PHOWEBI 13:5 - ASII LAKDAP Bible (BSI)

⁵ Kiimaq ümse ka rawü chhi jai na, akhu ka ümtiikii jiimin naqsikiq. Jamkhano ngukla, apaiq ka rawü chhi wanli miili, Shiikeawe ma Najiraiq phan nguta kiinongke wan chang miraq. Apaiq raq Israilnok ka Philistainnok jaqkhon mong wa mitiichhii kuq wan.”

Hawa Naga Bible 2001

⁵ msaz miqwaz saz kuex jawx yix maq, vkhux kuex mkaq muinz nauk sulx kaz, yvmx khoc lac ngoz ruiux lec nox kvruex kuex piq jawc raungnuiyq maq phaungc vtueq Naziri miq ngoz tueq Tishox muex lekuy yoalx waz rvtueq. Piq rueq Philistin miqsaz yauk wawc Israel miqsaz palc wvnc yauk shuimc kuex phaungc wvnc shuex,” ngoz tueq jungx tueq.

PHOWEBI 13:5 Referencias Cruzadas

2 SAMUEL 8:1

Arjai maq ashaqpuq siraüta Dawit raq Philistainnok ka thongshi ri hali khatki nongto. Raüta apaiq raq tsangshiq ka tangto. Raüta tsangshiq raq kra mung siqtlaq kra tiithumbaiqto.

1 KAÜWA WERAÜ 18:1

Kriijai maq heashi sijai na Dawit raq Philistainnok hiq ka thongshi ri hali longkito. Raüta tsangshiq ka tangto. Raüta apaiq raq tsangshiq jaqkhon mong wa Gath chela nai kra tro binjü wa hiqshong thun kra nyea wanto.

AMO LUIK DVP (AMOS) 2:11

“Kra latiishe, ngi raq namsetiim wiijam, heawan lata ishammibi ma shong wan kang. Kiimaq namsetiim jerobi wiijam, Najiraiq phan ma shongwan kang. Riita, o, Israilnok lei, ara chongtiikang ara tengteng dea riimak shea? Ara, ngi namshiq Tatiwe raq chongtiikang.

WEAWEA 6:5

Apaiq ka Najiraiq phan sinkham wokhong na sishat wiiwii, apaiq raq akhu ka si maimak. Kiimaq anü bin kiimin sibaiq maimak. Apaiq khum ka Tatiwe ma kiinong kuqtaq kra sinkham wokhong niili si ratlo. Krai mren, apaiq raq akhu nai anübin ka tlu wan ruq miili si chang.

Luke 1:15

Apaiq ka Tatiwe man na ajong pinthum miraq. Apaiq riika che nyang min maimak. Apaiq ka rawü chhi wanli miili, akhum na Asii Wenyi ka ama maq misi wan.

PHOWEBI 16:17

Kra ningkhan apaiq raq atiisup na sanha, kriinyung ma tengtlaq bomtsi kriishe chongto. Apaiq raq chongto, “Ikhu ka jangshi min simak shaq. Ngi ka irawü chhi wan li maq Shiikeawe rii akiinong kuq Najiraiq phan. Ikhu ara sibaiq raü la, iningkun ka amoshe mirki. Raüta nanok ahinti ikha iningkun ahü she miraq.”

1 SAMUEL 1:11

Hanna raq sinkhamto. Raüta akha achu jaüto: “Ajong Pinthum Tatiwe lei, ngi ümdise ara liilaq! Ngi chamchao ara liilaq laüta ngi ka ümtsan mong na thülaq! Ngi naqlaqkiq! Ümniiraq ngi ma maiqwe se la kuqhaüla, ngi raq apaiq ka rilung pattup ümnii miitu mikiinong kuqha. Krai mren apaiq raq rilung pattup akhu sihü maq misi.”

1 SAMUEL 7:13

Krai mren, Philistainnok ka tangto. Kiimaq Tatiwe raq tsangshiq ka Samuel atra siruq wiiwii, Israil mung ka tiikhat wamak she shangbaiqto.