Philippians 2:6 - ASII LAKDAP Bible (BSI)

⁶ Apaiq ka Shiikeawe pumsongti we. Li jiimin Shiikeawe rai chaü ngachang na nga wan, apaiq raq dadü mak.

Hawa Naga Bible 2001

⁶ Vpiq kuex mkaq muinz Tishox jungdungc rulc hunghtaungx mvrc yaq, yuq muinz layx bac lvmx maq Tishox rulc rv-ngvlc yaungc tvkoc hungc thuinz tvmaung muq.

Muklom

⁶ Khristo sha Shkewa hun angta, etha otho Shkewa rol ang chey roq angma tathin moq angta.

Philippians 2:6 Referencias Cruzadas

ISAIA 7:14

Ahea na ikhiijiika. Tati apaiq riishetiq ümniima miithii kiishi mishongkuq: Junrii wahüse ka wiihan she miraq. Apaiq raq ase ka maiqwe se michii. Kiimaq apaiq mang ka ‘Immanuel’ nguta mimang.

ISAIA 8:8

Tsangshiq raq Juda mung tlotli ka kham raq lümwantlaq ikha, kham ka phaqlam na saüli mawan raüta phanrap phanrii laimiq mihut wan.” Shiikeawe ka nashiq rai! Apaiq rakong wiinai ka tiipiishat maq namung ka tiichhiikuqtlo.

ISAIA 9:6

Nashiq miitu noshii ashi chhiito! Ase maiqwe se ashi nashiq ma kuqto! Kiimaq apaiq ka nashiq pengti miraq. Apaiq ka, “Amao Chang Danhonti,” “Ningkun Jonghea Shiikeawe,” “Pattup Pat-sa Awejong,” “Hansang Hokham Maiqwe Se,” nguta mingu.

JEREMIA 23:6

Apaiq raq ümtiikiiwa Juda mung thaq na hokham jaq sham wan jiiq, Juda mungti ka khusang miraq kiimaq Israil mungti ka hansang maq misi. Apaiq mang ka ‘Tatiwe Nashiq Tiichhii Wanti,’ nguta mingu.

Mikha 5:2

Tatiwe raq ngutlo, “Bethlehem Ephrath le!, ümniika Juda mung na chela aranse pinthum. Shatmaq ngi raq ümchelati wa, Israil mung rümti hokham ashi, Mishong wan ha. Apaiq weraü manphan ka, rathup rapha pat achat wa miraq.”

JEKERIA 13:7

Tati Ningkun Ajong Pinthumwe raq ngutlo, “O jasai lei, tiidolaq, Laüta isku rümtiwe ka riithit se laq! Apaiq ka tsatbaiq laq, skukong ka mipinholaq. Ngi raq isenginok mikhat ha.

Matthew 1:23

Bomtsi ka akha tiichongto, “Junrii junsang se ashi raq asewok miho. Kiimaq ase ka maiqwe se michii. Kiimaq no mang ka Immanuel nguta mimang (kra liichum ka Shiikeawe nashiq rai nguta ngo.)”

John 1:18

Shiikeawe sham ka ümchaü niitaq, maiqse angu wa, jurmin chhi mak shaq. Ase sekhuq laqlaqse, Awe rai shamshi, Awe wokhong na siti we kra riili, Shiikeawe hon atsii ka, maiqse ma tiichhi kuqto.

John 10:30

I We nainai ka ashi li.”

John 10:33

Tsangshiq raq treto, “Naishiq raq ümnaq atsea baiq tankhan tiikai arka, ümjaq sham ahea awa phan sham laüta riimak. Shatmaq, ümniiraq ümniika Shiikeawe rai riingea riingea siwan tiikang nguta, riikhiq pinthum kiqshut bom bom tlaü kriikha na, tsea baiq tan tiikai,” nguta tsangshiq raq apaiq bom ka treto.

