RAPHA HIQWA LAK 1:1 - Hawa Naga Bible 2001

¹ Vphaungc vyaungc nuex Tishox rueq raungphaungc ghaqwaungc tvdung sung tueq nuex,

ASII LAKDAP Bible (BSI)

¹ Apha shaq shaq na, ümtiikiiwa Shiikeawe raq ra nai hiq phan sangtaq,

RAPHA HIQWA LAK 1:1 Referencias Cruzadas

2 HOKHVMX 19:15

vjux thoz tueq, “O Yehowa Israel Tishox lex, kherubim hez htauk wawc mnoz daungraungc htauk nuex ngaungc vtueq, mnoz dvyx mungkawx mungtan lotlaz kuex guimz lawc jix waz Tishox rvtoq. Mnoz rueq raungx nuiyc ghaq kuex tvdung sung taq toq.

1 KAÜWA WERAÜ 16:26

Vganc phvnx lotlaz tishox htenc kuex yac yuimx htenc dvyx rvtueq, yuq muinz Yehowa kuex raungx tvdungc sungc jix waz rvtueq.

2 KAÜWA WERAÜ 2:11

Hokhvmx Hiram rueq Solomon muex luik tvyez tueq. Piq rueq, “Yehowa rueq vpiq miqsaz htenc kuex lungwawc ningkhvnc nuex mnoz kuex tsuingshiq hokhvmx muex tvyaungc kv-phux.

NEHEMIA 9:6

Kvruex yimaq Israel miqsaz htenc rueq vkhoc vjux thoz wuez tueq: “Mnoz, Yehowa vshiz dvyx Yehowa rvtueq; mnoz rueq raungmungx nuiyc raungx nuex ruiysuiyq htenc kuex tvdung sung toq. Mnoz rueq ghaq nuiyc svmuktvrax muinz, kvruex yuq httax yaq phvnx ruip saz muinz tvdung sung toq; mnoz rueq lotlaz muex thuiuzthuic tvraungx kuq toq. Raungmungx nuex luimc vkawc httax yaq htenc rueq bumx vtueq mnoz muex nawk palx wuez yaq.

YOBA 26:13

Vpiq thuiuzthuic maq raungx kuex tvkhuingc gay ruiux, vyauk maq, vyuz vruez wvnc yungrex kuex thvt gay tueq.

YOBA 38:4

Mungkawx kuex ngaz rueq tvdung tauk nuex kvyuq mnoz vhttax haz rvtonx? Mnoz rueq tuiuz hvlc ngoz ruiux, kvruex yuq seng vtueq ngaz muex jungx kuq koq.

YOBA 9:8

Tishox rueq raungmungx kuex tvparc ruiux, svmuktvrax yungrex rawx htungx kvyuq vpiq rueq nuiuz yaq nuex uraq muinz romc kuq muq.

Tvtsvmc 102:25

Mnoz rueq mvnnuex ghaq kuex tvdung sung ruiux, m-yauk maq raungmungx kuex tvhungx taq toq.

Tvtsvmc 104:24

Yehowa lex, mnoz rueq vtvdung sung phvnx htenc kuex paunghvlc httax yaq! Mnoz rueq kvruex htenc kuex tharc vhttax jvnc tvdung sung taq toq! Ghaq nuex mnoz rueq vtvdung sung phvnx htenc mvrc yaq.

Tvtsvmc 104:30

Yuq muinz mnoz rueq tsuingshiq thuiuzthuic htawc kuq vtueq, tsuingshiq kuex tvdung sung toq; kvkhoc mnoz rueq ghaq muex rullungx vnyalx kuq yek toq.

Tvtsvmc 115:15

Raungx nuiyc ghaq tvdungc sungc jix Yehowa rueq nuimshiq muex ruimrix mkuq shueq!

Tvtsvmc 121:2

Ngaz muex romc kuy jix kuex raungx nuiyc ghaq tvdungc sungc jix waz Yehowa kox wawc dung tuex.

Tvtsvmc 124:8

Raungx nuiyc ghaq tvdungc sungc jix Yehowa kox wawc naungshiq muex romc kuy lvmx dung wvnc yaq.

Tvtsvmc 134:3

Raungx nuiyc ghaq tvdungc sungc jix waz Yehowa rueq, Zion maq nuimshiq muex ruimx mruimx kuq kv-phuinx!

