hebrews 13:8

Jesuq Khristo ka klaimak. Apaiq ka man niimin klaimak. Ümchaü min klaimak. Kiimaq rawiichii niimin klaimak.

James 1:17

Phanrap ahea awa kongphiq ümchuwa sitlaq, kiimaq phanrap athuk atsom kongphiq ümchuwa sitlaq kriika, ramungtan na siti Shiikeawe raq siisaq akuq. Arthun arka Shiikeawe jaq wa siisaq saütlo. Apaiq ka ra na diim tlaq raiqsaiq, jipi, rashe sitlaq kra Tiiqti we. Apaiq ka pattup klai mak phan. Apaiq riika maiqse rilung na ra tiinyaq mak phan.

Revelation 1:1

Ara lakdap arka Jesuq Khristo raq atiichhikuq mra thun pin wan bomtsi awaiq raüpot. Shiikeawe raq, Jesuq ma ara riisham bomchong ara tiichhikuqto. Arka asenginok ma jaqlo miili mra thun ka pin wan chang dongdii sitlaq kra michongkuq laq nguta tiichhikuqto. Khristo raq arthun ara ajaqshi se Johan phana rase ashi tiiki raüta tiichong kito.

Revelation 1:11

Kra maiq bom raq chongto, “Ümniiraq jamlai wa chhi tlaü kra waiq thü laq. Laüta, kra lakdap ka ara chela miishi na, phungtuti sitlaq kiima tiiho wan laq. Ara chela miishi thun ka ara: Ephisia, Smarna, Pargamum, Thiatira, Sardis, Philadalphia kiimaq Laodesia.”

Revelation 1:17

Ngi raq apaiq ka chhi lata, apaiq khaki na bumtlii, ama ikha bumkikang. Apaiq raq ajaq, jaqtsi nü ka, i dü na sham raüta bomto, “Ümniika naqhaikiq! Ngi ahata Atiiphati kiimaq Atiisupti.

Revelation 1:20

Apaü raüta athü liichum ka ahata. Ümniiraq i jaq jaqtsi nü na raiqsaiqpo miishi, kiimaq lem tochang chaq kham miishi chhi tlaü liichum ka ara: Raiqsaiq pomiishi chhi tlaü kriika phungtu miishi kheti rasetiim sitlaq kra. Kiimaq piijongteng kham miishi chhi tlaü kriika phungtu miishi sitlaq kra.

Revelation 1:8

“Ngi ahata atiipha kiimaq atiisup” nguta Tati Shiikea Ajong we raq chongtlo. Apaiq ka ümchaü min asi, man niimin asi, kiimaq apaiq ka jai maq saüho tlaq we.

Revelation 1:9

Ngi ka Johan, namshiq kongti phunowe. Ngi ka Jesuq wokhong na siti kha maq, namshiq ma jamkho tiichamchao tlaq, kiikha ngi miimin tiichamchao tlo. Nashiq tarü ka, Khristo mungtan la she sitiikai. Krai mren, nashiq tarü raq, chamchao litkot saü wan tlaq arka, tsan tiibum laita nin wan ruq maq sichang li she. Ngi raq maiqse ma, Shiikeawe bomtsi kra chiiriim lata chongke wan kha na nai Jesuq hakhi kewan kha na, tsangshiq raq ngi ka, ara khamjong mong hiq Patmos mung na, phaqtek na shaqto.

Revelation 16:5

Kiijaq ngi raq kham thaq na arang howanti we rase raq akha Shiikeawe ma chongto taikang, “Ümniika Asii; Ümniika man na min asi, ümchaü min asi! Mangjong hiq na ümniiraq arthun chamchao tiisaü tlaü arka tri na riikhaqli thek tlo!

Revelation 2:12

“Pargamum na phungtuti sitlaq kra liiti rase ma ara waiq laq: “Ara tsütsa arka jasai wanghap ri na aniq sihea rümti we raq atiiwan.

