Philippians 2:1 - ASII LAKDAP Bible (BSI)

¹ Namshiq ka ümchaü sanha Khristo nyam mong na, phintsaq tsaqhea she sitlan. Kiimaq apaiq mangchan wokhong na, tsailam jilam sitlan. Namshiq ka Asii Wenyi rai rintii ashi maq sitlan. Kiimaq, namshiq liipan na riilung riiwii, kiimaq riimang riichan miishe sitlan.

Hawa Naga Bible 2001

¹ Nuimshiq kuex Christu nuex rullungx tvraungx vtuinx ningkhvnc nuex hungc vlaungc lvp vshuinx, vpiq lungwawc thuinz maq nuimshiq muex sitenc yatenc kuq yaq. Nuimshiq kuex Siyac rulc lux rvyaungc lvp wuez tuit, nuimshiq vdvmz dvmz kvmenc kvjenc nuiyc menjenc svy lvmz rvhumc vtuinx.

Muklom

¹ Khristo aa nim rollung ma tarong kot aa, utinmat eq nim ma nángtong kot aa, piq Tsija eq nim ma ashey eq ashey kara eq tatong phin, etho piq manchan etho tinmat eq ashey eq ashey relnáng thok sol eq thu ajo,

Philippians 2:1 Referencias Cruzadas

Tvtsvmc 133:1

Arka Pinthum amao chang, pinthum peohea, Shiikeawe sengi pumshi hanshi maq shongnga ka!

ISAIA 16:11

Ngi ka Mob mungti miitu makphai khüshang shirisiq tiikang. Kiimaq Kir Heres chelati miitu jümiisiq tiikang.

Luke 2:25

Kra akhing na, Jerusalem na siti maiq weshi, amang Simeon nguta asi. Apaiq ka Shiikeawe lam phan na, tsapsaü kapse maq siwanti, kiimaq kechu maiqse ashi. Kiimaq, apaiq ka Shiikeawe raq Israilnok kra chhii kai akhing rahiq kra saütlo haü jiilei nguta, maklii khamthii maq khewantiwe riito. Kra akhing na Asii Wenyi ka akhum na ama riito.

John 14:18

“Ngi wawan jai, namshiq ka jechi nomi setiim ikhiika, tiimang chan mang. Ngi ka namshiq phana hali mijangki nong ha.

John 14:27

“Namshiq ma ngi raq hansang rilung she kuq tiikang. Arka i tsan mong na sitlaq hansang khap kriiwa triisha tsümkuq tiikang. Arka mangjong maiqse raq akuq hansang rilung ikhiika riimak. Jai na jamlai mra wa pin wan tlaq, kra miitu namshiq ka akhiismin naq chapa rongkiq. Kiimaq naq hanghun rongkiq, kiimaq naqhai rongkiq.

John 17:13

Riita, ümchaü ka ngi ümphana wawan nong she. Kiimaq, arthun chongkuq tiikang arka, tsangshiq ka tsan na chochi asho-awo maq misi laq nguta ngo maq chongkuq tiikang.

Acts 2:46

Wranaiqtek, tsangshiq ka adam na riitushat maq, Shomjam na Shiikeawe shomnoq riitam nga tlo. Kiimaq, jamshi na riitam hoho raüta, takshi pinshi maq chojong chise, kiimaq riiphea riinyin phaqsiq wan lili raüta sito.

Acts 4:32

Kra Phungmaiqse kong ka tsangshiq tarü, tiima tsantsii ashi maq siwanto. Tsangshiq tarü loweatek raq, jurmin apaiq jaq na jamlai phan hupsam wa sitlaq, kriika apaiq rii li nguta tiima mak riito. Shatmaq, tsangshiq tarü raq maiqmii jaq na jamlai wa asi, kriika kongtibi rai takshi pinshi maq riiphea riinyin phaqsiq raüta shongnga wanto.

