Philemon 1:17 - ASII LAKDAP Bible (BSI)

¹⁷ Riita, ija ara chongtiikang arai mren, ümchaü sanha, ümniiraq ngi ka ümniirai reraüshi maq, Tati jaq sham damti we kongti nguta shreng tlaü krai mren, ngi ümjam na saü wa hajaq jamkho mitao haü, kiikha apaiq ka ümjam na ahea wiq maq tiijang tao wan nong laq.

Hawa Naga Bible 2001

¹⁷ Kvkhoc rvtueq mnoz rueq ngaz kuex mkungjix ikhoc malc wvnc phux ngoz ruiux kuex ngaz ikhoc piq muinz malc wvnc shuiuz.

Muklom

¹⁷ Req nang aa nga raa nokwa ta tathin ujo nga chammal thawan taphu, eshimal piq tho thawan u.

Philemon 1:17 Referencias Cruzadas

Matthew 10:40

“Jurwa namshiq tao tlaq kriika ngi tao wan tlo. Kiimaq jurwa ngi tao tlaq, kriika ngi tiikaiti we kra tao tlo.

Matthew 18:5

Kiimaq jurwa i mang na ara nonose akha siwanti maiqse kra tao wan tlaq, kriiti riika ngi tao wan tlo ngushat.”

Matthew 25:40

Kiijiishe Hokham we raq mitre, ‘Ngi chongpha, namshiq raq ümtiikiiwa ara i phu i notiim phong wa juwa wepuq pinthum kra liikuq lan, kriika ngi liike taitlo!’ ”

Acts 16:15

Krai mren, apaiq nai ajamtitiim thun raq kham lamto. Kiimaq apaiq raq naishiq ka tsangjam na hea wanto. Raüta, “Riita shra jongwetiim lei, namshiq raq ngi ka riikhaqli Tatiwe ma kamti ashi nguta mangchan tlan jiila, naijam na warong i” nguta hea wanto. Apaiq raq naishiq ka tsangjam na wa raa ma nguta shiichutto.

2 Corinthians 8:23

Kiimaq Titas riiwe kla, apaiq ka i kongti, ngi rai shamshi kaishiti la na, namshiq khrum wa nguta watlo. Kiimaq, apaiq rai akongti we wenai wadam tlaq kriika, Phungtuti mang maq watlo. Arka Jesuq Khristo khushü tiijong lu miitu watlo.

Ephesians 3:6

Riita, ara chong tiikai apaü raüta athü Shiikeawe jaqsham jaqthiq arka, Tsütsa Ahea lümaq Pongnok phan maiqse riimin, Jehudinok phan rai adam maq, Shiikeawe achu shiiman kriika lap wan damtlo she, nguta Shiikeawe raq tiichhi kuqto. Kra bomchong tiichhi kuqtaq kra, nangnga chong tlo. Tsangshiq noknai ri ka, ümchaü tashi wiishi miishe tiija wanto. Raüta, Shiikeawe raq, Jesuq Khristo lümaq, achu shiiman ümchuwa kuq tlaq kra, tsangshiq noknai ri raq, mren mra she lap tlo.

Philippians 1:7

Namshiq ka wranaiqshe, i mong jü na sitlan! Ngi raq namshiq miitu, akha tiima tiikang arka athuk atsom jaqsham. Namshiq ka ngi rai reraüshi maq, Shiikeawe raq ngi ma tiitsangdada Tsütsa Ahea chongke wan jaqsham kuqtaq ara, riisha sham dam tlan. Namshiq ka man na, ngi jam tiibanbi ahü maq, Tsütsa Ahea ara, achaq awaq maq, chongkuq lata, arang apha maq tiicham wankang, kra akhing niimin, ngi rai reraü shi maq silan. Kiimaq ümchaü, ngi phaqtek mong na sitiikang niimin, ngi rai reraüshi maq chap dam tlan.

