NEHEMIA 9:35 - ASII LAKDAP Bible (BSI)

³⁵ Ümramkham maq tiibok kuq laü, hokhambi raq ümsengi ahea maq peng wanto. Tsangshiq ka tümlüm tümli, hiqpo hiq win tan, ümniiraq akuq haü hiqshong na shongto. Shatmaq tsangshiq ngarai lamphan thaq mak riito. Raüta Tisho ümnaq shomnoq alaq riito.

Hawa Naga Bible 2001

³⁵ Hokhvmx bix kuex mnoz rueq vkuq yungx luz rungwanx yaq mungx nuex httax tueq baunglaung mruimrix lvp luz wvnc tueq rulc rv-ngvlc mmiqsaz kuex guimz wuez tueq; yuq muinz tsuingshiq rueq mvrax kuex koayc wuez muq, m-yauk shuimc muinz shuimx muq.

NEHEMIA 9:35 Referencias Cruzadas

NEHEMIA 9:25

Ümsengi nok raq long maq aruk chela thun wiita khat wan raüta jii wanto; hiqpo hiqwin hiqshong ramsea asi, jam awak chaq nai seng tum aphong, jamkea na khappong theje, Olip petsi ro chhije, petsi wiqtsam ro aphong, kiimaq spiqro aphong chhije kuq wan laü. Krai mren, tsangshiq ka wok phetak tak maq, rongboq phaqsiq wanto. Ümtin khan wa ümniiraq ahea awa phan, tsangshiq ma kuq wan laü, tsangshiq raq polokhiq phaqsiq wanto.

NEHEMIA 9:34

Naititiim nai naihokhambi raq, naimung welabi raq kiimaq ramwebi raq, ümniiraq akuq haü Thungtri, lang mak dea riito. Tsangshiq raq ümnaq aming ka, tai wan mak dea riito, kiimaq ümniiraq honlam tsii, achongkuq haü, lang wan mak riito.

ISAIA 63:7

Ngi raq Tatiwe mangchan tiipitmak phan kra michongha; Ngi raq apaiq tiitsam tiikang nashiq miitu ümtinkhan wa jaq shamkuqtaq khana. Apaiq raq Israilnok ka pinthum asho awo shiiman kuqto apaiq tiihang wan tsii nai tiipit mak phan mangchan raüta kuqto.

JEREMIA 5:19

Ümtiikiiwa tsangshiq raq miwai riita Ngi raq tsangshiq ka akha jam khano tiithenbaiqkang nguta ümniima bom wai raüla, Jeremia lei tsangshiq ma chonglaq, tsangshiq raq ngi miimthü raüta, tsang mung maq pongmungti phra sumla thun shomnoq wantaq kiikha, ümchaü ka tsangshiq raq wanwe wokhong na siraüta tsangshiq jaqshi ma mija wan.”

EJEKIEL 5:6

Shatmaq Jerusalem raq ngi raq akuqha aming raütu jinbaiqto. Raüta apaiq ka maiq mung ahinti thun thaq na abi lin nguta tiichhi kuqto. Kiimaq apaiq ka, atro na mung ahin thun sitlaq kriithaq na nilan pinthum nguta tiichhikuqto. Jerusalem raq ngi aming thun wiita akhii riibaiq wanto. Kiimaq itri raütu ka apaiq raq lang mak akhü riibaiqto.

TRI CHONGKE 28:47

Tatiwe raq ümniima phanrap lam na achu shiiman kuqto. Shatmaq ümniiraq apaiq ka khoqriiq shishiiq maq kiimaq chojong chise maq shomnoq wan maü dea riilaü.

TRI CHONGKE 28:48

Kra ningkhan she, Tatiwe raq üm khuthaq na chiqse rewenok tiikitlaq kriishe mishomnoq wan haü. Ümniika ramtsi, kham nyangtsi, kiimaq kheahü, phanrap na athüm alit she misi wan haü. Tatiwe raq ümniika nyat shat shat not shot shot lishe chongthum ma mija haü shaq wiiwii mitiicham chao wan.

TRI CHONGKE 31:21

Kiimaq tsangshiq khuthaq na phiiptsi chang pahea chamchao misaü. Shatmaq ara shi nge arka shinge wan ruq li miraq. Kiimaq ara ashi arka tsangshiq tiishut wan saqse miishe mija wan. Ümchaü dongdii min, Ngi raq tsangshiq ma mung ashi mikuqha nguta kiq kham kuqkang mung kiijaq mishea wanha shaq niimin, tsangshiq tsan mong na jamlai wa tiimatlaq kra Ngi raq asapha.”