Romans 5:5

Riita ara ranphan tsii rüm tiikai ara riika nashiq ma tsiim tiijü mak she. Jamkhano ngukla, Shiikeawe raq apaiq mangchan tsii ka Asii Wenyi lümaq, nashiq tsan nai mongjii na araüke wan kun she. Ara raükuq wantaq Asii Wenyi arka, nashiq ma Shiikeawe apaiq raq akuq wan.

Romans 8:26

Kra niq riri sii hali, Asii Wenyi raq nashiq ningkun ajom sirai tiikai kra chhi raüta, nashiq ara thüda kuq wan wan maq, khrum kuq wan tlo. Nashiq riika, jamkha achü jaü wan chang wa, kiimin tsin hon mai miili sirai tiikai. Kriikha maq, Asii Wenyi riili, Shiikeawe man na, nashiq miitu, maiqse bomtsi maq chong lot mai chang bomtsi maq, ahan anyi ikha achu jaükuq tlo.

1 Corinthians 12:13

Ikiikhiisii hali, nashiq wiitarü, Jehudinok riikai lo, Pongnok phan maiqse riikai lo, disetiim riikai lo, lüsi liiwa kong riikai lo, nashiq tarü ka Asii Wenyi raq siisaq Jesuq pum kiijaq, Asii Wenyi maq kham lamkuqto. Kiimaq nashiq tarü ma Asii Wenyi kra tiinyangto.

1 Corinthians 15:31

Phunainotiim lei, ngi riika, i miisaq ka i jaq phi na chiimshat maq, wranaiqshe sitiikang ahata! Ngi ka namshiq sham na liila lata kai tiishomra siq tiikang. Arka ümchaü sanha, nashiq tarü Khristo Jesuq Tati rai pumshi hanshi she sitiikai, kriikha maq ara kholam kholiiq she chongkuq tiikang.

1 Corinthians 3:16

Namshiq raq namshiq khum ka Shiikeawe Wenyi sichang shomjam nguta asap han!

2 Corinthians 2:14

Shatmaq, Shiikeawe miili kechutum rong i! Jamkhano ngukla, Shiikeawe raq nashiq ara, Jesuq Khristo rai rekhat tang laita, rejang wa akong ada maq, arü ariiq wadam tiikai. Shiikeawe raq naishiq ara, Jesuq Khristo tsütsa ka barap se na phanchanke wan miitu lang wan tlo. Riita, arka ahomwiq phan, homseng raq barap binrii na nyamtlaq ikha, tiinyam kuqtlo.

Galatians 4:6

Riita, krai mren, namshiq ka asetiim she dea nguta, tiichhike miitu, Shiikeawe raq, Ase Winji, Asii Wenyi ka, nashiq mongjii niishe tiikito. Riita, krai mren, ara Wenyi nashiq mongjii na sitlaq ara raq, “Mangchan ajong rümti i We lei,” nguta achu jaütlo.

Galatians 5:22

Shatmaq, Asii Wenyi riika maiqse rilung na, arthun ara tiitsi ngo kuq tlo: Lungwiitsii, chochi, khusang, anin wan, arlungwii, athuk atsom, phan rap na tsapkapkap,

Ephesians 4:4

Namshiq tarü ka khum ashi sitlaq kiiwa siili adong han. Kiimaq, Asii Wenyi kiimin ashi li. Kiimaq, Shiikeawe raq namshiq hea wantaq, ran tsantsii thü chang kiimin ashi li.

Philippians 1:8

Shiikeawe ka i hakhi. Ngi raq chongtiikang arka tengteng. Ngi raq namshiq miitu, i tsan mong na tsaühea maq, riiwea wan tiikang arka, Khristo Jesuq apaiq tsan mong wa, adong lungwiitsii walü kra nyai tlo.

Philippians 3:3

Nashiq ahata, riikhaqli maq athohan tri langti. Tsangshiq ka riimak. Nashiq riika, Asii Wenyi lümaq Shiikeawe shomnoq wantiikai. Kiimaq Jesuq Khristo wokhong na si laita, kai chochi tiikai. Nashiq riika rakhütsi ri thunglai lang tri poi kriimiika kam mai.

