Philemon 1:16 - ASII LAKDAP Bible (BSI)

¹⁶ Apaiq ka ümchaü sanha, ümniima dise lam lamli ka riimak she. Apaiq ka Khristo na ümno shaq she jawanto. Kiimaq apaiq ka ngi ma maiqshaq pinthum ashi! Kiimaq ümniimiishe tiq ka jawa michong i! Ümniimiika awongsii dise ashi she. Kiimaq Tati mang na, ümno shaq she jawanto!

Hawa Naga Bible 2001

¹⁶ Majuiuc piq kuex dax dvyx rvmuq maq, miqsaz gvnngvmx maq lawc ruiux muinz, Taungjix lvmx maq lawc ruiux muinz dax htauk nuex jvnc vtueq lungwawc juing kungjix washiz muex yaungx wvnc vtuex! Piq kuex mnoz rawc nuex muinz ngvy rawc nuex muinz, Christu nuex phunox washiz ikhoc maq pinhtumc vhtawz vrawz vhttax waz yaungx wvnc vtuex!

Muklom

¹⁶ Etharin thanga piq qha ang moq, qha wang tho aqhal. Piq ba no mal sey. Piq nga ma tinmat sa ang aa, etharin ba rangma iriwang tho ajong ba no mal etho Teyhungwa o ba tinmat miqwasa.

Philemon 1:16 Referencias Cruzadas

Matthew 23:8

Shatmaq namshiq ka tarü siphu sino siisaq siwan tlan. Kiimaq namshiq tarü ma, ‘Shrinketi we’ ka weshi li sitlo. Kriikha maq namshiq ka maiq ma, ‘Shrinketi we’ nguta naq tiimang rongkiq.

Acts 9:17

Krai mren, Ananias ka Saul jap chang jam kiijiishe kihoto. Raüta, jam mong na nyap wato. Raüta, ajaq maq Saul dü na sham raüta, “Phuno we Saul le,” nguta bom damto. “Ngi ka ümniiphana Tatiwe raq tiikito. Ümniika ana wa lam na awarai shon, ümniirai lam na sham riichhikitaq Jesuq apaiq raq tiikito. Apaiq raq ngi tiikitaq arka, ümmak kra tiipiiqke kai miitu, kiimaq ümniika Asii Wenyi raq ama maq rom raüta, ama miishe misi laq nguta tiikito.”

1 Corinthians 7:22

Ara jamkhano chongtiikang ngukla, ümriiti wa maiq dise ma ja liipan bala, Tati Jesuq Khristo raq hea wan tlaq, apaiq ka TATIWE wokhong na aki miikiim se she jawan tlo. Kiikhiisii hali, juwa aki miikiim se sitlaq liipan na Khristo raq hea wantaq, apaiq ka Khristo dise miishe jawan tlo.

Colossians 3:22

Disetiim lei, namshiq ma han- ngam tijong wetiim bom ka, phanrap na phaqchii nichii maq tai ronglaq. Tsangshiq makki na lamlamli ka riimak. Shatmaq, namshiq raq Tatiwe shreng tlan kiikhiisii, tsapkapkap maq, tsangshiq ka shreng lanta sham ronglaq.

1 Timothy 6:2

Kiimahali, Phungmaiqsetiim disetiim raq, tsangtijong wetiim ka, ümchaü kla siphu sino siisaq she nguta tiima raüta, atijong wetiim ka shipoq ra mak. Kra rii na, tsangshiq raq tsangtijong wetiim wokhong na awongsii, maiqshaq pinthum disetiim miishe jawan raa tlo. Ara jamkhano chongtiikang ngukla, tsangshiq disetiim raq jaqsham tlaq kra tsingo ka, atijong wetiim ma aliip dong tlo. Kiimaq tsangtijong wetiim ka ümchaü sanha, Khristo na lungwii phunaino siisaq she jawanto. Ara sungkhu tsiilam chongkuq tiikang thun ara lang raüta siwan miitu, ümniiraq ümnok ümbin tarü ma, phaqthak nithak maq tsii chongkuq laq.

Hebrews 3:1

Shiikeawe raq ngi rai ahea wan damti, asii lungwii Phungmaiqse phunainotiim lei! Nashiq raq Shiikeawe ma kam tiikai lamphan na, nashiq shunshea wanti we, Jesuq ka Shiikeawe raq Ramwe Ajong Pinthum ma shong raüta tiikito. Apaiq raq nashiq ma Ramwe Ajong jaqsham kuq tlaq kra atsi dada maq tiima laita si rong i.

1 John 5:1

Jurwa Jesuq kiidea Messia nguta kamtlaq, kriiti ka Shiikeawe se ngushat she. Jurwa awe lungwii tlaq, kriiti riika ase min milungwii.