Revelation 2:18

“Thajatira na phungtu sitlaq kra liiti rase ma ara waiq laq: “Ara tsütsa arka Shiikeawe Se, amak chhai walü wa ikha litlaq, kiimaq ahokphi ka nairai ngam apan rea jai chhai rai tlaq ikhiiwe raq atiiwan.

Revelation 2:8

“Smarna na phungtu sitlaq kra liiti rase ma ara waiq laq: “Ara tsütsa arka aphati we nai atiisupti we raq atiiwan. Apaiq ka atsai riikito. Shatmaq, ümchaü ka atra sinong tlo.

Revelation 22:16

“Ngi, Jesuq raq i rase ka arthun tsütsa ara namshiq phungtuti ma mitiitai kuq laq nguta tiikikang. Ngi ka Dawit weraü lai. Ngi ka Ranap Saiqwüpo.”

Revelation 22:8

Ngi, Johan raq arthun ara tai kang. Kiimaq chhi kang. Kiimaq ngi raq arthun ara chhi tai wan lot jai she, ngi ka ngi ma arthun ara tiichhike wanti rase jichong na bumtlii bumki kang. Kiimaq ngi raq apaiq ka shomnoq ho she riikang.

Revelation 3:1

“Sardis na phungtu sitlaq kra liiti rase ma ara waiq laq: “Ara tsütsa arka Shiikeawe winji miishi kiimaq raiqsaiqpo miishi rümti we raq atiiwan. Ngi raq namshiq jaqsham ka asapha. Namshiq ka wenyi na amaa sitlan. Shatmaq, atra sitiikai nguta tiitsaki tlan!

Revelation 3:14

“Laodesia na phungtu sitlaq kra liiti rase ma ara waiq laq: “Ara tsütsa arka Amen, tsapkapkap kiimaq riikhaqli hakhi keti we raq atiiwan. Apaiq ka Shiikeawe raq phanrap phansang wantaq kiima arang chong.

Revelation 3:7

“Philadalphia na phungtu sitlaq kra liiti rase ma ara waiq laq: “Ara tsütsa arka Asii kiimaq tingting sitiwe raq atiiwan. Apaiq jaq na Dawit sapitu ka asi. Krai mren ümtiikiiwa apaiq raq kilü ashi ka ditlaq, kriika jurmin shaqlot mak she, kiimaq ümtiikiiwa apaiq raq kra ashaq riitlaq, kriika jurmin dilot mak she.

Revelation 4:5

Kra hokham ngacho maq rachhai ralüp wa trang, ramok wa trang la chhai liip tlo. Hokham ngacho khaki na, wanii tu ka tu miishi tiiniishat maq chaqto. Kriika Shiikeawe wenyi miishi sitlaq kra.

Revelation 4:8

Kra chongtiikai ngamkaü blai wiita dü niika kaüshi khum niili arakong ka trokrok. Kiimaq kra arakong thun ka, akii niimin, among niimin, amakpo siisaq tiidiimshat. Ranaiq rawa tsaq mak phan maq, tsangshiq raq akha Shiikeawe ka shomnoq shitlo: “Asii, asii, asii Tati Ajong Shiikeawe ka asii. Apaiq ka man na min asi, ümchaü min asi kiimaq jai na saühoti we.”

Revelation 5:6

Kiijiishe ngi raq, Skuse ka hokham ngacho khaki na chap raü chhikang. Kiimaq apaiq tro niika atra ngamkaü blai, kiimaq nyungwere ka asi riito. Skuse ka atsea arbaiq wa ikha riito. Arong ka miishi. Kiimaq, amakpo min miishi. Kriika Shiikeawe winji miishi ara mangjong hiq hamli, Shiikeawe raq atiiki kra riito.

Revelation 8:2

Kiijiishe, ngi raq Shiikeawe khaki na chaptlaq rasetiim miishi kiima lerong chü miishi kuqto chhikang.