RAPHA HIQWA LAK 1:1 - ASII LAKDAP Bible (BSI)

¹ Apha shaq shaq na, ümtiikiiwa Shiikeawe raq ra nai hiq phan sangtaq,

Hawa Naga Bible 2001

¹ Vphaungc vyaungc nuex Tishox rueq raungphaungc ghaqwaungc tvdung sung tueq nuex,

RAPHA HIQWA LAK 1:1 Referencias Cruzadas

2 HOKHVMX 19:15

Raüta akha achu jaüto, “O Tatiwe, Israilnok Shiikeawe lei, seraphim thun thaq na ngatiwe lei, ümniikli she Shiikeawe ka, mangjong hiq na maiq mungtan ümchuwa sitlaq kra rümtiwe. Ümniiraq ara mangjong hiq nai ra ka tiiq laü.

1 KAÜWA WERAÜ 16:26

Maiqmung ahin thun tiikea thun ka miinan sumla phong lam lam li, shatmaq Tatiwe ka ramungtan thun tiiqto.

2 KAÜWA WERAÜ 2:11

Hokhamwe Hiram riimin Solomon ma lak ashi waiq raüta tiihoto. Apaiq raq akha waiqto, “Tatiwe raq asenginok mangchan kha na, apaiq raq ümniika tsangshiq hokhamwe ma shongto.

NEHEMIA 9:6

Kra jai maq Israilnok raq mra tiidii akha achu jaüto: “Tatiwe lei, ümniili kata Tatiwe. Ümniiraq ramungtan thun tiiq laü, ra na raiqsaiq diimtlaq kra tiiq laü. Ümniiraq mangjong hiq nai sammok tra jü kra tiiq laü; kiimaq kiijaq siti wiita tiiq laü. Ümniiraq tsangshiq tarü ma tsitsü thiikuq laü. Ramungtan na siti ningkun rümti wiita raq, ümniili noqtlo.

YOBA 26:13

Apaiq tsitsü hea raüta ra ka khangriri hea tiijato, kiimaq ajaq maq ngorokaü ka ajuho wa tsatto.

YOBA 38:4

Ngi raq hiq phansang kang na ümnaq asi shea riilaü? Ümniiraq kiitinkhan sap tlaü jiika, kra manphan ka ngi ma chong liina.

YOBA 9:8

Shiikeawe ma ramungtan thun kra chan wan akhing na jurmin apaiq ka khrum kuq mak dea kiimaq ngorokaü raikhü na ji maq nishishi nimak dea.

Tvtsvmc 102:25

rathup rapha na ümniiraq hiq tiiqlaü; kiimaq ümjaq maq ramungtan thun ka tiiqlaü.

Tvtsvmc 104:24

Tatiwe lei, ümniiraq phanrap phanrii klolaü! Ümniiraq tsangshiq tarü pinthum phaqchi maq klolaü! Hiqraikhü ka ümniiraq atiiqhaü atra phan riili aphong along.

Tvtsvmc 104:30

Shatmaq ümtiikiiwa ümniiraq tsangshiq ma tsitsü kuqlaü, tsangshiq ka atra ma jakitlo; ümniiraq hiq ma rilung anye kuqtlaü.

Tvtsvmc 115:15

Tati raq namshiq ma achu mishmankuqlaq, ra nai hiq tiiqtiwe raq!

Tvtsvmc 121:2

Ngi khrum ka Tatiwe phawa misaü, apaiq ka ramungtan nai mangjonghiq tiiqti.

Tvtsvmc 124:8

Nashiq khrum ka Tatiwe jaq wa saütlo, apaiq ka ramungtan nai mangjong hiq tiiqti.

Tvtsvmc 134:3

Ramungtan nai mangjonghiq tiiqti Tatiwe raq Jajon maq namshiq mishman kuqlaq!

