Philippians 2:2 - ASII LAKDAP Bible (BSI)

² Krai mren, ija, ümchaü sanha, namshiq ka tiima tsantsii ashi, lungwii tsantsii ashi, kiimaq tsaiji ashi, wenyi na ashi si lanta, ngi arshe tiichochi kuq rong liina.

Hawa Naga Bible 2001

² Kvkhoc rvtueq nuimshiq kuex vrungx vraz lvmx vshiz, thuinz vmungx vshiz, tvmaung thuinz vshiz dvyx ikhoc maq, ngvy kokez thuinz kuex tvmvrc kuy tvkoc ngaz rueq nuimshiq muex htuiz shuiuz vphaungx.

Muklom

² I sungrang shi tahom inn. Iri rangma ashey tin ang eq tong inn, ashey tinmat hun shing inn, ashey tsija ang eq tong inn, ashey tinthin hun shing inn.

Philippians 2:2 Referencias Cruzadas

Tvtsvmc 122:8

Ita iwii thun nai ikongtibi miitu ngi raq Jerusalem ma, “Ümniika khu asang maq silaq!” nguta ngutiikang.

John 3:29

Junwati nyung kriika, junlamti we rii. Shatmaq, kherü lam sheati kiimwe sitlaq kriika, rohunti we kra chochi kra chhi raütli, apaiq kiimin kai chochi dam tlo. Ikiikhiisii hali, ngi armin la, kai chochi dam tiikang.

Acts 1:14

Tsangshiq ka akhing khing na adam na achu jaü, jechakre re rai kiimaq Jesuq ma anyung Meriq nai anotiim thun kra riito riitamtlo.

Acts 2:1

Raroq Biingi Poi akhing saü ranaiq na, kamasham maiqsetiim ka wiita adam maq jamshi na, riitam ngashat riito.

Acts 2:46

Wranaiqtek, tsangshiq ka adam na riitushat maq, Shomjam na Shiikeawe shomnoq riitam nga tlo. Kiimaq, jamshi na riitam hoho raüta, takshi pinshi maq chojong chise, kiimaq riiphea riinyin phaqsiq wan lili raüta sito.

Acts 5:12

Mungmaiqse liipan na kiimwebi raq awang chang nai amao chang jaqsham pahea sham wanto. Kamasham maiqse thun ka tsantsii ashi maq Solomon Jolitiip na riitam ngato.

Romans 12:16

Wiitarü ka maklii ashi miili lii ronglaq. Ashkong ka naq shiikong rongkiq. Aranse ma ja lanta, kongti ka khrumkuq ronglaq. Namshiq ka nanok thaq na tsüwe tsitwe sitiikai nguta naq tiima rongkiq.

1 Corinthians 1:10

Ngi ma nashiq Tati Jesuq Khristo raq, nashiq hupli thaq na shunshea wan arangke kha maq, ngi raq namshiq tarü ma ara tsii chongkuq tiikang; phunainotiim namshiq tarü tiima tsantsii ashi miili sirong laq. Bom riichong tlan na kiqshi tsiimshi maq ri ronglaq. Namshiq liipan na naq tiikhothiq rongkiq. Namshiq tiima tsantsii ka ashi li thü ronglaq. Kiimaq rekhu ashi miili si ronglaq.

2 Corinthians 13:11

Riita, ümchaü sanha, phunainotiim lei, awashejo! Minhap jawan miitu shiichaq ronglaq; ngi tiipaiqnea bom kra tai ronglaq; ari aram maq si ronglaq; hansang maq si ronglaq. Kiimaq lungwii Shiikeawe kiimaq khusang ka namshiq ma misilaq.

2 Corinthians 2:3

Ngi raq lak waiq lata tiiho wan kang ka, kra bala, ngi ma namshiq phana wa miika miinuna mak riito. Jamkhano ngukla, kra bala ngi namshiq phana waha jiila, ngi ma i tsan tiibi chang khoti miraq. Jamkhano ngukla, namshiq kli ngi tiikhoqriiqti! Kiimaq ngi raq asap ha, ngi khoqriiq shishiiq siha jiila, namshiq min khoqriiq shishiiq misihan.

