Philippians 2:8 - ASII LAKDAP Bible (BSI)

⁸ Apaiq ka aranse ma jaraüta siwanto. Phaqchii nichii maq Shiikeawe bom tai raüta, pumsongkham na tsaito.

Hawa Naga Bible 2001

⁸ Vpiq thuinz kuex tvyomx tvsvt gay ruiux vthueyc nuex httuiuc laz tay kuq tueq, vsuing yauk juinc bulx thueyc nuex httuiuc laz tay phvnx kuq tueq.

Muklom

⁸ Etho piq miqmal ang eq piq ni piq tha thanin chak ta. Utik náng thula Shkewa raaqkhat tat ta etho bólq na urollung tho kot eq ta.

Philippians 2:8 Referencias Cruzadas

Tvtsvmc 22:16

Abi kiimungti kong ka ngi tro na; hikong raq akaq ma tam wantlaq ikha ngi tam wanto, tsangshiq raq ijaq wiinai kiimaq ihok wiinai ka chaiphaq wanto.

TAKSU LAK 15:33

Tatiwe ma haisong tsii thü ka, phaqchi tsin wan lam. Kongkhu ümniika aranse ma jalaq, haütiq shreng manto milap haü.

Matthew 17:2

Tsangshiq raq apaiq ka liishat liipan niili, Jesuq sham ka aklai riikito. Apaiq theaphi ka rashe kaü ikha chhaihea langlang chhairai wanto. Kiimaq apaiq khum na khu akhea asam thun kriimin maiqmak alirat rashe kii li ikha lüdiidii hea she chhairai wanto.

Matthew 26:39

Kra ngu raütiishe, apaiq ka phanshi kongkhu linlin na wa raüta, hiq na bumtlii maq akha achu jaüto, “I We le, mai tlaq jiila ara chamchao kok arka i khum arwa alam riibaiq laq! Shatmaq arka ngi raq tiima tiikang kra thaq na seng raüta riimak. Shatmaq ümniiraq jamkho tiima tlaü kra thaq na seng laüta tiihong laq.”

Matthew 26:42

Kiimahali Jesuq ka thongshi ri hali kiho nongto. Raüta akha achu jaüto, “I We le, ara chamchao kok arka i khum wa lambaiq wan maimak, ngi raq nyang chang dongdii she rakitaq jiika, ümniiraq jamkho tiima tlaü, kra thaq na seng laütli tiihong laq.”

Luke 9:29

Apaiq ka achü jaürea liipan niili, atheaphi kriika klaisaq klai kito. Adü na asam khea kriika chhaihea langlang, maklüp jaqlüp she chhairaito.

John 10:18

Maiq raq jurmin i lang ka tiipit lot mak. Shatmaq, ngi raq i tsiitsii maq, i miisaq ka kiinong kuq baiq tiikang. I miisaq ka tan wan miitu arang ka ngi raq hotiikang. Kiimaq, i miisaq ara tiijang wan nong miitu arang kiimin, ngi raq holata sitiikang. Ara aming arka, i We raq ngi ma akuq.”

John 14:31

Shatmaq, mangjong maiqse raq ara bomtsi ara sap chang akhek. Ngi raq i We ka kai lungwii tiikang. Kriikha maq, phanrap na, i We raq ngi ma jamlai bomtsi wa chongkuq tlaq, kriili ngi raq sham tiikang. “Lo, tiidong rongphiishe. Nashiq ka arjam maq tiido rong i she. Warong i.

John 15:10

Ngi ka i We wokhong na, apaiq aming lang lata sitiikang. Krai mren, apaiq mangchan wokhong na sitiikang. Ikiikhiisii hali, namshiq min ngi aming kra lang lanta, i mangchan wokhong na sihanla, namshiq ka i wokhong na misi han.”

John 4:34

Kiijiishe Jesuq raq tsangshiq ma chongto, “Ngi ma dung ka, ngi tiikaiti we wak na minshiiq tiikang kra. Apaiq raq ngi ma jaqsham akuq tlot wan tiikang ahata, ngi ma dung pin.

Acts 8:33

Apaiq ka pinthum shiinüm shaito, apaiq ka khahü na tiishut baiqto. Apaiq lai ala kiimin maiq raq sapmak miraq. Mangjong hiq wa apaiq rilung ka thumkito.”

