Philippians 3:10 - ASII LAKDAP Bible (BSI)

¹⁰ Ümchaü sanha, ngi raq Khristo ka atsaü maq sap wan rotiikang kriili she. Kiimaq, apaiq ka amaa wa tiidong wantaq ningkun raq, i khum na jaqsham tlaq kra, sap wan rotiikang kli she. Lata, apaiq chamchao wantaq homa kriimin riisha howan dam lata, apaiq tsaitaq kiikha, atsai chamchao kra, i khum na sap wan rotiikang.

Hawa Naga Bible 2001

¹⁰ Ngaz rueq Christu tuiuz wvnc lvmx, vpiq yuing kvtenc wvnc tueq luimc vkawc kuex lvp wvnc lvmx, vpiq rulc vdvmz kuilc daz rvhumc lvmx, vpiq thueyc khvmc tueq ikhoc thueyc rvhumc tvkoc dvyx raungc raq vshaungx.

Muklom

¹⁰ Nga Khristo sha sam ma nuk ang, etho piq wey jey tarong sha nga kap ma, etho piq jamoq tsamnang nan rangma etho piq tik na rum ma somlo ang.

Philippians 3:10 Referencias Cruzadas

JEREMIA 9:23

Tatiwe raq ngutlo, “Taksu maiqse raq tsangshiq taksu tsü miitu shiikong raamak, kiimaq sreajongbi raq tsangshiq ningkun jong miitu shiikong raamak, kiimaq chiithe maiqse raq tsangshiq tsiiq tum miitu shiikong raamak.

Matthew 20:23

Kiijiishe, “Tengto, namnai raq i kok wa minyang wan lot han. Shatmaq ngi rai jaqtsi na nai jaqpha na tiinga miitu aming ka, i jaq na ahü. Arka i We raq ju rii wa thü tlaq, kriiti rii li miraq,” nguta Jesuq raq tsangnai bom ka treto.

John 10:18

Maiq raq jurmin i lang ka tiipit lot mak. Shatmaq, ngi raq i tsiitsii maq, i miisaq ka kiinong kuq baiq tiikang. I miisaq ka tan wan miitu arang ka ngi raq hotiikang. Kiimaq, i miisaq ara tiijang wan nong miitu arang kiimin, ngi raq holata sitiikang. Ara aming arka, i We raq ngi ma akuq.”

John 17:3

Riita pattup pat-sa rilung ngutlaq: Tsangshiq raq ümnaq kli riikhaqli Shiikeawe nguta sap tlo kiimaq ümniiraq atiiki haü Jesuq Khristo kra sap tlaq kra tsangshiq ma pattup pat-sa rilung.

Romans 8:17

Riita, ija, ümchaü sanha, nashiq ka asetiim she jawan kai kha maq, Shiikeawe apaiq raq, aphan amaq she nguta asengi miitu, achu shiiman ümtin khan wa rüm tlaq, kra thun ka wiita milap wan dam rong i. Kiimaq nashiq riika, Shiikeawe apaiq raq Khristo miitu, ümchuwa achu shiiman rüm tlaq, kra wiimin milap wan dam rong i. Riita arka, nashiq raq Khristo chamchao wantaq homa kra, jamkho riisha howan dam tiikai, kra tinkhan, nashiq raq apaiq achhai anyii khushü ngao kriimin, milap wan dam rong i.

Romans 8:29

Shiikeawe raq maiqse phong wa ümriiti wa, kongkhu miiphü tsea wantaq, kriiti ka Ase sham sham tiija wan miitu, athiiq raüta pong na rairii thü wanto. Krai mren, Ase ka aphu anotiim pahea siwan tlaq kra phong na, chhikhu pinthum we ma mija wan.

Romans 8:36

Asii bomtsi na akha nguta chongtlo: “Namshiq khum tiikhup wongke miitu, naishiq arka wranaiqshe, maiqse raq atsea ata wan ma tiiphiip jiip wan tlo. Naishiq arka skuse kong ataaphaq ma khaban je ikha, maiqse raq tiichamchao wan tlo.”

2 Corinthians 1:10

Riita apaiq raq naishiq ka atinkhan atsai chang chamchao walü mong wa tiichhii kuqto. Kiimaq apaiq raq, jai miili jiimin tiikhup wongkuq wan ruq miraq. Kiimaq naishiq raq apaiq ma naishiq kamtsantsii ka thü wan kai she. Apaiq raq naishiq ka tiikhup wongkuq wanruq miraq nguta kamtiikai.

2 Corinthians 1:5

Khristo ka chamchaoto. Krai mren, naishiq min chamchao tiikai. Kiimaq Khristo ka Shiikeawe raq khrum kuqto. Krai mren, hali naishiq ka Shiikeawe raq Khristo lümaq khrum kuqtlo.

2 Corinthians 13:4

Khristo ka apaiq ümtiikiiwa pumsongkham na tübaiqtaq, kra akhing na, han-ngam ningkun ka ajom riito. Shatmaq, ümchaü ka Shiikeawe ningkun maq, Khristo ka atra sitlo. Krai mren, naishiq kiimwebi armin la, apaiq rai pumshi hanshi she sitiikai. Kra lümaq, han-ngam niika ningkun ajom sitiikai. Shatmaq, naishiq ümtiikiiwa Korin na watiikai, laita namshiq kha ka phokuq tiikai, kra ranaiq niika, atra Khristo sitlaq krai pumshi maq, ningkun asi maq misi hai. Kiimaq krai mren, juwa ajiq we sitlaq, kriiwe kha ka mipho kuq hai. Kriika, Shiikeawe ningkun maq mipho kuq hai.