Colossians 2:2

Ngi raq ara minshiiq wan tiikang arka, namshiq kiimaq tsangshiq ka kamasham na srea laqkong ma mija laq nguta sham tiikang. Kiimaq tsangshiq liipan na atsaü maq riimang riichan raüta misi laq nguta sham tiikang. Raüta tsangshiq tsan atsii na, Shiikeawe ma jamlai miitu wa kam wantaq, kra poimak maq milap wan rong i dongdii nguta, tsankhun maq si miitu sham tiikang. Arka tengtlaq bomtsi kra atsaü maq sap raütiitiq, tsangshiq tsan mong na akha mitak wan lot. Ara tak wan tlaq bomtsi ka, atsaü maq sap wan tlaq kra lü miishetiq, tsangshiq raq maiqse ma phaqchi tum ka Khristoli dea nguta misap wanlot.

Colossians 3:12

Namshiq ka Shiikeawe sengi she. Apaiq raq namshiq mangchan tlo. Raüta, namshiq ka apaiq miitu tsea wanto. Krai mren, namshiq tsan nai mongjii na kongti ma mangchan tsii, lungwii tsii, aran se ma ja tsii, saksi minmi tsii, kiimaq anin wan tsii, kra thun rong arai maq tiimiikhiiq lantiishe si rong laq.

Hebrews 6:18

Riita, arjaq chongtlaq, bomtsi ka anai. Shiikeawe raq mikuq ha nguta kiqkhamtaq kra nai apaiq raq sinkhamtaq bomtsi anai kra riito. Shiikeawe bomkham ngutlaq kriika, ümtiikiimin poiki mak phan. Krai mren, nashiq apaiq wokhong tiiwong na sitiikaitibi miika, tsailam jilam she sitiikai. Kiimaq nashiq raq alap chang sitlaq kriika, milap rong i dongdii nguta, ran tiikai. Laita kamto maq khe tiikai.

1 Peter 1:2

Namshiq ka Shiikea Awe raq seng raüta thapthi wantaq kra phan tseatsiiq wanto. Raüta Asii Wenyi raq asii maiqsetiim miishe tiija wanto. Arka Jesuq Khristo aming wokhong na siwan miitu kiimaq apaiq tiijai maq tiisii hebaiq wan miitu tsea wanto. Kaphap kiimaq hansang ka namshiq ma asho awo misilaq.

1 John 3:24

Juwa Shiikeawe wokhong na sitlaq, kriiti ka Shiikeawe rai pumshi hanshi maq sitlo ngushat. Kiimaq Shiikeawe min apaiq rai pumshi hanshi maq sitlo ngushat. Kiimaq Shiikeawe raq nashiq ma Asii Wenyi ka kuqto. Kiimaq Asii Wenyi ka nashiq khum na sitlo. Krai mren, nashiq raq Shiikeawe ka nashiq rai adam dea sitlo nguta, kamto maq asap i she.

1 John 4:12

Shiikeawe ka jurmin chhi mak dea. Shatmaq nashiq liipan na riimang riichan laita sihai jiila, Shiikeawe ka nashiq rai pumshi hanshi dea sitlo ngushat miraq. Kiimaq apaiq lungwiitsii ka nashiq khum na asho awo maq sitlo ngushat.

1 John 4:16

Kiimaq nashiq maiqmii raq asap i, Shiikeawe raq nashiq ka lungwii tlo dea nguta mongngam maq asap i. Laita Shiikeawe raq nashiq ka lungwii tlo dea nguta kamto maq kam laita sitiikai. Shiikeawe ka lungwii kham rai. Krai mren, juwa nanok rai riilung riiwii maq singa tlaq, kriiti ka Shiikeawe rai pumshi hanshi maq sitlo ngushat. Kiimaq Shiikeawe min apaiq rai pumshi hanshi maq sitlo ngushat.