Tvtsvmc 136:5

Apaiq taksutsii maq ramungtan thun ka tiiqto; apaiq lungwii ka pattup pat-sa;

Tvtsvmc 146:6

ramungtan, mangjong hiq, kiimaq khamjong chum, kiimaq kiijaq siti phanrap tiiqtiwe ma kamtlaq apaiq ma peohea. Apaiq raq akiqkham bom raü riikhaqli thütlo.

Tvtsvmc 33:6

Tatiwe aming maq ramungtan thun ka tiiqto, rashe, jipi, kiimaq raiqsaiq thun ka anübok wa bomtsi dongtaq kriimaq tiiqto.

Tvtsvmc 33:9

Ümtiikiiwa apaiq kiq tiideataq, mangjong hiq ka dungto; apaiq aming maq phanrap dongto.

Tvtsvmc 8:3

Ümtiikiiwa ümniiraq atiiq haü ra kra liitiikang, kiimaq jipi nai raiqsaiq thun tsangshiq sichang na shong laü kra liilata

Tvtsvmc 8:4

riita maiqse khoshose ka juwa, ümniiraq tiimali chang ka; hiqtili se ka, ümniiraq tsrupriiq chang min asi shea?

Tvtsvmc 90:2

Ümniiraq kin thun mitiiqhaüshaq niiphü riimakla mangjonghiq ka mitiiqhaüshaq niiphü, ümniika pattup pat-sa miiphü Shiikeawe dongdii, kiimaq pattup thummak Shiikeaweli mirhaü.

Tvtsvmc 96:5

Maiq mung ahin thun tisho kong ka miinan sumla phongli, shatmaq Tatiwe raq ramungtan thun tiiqto.

DUNGWVNC 20:11

Ratrok na saüli Ngi, Tatiwe raq, mangjong hiq ara, ra ara, kiimaq khamjong chum kra kiimaq arthun na siti phanrap sitlaq kra phansang kang. Shatmaq ramiishi ngo ranaiq na Ngi ka niitiitsak ahai riikang. Kra ningkhan na, Ngi, Tatiwe raq Asii Niitiitsak Ranaiq ka shiiman kuq kang. Lata kra ranaiq ka asii tiijakang.

DUNGWVNC 31:18

Riita ümtiikiiwa Shiikeawe raq Sinai Pum maq Mosheq ma bom chongke kra lottaq, apaiq raq longpen wiinai na aming raütu apaiq jaq maq awaiq kra Mosheq ma kuqto.

TAKSU LAK 16:4

Tatiwe raq, phanrap phansang wantaq ka, alam asi siisaq. Ashut maiqse kiimin, ashthenbaiq miitu phanto.

TAKSU LAK 3:19

Tatiwe raq nyan phaqchi maq, mangjong hiq ka phansangto; kiimaq taksu tsii maq ra ka tiiqto.

THARC TVLUINGC 12:1

Arningkhan ümnaq Phansangtiwe ka ümnaq jeroji na tsan na tiitsang laq, ümrilung na chamchao rahiq akhing kra misaü wan shaq liipan na. Ümrilung na rawü thum wan raü jaq, ümniiraq, “Ngi ma arthun arka asum akam min ahü she,” nguta mingu haü.

ISAIA 37:16

“Ajong Pinthum Tatiwe, Israilnok Shiikeawe lei, seraphim thaq na hokham ngacho na ngatiwe lei, ümniili she kata Shiikeawe ka. Mangjong hiqraikhü na maiqmungtan thun kra pengti ka ümniili. Ümniiraq ra nai hiq ara tiiqlaü.

ISAIA 40:21

Ümniiraq sapmaü shea? Ümniima rathupse niiphü chongkeje she riimak shea? Ümniiraq hiq ka jamkho tiiq wantaq kra tai maü shea?

ISAIA 40:26

Ra nü na lii liita! Ra na raiqsaiq thun chhitlaü ka juro phansangta? Arthun ara phenlabi ikha shun sheati ka apaiq kata. Apaiq raq raiqsaiq phong ka ümchuwa kra asap. Raüta apo awea amang chong raüta heatlo! Apaiq ningkun ka jonghea- kriithun kiiwa poshi se dongdii min momiqki mak phan!

