Philippians 2:9 - ASII LAKDAP Bible (BSI)

⁹ Arkha maq, Shiikeawe raq apaiq ka wiitarü thaq na, ajong pinthum ma shongto. Kiimaq apaiq mang ka wiitarü thaq na, ajong pinthum mangto.

Hawa Naga Bible 2001

⁹ Kvkhoc rvtueq Tishox rueq vpiq kuex johvlc raungmungx nuex httuiuc laz somraungc ruiux, muingc jungc lotlaz htauk nuex muinz vyungx pinhtumc muingc jungc kuex kuq tueq.

Muklom

⁹ Eshirangma Shkewa piq tha rapney ajong alang ma hunta. Etho thaji miing wang ajong miing tha piq ma kota

Philippians 2:9 Referencias Cruzadas

RAPHA HIQWA LAK 3:15

Kiimaq Ngi raq jechak nyung nai ümnaq liipan na makshu rashe mitrii-riingengha. Apaiq laila nai ümlai ümla liipan na wranaiqshe wesang ralii she misi wan. Apaiq lai ala raq ümkhupo ka mitiibuntiiq. Kiimaq ümniiraq tsangshiq hokphi na mithaü haü.”

Tvtsvmc 110:1

Tatiwe raq itatiwe hokhamwe ma thaüto, “Ngi ma jaqtsi nü arjaq ngalaq; ngi raq ümjaqti thun ka ümjichong na miphongkuqha shaq wiiwii.”

Tvtsvmc 110:5

Tatiwe ka ümniima jaqtsi nü na; ümtiikiiwa atsankhiqjiiq, apaiq raq hokhambi thun ka khat raüta mitang.

Tvtsvmc 89:27

Ngi raq apaiq ka ise chhikhuwe ma mitiijaha, hokhambi thun wiita thaq na ajong pinthum.

Tvtsvmc 91:14

Shiikeawe raq ngutlo, “Jurwa ngi lungwiitlaq kriiti ka ngi raq mitiichhiiha kiimaq jurwa ngi ka Tatiwe nguta saptlaq kriiti ka ngi raq mitiichhiikuqha.

ISAIA 52:13

Tatiwe raq ngutlo, “Ijaqshise raq apaiq jaqsham na ong wan ruq miraq; apaiq ka maiqse raq pinthum mishreng wan.

ISAIA 53:12

Kra ningkhan, Ngi raq apaiq ma shreng jonghea ngachang mikuqha, kra ngachang ka ajong alabi kiimaq ningkun ajong hotibi phong na miraq. Apaiq raq arilung ka khoqriiq shishiiq maq kuqto, raüta abi maiqse kharii kra riisha wan damto. Apaiq raq ngarai maiqse pahea rilung kra la na tsaito, kiimaq tsangshiq mra ka midiikuqlaq nguta achu jaüto.”

ISAIA 9:7

Apaiq hokham ningkun ka jong wan ruqli miraq; apaiq mungtan ka wranaiqshe mungtsing miraq. Apaiq ka Dawit Hokham pumsongtiwe miraq, apaiq raq tri kappe ka tingting kiimaq riikhaqli maq milang wan, ümchaü ranaiq maq pha wan raüta, phangthum ranaiq na saüli. Tati Ajong Pinthum raq arka mishamha nguta atoqtan wanwi she dongdii.

DANIEL 7:14

Apaiq ma arang, shreng, kiimaq hokham jaqsham ningkun kuqto. Krai mren maiqmung thun, maiqphan thun, kiimaq maiq phan phan bomti thun, wiita raq apaiq kli she minoq wan. Apaiq arang ka pattup pat-sa thummak miraq, kiimaq apaiq mungtan ka, ümtiikiimin thummak miraq.

Matthew 11:27

“I We raq i jaq na phanrap arang ake kun she. Ase ka jurmin sap mak. Awe raq saptlaq kli. Kiimaq Awe ka jurmin sapmak. Ase raq saptlaq kli. Kiimaq Ase raq ümriiti miiwa tiichhikuq tlaq kriiti riili saptlo.”

Matthew 28:18

Kiijiishe, Jesuq ka tsangshiq tiinap niishe tiisotto. Raüta tsangshiq ma akhiishe chongkuqto, “Ramungtan nai mangjong hiq ara lang miitu arang ka ngi ma thumli ake kun she.

