PHOWEBI 13:6 - ASII LAKDAP Bible (BSI)

⁶ Kiijiishe maiqnyung ka tsangwe phana wato. Raüta tsangwe ma akha chongto, “Shiikeawe shammiwe iphana kito. Kiimaq apaiq sham ka pinthum maiqkii maiqnyii Shiikeawe rase sham ikha. Ngi raq apaiq ka ümba maq akiwa kriika waimang dea. Kiimaq apaiq raq ngi ma apaiq mang kiimin chong mak dea.

Hawa Naga Bible 2001

⁶ Kvruex yimaq yalxjuik nyuiuz kuex vtaungx waz kox nuex kaz vtueq, “Tishox miq washiz ngaz kox nuex kaz ruex, piq kuex Tishox raungkamx waz ikhoc miqhiz vsac rvtueq. Ngaz rueq piq muex ngoc mnoz mmaq vkaz lac ngoz tueq wiz mauk doc, piq rueq muinz vmuingc kuex ngaz muex jungx kuq muq doc.

PHOWEBI 13:6 Referencias Cruzadas

RAPHA HIQWA LAK 18:2

Apaiq raq lam nü na liito raüta maiq wetsam ka kiijaq chap raq raq chhito. Kiimaq apaiq raq tsangshiq ma manto tiichhi atheaphi ka hiq na tiithanli bumto.

RAPHA HIQWA LAK 32:29

Kiijiishe Jakob raq nguto, “Riita ümchaü min ümmang ka juwa chonglaq.” Shatmaq apaiq raq treto, “Ümniiraq imang ka jaram sap wa rotlaü?” Kra ngu raüta apaiq raq Jakob ka shiimanto.

1 HOKHVMX 17:18

Kiijiishe kriinyung raq Elija ma akha nguto, “Shiikeawe maiqse lei, ümniiraq ngi ma akhlanglang chamchao ka jam nguto tiisaü laü? Ümniika arjaq ngi ngarai ka Shiikeawe ma tiichhike wa miitu sha walaü? Laüta ise ka tiitsai wa sha walaü?”

1 HOKHVMX 17:24

Kiijiishe kriinyung raq treto, “Ümchaü ngi raq sapkang she. Ümniika Shiikeawe maiqse dea. Kiimaq Tatiwe riika ümnübok miidea bomtlo!”

2 HOKHVMX 4:16

Kiijiishe Elisha raq kriinyung ma chongto, “Rawii atincho akhing na ümse maiq wese ka ümjaq na doraüshe mirhaü.” “O! shiilangwe lei, ümniiraq ngi ma arot naq chongkiq. Ümniika Shiikeawe maiqse!” nguta kriinyung raq awang rai lam maq bomto.

2 HOKHVMX 4:9

Kriinyung raq tsangwe ma nguto, “Liilaq, arwe arka akhing khing na ana khumruq kitlo. Arka asii maiqse.

DUNGWVNC 3:2

Kiijaq Tatiwe rase ka apaiq ma walütu ma jaraüta nyiimtamse mong na tiichhikito. Mosheq raq rumtamse ka walütu mong na anyai rai chhito. Shatmaq nyiimtamse ka wa raq khiimbaiq mak.

DUNGWVNC 3:6

Ngi ka ümtitiim Shiikeawe, Abraham Shiikeawe, Isak Shiikeawe, kiimaq Jakob Shiikeawe.” Kra ningkhan Mosheq raq atheaphi ka khea maq pangto. Jamkhano ngukla apaiq ka Shiikeawe theaphi na liikham mak ahaisi riito.

DANIEL 10:11

Kiijiishe rase raq ngi ma nguto, “Daniel lei, Shiikeawe raq ümnaq lungwiitlo. Chap laq. Laüta ümchaü ngi raq jamlai bom wa chongkuq tiikang kra tiitsang dada tailaq. Ngi ka ümphana tiikito.” Ümtiikiiwa apaiq raq kra ngutaq, ngi ka achap she riikang. Li jiimin ihok ijaq thun ka tiikhai ruqli riito.

DANIEL 10:5

Ngi raq ra nü na kisaq liikangta, maiqwe weshi ka raihi-nairai khea miirii samraü, kiimaq achhü na awongsii chaq shinket paraü chhikang.

DANIEL 8:17

Krai mren, Gabriel ka dongchhaq saüwato raüta itho na chapto. Kra chhilata ngi ka phiip raq tsaikang. Lata hiq na bumki tlii riikang. Apaiq raq ngi ma chongto, “Maiqse han-ngam hiqda lei. Kra liichum ka tak laq. Kra riisham makchhi ka phangthum wan akhing wa bom.”

Luke 1:19

Kiijiishe, rase raq treto, “Ngi ka Gebriel. Ngi ka Shiikeawe man na ngati we. Apaiq raq ara tsütsa ahea ara, ümniima tiichong kai tiikito.

Luke 9:29

Apaiq ka achü jaürea liipan niili, atheaphi kriika klaisaq klai kito. Adü na asam khea kriika chhaihea langlang, maklüp jaqlüp she chhairaito.