ISAIA 40:28

Sapmaü shaqli shea? Taimaü shaqli shea? Tatiwe ka pattup pat-sa Shiikeawe; apaiq raq mangjong tlotli phansangto. Apaiq ka ümtiikiimin hunnii mak phan. Jurmin apaiq tsantsii ka khonlot mak.

ISAIA 42:5

Shiikeawe raq ramungtan thun ka phansangto, raüta rawang win na chanto; apaiq raq hiq ka tiiqto, kiimaq kiijaq siti thun wiita phansangto; apaiq kiijaq siti asengi tlotli ma rilung nai tsitsü kuqto. Raüta ümchaü Tatiwe Shiikeawe raq ajaqshi se ma akha ngutlo,

ISAIA 44:24

“Ngi ka Tatiwe, ümnaq chhiiti; ngi ka ümnaq phansangtiwe. Ngi ka Tatiwe, phanrap Tiidongtiwe. Ngi riili la ramungtan thun ka chankang; Ngi raq mangjong hiq tiiqkang akhing na, Ngi khrumti jumin ahü riito.

ISAIA 45:18

Tatiwe raq ramungtan thun tiiqto, apaiq kriili Shiikeawe ka! Apaiq raq hiq ka loto raüta tiiqto, apaiq raq phataqtaq kiimaq anganwiq kloto. Apaiq raq hiqraikhü ka hiqmiqchangkhü ma tiijamak, shatmaq maiqse singa miitu kloto. Apaiq raq ngutlo, “Ngi ahata Tatiwe, Ngi tlea raüta tisho ahin ahü.

ISAIA 51:13

Ümnaq phansangti Tatiwe ka alaq rea shea riilaü, ramungtan thun kra chantiwe ka, kiimaq hiq tiichap wan chang jamkhü kra phong wantiwe ka? Ümniika jam nguto hairuqruq haisiqtlaü, ümniika shiikeng raüta tiikiinyiitlaqti ma, ümniika tsatbaiq haijaq nguta tankhantlaqti ma? Tsangshiq tsankhiq moktlaq kra riika ümdü na thanlot mak.

ISAIA 51:16

Ngi raq ramungtan thun ka tiikha chan kang, lata hiq tiichap wan chang jamkhü kra phongkang; Ngi raq Jerusalem ma ngutiikang, ‘Namshiq ka isenginok! Ngi raq namshiq ma itri raütu kuqkang she, kiimaq Ngi raq namshiq ka ijaq maq khupwongkuq tiikang.’”

ISAIA 65:17

Tatiwe raq nguto, “Ngi raq hiq ka anye kiimaq ramungtan thun kiimin anye she tiiqtiikang. Man niiwa mrong mra ümchuwa pin wantaq kriika tiisiirai alaq she mirbaiq wan.

JEREMIA 10:12

Tatiwe raq hiq ka apaiq ningkun maq tiiqto; apaiq taksu tsii maq mangjong hiq phansangto, kiimaq ramungtan thun ka tiikha chanto.

JEREMIA 32:17

“Tati Rakaü Hiqwe, ümniiraq ra nai hiq ka ümningkun jonghea kriimaq phansang laü. Kiimaq ningkun henghea maq tiiq laü. Ümniiraq lot maü chang ka jamlai phan min ahü.

JEREMIA 51:15

Tatiwe raq hiq ka aningkun maq tiiqto; apaiq nyan phaqchi maq mangjong hiq ka phansangto, kiimaq ramungtan thun kra tiikha chanto.