Romans 5:19

Kiimaq, maiq weshi Atam raq Shiikeawe bom tlea raüta, kra lümaq mangjong maiqse kunli ka ngarai maiqse ma tiija baiqto. Riita, kra jai tiijo wan hali, maiq weshi Jesuq raq, Shiikeawe bom ka phaqchii nichii maq tai raüta jaqsham wanto. Kra jaqsham wantaq kra lümiishe hali, tsangshiq wiitarü thun ka, Shiikeawe man na kechu maiqsetiim she nguta, tsangshiq ka Shiikeawe rai wehea miishe mitiija kuq wan nong.

2 Corinthians 8:9

Namshiq raq nashiq Tatiwe Jesuq Khristo kaphap mangchan tsaü kra ri asap han. Apaiq ka chiithe lüwa. Shatmaq, namshiq ka chiithe lüwa ma tiija wan miitu, apaiq ka miitsan maiqse ma jakito. Apaiq raq thümsaü litse rilung siwantaq kra lümaq, namshiq ka chiithe ma tiijakai miitu kito.

Galatians 3:13

Shatmaq, nashiq ara, Thungtri manson kharü mong wa daa wan miitu, Jesuq Khristo raq Thungtri manson homa kra howanto she. Ara jamkhano ngutiikai ngukla, Asii bomtsi na, “Juwa pechong na tübaiq tlaq, raüta tsai tlaq, kriiti ka Shiikeawe manson homa ho raüta tsaito ngushat,” nguta chong tlo.

TRI CHONGKE 21:23

kra maiq maa ka ra washi kiikhiili tiipaq shat ka thü raa mak. Kra maiq maa ka kra ranaiq li lap thü chang. Jamkhano ngukla maiq maa pekham chong na tiipaq shat la thü raüla kra mung na Shiikeawe manson she misaüki. Maiq maa ka lam lanta alap riithü ronglaq. Tatiwe üm Shiikeawe raq ümniima kuqtlaq mung ka naq tiishekiq.

Titus 2:14

Apaiq raq nashiq miitu, amiisaq khamto. Raüta nashiq ka abi ngarai kharü mong wa daa wanto she. Raüta nashiq ka ashe ngarai jaqkhon mong wa tiisii hetse wanto she. Raüta nashiq ka apaiq sengi she nguta rairii wan raüta, awura maq tiiham wanto she. Arka nashiq raq apaiq lishe shomnoq wan miitu riito. Raüta nashiq ka shamhea kaiwa jaqsham wan miituli she nguta pong na rairiito she.

Hebrews 12:2

Nashiq maklii ka, Jesuq theaphi na tiitsi rong i. Apaiq ka nashiq ara kamtsantsii rilung lam na shea wanti. Kiimaq apaiq riili, nashiq kamtsantsii rilung ara, atiisup na saüli awongsii ma mitiija wan lot. Apaiq ka pumsongkham na tsai ma hai raüta nashiq tiichhii wan jaqsham ka thaq baiq mak dea riito! Shatmaq, apaiq ka akhiismin tiime mak riito. Jamkhano ngukla, apaiq raq chochi jonghea lap wan chang asi nguta asap. Kriikha maq, apaiq raq pumsongkham na, maiqjea asi tsai wan kriika, akhiismin tiima wan mak riito. Krai mren, ümchaü sanha, apaiq ka Shiikeawe hokham ngacho maq jaqtsi nü na ngatlo.

Hebrews 12:4

Jamkhano ngukla namshiq raq ngarai rai riikhat lam maq, namshiq maiqmii miisaq thumli ka riilong liiq man shaq li.

1 Peter 2:24

Khristo raq nashiq ngarai ka apaiq khum na howan raüta, pumsongkham na tübaiqto. Arka nashiq ka ngarai na tsaikai miitu. Laita nashiq ka kechu miitu lishe atra siwan miitu tsaito. Nashiq thatsi ka apaiq mopung mithun maq tiiheakuqto she.

1 Peter 3:18

Khristo ka chiisan maiqse, jam shut phit ahü we, nashiq ngarai maiqse miitu tsaito. Kriikha na, namshiq raq athuk atsom jaqsham tlan ningkhan, Jesuq chamchao wantaq kiikha namshiq min chamchao chang dongki raüka, tiijeshat maq sironglaq. Apaiq tsaitaq kra lümaq, nashiq ngarai kha ka tiithumtlii she tiisup baiqto. Raüta nashiq ngarai kha ka tiisiirai tiikhoi kuqto. Krai mren, apaiq raq nashiq ka Shiikeawe rai wehea she tiija wanto. Khristo ka tsatbaiqtaq akhing na, apaiq khum ka maiqse hanngam khum riito. Shatmaq Shiikeawe raq amaa wa tiidong wan jai she, apaiq khum ka pattup pat-sa wenyi khum she riito.