John 10:38

Shatmaq, ngi raq, i We raq achongkuq jaqsham kriidea sham tiikang jiika, namshiq raq ngi ma kamwan romanli jiimin, i jaqsham arma kamwan rong liina. Kra kamwan han jiika, namshiq raq ngi ka i We rai, kiimaq i We ka ngi rai pumshi hanshi miidea sitiikai nguta pattup miitu she misap wan han.”

John 14:28

Ngi raq namshiq ma tsii chongke, ‘Ngi ka awa wan she. Shatmaq, ajang mirki nong ha,’ nguta chong kuq pha ira atai han kata. Namshiq raq ngi ka ngohea shaqshaq lungwii tlan jiika, ngi ka i We phana wawan nguta bomchongke kra tai lanta, namshiq ka khoqriiq khiq li she mirhan wa. Ara jaram wa chongtiikang ngukla, apaiq ka ngi thaq na ajong.

John 14:9

Kiijiishe, Jesuq raq treto, “Ngi ka luhea she namshiq tarü rai adam na siwan kang. Kra taü maq dongdii min, ümchaü niitaq ngi ka juwa, ümniiraq sap maüli shatshat sha Philip? Jurwa i sham chhitaq, kriiti riika, i We sham kiimin chhito she. Kra taümaq dongdii min, ümniiriika, ‘Naishiq ma Awe sham ka tiichhi kuqlaq’ ngutiika jamkho ngutlaü?

John 17:5

I We lei! Riita ümchaü min, ra nai hiq min mitiiq shaq niiphü, i khushü jonglu siwantaq irhali, ümchaü ümniirai mantut na, tiijong kuq nonglaq.

John 20:28

Kiijiishe, Thomas raq Jesuq bom ka treto, “Ümniidea i Tatiwe kiimaq i Shiikeawe.”

John 5:18

Ara bomtsi ara tai raütiishe, Jehudinok welabi raq apaiq ka atsea baiq chang, ngutiishe tsangshiq raq tri ka tiipha khato. Tsangshiq raq Jesuq ngeng wantaq arka, apaiq raq Asii Niitiitsak ranaiq tri raü kra jin wan lamlam li min riimak, shatmaq, Shiikeawe kiimin apaiq ma Awe nguta tiingo tlo ngutiishe ngeng wanto. Arka, apaiq kiimin Shiikeawe rai mren chhaq arang hoti we nguta tiingo riito.

John 5:23

Krai mren, maiqse angu wiita raq, Awe raq jamkho shreng tlaq kiikhiisii hali, Ase kiimin mishreng. Jurwa Ase shreng mak, kriika Ase tiikaiti we, Awe kiimin shreng mak.

Romans 9:5

Tsangshiq kata chiisan Jehudinok phan. Tsangtitiim thun ka ajong ala, amang ra tsa ikha, lüsi lüwa siisaq siwanto. Atiisup niishe ka, Khristo maiqkhum na pokitaq kiimin, tsangshiq nok phan na pokito. Riita, ümchaü sanha, maiqse angu tarü raq, phanrap rümkomti we, Shiikeawe mang kli she pattup pat-sa mitiitsam laq! Amen.

2 Corinthians 4:4

Tsangshiq raq Tsütsa Ahea ma kam mak riitlaq kriika, Thawe raq tsangshiq wenyi makpo kra pangho kha maq chhi mak sitlo. Ara mangjong hiq rümti thawe abi raq, tsangshiq wenyi mak ka apang riibaiqto. Tsangshiq khuthaq na rawüli liliim wan tlaq kriika, tsangshiq raq chhi mak sitlo. Ara chong tiikai rawüli litlaq ngutiikai arka Tsütsa Ahea Khristo khushü jonglu liliim chhainyii rawüli kra nangnga chong tiikai. Khristo ka Shiikeawe rai shamshi ngamshi sitlaq kra tiichhikuq tlo.