JEKERIA 12:1

Arka Tatiwe bomtsi Israil mung miitu achongkuq: Ra nai hiq klotiwe Tatiwe, maiqse ma tsitsü thiiketi raq akha ngutlo:

Matthew 11:25

Kra akhing na Jesuq raq Awe rai akha riibomto, “I we le, ra nai hiq rümti Tati we le! Ngi raq ümniima pinthum kechu tum tiikang. Ümniiraq atsin ahonti kiimaq tsüwe tsitwe thun ma, jamlai wa apaü riibaiq laü, kra thun tengman tlaq bomtsi ka, jehin nore setiim, jam min saptsin makti thun ma tiichhikuq wan laü she.

Mark 13:19

Kra chamchao akhing saü tlaq kriika, Shiikeawe raq ra nai hiq tiiq wanli maq, ümchaü niitaq ara mangjong hiq na chamchao sitlaq kiima thapthi wan chang siika riimak. Kiimaq rawiichii niimin akha redong ka ahü she miraq.

Acts 14:15

“Namshiq raq ara jamlai ngarai wa tangho lan? Naishiq arka namshiq kiikha maiqse siili! Naishiq ka arjaq namshiq ma Tsütsa Ahea tiitaike wa nguta wakai. Namshiq ka ara thiihü sumla phra shomnoq lam phan tlan arwa, atra Shiikeawe ra nai hiq kiimaq sammoktra jü kra phansang wantiwe kiimaq ra nai hiq na phanrap diim tlaq kra tiiqti we Shiikeawe wokhong niishe shang wan tlo ronglaq, nguta tsütsa chongke wa tiina wakai.

Acts 17:24

Shiikeawe ka ara mangjong hiq ara kiimaq ara mangjong hiq raikhü na jamlai phan wa diim tlaq, kra thun kra phansang wanti we. Apaiq ka ra nai hiq ara rümti Tatiwe. Krai mren, apaiq ka maiqse raq jaq maq ahai hun phra shomnoq chang jam thun ahai kuq kiijiika singa mak.

Acts 4:24

Tsangnai nü wa kra tsütsa ka Phungmaiqsetiim raq tai raüta, tsangshiq tarü tsantsii ashi maq, Shiikeawe jaq wa akha achu jaüto, “Rakaü Hiq we Tatiwe lei, ra nai hiq phansangti, kiimaq sammoktra jü phansangti, kiimaq ra takiq na sitlaq tsitsü asi tarü phansang wanti we lei!

Romans 11:36

Ara jamkhano wai wan tiikai ngukla, phanrap phanrii ka, apaiq raq siisaq phansang kuq wanto. Kiimaq, phanrap siwan tlaq kriika, apaiq lümaq li atra siwan tlo. Kiimaq, apaiq miitu li phanrap ka siwan tlo. Riita, ija pattup pat-sa, Shiikeawe khushü kli dea mijong wan laq! Amen!

1 Corinthians 8:6

Riikaq nang li jiimin, nashiq miika Shiikeawe ka Ashili, Shiikeawe Awejong sitlaq kriili. Apaiq ka phanrap sitlaq thun kra Tiiqloti we. Kiimaq, nashiq ka apaiq miituli sitiikai. Kiimaq Ttatiwe kiimin ashi li. Tati Jesuq Khristo sitlaq kli. Apaiq lümaq ra nai hiq ka tiiqto. Kiimaq apaiq lü miili nashiq ara atra sitiikai.

Ephesians 3:9

Riita, ara jaqsham kuq taq arka, maiqse angu tarü raq, Shiikeawe raq apaü raüta athü bomhuk raükha arka, maiqse rilung na kupi wan tlaq, kra tiichhike miitu riito. Arka, ra nai hiq phansangti Shiikeawe raq, man na richü pat na, maiqpat ümchuwa lea wan taq akhing niika, tiichhikuq mak dea, apaü raütli thü wanto.

Hebrews 1:10

Apaiq raq akha nguto, “O TATIWE lei, ümniiraq apha na mangjong hiq ara phansang wan laü; Kiimaq, ramungtan thun ka tiiq wan laü.

