NEHEMIA 9:14 - ASII LAKDAP Bible (BSI)

¹⁴ Asii Niitiitsak Ranaiq ranaiq ka asii maq, lang ronglaq nguta, tsangshiq ma, ümniiraq shrinkuq wan laü. Kiimaq ümluqkhapse Mosheq lümaq, tsangshiq ma ümtri raü, khakuq wan laü.

Hawa Naga Bible 2001

¹⁴ Mnoz rueq tsuingshiq muex mnoz Vguilc Raungnuiyq kuex vsawc ngoc tvkoc jungx kuq ruiux, mtvrac htenc kuex mnvrc waz Moshe maq raz tueq kuq toq.

NEHEMIA 9:14 Referencias Cruzadas

RAPHA HIQWA LAK 2:3

Raüta apaiq raq ramiishi ranaiq ka shiimanto. Raüta kra ranaiq ka pong na tiitsang dada arai riithüto. Jamkhano ngukla kra ranaiq akhing na apaiq raq aphan sang wan jaqsham ka tlotto. Raüta jaqsham ka athaq she riito.

NEHEMIA 1:8

Riita ümchaü min, ümniiraq man na Mosheq ma jamlai kiqkham bomtsi wa khakuq laü, kra bomtsi ka ümtsan na tiitsang laq. Ümniiraq Mosheq ma akha chongkuq laü: ‘Namshiq Israilnok raq ibom tai man maq, ikiq khii lanta, tongshong tri wokhong na siwan man riihan jiila, ngi raq namshiq ka tiipin miijin mijobaiqha. Lata pongmung maiqse wokhong na mitiichamchao pha.

NEHEMIA 10:32

Kiimaq, rawiitek Shomjam na khoro khosha raa tlaq kra chomke wan miitu, nashiq maiq loweatek raq, kampho sii ka shekel ashi wa, mantsam na tiikho laita, manshi rii kra kuq wan lili mirii rong i.

DUNGWVNC 16:23

Kiimaq apaiq raq tsangshiq ma nguto, “Tatiwe raq aming kuqto, anap ranaiq ka apii ranaiq, niitiitsak ahai chang. Arka apaiq ma akiinong kuq wan ranaiq. Namshiq winsii ako chang sitlaq ka ko ronglaq, kiimaq namshiq raq kham maq alum chang ka lum ronglaq. Jamlai wa chantlaq kriika anap ranaiq miitu pong na rai lanta thübaiq ronglaq.”

DUNGWVNC 16:29

Tsan na tiitsang ronglaq, Ngi, Tatiwe raq namshiq ma ranaiq shi ka niitiitsak ahai miitu kuqkang. Kra ningkhan tiina Ngi raq ratrok ranaiq angu na namshiq ma aphaq sea chang dung ka ranaiq nai miitu hongli chang jang wraptek kuq tiikang. Krai mren ramiishi angu niika maiq loweatek maiqmii ümbano sitlan kriijaq li siraatlo. Apaiq ka jam wa kinphai na dongkai maimak.”

DUNGWVNC 24:12

Tatiwe raq Mosheq ma nguto, “Pum na düwan laüta Ngi phana wara. Kiimaq ümniika arjaq shon na, Ngi raq ümniima longpen anai kra mikuq kang. Kiijaq Ngi raq mungmaiqse ma tsii chongke bomtsi waiqkeje she.”

EJEKIEL 20:11

Ngi raq tsangshiq ma Ngi aming thun kuqkang. Lata jurwa langtlaqti ma rilungketi itri raütu thun kra shrinkuq kang.

EJEKIEL 20:12

Ngi raq Asii Niitiitsak Ranaiq langwan ka Ngi nai tsangshiq liipan na tongshong raütu miithii kuqkang. Kriika Ngi, Tatiwe riidea tsangshiq ka asii maiqsetiim ma tiijatiikang nguta atiitsang bomtsi.

EJEKIEL 20:20

Asii Niitiitsak Ranaiq ka asii hai ranaiq ma tiija ronglaq. Krai mren, arka nashiq liipan na tongshong wan kai kra miithii ma mija. Kiimaq Ngi ardea namshiq Tatiwe namshiq Shiikeawe nguta tsan na tiitsangshat maq miraq.

LEWI 19:3

Namshiq loweatek raq anyung nai awe ka shreng raa dongdii. Kiimaq Asii Niitiitsak Ranaiq ka Ngi raq namshiq ma aming kuq kang kra phan phan lang wan ratlo. Ngi ka Tatiwe namshiq Shiikeawe.

LEWI 27:34

Ara aming raütu thun arka Tatiwe raq Mosheq ma Sinai Pum maq Israilnok miitu akuq.

John 1:17

Shiikeawe raq Thungtri ka Mosheq lümaq kuqto. Shatmaq, kaphap mangchan nai tengteng rilung ka, Jesuq Khristo lumiitiq kuqtlo.

TRI CHONGKE 4:45

Kriika tsangshiq ka Ejip mung wa laü wan raüta Jordan Rai maq shedong nü mung na hiq thung tan wang na Bethpeor chela maq khariire na sitlaq akhing na Mosheq raq arthun thungtri raütu ara tsangshiq ma kuqto. Ara hiqshong arka Amoraiq phan Sihon Hokhamwe Heshbon chela maq siraüta amung peng wantaq kra hiq binjü na riito. Mosheq nai Israilnok raq tsangshiq ka Ejip mung maq laü wantaq akhing apaiq ka khatto raüta tangto.

TRI CHONGKE 4:5

“Tatiwe i Shiikeawe raq ngi ma chongkuqtaq kra phan phan, ngi raq namshiq ma thungtri raütu thun ka kunli shrin kuq kang she. Kriithun ka ümchaü namshiq raq khat wan lanta mung ka jii wantlan kiijaq lang lanta shong ronglaq.

TRI CHONGKE 5:31

Shatmaq, Mosheq lei, ümniika, arjaq Ngi rai li si liishaq. Kiimaq Ngi raq ümniima Ngi thungtri raütu thun nai aming raütu thun ka wiita ümniima mikuq kang. Arthun ka mungmaiqse ma shrin kuqlaq. Krai mren Ngi raq tsangshiq ma hiqshong kuq tiikang kiijaq tsangshiq raq arthun aming ara lang raüta misilaq.’