Luke 10:22

“I We raq ngi ma phanrap ake kun she. Awe tlea raüta, Ase ka juwa, kriika maiq ahinti jurmin sapmak. Kiimaq Ase ka lea raüta nai Ase raq tsea raüta ümriitimo tiichhikuq tlaq, kriiti lea raüta, Awe ka juwa kriika maiq ahinti jurmin sapmak.”

John 13:3

Awe raq apaiq ma phanrap tang wan miitu ningkun ka akekun she nguta apaiq raq asap. Kiimaq apaiq ka Shiikeawe pha wa aki, kiimaq apaiq ka Shiikeawe pha na hali wawan nong nguta, Jesuq raq wiita asap.

John 17:11

Riita, ümchaü ka ngi ümphana wawan she. Ngi ka mangjong hiq na simang she. Shatmaq, tsangshiq ka mangjong hiq niili. Asii i We lei! Tsangshiq ka ümmang jong ningkun, ngi ma kuqlaü kriimaq khup wong kuqshat riilaq. Krai mren, nanai jamkho kiqshi maq sitiikai, kiikhiisii tsangshiq min kiqshi tsiimshi maq mishong nga laq.

John 17:12

Ngi ka tsangshiq rai adam sikang liipan na, ümniiraq akuq haü ümmang jong ningkun maq, ngi raq tsangshiq ka khup wong kuqshat maq rüm wan kang. Ngi raq tsangshiq phong wa, ashi min tiiko mang maq, aheawiq maq tiichhan chhi wan kang. Ashi momiq wantaq riiwe kla, Asii lakdap na awaiq thü bomtsi kra tiikupi wan nguta sholam wailam phan na kihoto.

John 17:5

I We lei! Riita ümchaü min, ra nai hiq min mitiiq shaq niiphü, i khushü jonglu siwantaq irhali, ümchaü ümniirai mantut na, tiijong kuq nonglaq.

Acts 5:31

Raüta, Shiikeawe raq Jesuq ka, apaiq ma jaqtsi nü na, aki miikiim ngachang niishe tiinga wanto. Raüta, Jesuq ka maiqse Rümti nai maiqse Chhiiti miishe shongto. Arka, Israilnok raq, tsangshiq ngarai ka tiidii raüta, tsangshiq mra ka mitiisii laq nguta, lamlu jonghea tankuqto.

Ephesians 1:10

Ara Shiikeawe raq sürii wanto kiimung jonghea jaqsham arka, akhing saüto she angu na, ra nai hiq phansang wantaq thun kunkun ka Khristo wokhong niishe mikiinong kuq wan. Khristo riishe phanrap ka mirüm wan.

Colossians 1:18

Apaiq ka apaiq khum phungtu khupo. Apaiq kli apaiq khum phungtu ma tsitsü raü chong. Apaiq ka Shiikeawe Se chhikhu pinthum. Apaiq ka amaa wa tiidong wanto. Apaiq amaa wa tiidong wantaq ka, wiitarü thaq na, apaiq kli Shiikeawe jamkun na chhikhu pinthum sitlo nguta tiichhike miitu tiidong wanto.

2 Thessalonians 1:12

Ara chongtiikai akha, Tati Jesuq Khristo khushü ka, namshiq lümaq mitiijong kuq wan. Kiimahali, Shiikeawe kaphap wokhong maq nai Tati Jesuq Khristo wokhong maq, namshiq khushü ka mitiijong kuq wan.

Hebrews 1:4

Shiikeawe raq, Ase mang liichum ka rasetiim mang thaq na ajong pinthum maq mang wanto. Ase mang wantaq mang kriika, Awe Shiikeawe raq tingsang athiiq raüta, apaiq rii dongdii nguta athü wan mang riito. Krai mren, Shiikeawe Awe raq, Ase ka rasetiim thaq na ajong pinthum miishe tiija wanto.

Hebrews 1:9

Ümniiriika tingting jaqsham kli lungwii tlaü, Abi jaqsham ka asaisi riitlaü. Arkha miitiina, ngi Üm Shiikeawe raq, ümniika shong wan kang. Kiimaq, ümniima ümkongti tiim tarü thaq na, chochi ajong pinthum shreng lap wan miitu, shong wan kang.”

