Philippians 3:11 - ASII LAKDAP Bible (BSI)

¹¹ Arka ngi raq, i khum armin amaa wa, Shiikeawe raq mitiidong wan nong nguta, kriima ran tsantsii rüm tiikang kra khuthaq na seng lata sitiikang.

Hawa Naga Bible 2001

¹¹ Kvkhoc ngoz ruiux jix ngaz kuex vthueyc wawc yuing kvtenc vkhangx lvp wvnc shaungx ngoz tueq thuinz tvluimc vshaungx.

Muklom

¹¹ Nga chamal eq tho utik wang wey jey ang ching.

Philippians 3:11 Referencias Cruzadas

Tvtsvmc 49:7

Maiqse raq arilung ka dokda wan lot mak; apaiq raq Shiikeawe ma amiisaq thii ka kuqlot mak,

Luke 14:14

Kiimaq kra riihaü jiika, ümniima kechu jonghea miraq. Ara jamkhano chongtiikang ngukla, tsangshiq riika ümniima thamsong kuq lot mak she miraq. Shatmaq, kechu maiqse thun ka ama wa dong wan tlaq ranaiq akhing na, Shiikeawe riishetiq ümniima misong kuq.”

John 11:24

“Ngi raq asapha, i no ka phangthum ranaiq adong mirwa nong,” nguta Martha raq Jesuq bom ka treto.

Acts 23:6

Kiijiishe, Paul raq kra Rung ma nga wanti welabi phong niika maiq wiijam ka Sadusinok, kiimaq wiijam ka Phorisinok kra chhito. Kra chhi raütiishe, apaiq raq Rung na ngatibi welabi ma hong raüta, agi lam miishe tri ka akhiishe phoqto, “I phan i maq Israilnok lei! Ngi ka Phorisinok phung wa. Kiimaq i we kiimin Phorisinok phung wa. Riita, ngi ümchaü arjaq Rung na chap tiikang arka, maiq ka amaa wa adong mirwan nong nguta ranphan lata sitiikang kamtsantsii bomtsi kra kha na Rung welabi raq tiichaptlan!”

Acts 26:7

Ara kiqkham kongphiq arka ranaishishi milap wan rong i dongdii nguta ranphan raüta, nashiq nok maiqphan phanroqshi ri phannai raq Shiikeawe ka ranaiq rawa shomnoq wantlo. O, Chaü lei! Ümchaü ranaiq ngi rung na tiichap wan tlaq arka, ara ranphan wan tiikang arkha na Jehudinok raq ngi ka tiishuttlo.

Acts 27:12

Kiijaq laijong khing chang tru ka ralii na khingwa miika abi. Kriikha maq maiq apako riika, khamjong mong maq lealea wawan raüta laijong khingwa chang Phonisk tru na saü wan tlo haijaq ahea miraq nguta tiimato. Mairaü la ralii bala ka kiijaq khing wan haijaq nguta tiimato. Phonisk chela ka Kret wang na lai khing wa chang tru ashi. Phonisk chela na rahai walam ka shemai nü nai shenyap nü maq kiimaq shekhu nai shenyap nü wiiq maq hai raüta saütlo.

Romans 11:14

Jursap, ngi raq ara rukwe kiimwe jaqsham wan tiikang ara chhi raüta, i phan i maq Jehudinok phan tsan atsii na, khunniitsi lo siwan jiiq riila. Lata, ara i jaq sham ara lümaq, tsangshiq phong wa maiq, wiijam wiini ra siilo Shiikeawe ma kamwan raüta tiichhii wan jiiq riila, nguta tsin ngin rai wan tiikang.

1 Corinthians 15:23

Shatmaq maiqmiimii akhing na amaa wa mitiidong wan. Khristo ka amaa wa dong wan apha shaq shaq dong wanti we. Apaiq sengi thun kriika, jai maq apaiq thongnai saüho tlaq akhing ranaiq niishetiq amaa wa atra she mitiidong wan.

