NEHEMIA 2:3 - ASII LAKDAP Bible (BSI)

³ Kiimaq ngi raq, “O, Chaü lei, rilung alu maq silaq! Iti iwi sichang changkhü chela ka wiita she then wanto. Chela trotam na long maq aruk khetuk thun kriimin wa maq chaq baiq raüta wiita she thenkito,” nguta apaiq bom ka trekang.

Hawa Naga Bible 2001

³ tvralc tauk kuex, “Taungjix hokhvmx waz kuex rullungx pattup httax kuiuz! Izjix iwaz tamx luip juing ghaqyungx bac wvnc vtuex nuiyc palx kaluix htenc muinz wvr rueq khamc gay tueq ningkhvnc nuex ngvy thuinbac muq juing yvmx khoc lac httax lot taungx?” ngoz tueq tvtay jungx tauk.

NEHEMIA 2:3 Referencias Cruzadas

1 HOKHVMX 1:31

Kiijiishe Bathsheba ka hiq nü na kusaq raüta apaiq ka noqto. Raüta nguto, “Riita itatiwe hokhamwe ka rilung alu miidea misi laq!”

2 HOKHVMX 25:8

Hokhamwe Nebukadnejar raq Bebilon mung lang wan li maq wiiroqshi ri wiitiikaü she angu na, kra rawii wa jipi lübiingi na kra jipi wa jiha ramiishi ranaiq na, Hokhamwe ma tsü chongketi kiimaq phentu ajongwe Nebujaradan ka Jerusalem chela mong na nyapto.

2 KAÜWA WERAÜ 21:20

Jehoram ka arawii wiiroqtsam ri wiinai na hokham ma shongto. Raüta Jerusalem maq ngaraüta mung ka wiitiichat siqto. Apaiq tsaiki kiita ju min tsan tiibimak riito. Tsangshiq raq amaa ka Dawit Chela na lapto. Shatmaq hokhambi maalap chiim na riimak.

2 KAÜWA WERAÜ 28:27

Hokhamwe Ahaj ka tsaito. Raüta amaa ka Jerusalem na lapto. Shatmaq hokhambi maachiim niika riimak. Apaiq tsai jai ase Hejekia ka awe pumsong hokham ma shongto.

2 KAÜWA WERAÜ 32:33

Hejekia ka tsaito. Raüta amaa ka hokhambi maalap chiim lamthaq nü hiq ba na lapto. Juda mungti nai Jerusalemti tlotli raq apaiq maa ka pinthum shreng raüta joto. Apaiq tsai jai ase Manase ka awe pumsong hokham ma shongto.

2 KAÜWA WERAÜ 36:19

Apaiq raq Shomjam kiimaq chela ka among na hokhambi jam thun kra kiimaq kiijaq tsiiq anyam ümchuwa sitlaq kra thun nongnong maq wa maq chaqbaiqto. Raüta kra chela tro ruk kiimin wiita tiibun buk baiqto.

NEHEMIA 1:3

Kiijiishe, tsangshiq raq, “Nashiq mungti, munglu shumwi ma tsuq wan mak deati, lun wantiiti thun ka, kai chamchao mong niili sitlo. Kiimaq pongmung maiqse raq pinthum jomniim shaqshaq shummiitlo. Jerusalem chela long peruk kriimin wiita bunkito. Kiimaq peruk kilam kilü thun kriimin wa maq chaq raüta, wiita tiithen baiqto,” nguta tsangshiq chongto.

NEHEMIA 2:13

Ngi ka rawa mong niili tiido lata, chela tro ruk kra ahukse maq sisin wan wan shrira liikang. Shenyap nü na Jüwii Kilam Chong kriimaq liiphaho lata, hiqmai nü na Pren Kaü Khamdü nü na liiwan kang. Lata Shinchiitsap Phong Kilam Chong nü na liiwan kang. Ngi raq kra chela tro na ashthen arbaiq peruk thun ka, kiimaq wa maq chaq raüta ashthen baiq thun kra sidi liiwan kang.

ESTHAR 8:6

Ajongwe lei, riita ija, ngi raq iphan imaq, inok ibin ka thenjen wan, kiimaq ita iwii ka jiipbaiq wan ka jamriim mo mimin wan ha, kiimaq jam makmo milii ha?” nguta Esthar raq hokhamwe ma tiipaiqnea chongto.

Tvtsvmc 102:14

Ümjaqshise raq kriinyung ka lungwiito, apaiq ka wiita tiithenbaiq kli jumin; tsangshiq raq kriinyung ma tiihang mangchan tiichhishat, apaiq ka wiita athenkaikun she jiimin.

Tvtsvmc 102:15

Maiqmung thun raq Tatiwe ma mihaisong wan; mangjong hiq na siti hokhambi kunli raq apaiq ningkun ma mihai.

Tvtsvmc 137:6

Ngi raq thongshi shitsiimang she mirlaq ngi raq ümnaq tiitsang mangshe laq thaqha jiila, ngi raq ümniika itsan mong na chochi jonghea keti nguta tiima mangshe riihajiila!

Tvtsvmc 38:7

Ichhü irai wiita wa raq akhiim ikha tsidong bum tiikang kiimaq ngi ka tsaija chhunja sitiikang.

JEREMIA 52:12

Bebilon mung Hokhamwe Nebukadnejar raq mung lang wan li maq wiiroqshi ri wiitiikaü she angu na, kra rawii wa jipi lübiingi na, jiha raroqshi ranaiq na, hokhamwe ma tsii chongketi ajongwe kiimaq phenlabi khuthaq na phentu ajong pinthumwe Nebujaradan ka Jerusalem chela mong niishe nyapto.

AJONJÜ 2:9

Chela kilü thun tiithenbaiqto, kiimaq kilü lachang jinpan min ngoqbaiqto. Hokhamwe nai shiilangbi thun, ümchaü pongmung na shumwi tiijato. Thungtri ka ümchaü shrinkuq makshe, Kiimaq shammibi ma, Tati nü wa riisham bomtsi min, saümak she.

DANIEL 2:4

Kiijiishe tsangshiq raq hokhamwe ma Arab bom maq treto, “Chaü lei, rilung alu maq silaq! Ümma ka naishiq ma chonglaq. Raüla naishiq raq kra liichum ka michongkuqkai.”

DANIEL 3:9

Krai mren, tsangshiq raq Hokhamwe Nebukadnejar ma chongto, “Chaü lei, rilung alu maq silaq!

DANIEL 5:10

Hokhamwe ma anyung jong raq, hokhamwe nai asengi aki miikiimbi riiriiq trang raitlaq kra taito. Raüta, apaiq kiimin phaqsea poijong klo tlaq khok kiijaq nyap wato. Raüta apaiq raq nguto, “Chao lei, rilung alu maq silaq! Ümniika akhü langlang ka naq kiinyiikhiq. Kiimaq ümchu ümnü hamlaklak ka naq chapakiq.

DANIEL 6:21

Kiijiishe Daniel raq treto, “Chaü lei, rilung alu maq silaq!

DANIEL 6:6

Kra ningkhan, tsangshiq ka hokhamwe rai riihum wa wawanto. Raüta akha nguto, “Hokhamwe Derias lei. Chaü lei, rilung alu maq silaq!

LEWI 26:31

Ngi raq nam chela thun ka hiqmiq changkhü miishe mitiija baiqha. Namshiq raq sumla noq tlan hiqba thun kra wiita mitiithen baiqha. Kiimaq namshiq raq Ngi ma honglu takuq tlan thun kriika tao mang she mirha.