Tvtsvmc 136:5

Vpiq rueq taksux tharc maq raungmungx kuex tvdung sung taq tueq; vpiq lungwawc kuex pattup httax yaq.

Tvtsvmc 146:6

Vpiq rueq raungx nuiyc ghaq, svmuktvrax nuiyc kvruex yuq httax yaq phvnx lotlaz kuex Tvdung Sung jix rvtueq. Vpiq rueq vpiq bomkhvmc htenc kuex mkaq muinz tvmvrc yaq;

Tvtsvmc 33:6

Yehowa vpiq rueq nvrc bomc maq raungx kuex tvdung sung tueq, shalx, yapix nuiyc ruiysuiyq htenc vpiq rueq jungx tueq kvjaz maq yaungx wvnc tueq.

Tvtsvmc 33:9

Piq rueq jungx koq tueq mung-kawx yaungx wvnc tueq; vpiq rueq nvrc bomc tvdvy koq tueq phvnx ruip saz kuex dung wvnc wuez tueq.

Tvtsvmc 8:3

Mnoz rueq vtvdung sung raungx kuex ngaz rueq lawc koq tueq, mnoz rueq yapix nuiyc ruiysuiyq htenc kuex tsuingshiq baung nuex taq shec toq,

Tvtsvmc 8:4

mungkawx miqsaz kuex mkhoc jix waz rvtueq lac mnoz rueq tvmaung kuq vshuiux? vthueyc rvyaq miq muex yvmx ngoz tueq lac mnoz rueq lawc mawc kuq vshuiux?

Tvtsvmc 90:2

Kuz vkanx htenc max tvdung sung shauk nuiyc mungkawx max dung jauz nuex phuex mnoz kuex vphaungc vyaungc Tishox rvtoq, vhtumx vguez pattup pat-sac Tishox muinz mnoz rvtoq.

Tvtsvmc 96:5

Vganc miqphvnx lotlaz tishox htenc kuex yac yuimx htenc dvyx rvtueq, yuq muinz Yehowa kuex raungx tvdungc sungc jix waz rvtueq.

DUNGWVNC 20:11

Ngaz, Yehowa rueq raungx tvruk tup ghaq, raungx, svmuktvrax nuiyc kvyuq httax yaq phvnx ruip kuex tvdung sung tauk, yuq muinz raungx mvshix raungnuiyq ngaz nyec tvkuiyq tauk. Kvkhoc rvtueq Ngaz, Yehowa rueq Vguilc Raungnuiyq ruimruimx kuq ruiux vsawc raungnuiyq tvyaungc tauk.

DUNGWVNC 31:18

Tishox rueq Sinai Kanx maq Moshe muex jungc kuy lot yix, Tishox vpiq rueq bomkhvrc htenc vwuiyq taq lungdvmx nueyc kuex piq muex kuq tueq.

TAKSU LAK 16:4

Yehowa rueq vtvdung sung phvnx lotlaz nuex vpiq kvmungx httax yaq; layx bac jix htenc vtvsuip yaungx wvnc yaq kuex vbac wvnc lvmx rvtueq.

TAKSU LAK 3:19

Yehowa rueq vpiq taksux tharc maq ghaq kuex tvdung tueq, vpiq phaqjic maq raungx kuex tvhungx htaungx tueq.

THARC TVLUINGC 12:1

Kvkhoc rvtueq yalxrox pat jauz nuex mnoz rueq, “Ngaz vshuenc vruenc httax lot mauk shex,” ngoz tueq vkuilc vdaz vraungx nuiyq vraungx wawc max httuiuc shauk nuex mnoz Tvdungc Sungc jix Waz kuex rvwvl shuiuz.

ISAIA 37:16

“Kherubin htauk nuex ngaungc yaq Tvphaungc Tvsuip Yehowa Israel Tishox lex, mnoz kuex mungkawx mungtan lotlaz guimz jix Tishox mnoz dvyx rvtoq. Mnoz rueq ghaq nuiyc raungx kuex tvdung sung toq.

ISAIA 40:21

Mnoz rueq tuiuz muq haz? Mvnnuex mnoz muex jungx kuq muq doc haz? Mungkawx mkhoc lac yaungx wvnc tvnx kuex mnoz rueq tay muq doc haz?

