NEHEMIA 13:1 - ASII LAKDAP Bible (BSI)

¹ Kra akhing na, Mosheq Thungtri ka, mungmaiqse ma tiihong raüta phat kuq wanto. Kra phat kuq wan tlaq akhing na, lakdam kom na, Ammonnok nai Mobnok ka, Shiikeawe sengi phungtu na tiishang dam maimak, kiimaq noqku na tlom wandam maimak, nguta aming khathütaq lakjaq kriishe phat kuqto.

Hawa Naga Bible 2001

¹ Mungx miqsaz htenc muex Moshe Tvrac kuex hung vtueq wvl kuq koq tueq, Ammon nuiyc Moba miqsaz ukhaq muinz Tishox miqsaz htenc rulc mkaq muinz rvhumc rv-phek lvp muq mvy muq ngoz tueq.

NEHEMIA 13:1 Referencias Cruzadas

2 HOKHVMX 23:2

Raüta tsangshiq wiita kongshi maq Shomjam na kihoto. Tsangshiq rai nongnong ramwebi thun kiimaq shammibi thun kiimaq mungmaiqse kunli, chiithe lüwa kiimaq miitsan miijan wiita adam na kihoto. Raüta mungmaiqse thung tlaq kiijaq hokhamwe raq tongshong lakdap Shomjam wa humtaq kra tiihong raüta phatto.

NEHEMIA 13:23

Kra akhing na hali ngi raq, Jehudinok phong wa maiqwere pahea raq, Ashdoknok sheare, Ammon nok sheare, kiimaq Mobnok sheare lam wan raüta sitlo nguta tho ka lapkang.

NEHEMIA 2:10

Shatmaq Beth Horon chela na sitiwe Sanballat raq, nai Ammon wang na sitiwe siihiipjong weshi, amang min Tobia nguta kra wenai raq, Israilnok mungmaiqse miitu jaqsham ahea shamketi maiq weshi she saühoto nguta, tsütsa ka taito. Raüta tsangnai ka pinthum makshu she khiqriqto.

NEHEMIA 2:19

Ara jaqsham ahang sürii wan tsütsa ka tai raüta, Sanballat, Tobia, kiimaq Arab phan wa maiq weshi, amang min Geshem ngutlaq kriiwetiim raq, naishiq ka shumtsü miitsü raütiishe shummii siqto. “Ei, riita, namshiq riika jamlai riihokai ngutiiwa tiima tlan? Namshiq ka ajong hokhamwe wokhong wa dongho lanta maiqmii wela jaho ngutiisha dan tlan?”

NEHEMIA 4:3

Kiitiikaq, Tobia kiimin apaiq tho na chapshat riito. Kiimaq apaiq riimin arewe bom jai na, rongsaqsaq akha hali slai liito. “Ara tsangshiq raq jamkhiinok ruk haitiikai ngutiiwa tiima tla nya? Arka miikakoi kaü düwa raü min thamsaqli mithamki?”

NEHEMIA 8:2

Krai mren. Ejra riimin thungtri lakdamkom ka, mungmaiqse maiqwere, jechakre, kiimaq nosere, phanrap ahea abi mitaklotti thun thungtlaq kiijaq tlam wato.

NEHEMIA 9:3

Raüta, apha na nari tsam tin tsangshiq ma Tatiwe, tsangshiq Shiikeawe Thungtri kra tiitai phatkuqto. Raüta kra lot jai maq, naritsam she hali ka tsangshiq raq maiqmii ngarai kra tiidii wan, achu jaüto. Raüta tsangshiq Tatiwe tsangshiq Shiikeawe ka shomnoqto.

ISAIA 34:16

Tatiwe lakdap na atra phan chongtlaq kiijaq sidi ronglaq. Lanta kiijaq jamkho chongtlaq kra phat ronglaq. Arthun ngamse phong phanshi ra min moki mak miraq. Kiimaq phanshi ra wiimin akongti akaü nai ali ahü ngutiika ahü miraq. Tatiwe raq akha sichang dongdii nguta aming kuqto. Apaiq raq ajaq maq dongdii adam na mitriichom wan.

JEREMIA 48:1

Tati Ningkun Ajongwe raq Mob mung miitu akha nguto: “Nebo chelati ma mangchan tsi— tsangshiq chela ka tiithenbaiqto! Kiriathaim chela re raq jiiwanto, chela tro kiitelong ruk ka tiibunbaiqto, kiimaq chelati ma jea tiingaüto.

AMO LUIK DVP (AMOS) 1:13

Tatiwe raq ngutlo, “Ammon mungti raq atang wan ngarai ma, hiq ma ra ma tangwanto, Arningkhan ngi raq tsangshiq tiijoq mang. Jamkhano ngukla tsangshiq raq Gilead wangti, hiq nyeataq rekhat akhing na, jechakre wiihanti, awok kholam kholiiq riip wanto.

WEAWEA 22:5

Beor se Balaam kra heawatibi maiq tiiwato. Apaiq ka Amaw mung na Euphretis Rai tho na Pethor hiq na riito. Tsangshiq raq apaiq ma Balak hokham we bom ka akha chongto: “Ngi raq ümniima ara bom tiitai rotiikang, Ejip mung wa awa maiq mung ashi saü wato. Kra mungti maiq phong ka barap binrii niishe nyam wanto. Kiimaq tsangshiq raq naimung ara jiiwan tantlo.

Luke 10:26

Kiijiishe, Jesuq raq treto, “Asii bomtsi na jamlai wa chongtla? Kra ümniiraq jamkho tak tlaü?”

Acts 13:15

Mosheq Thungtri lakdap wa nai Shammibi lakdap wa phat wan jai miishe, sinagok liiwanti maiqlare raq, tsangnai ma, “Phuno we nai, namnai raq tsaido jido bomtsi chongke chang tsishi ra asi jiila, nokwe ngatlaq arma chongke miitu akhing asi miraq,” nguta bom ka tiiwaito.

Acts 15:21

Ara jamkhano chongtiikai ngukla, Mosheq Thungtri bomtsi ka pat-achat miiphü Asii Niitiitsak ranaiqtek sinagok na phatkuq wan ruq kata. Kiimaq Mosheq bomchong kra chelatek na nokmaiqse ma phanchan kuq wan ruq riitlo,” nguta Jakob raq bom ka chongkuqto.