Philippians 2:5 - ASII LAKDAP Bible (BSI)

⁵ Khristo Jesuq tsantsii jamkho thütaq, kiikhiisii, namshiq tsantsii kiimin thü chang: Jesuq tsantsii ka akha thüto.

Hawa Naga Bible 2001

⁵ Christu Yesu nuex httax yaq thuinz kuex nuimshiq nuex muinz httax wuez kuinz.

Muklom

⁵ Chamal Khristo Jesu aa tathin tak ta thimal, nim tathin tak sha tho ang ching.

Philippians 2:5 Referencias Cruzadas

Matthew 11:29

Minsaü raq thaikii maq ni thu tlaq ikha, namshiq riimin i thaikii ara holanta sirong laq. Lanta i wokhong maq ngi raq namshiq ma shrinkuq tiikang bomtsi kra saptsin ronglaq. Ngi ka sobsob bombom maq nai tsan nin woknin maq siti. I wokhong na siti ka huntsak niitsak she mishong nga han.

Luke 22:27

Riita, juwa ajong? Chamrii na nga tlaqti we kriisha ajong, sha apaiq ma lairap tiiphaq sia wanti we kriiwa ajong? Riikhaqli, chamrii na ngatlaqti we kriidea ajong. Shatmaq, ngi ka namshiq shiililii wanti jaqshise ma ja lata sitiikang.

Acts 10:38

Najareth hiqti Jesuq ma Shiikeawe raq, Asii Wenyi nai ningkun ka asho awo kuqtaq kriimin ümniiraq asap haü. Krai mren, apaiq ka barap na khum raüta, maiqse ma jaqsham ahea pahea shamkuqto. Kiimaq Tha kharü mong wa maiq atsi asiti thun ka pahea tiihea kuqto. Shiikeawe ka apaiq rai asi kha maq, maiqse ma atin khan jaqsham ahea shamkuqto.

Acts 20:35

Ngi raq i jaq sham maq, namshiq ma phanrap lam lu ka tiichhiha kuq kang she. Nashiq raq aheng maq jaqsham shiikut laita, Tati Jesuq raq achongkuq bomtsi kra, nashiq tsan na tiitsang shat maq wepuq wese kra khrum kewan raa tlo nguta chongkuq kang she. Tati Jesuq raq nashiq ma, ‘Ajaüti nam ma aketi ma chochi apa miraq,’ nguta chong kuqto.”

Romans 14:15

Riita, arkha maq, namshiq raq jamlai wa phaqsiq tlan, kra lümaq, Phungmaiqse kongti we tsan kra tiibi han la, kriika lungwii tsii lam phan ka riimak she! Namshiq raq jamlai wa phaqsiq tlan, kra lümaq phuno we kamasham rilung kriika, naq shiithen baiq rongkiq. Apaiq miitu min Khristo tsaito.

Romans 15:3

Ara jamkhano chong tiikang ngukla, Khristo raq arilung ka, apaiq honhonse polosea na, tiisung mak dea. Kra rii na, apaiq ka maiqse miitu siwanto nguta chong tlo. Arka, Asii bomtsi wa chhi tiikai. Asii bomtsi na, “Namshiq ma maiqse raq, ümtinkhan wa shummii thoda tho kuq wantaq, kriika i khu thaq na saüto,” nguta chong tlo.

Romans 15:5

Riita, ija, ara chong tiikang arai mren, anin wan ningkun kewanti nai tsaido jido kewanti Shiikeawe raq, Jesuq jamkho siwantaq kiikha, apaiq jaiphan phan, namshiq liipan niimin, kiqshi tsiimshi maq siwan miitu ningkun mikuq laq, nguta achuli jaü tiikang.

1 Corinthians 10:33

Ngi ka jamkho chapnga tiikang, akhiisii hali namshiq kiimin chapnga rong laq. Ngi raq phanrap sham akai lam na, maiq angu wiitarü ma ahea miituli kiimung tiikang. Ngi ma amet tiidong miitu li ka klo mang. Shatmaq tsangshiq ma ahea miituli jaqsham tiikang. Kriika tsangshiq tiichhii wan miitu klo tiikang.

Ephesians 5:2

Khristo raq namshiq ka kai lungwii tlo. Raüta arilung ka nashiq miitu, honglu na kuq raüta tsaito. Apaiq tsaitaq ka, Shiikeawe ma honglu ngamrea ashu ikha, ahomwiq Shiikeawe tsan tiiheali riito. Krai mren, ümchaü sanha, namrilung ka lungwii tsii ma lam tiishea lantli she si ronglaq.

Philippians 1:1

Ngi, Paul kiimaq Timothi rai, Khristo Jesuq jaqshi senai raq-- Shiikeawe sengi Philipia na siti tlotli ma, Khristo Jesuq rai pumshi hanshi maq siwanti ma, phungtu shrabi nai akhrumtibi rai tlop saq maq:

1 Peter 2:21

Namshiq akha chamchao tlan arka, Shiikeawe raq namshiq ma rilung holai akuq hekiilai. Jamkhano ngukla, Khristo raq namshiq miitu arilung na chamchao homa howan raüta lamshea tiichhikuq wanto. Khristo raq namshiq miitu jamkho chamchao wantaq, kra namshiq riimin apaiq jaiphan phan chamchao homa kra nin wan ruq maq howan raa tlo.

1 Peter 4:1

Riita Khristo jamkho han-ngam na nashiq miitu chamchao raüta tsaitaq, krai mren sii hali, namshiq min Jesuq Khristo apaiq raq atsai khekham maq tiije raüta sitaq kiikhiisii hali, namshiq tiima tsantsii na micham chao wan rong i ngushat nguta, khekham maq sirong laq. Ara jamkhano chongtiikai ngukla, juwa adü na maiq raq tiichamchao tlaqti ka ngarai jaqkhon mong niika simak she.

1 John 2:6

Jurwa apaiq ka Shiikeawe rai tiipum tlii maq sitiikang nguta tiima tlaq, kriiti riika Jesuq jamkho sitaq kiikha sichang.