PHOWEBI 7:2 - ASII LAKDAP Bible (BSI)

² Kiijiishe Tatiwe raq Gideon ma akha chongto, “Ngi raq Midiannok tiitangke miika, ümniirai phenlabi ka pahea. Tsangshiq raq rekhat ka tsangshiq maiqmii ningkun maq tangkai nguta mongo miraq. Raüta tsangshiq raq ngi ka wea mak miraq.

Hawa Naga Bible 2001

² Yehowa rueq Gideon muex ngoc, “Mnoz nuex httax yaq miq htenc kuex ngvy tvkoc paunghvlc ningkhvnc nuex tsuinghez muex Median miqsaz kuex tvtaungx gay roc mauk. Tsuingshiq ningkhvnc nuex taungx gay tiq ngoz tueq tvmaung wuez vtueq ngvy ngauz ngax kuex shummarc phuex.

PHOWEBI 7:2 Referencias Cruzadas

RAPHA HIQWA LAK 46:2

Kiijaq Shiikeawe raq apaiq ma rawa na riisham makchhi maq riibomto. Raüta apaiq ka heato, “Jakob lei, Jakob lei!” “Ngi arjaq lii,” nguta apaiq raq treto.

2 KAÜWA WERAÜ 14:11

Asa raq apaiq Tatiwe Shiikeawe jaq wa akha achu jaüto, “O Tatiwe lei, ümniiriika phen phung ningkun ajomti kra nai ningkun ajongti kiimin jeriiqriiq heali mikhrum kuqlot haü. Ümchaü naishiq ara khrum kuq laq. O Tatiwe, naishiq Shiikeawe lei. Jamkhano ngukla naishiq ka ümniimiili kam tiikai. Kiimaq ümmang chong laita naishiq ka rekong naishiq thaq na pahea phen sitlaq kra khatkai chaptiikai. Tatiwe lei, ümniika naishiq Shiikeawe, ümniika ju riimin khatlot mak.”

ISAIA 10:13

Asiria mung wa hokham ajong raq akha tsütsitsiqtlo, “Arthun ka ngi raq siisaq klokang. Iningkun ka jonghea achhe achhaq kiimaq ngi ka taksma kiimaq pinthum khonglaq. Ngi raq maiq mung thun liipan wa hiqtrai longshong thun ka wiita jiibaiq kangshe. Lata tsangshiq tsiiq tum thun ato kra wiita howan kang. Kra mung thun na siti mungmaiqse thun ka minsaü pongwe raq nibaiqtlaq ikha ngi raq iji maq nishi nibaiq kang.

ISAIA 2:11

Ranaiqshi akhing misaü wan, kra saü wan raüla, maiqse shiikonglong ka athum she mirki. Kiimaq maiqse han-ngam khiilataq hon atsii thun ka wiita she mitiithenbaiq wan. Kiijiishetiq Tati khushü kli she mitiijong wan.

ISAIA 2:17

Maiqse shiikong longtlaq thun kra athum she mirki kiimaq maiqse lanphan doqdit siqtlaq thun kra wiita atiithen mirbaiq wan. Sumla phra phong thun kriika tiisiirai she mimoki. Kiimaq kra ranaiq akhing na Tati lamlam kli she mitiijong wan.

JEREMIA 9:23

Tatiwe raq ngutlo, “Taksu maiqse raq tsangshiq taksu tsü miitu shiikong raamak, kiimaq sreajongbi raq tsangshiq ningkun jong miitu shiikong raamak, kiimaq chiithe maiqse raq tsangshiq tsiiq tum miitu shiikong raamak.

EJEKIEL 28:17

Ümniika ümsham tsomhea khana shiikongsiq laü, kiimaq ümmang jong tsaki raq ümniika angiwe ikhiishe tiijabaiqto. Kiimaq angiwe ikha kiimung tlaü. Arningkhan Ngi raq ümniika hiq na tiidea baiqkang. Kiimaq ümnaq tiideabaiq kang kriika hokhambi ahinti ma honlam chongke riito.

EJEKIEL 28:2

“Maiqse lei, Tajar mung pengtiwe ma, Ngi, Tati Rakaü Hiqwe raq apaiq ma jam bom wa chongtiikang kra chonglaq: Ümkhü tiinga raü shiikongtlaü: Ümniika phra kaü nguta tsütsit tlaü. Ümniinga phra kaü ikha hokham ngacho na ngatiikang ngutlaü. Ümtro na khamjong chum thun maq rukje. Ümniika phra kaü nguta tiichongsiq tlaü sham. Shatmaq riimak. Ümniika maiqse, ratiwe riimak.

DANIEL 4:30

Kiitiikaq apaiq raq akha nguto, “Liilaq! Bebilon mung ka ümtinkhan jongwa! Ngi raq ara Bebilon mung nyungchong ma tei wan kang. Lata iningkun jong nai iphen rung jong hongla kra tiichhikuq tiikang. Kiimaq ikhushü jonglu nai imangchong tsa jonglu kra tiichhi tiikang,” nguta tiishom ra siqto.