ISAIA 40:26

Raungx kox nuex kac lawc shuiuz! Mnoz rueq khiz vshuiux ruiysuiyq htenc kuex uraq vtvdung sung lac? Nolaungx daungx ikhoc lvmx shvlc lvy jix waz kuex, kvyuq mjuc lac httax yaq nguinx vpiq rueq tuiuz yaq nuiyc kvruex hez vshiz maq vshiz kuex vmuingc maq gvl lot yaq! Vpiq luimc vkawc kuex yunghvlc rvtueq, kvruex hez wawc vshiz raung muinz mkaq muinz moz kaz tuex rvmuq!

ISAIA 40:28

Mnoz rueq tuiuz muq haz? Mnoz rueq tay muq haz? Yehowa kuex pattup phaungx ngaungx yaq Tishox rvtueq; vpiq rueq mungkawx lotlaz tvdung sung tueq. Vpiq kuex mkaq muinz vnyec, vnulx ngoz tueq vguez. Uraq muinz vpiq kvmungx kuex tuiuz tay lot muq.

ISAIA 42:5

Tishox rueq raungmungx htenc kuex tvdung ruiux kvruex tvparc shec tueq; vpiq rueq ghaq nuiyc kvrulc vdvmz thuiuzthuic tvraungx phvnx lotlaz kuex tvdung tueq; vpiq rullungx kuex kuq ruiux kvyuq httax yaq miqsaz lotlaz muex thuiuzthuic kuex htawc kuq yaq. Majuiuc Yehowa Tishox rueq vpiq nvrc waz muex jungx tueq,

ISAIA 44:24

“Ngaz kuex mnoz palc daungc jix Yehowa rvtauk; Ngaz kuex mnoz tvdungc sungc jix waz rvtauk. Ngaz rueq phvnx ruip saz kuex tvdungc sungc jix waz Yehowa rvtauk. Ngaz rueq dvyx raungmungx htenc kuex tvparc shec tauk; ghaq tvdung tauk nuex, uraq muinz ngaz muex romc kuq muq.

ISAIA 45:18

Yehowa rueq raungmungx kuex tvdung sung tueq, vpiq kuex Tishox rvtueq! Vpiq rueq ghaq kuex tvhvlc tvhungx vtueq, vpiq rueq tv-phaungx ngaungx taq shuex. Vpiq rueq kvruex miq kuiyqshuik kuiyqkhvmx baung muex tvyaungc gay shuex rvmuq, miq httaz juing baung muex tvyaungc shuex. Kvruex vpiq rueq, “Ngaz kuex Yehowa rvtauk, ngaz maq lvy vtueq tishox vganc vguez.

ISAIA 51:13

Raungx mungtan kuex tvparc vtueq, ghaq kuex vjungx ruingx tv-phaungx ruiux nuimshiq tvdungc jix Yehowa kuex vlauk shex haz rvgay tuinx? Nuimshiq guirguenc jix htenc, nuimshiq tvbac gay tvkoc tvyoalc yoalx httax yaq hez htenc muex, yvmx ngoz tueq lac nuimshiq kuex mkaq muinz hiyaz vtuinx? Tsuingshiq thuinkhvy kuex nuimshiq muex kvhiz juing yaungx lot muq.

ISAIA 51:16

Ngaz rueq raungx mungtan kuex tvparc vtueq ghaq kuex vjungx ruingx tv-phaungx ruiux; Ngaz rueq Yerusalem muex ngoc, ‘Mnoz kuex ngvy miq! Ngaz rueq mnoz muex ngvy bomjungc kuex kuq vphaungx, ngvy yauk maq mnoz kuex tvwungx vphaungx,’” ngoz tueq.

ISAIA 65:17

Yehowa rueq, “Ngaz rueq ghaq vnyalx nuiyc raungmungx vnyalx kuex tvhungx shaungx. Lvy wvnc tueq nuex yaungx wvnc tueq htenc kuex dup sauk lauk gay shuex.

JEREMIA 10:12

Yehowa rueq vpiq luimc vkawc maq ghaq kuex tvhungx tueq; vpiq taksux tharc maq mung-kawx kuex tvdung sung ruiux raungmungx kuex tvparc tueq.