2 Corinthians 7:7

Naishiq chochi ka, apaiq saü wan raüta lamlamli ka riimak. Shatmaq namshiq raq apaiq ka pinthum shiikumpan lan nguta, kra tsütsa ka tai laita chochisiq kai. Apaiq raq naishiq ma, namshiq raq ngi rai riihum haijaq nguta, pinthum tsan na atsi ma thenge tlan nguta tsütsa ka chongto. Kiimaq namshiq raq, I tsan tiibi kai sham, nashiq ka jiqkai dea nguta tsii chhi wan lan she nguta chongto. Riita namshiq raq tsii chhi wan lanta, ngi rai reraüshi miishe chap tlan nguta chongto. Riita ara chong tiikang, namshiq raq tsii chhi lan she nguta kra tsütsa ka tai lata, man na chochi wankang kra nam ma, ümchaü chochi si ka achong lot mang miishe sitiikang.

Philippians 1:4

Kiimaq, ngi raq namshiq tarü miitu, achu jaü kuq tiikang akhingtek na, kai chojong chise maq jaükuq tiikang.

Philippians 2:16

Namshiq raq tsangshiq ma, rilung tsitsü bomtsi kra chongke wan lam maq, akha achhai anyii lam maq, si ronglaq. Namshiq raq akha minshiiq wan han jiika, Khristo Saükai Ranaiq na, Shiikeawe man na, ngi ka namshiq miitu, kai tiishomra lata, michochi ha. Kriika ngi raq namshiq ma Shiikeawe jaqsham kuq kang kra, atu na wiiki mak dea, atsi pahea tsi wanto nguta hakhi miraq.

Philippians 2:20

Namshiq tiichhan chhi wan miitu, tiima tsantsii ashi maq, ngi rai hekiilai howan damti ka apaiq sitlaq arli.

Philippians 4:2

I nyino nyungnai, Eudia nai Sintiki lei. Ngi raq namnai ma tiipaiqnea tiikang ara tai ronglaq. Tatiwe wokhong na, sinyino nguta, kaütak rishi miidea singa wan han jaq ahea miraq.

Colossians 2:5

Ngi ka namshiq rai bashi na adam simang li jiimin, tiima tsantsii maq namshiq rai kiqshi tsiimshi li sitiikang. Kiimaq ngi ka namshiq wiitarü kiq ashi maq, Jesuq Khristo ma kamtsantsii pharangrang maq chap tlan kra chhi lalata kai chochi tiikang.

2 Thessalonians 2:13

Phunainotiim lei, naishiq raq namshiq miitu, Shiikeawe ma wranaiqshe kechu tumke chang li sitlo. Tatiwe raq namshiq ka pinthum lungwii tlo. Raüta, Shiikeawe raq namshiq ka sinkhu na chhii wanto. Shiikeawe raq namshiq ka Asii Wenyi ningkun maq, apaiq phan amaq, asii maiqse ma tiija wan ma tsea wanto. Arka namshiq ka tengman tlaq bomtsi ma kamwan lan kriikha maq, tiichhii kuqto.

2 Timothy 1:4

Nanai kiim riiphea ranaiq na, ümmakphai roktaq irka, ngi raq laqbaiq mang. Ümchaü min, ngi ka ümniirai sham riichhiro raq haü tiikang. Ümniirai riihum ka ngi ma pinthum chochi jonghea.

Philemon 1:20

Riita, phuno we lei! Ngi raq ngohea shaqshaq chongtiikang, ümjaq wa ngi raq, Tati mang na phanshi ra aliip jaü rotiikang. Khristo mang na, phuno we lei, i tsaiji ara tiijongkuq wan phiina. Kiimaq ngi ara tiichochi wan phiina!

2 John 1:4

Na Wejong Shiikeawe raq nashiq ma aming kuqtaq kra phanphan, ümsetiim phong wa maiq wiijamti ka tengteng bomtsi kra lang raüta shongnga tlaq kra chhi lata, ngi ka kai chochi kang.

3 John 1:4

I setiim raq Tsütsa Ahea kra jaqkhon tiipha tiipha raüta lang tlo nguta tai lalata dea, ngi ara ümtinkhan wa achong lot mang khoqriiq tiikang. Ngi ma arthaq na chochi chang ahin ka ahü she.