NEHEMIA 13:10 - ASII LAKDAP Bible (BSI)

¹⁰ Kiimaq, Lewinok dunghea wan chang honglu ka mungmaiqse raq samhea kuq wan mak shishe baiq kha maq, Shomjam maq noqku akhing na, Shiikeawe shomnoq wan, nokwe shunshea wantibi, Lewinok nai ashi ange wanti kong kriika, tsangshiq maiqmiimii hiqshong rap na, wak jaqsham sea wa she hali jang wan wito nguta bom ka ngi raq tai kang.

Hawa Naga Bible 2001

¹⁰ Lewi miqsaz htenc nuiyc shomc yuimx nuex tuimc tvlc jix htenc kuex phuiuz vsvy hunghtaungx laz lvp muq ningkhvnc nuex miqmac wuik vnax htenc nuex yuz kaz wuez vtuex lvmz ngaz rueq tuiuz lvp tauk.

NEHEMIA 13:10 Referencias Cruzadas

2 KAÜWA WERAÜ 31:4

Arthaq niimin, hokhamwe raq Jerusalemti ma ramwebi nai Lewinok rii honglu kechang thun kra kuqho rong laq nguta chong kuqto. Kra kuqho raütiq ramwebi nai Lewinok raq Tatiwe Thungtri na chongtlaq kra phan phan tsangshiq raq jaqsham ka tsapkapkap maq tsantsii kuq raüta misham lot.

NEHEMIA 10:37

Kiimaq, nashiq raq, tsamnye apha shaq shaq jut siq wan tiikai kiiwa, hai awong kra, kiimaq winsii lum laita, kiimaq laihin honglu, che, olip tai, kiimaq phanphan petsi pan wan tiikai kriiwa, kra thun ka Shomjam na hupsam thü wan chang khok kiijaq adam na lamho lili laita, ramwebi jaq na kuq wan lili mirii rong i. Kiimaq, nashiq raq, nashiq wak ajam na dong man wantlaq tü atsam kriiwa, honglu hiwanti Lewinok watlaq kra jaq na, aroqkhu wa kra kuq wan lili mirii rong i.

NEHEMIA 10:39

Riita, Israilnok raq, kiimaq Lewinok raq, honglu akuq wan hai awong thun, che, kiimaq oliptsi tai, kra hoho raüta, Shomjam wang mong na, tak apin thü wan chang tsamtiip khok thun kriijaq, kiimaq, Ramwebi jaqshamti, kiimaq Shomjam kheti hokranok, kiimaq Shomjam na shishunti khojabi, sichang khok thun kiina hoke wan chang miraq. Nashiq raq ümchaü san, nashiq Shiikeawe Shomjam ka shishe mai she.

NEHEMIA 12:47

Arka Jerubabel pat na nai Nehemia pat niimin, Israilnok raq, ranaiqtek honglu kra kuq wan lili riitlo. Raüta, Shomjam na ashi angeti nai shomjam kheti hokranok kra tiichamchao mak maq dunghiq wanto. Mungmaiqse riika, Lewinok ma asii, aram ari honglu kra kuq wan lili riitlo. Kiimaq, kra honglu kiiwa, ramwebi rii ka Lewinok raq ramwebi ma pheakuq wan lili riitlo.

ISAIA 43:23

Ümniiraq Ngi ma chaqtlii-honglu sku thun lamkuq wan maüdea riilaü, ümniiraq Ngi ka honglu takuq laüta shreng maüdea riilaü. Ngi raq ümjaq wa honglu thun ka keraa dongdii nguta shiitep mang dea, riimakla ümjaq wa homseng honglu holai tiiho mang dea.

MALAKI 3:8

Ikhla ngi raq namshiq ma waipha. Riita maiq weshi raq Shiikeawe laolii ka maitlo sha? Kriika riimak. Ajiq. Shatmaq namshiq raq ngi lao tlan. ‘Jamkho lao tiikai?’ nguta namshiq raq waitlan. Aroqkhu honglu nai alu ke na lao tlan.

WEAWEA 35:2

“Israilnok ma chonglaq, tsangshiq rii tachong hiqshong laptaq kriiwa, Lewinok ma tsangshiq sichang chela wiijam ke ratlo kiimaq kra chela thun tro na nyamse rüm ma nyiimlung wak ram thun ka ke ratlo.

TRI CHONGKE 12:19

Kiimaq tsan na tiitsang dada thü ronglaq, namshiq ka nam mung na shongtlan wiiwii Lewinok shiili ka laq thaq maimak.