2 Corinthians 8:9

Namshiq raq nashiq Tatiwe Jesuq Khristo kaphap mangchan tsaü kra ri asap han. Apaiq ka chiithe lüwa. Shatmaq, namshiq ka chiithe lüwa ma tiija wan miitu, apaiq ka miitsan maiqse ma jakito. Apaiq raq thümsaü litse rilung siwantaq kra lümaq, namshiq ka chiithe ma tiijakai miitu kito.

1 Timothy 1:17

Riita, ümchaü min, pattup Hokham we, atsai tsai mak phan we, kiimaq makhia maq chhilot mai we, apaiq kli riikhaqli Shiikeawe nguta sitlaq, Shiikeawe kli maiqse angu tarü raq mishreng laq. Kiimaq apaiq achhai anyii khushü ngao ka pattup thum mak miq mak misi laq! Amen.

1 Timothy 3:16

Nashiq raq kam tiikai tengteng bomtsi manphan ka, nashiq ma tiichhi kuqto she. Arka pinthum maiq mao chang manphan: Khristo ka mangjong hiq na maiqse ma pokito: Apaiq ka amaa wa dong wanto. Raüta apaiq ka TATIWE dea nguta tiichhi kuqto. Apaiq raq rasetiim kunli peng tlo. Asengi Phungmaiqse raq apaiq tsa ka barap na chongkuq wanto. Krai mren mangjong maiqse pahea raq apaiq ma kamwanto. Apaiq ka Shiikeawe rai siwa wawanto.

Titus 2:13

Nashiq raq tsankhun maq, ranaiqshishi ka, nashiq ma Ajong Shiikeawe khushü jonghea luhea achhai anyii liliim sitlaq kra, michhi rong i nguta, khewan tiikai. Kriika nashiq Chhiitiwe Jesuq Khristo saüki tlaq, achu shiiman jonghea Ranaiq na michhi rong i nguta kamto maq khe laita sitiikai.

Hebrews 1:3

Apaiq sham ari ka Shiikeawe achhai anyii ngao kra dongdii, shamshi ngamshi. Kiimaq Shiikeawe rong arai sham ari ka kunli, apaiq khum na tiisam tlo. Kiimaq apaiq nübok maq dong tlaq ningkun henghea bomtsi lümaq, ra nai hiq wiita rüm tlo. Apaiq raq ara mangjong hiq na diim tlaq, mangjong maiqse ngarai diike wan lam ka tankuq wan tlii raütiishe, apaiq ka sanseng ramungtan na ngati we, Ningkun Ajong thaq na Ajong Rümti we Shiikeawe sitlaq ngachang tho na, jaqtsi nü niishe nga wato.

Hebrews 1:6

Shatmaq, Shiikeawe raq Ase sekhuq laqlaqse ka, mangjong hiq na tiisat kaiho akhing na, Ase miitu apaiq raq bom ka akha chongto, “Rasetiim thun tlotli raq, apaiq ka shomnoq raa tlo,”

Hebrews 1:8

Shatmaq tiina Shiikeawe raq Ase miitu bom ka akha chongto: “O Shiikeawe lei, ümniiraq ümhokham jaqsham tlaü kriika, pattup pat-sa mitsing wan! Ümniiraq ümsengi mungmaiqse ka, tingting tri raütu sham laüta peng tlaü.

Hebrews 13:8

Jesuq Khristo ka klaimak. Apaiq ka man niimin klaimak. Ümchaü min klaimak. Kiimaq rawiichii niimin klaimak.

Revelation 21:6

Kiimaq apaiq raq treto, “Ümchaü phanrap jaqsham ka kunto she! Ngi ka aphati kiimaq atiisupti. Ngi ka apha wan chang kiimaq atiisup wan chang. Juwa khamnyang tsi, kriiti ma rilung khamphokrai se kiiwa phe maq nyang miitu ngi raq arang mikuq ha.