Hebrews 12:2

Nashiq maklii ka, Jesuq theaphi na tiitsi rong i. Apaiq ka nashiq ara kamtsantsii rilung lam na shea wanti. Kiimaq apaiq riili, nashiq kamtsantsii rilung ara, atiisup na saüli awongsii ma mitiija wan lot. Apaiq ka pumsongkham na tsai ma hai raüta nashiq tiichhii wan jaqsham ka thaq baiq mak dea riito! Shatmaq, apaiq ka akhiismin tiime mak riito. Jamkhano ngukla, apaiq raq chochi jonghea lap wan chang asi nguta asap. Kriikha maq, apaiq raq pumsongkham na, maiqjea asi tsai wan kriika, akhiismin tiima wan mak riito. Krai mren, ümchaü sanha, apaiq ka Shiikeawe hokham ngacho maq jaqtsi nü na ngatlo.

Hebrews 2:9

Shatmiitiina, nashiq raq, Jesuq ka alose miitu, rasetiim nam miimin anun ma tiijato chhikai. Kra anun ma tiijataq kriika, apaiq raq Shiikeawe kaphap mangchan wokhong maq, maiqse angu tarü miitu mitsai laq nguta atiiki. Raüta, apaiq raq maiqse miitu tsaitaq krai mren, Shiikeawe raq apaiq ka wiitarü thaq na ajong alu miishe shongto. Apaiq khushü ngao ka achhai anyii she kuqto chhi tiikai.

1 Peter 3:22

Apaiq ka ramungtan niishe wawanto. Raüta Shiikeawe ma jaqtsi nü niishe nga tlo. Kiijaq nga raüta, apaiq raq rasetiim thun tlotli khuthaq na, kiimaq ramungtan na siti arang hotibi thun khuthaq na, kiimaq ningkun hoti pahea sitlaq kra thaq na, arang ajong jonghea ho raütiishe mung rüm nga tlo.

2 Peter 1:17

Apaiq ma Awejong, Shiikeawe raq Jesuq jonglu ka naishiq ma tiichhikuq wantaq akhing na, naishiq ka kiijaq Jesuq rai adam na asi riikai. Rakaü Hiq we Ajong Shiikeawe raq, Jesuq miitu naishiq ma akha chongkuqto, “Ahata I Se, sekhuq laqlaqse sitlaq kra. Ngi apaiq ma pinthum khoqriiq tiikang!”

3 John 1:7

Tsangshiq raq trahoke khum tlaq kriika, Shiikeawe jaqsham miitu khum tlo. Kiimaq tsangshiq ma wanhiq khum miitu chiirit chiikha rong ra tlaq kriika thatsang maiqse jaq wa, raipo wonglo jam min jaü mak maq khumshiimtlo.

Revelation 1:5

kiimaq Jesuq khristo, tsapkap maq Shiikeawe bomtsi chongketi we raq, apaiq ka tarü thaq na apha shaq shaq amaa wa atiidong wanti we, kiimaq apaiq ka mangjong hiq na honyung hokham ümchuwa sitlaq kriithaq na, hupkhang wanti we raq, namshiq ma ara lungwii bomtsi ara tiisaü tlo. Jurwa nashiq lungwii tlaq, raüta nashiq ka nashiq ngarai kharü mong wa apaiq tiijai maq dokdaa wantaq,

Revelation 11:15

Kiijiishe, rase miishi ngoja raq alerong ka tsüto. Krai mren, ngi raq ramungtan na maiq bom hong raüta abom kra taikang. Tsangshiq raq akha arü ariiq rütrangto: “Mangjong hiq peng arang ningkun ka nashiq Tatiwe nai apaiq Khristo rii she. Apaiq raq pattup pat-sa she mung ka milang wan.”

Revelation 19:16

Apaiq samtong jong samtlaq thaq na nai apaiq wütong niika ara mang ara tiiwaiq raü riito chhikang: “Hokham thaq na Hokham kiimaq tati thaq Tati.”

Revelation 3:21

Jurwa rekhat tangtlaq, kriiti ka ngi hokham ngacho tho na nga dam miitu ngi raq arang mikuqha, ngi raq rekhat tang lata, srea ma jawankang krai mren, ümchaü i We hokham ngacho tiinap na nga tiikang. Kiikhiisii kriiti kiimin ngi tiinap na i hokham ngacho na mitiinga ha.

Revelation 5:12

Raüta, tsangshiq raq tiihong raüta, arü ariiq lam maq akha shinge trangto: “Tsatbaiq taq Skuse ka maiqshaq. Apaiq ma arang, tsiiq anyam, taksu tsii, ningkun, shreng, khushü kiimaq kechutum ke thek tlo!”