PHOWEBI 7:1 - ASII LAKDAP Bible (BSI)

¹ Ranaiqshi ranap chu maq Gideon nai asengi sreabi ka wawan raüta Harod Khamraise tho na tsangshiq piitiip teito. Kiimaq Midiannok piitiip ka tsangshiq piitiip maq shekhu nü na hiqthung tan na More kinse tho na teito.

Hawa Naga Bible 2001

¹ Raungnuiyq shiz Gideon nuiyc piq rulc lomx jix htenc kuex raungnvp saz maq kvtenc vtueq, Harod yuix saz Ruilx hep nuex jerak tec tueq. Median miqsaz jerak kuex tsuinghez maq ghaqkhux kox More Kanx hep wawc warc tvnx nuex rvtueq.

PHOWEBI 7:1 Referencias Cruzadas

RAPHA HIQWA LAK 12:6

Abram ka kra mung hamli maq kihoto raüta Shekhem chela na asii pechong More hiq na sitlaq kiijaq saüli kito. (Kra akhing na Kanannok ka kra mung na sishat li riito.)

RAPHA HIQWA LAK 22:3

Kriimaq napjai ranap na ranap chumiili Abraham raq honglu chaq chang chin ka thamto. Raüta akumtoq kaü raikhü na miito. Raüta apaiq rai Isak kiimaq ajaqshise wenai kra shea wanto. Raüta tsangshiq ka apaiq ma Shiikeawe raq chongtaq hiq ba kiiniishe wawanto.

Tvtsvmc 83:9

Midiannok jamkho riilaü kiikha tsangshiq kiimin khat laq, kiimaq Sisera nai Jabin Kishon rai maq ikha riilaq.

THARC TVLUINGC 9:10

Ümniiraq jamlai sham-akai wa shamtlaü, kriika, tsapkapkap maq shamlaq. Jamkhano ngukla, ümnaq kaiho chang wulum mung kiijiika, jaqsham kaiwa min ahüshe; tiima tsantsii min ahüshe; phaqchi pinja min ahü she; taksutsii min ahü she miraq.

TRI CHONGKE 11:30

(Ara pum wiinai arka Jordan Rai maq shenyap nü wang na Jordan Rai tan na Kanannok hiqshong wang na sitlo. Ara pum wiinai ka shenyap nü nü wang na, Gilgal chela tho na asii pero More hiq tho na.)

JOSHUA 3:1

Anap ranaiq miishe Joshua nai Israilnok tlotli ka ranap chu miili tiidoto. Raüta tsangshiq lamjap wan chang Shittim hiqshong kriiwa tiido wanto. Raüta Jordan rai kii kiina jap wanto. Raüta Jordan rai kra jin wan miitu tiijeme wanto.

JOSHUA 6:12

Joshua ka anap ranaiq na, ranap chu maq chapto. Raüta jangnai ngoja she, kongkhu ranaiq khumtaq kra phan phan hali, ramwebi nai srea nolabi ka chela tro na khum nongto: Apha na lamsheati phenlabi; kra jai na lerong tsüti ramwebi wemiishi; kra jai na ramwebi Tongshong Tek piti; kra jai na atiisup niika, akheti phenlabi kra khumto. Tsangshiq ka lerong tsii wan ruq maq khumto.

PHOWEBI 6:32

Kra akhing miiphat she Gideon mang ka Jerubbaal nguta mangto. Jamkhano ngukla Joash raq, “Baal raq maiqmii mitiichhiiphaq liina. Apaiq berong-wacha shiithen baiqtaq kata.”

PHOWEBI 6:33

Kiijiishe tlotli Midiannok, Amalakaiqnok, kiimaq kumtsaiphii wang na siti maiqphan thun kra adam na riitamto. Raüta Jordan rai ka jinto. Raüta Jejreel tan na thungto.

PHOWEBI 6:40

Krai mren, kra chongtaq kra phan phan Shiikeawe raq kloto. Kriimaq napjai ranap na liikiita unirai wit thun ka shinriiqriiq riito. Shatmaq hiqsii thung ba ka bangkham raq jobaibai riito.

PHOWEBI 8:29

Gideon ka ahiqshong niishe wawanto. Raüta kiijiishe siwato.

1 SAMUEL 12:11

Krai mren, Tatiwe raq Gideon, Barak, Jephtha, kiimaq atiisup niishe ngi arshe tiikito. Naishiq loweatek raq, namshiq ka nam jaqtinok jaqkhon mong wa tiikhup wongkuq kai. Krai mren, namshiq ka khusang miishe shongnga tlan.

1 SAMUEL 29:1

Philistainnok raq tsangshiq phenlabi ka tlotli wiita Aphek chela na shea wanto, raüta kiijaq thungto. Kiimaq Israilnok ka Jejreel jüwii tan kiijaq piitiip tei raüta thungto.