HABAKUK 1:16

Krai mren tsangshiq raq tsangshiq chiiq ka, shiikea ikha noq wan tlo. Kiimaq chiiqjong kiima honglu, kuq wan tlo. Jamkhano ngukla tsangshiq chiiq maq, ngiq khup wan lili raüta, tsangshiq ka chiithejong jawanto. Kiimaq winlü winshii miishe, tiipongpii wan raüta siwan tlo.

JEKERIA 12:7

“Ngi Tatiwe raq, Juda mungti phenlabi ma rekhat kra kongkhu mitiitangha. Krai mren, Dawit saüse phan khushü jong nai Jerusalem chelati khushü jongtlaq kriika, Juda mung na siti ahinti khushü thaq ajong ka riimak miraq.

JEKERIA 4:6

Kiijiishe rase raq ngi ma Jerubabel ma Tatiwe raq atiichongho ara tsütsa ara chonglaq nguta thaüto: “Ümniiraq jaqsham ka phenlabi ningkun maq riimak. Kiimaq ümhan-ngam ningkun miimin riimak. Shatmaq ngi wenyi ningkun miitiq mitang haü.

WEAWEA 31:4

Israilnok maiq phantek wa rewe ka hingshi shi tiiki ronglaq.”

Romans 11:18

Riita ija, ara chong tiikang arkha maq, namshiq Pongnok phan maiqse raq, tsangshiq chiisan olip kü thun ngei baiq rat wantaq thun kra naq shipoq rongkiq. Namshiq shiikong long wan lam ka asi sha? Namshiq ka akü ashi ikhli sitlan. Namshiq raq arang chong ka thüda wan lot man. Shatmaq, arangchong raq namshiq ka thüda wan tlo.

Romans 3:27

Riita, ümchaü nashiq tiishom raa wan chang lamlu ka asi sha? Jammin ahü, siirai! Riita, arka jamlai ningkhan no? Nashiq raq Thungtri lang wan raa dea nguta ngo nang sha? Riimak, kiikhiika riimak. Shatmaq, nashiq raq kamtsantsii kli she thü wan chang nguta ngo nangnga chongtlo.

2 Corinthians 4:7

Shatmaq tiina ara chongtiikai, wenyi tsiiq nai nyam tum tochang, naishiq khum arka miinan hamtak ikhli. Ara wenyi tsiiq nai nyam tum ngutiikai arka, naishiq raq chongkuq tiikai Tsütsa Ahea jaqsham kra nangnga chongtiikai Riita ara naishiq khum hamlii tak ikha sitlaq ara lümaq, Shiikeawe raq apaiq ningkun jonghea sitlaq kra, Tsütsa Ahea naishiq raq chongkuq tiikai kiijiishe tiichhikuqtlo. Arka Shiikeawe ningkun. Naishiq ningkun ka riimak.

TRI CHONGKE 32:27

Shatmaq Ngi raq tsang jaqtinok ka tiishkonglot mang, tsangshiq raq isenginok tiinamtok khatto nguta, shatmaq tsangshiq ka Ngi raq ijaq maq tiinamtok atiikhat baiqha.’

TRI CHONGKE 8:17

Arningkhan, namshiq ka maiqmii ningkun maq kiimaq maiqmii hong ala maq, chiithe lüwa jawan kai nguta tiima wan raa mak.

TRI CHONGKE 8:18

Tsan na tiitsang ronglaq, Tatiwe namshiq Shiikeawe raq, namshiq ka chiithe ma jawan miitu ningkun kuqtlo. Apaiq raq ara jamkhano klo kuqtlaq ngukla, apaiq raq namtitiim rai tongshong wantaq kra ümchaü ranaiq na saüli tsapkapkap maq rüm wantlo kra ningkhan namshiq ka chiithe ma tiijatlo.

James 4:6

Maiqse ngarai sükha tsii ka henghea. Li jiimin, Shiikeawe kaphap mangchan tsii riiwe ka wiitarü ngarai ningkun thaq na aheng. Arkha maq tiina, Asii Bomtsi na, “Shiikeawe raq ra weahü maiqse ka romak. Shatmaq sobsob bombom maq siti miika, apaiq kaphap mangchan apa kuq tlo” nguta chong tlo.

1 SAMUEL 14:6

Jonathan raq jerowe nangnga nguto, “Nanai ka thatsang maiqse Philistainnok phenlabi piitiip kiina saüli jin wan i. Jursap, Tatiwe raq nanai mokhrumke moraq miraq; apaiq raq khrum kuq raü ka, nanai laqlaqse, maiq atsapseli li jiimin, rekhat ka nanai ma mitiitangkuq, jamlai phan riimin tangta lot mak miraq.”