1 Corinthians 9:22

Kamasham na ajomti phong na, tsangshiq ka shunshea wan miitu, ngi ka kamasham na ajom ikha sitiikang. Riita ngi ka wiitarü, phanphan maiqse rai phanphan maiqse ma ja lata sitiikang. Kra jaqsham tiikang kriika, tsangshiq phong wa maiq wiijam ra ka jamkha riilata jiimin Jesuq wokhong na shun shea wan lot hajaq nguta tiima lata shiikut chaq tiikang.

1 Corinthians 9:27

Ngi raq i han-ngam na jaqtham maq tiithong tiikang. Lata i han-ngam tiima tsantsii ka, jaqkhon mong na thü tiikang. Arka ngi raq nanok ma ara aju riilong na hea wan kang krai mren, poiki mang maq, atiisup na saüli juwan ruq chang miitu shiichaq tiikang

2 Corinthians 11:3

Ngi hairai tiikang arka, Ewaq ka jamkho lao wa taq, kiikha namshiq kiimin laoho jiiqla, nguta hai tiikang. Paü ka lulesang. Apaiq raq Ewaq ka lao wato. Kiikhiisii hali, namshiq tsantsii kiimin, apaiq raq mirap wiiqho. Raüta, namshiq tsantsii ka, Khristo lungwii tlan kiiwa, thawe raq mitiishonho.

1 Thessalonians 3:5

Arningkhan tiina, ngi raq Timothi ka namshiq liiwa, tiiwa kang. Ngi raq namshiq miitu chapa tsi ka ninlot mang she riilata, apaiq ka namshiq kamasham ka jamkhiiwa kra, tho tlap wa nguta, tiiwa kang. Ngohea shaqshaq dea, namshiq ka thawe maitai na dea man sha, kiimaq naishiq raq ümtinkhan wa jaqsham wankai ka, atu niika moki mak ahiq na, nguta tlii wa tiiwa kang!

2 Thessalonians 2:3

Namshiq ka maiq ma mo tlao naq tlao rongkiq. Phangthum ranaiq ka mosaü kai ka saüki mak. Phangthum ranaiq saüho miika, mangjong maiqse apako raq, Shiikeawe lam ka phan wan mak she miraq. Kiimaq, Abi Thawe kriishe misaüho. Apaiq ka Shiikeawe ma wesang. Shiikeawe raq apaiq ka wamungtan na chaq baiq miitu dongdii athiiq arwan.

2 Timothy 4:8

Riita, ngi raq aju riilong ka ong kang she. Shiikeawe raq ngi miitu poksi kechang ümchaü tiijeshat she thütlo. Ara poksi arka kechu rilung siwanti maiqse tarü ma kuqtlo. Tingting maq khaphoketi we Tati Jesuq Khristo raq, ngi miimin Phangthum Khapho Ranaiq mikuq nguta mongngam maq sitiikang. Apaiq raq kra Phangthum Khapho Ranaiq na, apaiq saükai khetibi tarü ma poksi mikuq.

Hebrews 11:35

Kiimahali, kamtsantsii lümaq, jechakre raq, tsangshiq ma tanyang senobi ka, atsea arbaiq wa, amaa wa, atra tiijang wanto. Raüta, tsangshiq raq khoqriiq shishiiq maq tao wanto. Wiijamti riika, atra sinam ma, maiqjaq khon mong na chamchao raüta, tsai riiwe ka ahea nguta tsaito. Kra tsai wantaq kriika, tsangshiq raq amaa wa dong wan jai, rilung ahea lap wan miitu tsaito.

Revelation 20:5

(Kiiwa chantlaq maiqse ümchuwa amaa sitlaq, kriiti thun ka, ara rawii hingshi mithum wan shaq wiiwii ka amaa wa midong shaqli riito). Ahata amaa wa tiidong wan apha lak akhing.