Acts 6:15

Kra tai raüta, kiijaq Rung na ngongthun wantibi maiq ümchuwa sitaq kra raq, Stephen theaphi na tiqtiq liito. Kiimaq, tsangshiq raq apaiq theaohi ka rase theaphi ikha chhito.

TRI CHONGKE 33:1

Shiikeawe maiqse Mosheq raq apaiq mitsai shaq na Israilnok ma arthun achu shiiman ara ramkuqto.

1 Timothy 6:11

Shatmaq, ümniika Shiikeawe jaqshise. Krai mren, ara chongtiikai ngarai rahai thun arka ümdü na naq tiisaükiq. Ümniiriika wranaiqshe, Shiikeawe raq jamlai jaqsham wa thikuq tlaq, kriili sham wan ruq maq si laq. Laüta, athuk atsom Phungmaiqse kechu rilung kra riikhaqli maq silaq. Khristo ma kamwan ruq maq silaq. Laüta, Phungmaiqse phunaino thun kra lungwii laüta, silaq. Laüta, phanrap haikaiq haike ümtinkhan wa saütlaq, kra anin riilaüta silaq. Kiimaq nanok tarü rai sobsob bombom maq silaq.

JOSHUA 14:6

Ranaiqshi Juda phan wa, maiq wiijamti ka Joshua phana wato. Kra phong wa weshi ka Kelib. Apaiq ka Jephunne se Kennijaiq ta wa. Kelib raq Joshua ma, “Tatiwe raq apaiq jaqshise Mosheq ma Kadesh Barnea chela maq nanai miitu jamlai bom wa chongkuqtaq irka, ümniiraq asap haü.

Revelation 1:17

Ngi raq apaiq ka chhi lata, apaiq khaki na bumtlii, ama ikha bumkikang. Apaiq raq ajaq, jaqtsi nü ka, i dü na sham raüta bomto, “Ümniika naqhaikiq! Ngi ahata Atiiphati kiimaq Atiisupti.

PHOWEBI 13:10

Kra ningkhan apaiq ka tlatchhat ju raüta apaiq ma akha chongto, “Liilaq! Ümnap ümji iphana kitiiwe ira jangshi ri hali ngi phana saükito.”

PHOWEBI 13:22

Manoa raq tsangnyung ma chongto, “Nanai ka atsai she mir i. Jamkhano ngukla nanai raq Shiikeawe chhikai!”

PHOWEBI 13:3

Tatiwe rase ka apaiq phana kito. Raüta akha nguto, “Ümniika ümsetiim min hum maü miili siwan laü. Shatmaq ümniika jaqlo miili she wiihan mirhaü. Laüta ümse maiqwese mihum haü.

PHOWEBI 13:7

Shatmaq apaiq raq ngi nangnga wiihan she mirhaü. Laüta ümse maiqwese mihum haü nguta chongto. Apaiq raq ngi nangnga jamlai phan che min naq nyangkiq kiimaq sapsekham nyang min maimak nguta chongto. Kiimaq apii apen chang phan phaqsea ka nü na naqthiikiq nguta chongto. Jamkhano ngukla, no ka Shiikeawe ma ngamrea akuq ikha rilung pattup Najiraiq phan ma jaraüta sichang nguta chongto.”

PHOWEBI 13:8

Kiijiishe Manoa raq Tatiwe jaq wa akha achu jaüto, “Tatiwe lei, mangchan laüta, ümniiraq Shiikeawe shammiwe tiikilaü kra hali nainai phana tiiki nonglaq. Laüta nainai ma no raq rawii chhi jai, nainai raq jamkha tiichhanchhi wan chang wa miraq, kra nainai ma tsü tiichong kuqkikiq.”

PHOWEBI 6:11

Kra akhing na Tatiwe rase ka Ophra hiqshong na kito. Raüta Abiejar weraü wa, maiq weshi amang Joash ngutlaq kriiwe hiq na ok chongji na ngato. Ase Gideon ka Midiannok raq apaiq chhijiiq nguta, ahukse maq Bunwong khaolüm ka spiqtsitsai tiikit chang longtham na tiikit rea riito.

1 SAMUEL 2:27

Shammiwe ashi ka Tatiwe tsütsa chongkai Eli phana kito. Raüta akha chongkuqto: “Man na ümti Aron nai ata awii thun ka Ejip mung hokhamwe di jatlaq akhing na, ngi ka Aron phana kilata, isham tiichhikuq kikang.

1 SAMUEL 9:6

Ajaqshi se raq treto, “Kheliishaq! Ara chela na maiq asii shammiwe weshi asi. Apaiq ka tarü raq pinthum shreng tlo. Jamkhano ngukla, apaiq raq chongtlaq kriika khaqkhaq hong watlo. Nanai apaiq phana kipha. Jursap apaiq raq nanai ma kumtoq kong ka ümba niiwa kra michongkuq lot sham.”