Galatians 2:20

Riita, ara chongtiikang, i han-ngam arka atsai kaikun she kha maq, ümchaü ngi atra sitiikang arka, i han-ngam maq atra si ka riimak she. Arka, ümchaü sanha, i khum niika, Jesuq Khristo lishe atra sitlo. Krai mren, ümchaü ngi atra sitiikang i rilung arka, ngi raq Shiikeawe Se, ngi ara pinthum mangchan raüta, ngi miitu tsaiti we ma kamtsantsii thü tiikang kra, lü miili she atra sitiikang.

Galatians 6:17

Bom shat wan na: jurmin ngi ka shakshaq raa mak she. Jamkhano ngukla i khum na amiphan thun kriiraq, ngi ka Jesuq dise dea nguta hakhi kuqtlo.

Ephesians 4:13

Riita, ara chong tiikai krai mren, nashiq wiitarü ka adam na, nashiq kamtsantsii ashi maq, Shiikeawe Se mangchan tsaü kra mikhon rong i. Laita, nashiq ka wenyi na maiqla she mija rong i. Laita, Khristo jamkho sitlaq, kiikha misi rong i.

Philippians 3:8

Arthun arli lamlam ka riimak: Ngi raq Tati Khristo Jesuq rai mang riisap thü tsinhea, kra miitu phanrap ka, thiihü hiqtili miili she tiijabaiq kang. Apaiq miitu, ngi raq phanrap phanrii hiq maq hutse raübaiq kang she. Ngi raq ara phanrap thun ara sinchiitsap ikhli she tsuqbaiq kang. Kriika, ngi raq Khristo ka lap wan miitu tsuqbaiq kang.

Colossians 1:24

Riita ngi ka ümchaü sanha, namshiq miitu chamchao tiikang arkha maq, chochi khiq li sitiikang. Ara jamkhano chongtiikang ngukla, ngi i khum na chamchao tiikang ara lümaq, Jesuq Khristo raq apaiq khum phungtu miitu, apaiq chamchao chang ümchuwa tiichong tlaq jaqthiq ka tiinyi wan miitu jaqsham holai ka riisha howan dam tiikang.

Colossians 2:13

Namshiq ka akhing ashi na, namshiq ngarai na amaa silan. Kiimaq namshiq ka Pongnok phan maiqse kha maq, Thungtri wura maq tiiham mak dea riito. Shatmaq, ümchaü sanha, Shiikeawe raq namshiq ma Khristo rai tsitsü rilung she kuqto. Shiikeawe raq nashiq ngarai ka wiita diibaiqto she.

Colossians 3:1

Namshiq ka Jesuq Khristo rai adam na amaa wa, atra she tiidong wanto. Krai mren, ümchaü sanha, namtsan namtsii ka, ramungtan na siwan rilung kra tsan na atsi maq tiima lantli she sirong laq. Jesuq Khristo ka Shiikeawe rai ramungtan na, Shiikeawe ma jaqtsi nü na, apaiq hokham ngachang niishe nga tlo.

1 Peter 1:3

Nashiq raq Shiikeawe, nashiq Tati Jesuq Khristo ma Awejong ma kechutum rong i! Apaiq raq nashiq ka, apaiq mongpo pankuq li khan lungwii tlo. Kriikha maq, apaiq raq Jesuq Khristo ka amaa wa tiidong wan raüta, nashiq ma rilung anye kuqto she. Ara kam tiikai arka moki mak phan.

2 Peter 1:13

Ngi raq namshiq ma akha sungkhu tsiilam chongke wan arka, ngi ma homaho jaqsham ashi. Arkha maq, ngi ka atra sitiikang wiiwii, namshiq tsan tiichhii wan miitu tsii chongke ka nungpaq mang mirha nguta tiima tiikang.

1 John 2:3

Nashiq raq Shiikeawe aming thun kra langlai tiidea singa tiikai jiila, nashiq ka apaiq rai tsanwa we ma jalai tiidea sitiikai nguta na tsan mong na mongngam maq misi rong i. Nashiq ka apaiq rai samhea wiq maq mang riisap laita sitiikai ngushat miraq.

1 John 2:5

Shatmaq jurwa Shiikeawe aming thun kra lang raüta sitlaq, kriiti tsan mong niika Shiikeawe ma lungwii tsii ka asho awo rümtlo. Arka nashiq nai Shiikeawe liipan na tsanwa riilungwii she. Ara chongtiikai tsan wa riilungwii ara asi raütiq tiina, nashiq raq Shiikeawe ka tsanwa we ma tiija laitiidea lungwii tiikai nguta misap lot rong i.

Revelation 1:18

Ngi ka atra sitiwe! Ngi ka amaa wa shatmaq, ümchaü ka pattup pat-sa miitu atrali she misiha. Amaati nai wulum mung na siti ka, i jaqkhon mong niishe.