1 Timothy 6:2

Kiimahali, Phungmaiqsetiim disetiim raq, tsangtijong wetiim ka, ümchaü kla siphu sino siisaq she nguta tiima raüta, atijong wetiim ka shipoq ra mak. Kra rii na, tsangshiq raq tsangtijong wetiim wokhong na awongsii, maiqshaq pinthum disetiim miishe jawan raa tlo. Ara jamkhano chongtiikang ngukla, tsangshiq disetiim raq jaqsham tlaq kra tsingo ka, atijong wetiim ma aliip dong tlo. Kiimaq tsangtijong wetiim ka ümchaü sanha, Khristo na lungwii phunaino siisaq she jawanto. Ara sungkhu tsiilam chongkuq tiikang thun ara lang raüta siwan miitu, ümniiraq ümnok ümbin tarü ma, phaqthak nithak maq tsii chongkuq laq.

Philemon 1:10

Riita, ija, ümchaü min la, ngi raq ümniima bom poshi se tiitai wan chang asi. Arka Onesimas miitu. Onesimas ka ngi ma Khristo na i se shaq she jakito. Ngi ka phaqtek na sitiikang bala, apaiq ma awe jong she jawan kang.

Philemon 1:12

Riita, ija ümchaü min la, ngi raq apaiq ka ümpha niishe tiijang wan tiikang. Apaiq tiiwa tiikang arka, ngi raq ümniima, i tsan i mongpo panke khan tai tlo.

Philemon 1:18

Kiimaq, apaiq raq ümtsan tiibitaq nai khü akha tang thütaq, asi jiila, kra thun ka i kha miishe tiijalaq.

Hebrews 3:1

Shiikeawe raq ngi rai ahea wan damti, asii lungwii Phungmaiqse phunainotiim lei! Nashiq raq Shiikeawe ma kam tiikai lamphan na, nashiq shunshea wanti we, Jesuq ka Shiikeawe raq Ramwe Ajong Pinthum ma shong raüta tiikito. Apaiq raq nashiq ma Ramwe Ajong jaqsham kuq tlaq kra atsi dada maq tiima laita si rong i.

Hebrews 3:14

Ara chongtiikai akha, Shiikeawe ma apha na jamkho kamwan kai, kra tiimeshi mai phan maq atiisup na saüli kam hai jiila, nashiq armin Jesuq rai reraüshi maq, Shiikeawe jaqshamtibi ma mija rong i.

James 2:5

Lungwii phuno nyinotiim lei, ngi chongpha, namshiq raq samhea wiq maq tiitsang tairong laq! Namshiq raq asap han, thatsang maiqse raq miitsan miijan maiqse nguta shipoq raüta liitlaqti ka, Shiikeawe raq asengi miishe tsea wanto. Tsangshiq ka Jesuq Khristo ma kam tlaq krai mren, ümchaü sanha wenyi rilung na chiithe maiqse she. Shiikeawe raq apaiq lungwiiti asengi thun ka, awokhong na mitiisi ha nguta ramram kiqkham kuqto. Ara chongtiikai miitsan maiqsetiim thun min, ümchaü sanha, Shiikeawe wokhong niishe tiisi damtlo. Kra namshiq raq chhi man sha.

1 Peter 5:1

Ngi ka phungtu shunsheati maiqla weshi ngo maq, namshiq phungtu shunsheati maiqlare ma, ara bomtsi ara akhek tiitai rotiikang. Ngi raq i mak maq Khristo chamchao wantaq kra chhi kang she. Kiimaq Khristo ka ümtiikiiwa saüki nong jiiq, ngi riimin apaiq asii khushü, ngao, ningkun kra milap ha nguta kamto maq khelata sitiikang. Ara ningkhan, ngi raq ara namshiq ma tiitai tiipha ara.

1 John 1:3

Naishiq raq jamlai wa chhi kai kiimaq jamlai wa tai kai kra hali namshiq ma tiitai chong kuq nong tiikai. Riita ara phanchan kuq tiikai arka, namshiq riimin naishiq rai adam na Awe nai Ase Jesuq Khristo rai kongshi kiimshi maq singa tiikai kiijaq mipong dam laq nguta chongkuq tiikai.