JEREMIA 32:17

“Johvlc Yehowa lex, mnoz rueq mluimc vkawc yunghvlc nuiyc hungc vlaungc maq ghaq nuiyc raungx kuex tvdung sung taq toq; mnoz tvkoc gvrc hvlc ngoz tueq yvmx muinz vguez.

JEREMIA 51:15

Yehowa vpiq luimc vkawc maq ghaq kuex tvhungx shec tueq; vpiq taksux tharc maq mung-kawx kuex tvdung sung tueq raungmungx kuex tvparc taq shec tueq.

JEKERIA 12:1

Vruex bomjungc kuex Israel miqsaz htenc tvkoc Yehowa kox wawc vkaz kvjaz rvtueq. Raungx htenc tvparc ruiux ghaq kuex tvdung sung vtueq, miqsaz muex thuiuzthuic kuy jix Yehowa jungx tueq.

Matthew 11:25

Kvkaq Yesu rueq jungx tueq kuex, “Raungmungx nuiyc ghaq Taungjix Waz lex! Wvtharc jix nuiyc vthenc vtuiuz jix htenc muex tvtuiuz muq laz juing httuiyq puiuc ruiux, thenc tuiuz muq jix muex tvkhic kuq toq ningkhvnc nuex ngaz rueq mnoz muex kejux vyungx ngoz vphaungx.

Mark 13:19

Yvmx khoc lac ngoz ruiux lec Tishox rueq mungkawx tvdung sung tueq maq phaungc vtueq majuiuc nuex httuiuc laz, yaungx muq shauk dvyx doc. Yix maq muinz kvkhoc yaungx wvnc tuex rvmuq.

Acts 14:15

“Nuimhez rueq yvmx ruec lac dvnc vshuinx? Nvnueyc muinz nuimhez rulc rv-ngvlc miqsaz jvnc rvtiq! Kvruex khuec guez yauk shuimc kuex tuip gay ruiux, raungx nuiyc ghaq, svmuktvrax nuiyc kvyuq httax yaq phvnx ruip saz kuex tvdungc sungc jix Tishox kox nuex kvroz wvnc wuez kuinz, ngoz tueq juex nuimshiq muex Thuix Thaungx Vhvlx jungphvnx kuq vphix rvtueq.

Acts 17:24

Mungkawx nuiyc kvyuq httax yaq phvnx ruip saz htenc tvdungc sungc tvy jix waz Tishox kuex raungx nuiyc ghaq Taungjix rvtueq, miq yauk maq vguirx shomc yuimx nuex httax yaq rvmuq.

Acts 4:24

Kvruex tay wuez vtueq tsuinghez thuinz shiz maq Tishox muex, “Raungx nuiyc ghaq, svmuktvrax nuiyc kvruex yuq httax yaq phvnx ruip saz tvdungc jix Waz Taungjix rvtoq!

Romans 11:36

Yvmx khoc lac ngoz ruiux lec phvnx ruip saz kuex vpiq rueq tvdung sung tueq, httax yaq phvnx htenc kuex vpiq tvkoc rv-phvlc nyanc wvnc tueq ningkhvnc nuex vpiq kox nuex pattup ngauz vngax mhttax kueq! Amen.

1 Corinthians 8:6

yuq muinz naungshiq tvkoc kuex vwaz ngoz yaq Tishox vshiz dvyx httax yaq, vpiq kuex phvnx ruip saz lotlaz tvdungc sungc jix waz nuiyc vpiq tvkoc naungshiq rullungx tvraungx vtix. Yesu Christu ngoz yaq Taungjix muinz washiz dvyx httax yaq, vpiq ningkhvnc nuex lotlaz yaungx wvnc vtueq vpiq ningkhvnc nuex naungshiq rullungx tvraungx lvp vtix.

Ephesians 3:9

Tishox rueq vhttuiyq vpuiuc vruez kvmungx lvmz yvmx khoc maq lac yaungx wvnc tvnx lvmx kuex miq lotlaz muex tvtuiuz tvkhic tvkoc muinz, Tishox rueq kvruex vkhangx kuex ngaz muex kuq phuex. Phvnx ruip saz Tvdungc Sungc jix Tishox rueq vpiq vthuiuz vsungx lvmz kuex patshiz maq patshiz wawc httuiyq taq shec tueq.