Hebrews 1:2

Shatmaq ümchaü sanha, ara phangthum wan pat she ngo maq, Shiikeawe raq nashiq ma tsii chongke ka, Ase nübok lümiishe bom dam tlo. Shiikeawe raq Ase lümaq, ara ra nai hiq ara phansang wanto. Kiimaq Shiikeawe raq Ase ka phangthum jai maq ara ra nai hiq thun wiita kunli ara rüm wan miitu ashong wan kun she.

Hebrews 11:3

Ara ra nai hiq sitlaq arka, Shiikeawe raq, apaiq kiq tiidea raüta, apaiq bomtsi lümaq dea phansangto nguta, nashiq raq kamtsantsii maq sap tiikai. Krai mren, ümchaü mak maq jamlai phan wa chhi tiikai arka, Shiikeawe jaq maq, mak maq chhi mai phan lümaq phansangto, nguta sap tiikai.

Hebrews 3:4

Maiqse si chang jam sitlaq kriika, ahai ahunti atati ka asi siisaq. Krai mren, Shiikeawe ka phanrap sitlaq kra phansangti we.

2 Peter 3:5

Tsangshiq riika man na rapha hiq wa na, Shiikeawe raq aming tat raüta ra thun nai mangjong hiq ara tiiqto ngutiimin sapshat shat taü maq, samsam maq shipoq tlo. Mangjong hiq arka kham wa, kiimaq kham maq hali tiiq nongto.

1 John 1:1

Naishiq raq namshiq ma rilung Bomtsi manphan waiq tiikai. Ara Bomtsi arka man na rapha hiq wa niiphü asi dongdii. Naishiq raq ara tsütsa ka tai wan kai. Kiimaq naishiq raq maiqmii mak maq chhi wan kai. Ara chongtiikai arka tengteng. Naishiq raq chhi wan kai kiimaq naishiq jaq maq sham kai.

Revelation 10:6

Raütiishe, apaiq raq pattup pat-sa atra sitiwe, ra nai hiq phansangti we, kiimaq sammoktra jü phansangti we, kiimaq ta na nai jü mong na sitlaq wiitsitsü phan thun kra tiiqti we, Shiikeawe sitlaq mang na atiitum riito. Raütiishe, rase raq, “Shiikeawe raq jaqsham wan chang nguta jamlai phan wa süriitaq, kriika ümchaü jai na tiijai hitthü mak she!

Revelation 14:7

Apaiq raq tiihong raüta riimto, “Shiikeawe ka shreng ronglaq, kiimaq apaiq jonglu ka shomra ronglaq! Jamkhano ngukla, apaiq raq mangjong maiqse angu kunli kha phoke akhing she saü wato. Apaiq ka ramungtan, mangjong hiq, sammoktra jü, kiimaq jüse rai thun sitla kra phansangti we!”

Revelation 21:6

Kiimaq apaiq raq treto, “Ümchaü phanrap jaqsham ka kunto she! Ngi ka aphati kiimaq atiisupti. Ngi ka apha wan chang kiimaq atiisup wan chang. Juwa khamnyang tsi, kriiti ma rilung khamphokrai se kiiwa phe maq nyang miitu ngi raq arang mikuq ha.

Revelation 22:13

Ngi ka atiiphati kiimaq atiisupti. Apha wanti kiimaq atiithumti.”

Revelation 3:14

“Laodesia na phungtu sitlaq kra liiti rase ma ara waiq laq: “Ara tsütsa arka Amen, tsapkapkap kiimaq riikhaqli hakhi keti we raq atiiwan. Apaiq ka Shiikeawe raq phanrap phansang wantaq kiima arang chong.

Revelation 4:11

“Ümniika naishiq ma Tati shaq tsitsü paq Shiikeawe! Khushü jong, shreng manto, kiimaq ningkun wiita ka ümniirii li she. Ümniili phanrap phansangti we, ümniiraq athithi na phanrap tiidongti we, kiimaq tsitsü raüchong shamti we ka ümniili she.”