Hebrews 1:10

Kvmaq vpiq rueq, “Taungjix lex, vphaungc vyaungc nuex ghaq kuex tvdung sung taq toq, m-yauk maq raungx kuex tvdung sung taq toq.

Hebrews 1:2

yuq muinz vruex vtvsuip raungnuiyq nuex Vsaz maq naungshiq rulc rvbomc phuex. Vsaz maq raungx vghaq lotlaz tvdung sung ruiux, vtvsuip nuex phvnx ruip saz guimz jix waz yaungc vpiq kuex thvl taq shec tueq.

Hebrews 11:3

Khiz miq shauk phvnx wawc khiz shix phvnx muex yaungc wvnc tvkoc Tishox bomjungc maq raungphaungc ghaqwaungc kuex tvdung sung tueq lvmz naungshiq rueq tuiuz lvp vshix kuex kvmluimx ningkhvnc nuex rvtueq.

Hebrews 3:4

Yuimx ngoz yaq kuex miq vshiz shiz rueq guirx taq yaq; phvnx ruip saz guirc jix waz kuex Tishox rvtueq.

2 Peter 3:5

Tishox rueq mvnnuex jauz raungmungx nuiyc ghaq kuex vnvrc bomc maq tvdung sung shec tueq kvmuinz, ghaq kuex yuix mungx wawc yuix maq tvdung taq shec tueq kvmuinz,

1 John 1:1

Vphaungc vyaungc maq phuex vhttax dodoc rullungx tvraungx Bomjungc lvmx nuimshiq kox nuex nuiyshiq rueq wuiyq tvgurc vphix.Thuiuzthuic ngoz yaq bomjungc lvmx kuex luik nuex wuiyq tvwvnc vphaungx, kvruex bomjungc kuex vphaungc vyaungc maq phuex vhttax rvtueq, nuiyshiq rueq vtay muinz tay wvnc tiq, muik maq muinz khiz wvnc tiq, nuiyshiq rueq yauk maq muinz shuimx lawc wvnc tiq.

Revelation 10:6

pattup pat-sac tvraungx httax vtueq raungmungx, ghaq nuiyc svmuktvrax maq phaungc vtueq httax yaq lotlaz tvdungc sungc jix waz Tishox muingc kuex ruingc vtueq tuemc tueq. Raungkamx waz rueq, “Kvyix httvmx tuex rvmuq!

Revelation 14:7

Kvruex raungkamx waz kvraq, “Tishox muex tvtsanc nganc wuez shuinz, vpiq yungx luz yaq kuex tvtsvmc wuez shuinz! Yvmx khoc lac ngoz ruiux lec vpiq rueq khac phoc vkhing kuex httuiuc wvnc yaq shex. Raungx nuiyc ghaq, svmuktvrax nuiyc yuix kuiuq htenc tvdungc sungc jix waz muex nawk palx wuez shuinz!” ngoz tueq ramc tueq.

Revelation 21:6

Kvmaq hulawx vpiq rueq, “Yauk shuimc lot tauk shex! Ngaz kuex Alpha nuiyc Omega, vphaungc vyaungc muinz, vtvsuip muinz rvtauk. Khvmsvy jix ukhaq yuq muinz rullungx yuix kuiuq wawc yuix kuex vhtawz vrawz kuy rac muq maq nuingc lvp vkhangx ngaz rueq kuq shaungx.

Revelation 22:13

Ngaz kuex Alpha nuiyc Omega, vphaungc nuiyc tvsuip muinz rvtauk,” ngoz tueq.

Revelation 3:14

“Laodikea phungc wawc kamx waz muex vkhoc wuiyq shuiuz: “Vruex kuex tvmtuing nuiyc tsuingrux hakhix waz, Tishox rueq vtvdung sung phvnx lotlaz muex vjungx ruingx, Amen ngoz yaq waz kox wawc bomjungc rvtueq.

Revelation 4:11

“Nuiyshiq Taungjix Tishox lex! Mnoz rueq vphaungc vyaungc maq phuex tvdung sung vtueq, kvruex kuex mthuinz roc httax vtueq rullungx tvraungx httax wuez yaq, kvkhoc rvtueq mnoz kuex ngauz vngax, tvtsanc nganc nuiyc luimc vkawc kuex lvp aungx yaq,” ngoz tueq jungx wuez yaq.