NEHEMIA 10:34 - ASII LAKDAP Bible (BSI)

³⁴ Kiimaq, Thungtri lakdap na waiqtlaq kra phan phan, nashiq Tati Shiikeawe ma, wa maq chaq raü raüta, honglu kewan miitu, chin raa tlaq kra chomke wan miitu, nashiq mungmaiqse tarü raq, ramwebi rai, kiimaq Lewinok rai adam na rongri laita, kra rawii na, chin ka juta weraü raq thamke wan chang wa miraq, kra jaqsham ka langlii lili laita, lang raq thaü tlaq kra phan phan, jaqsham ka aweraü ma pheakuq lili mirii rong i.

Hawa Naga Bible 2001

³⁴ Naungshiq muinz, mungx miqsaz htenc muinz, shomc waz bix nuiyc Lewi miqsaz htenc muinz tay wvnc tueq tvrac rulc rv-ngvlc Yehowa naungshiq Tishox muex shomc nawk juing jauk shomc kuy tvkoc rax yaq janx htenc mruex taungx rueq lvmc lvy juing lac kuex wawc tek hangchac toc maq thvl yaq.

NEHEMIA 10:34 Referencias Cruzadas

1 KAÜWA WERAÜ 24:5

Riita Eleajar saüse phan nai Ithamar saüse phan phong wa Shomjam na jaqsham liiti nai wenyi jaqsham na ajong alabi ka asisii ngokha maq, tsangshiq liipan na jaqsham ka langlii raü raüta riiphea wantlo.

1 KAÜWA WERAÜ 24:7

Riita tsangshiq maiqta taroqnai ri tablai ma akong akong na jaqsham pheakuq wantaq ka akha pheakuq wanto: 1. Jehoiarib 2. Jedaia 3. Harim 4. Seorim 5. Malchija 6. Mijamin 7. Hakkoj 8. Abija 9. Jeshua 10. Shekania 11. Eliashib 12. Jakim 13. Huppah 14. Jeshebeab 15. Bilga 16. Immar 17. Hejir 18. Happijjej 19. Pethahia 20. Jehejkel 21. Jachin 22. Gamul 23. Delaia 24. Maajia riito.

2 KAÜWA WERAÜ 2:3

Solomon raq Tajar Hokhamwe Hiram ma tsütsa ka akha tiiwanto: “Ümniiraq iwe Hokhamwe Dawit rai apaiq hokham jamhai miitu maisak pepan lunkuq laü ikha, ngi rai min piikiilaq.

EJRA 3:5

Kiimaq, arthaq niimin, ara chongtiikai honglu kuqwan tlaq niimin, tsangshiq raq rahinjaq joli Shiikeawe shomnoq akhing na, atra nyamse ka wiipumtam maq, honglu wa na chaq wan tlaq, kiimaq hali Jinye Tsan Wan Poi akhing na alu kuq wantlaq, kiimaq rahinjaq joli akhing na mungmaiqse thung raüta, shomnoq wantlaq noqku akhing na, honglu ümchuwa kuq wantlaq, kiimaq hali, Tatiwe ma lungwii raüta maiqmii tsantsii maq kuq wan tlaq, kra thun ka kuq wan nongto.

NEHEMIA 11:1

Mung welabi ka Jerusalem chela na shong nga wanto. Kiimaq mungmaiqse wiika, maiqta taroqshi khuthaq wa, tashishi langlii raüta, lang raq thaütlaq kriita ka asii chela Jerusalem na siwan miitu tsea wanto. Kiimaq kiiwa chan tlaq maiqta tatiikaü kriika, chela ahin na shongnga wan chang, nguta bom ka riichong raüta tri ka shatthüto.

NEHEMIA 13:31

Kiimaq, honglu kuq tlaq kra, chaq chang chin raa tlaq kra, akhing khaq khaq na Shomjam na chomke wan miitu, jaqsham ka aphea riikuq kang. Kiimaq mungmaiqse raq, raipo wonglo tsikhu wa tsamnye jut tlaq kiiwa kuq tlaq kra, kiimaq petsi wiqtsam tsikhu wa honglu na kuq tlaq kra tsapkapkap maq, akhing khaqkhaq na kewan raa nguta jaqsham ka aphea riikuq kang. O, Shiikeawe lei, ngi raq arthun jaqsham wan tiikang ara, ümtsan na tiitsang shat riilaq. Laüta, ngi ma ana tokuq laq.

TAKSU LAK 18:18

Wela wenai rungshi na chap. Tsang nai tatso tsekhi wa lap. Tatso chhiiti wutan langphok.

ISAIA 40:16

Lebanon mung rumnyangkhi na rum nyamse ümchuwa sitlaq ka, nashiq Shiikeawe ma honglu take rii min hong mak, kiimaq kiiwa pero thun ka apaiq raq wa tiinyaichaq rii min hongmak atsap se.

LEWI 24:5

Bunwong win kilogram roqshi ri anai lam laüta winsii ka roqshi ri anai kolaq.

LEWI 24:6

Laüta winsii thun ka lennai na thülaq. Lenshi na phu trok rok. Kriika chamrii chaq maq alo Tatiwe asi tiip na totlaq kiijaq thülaq.

WEAWEA 28:2

Israilnok raq Shiikeawe ma tsan tiiheali phaqsea-honglu kechang ratlaq thun ka akhing khaq khaq na kuq ronglaq nguta chongkuqto.

Acts 1:26

Kra achu jaü lot raütiishe, tsangshiq raq maiq wenai mang na, lang liito. Krai mren, lang raq Matthias mang na thaüto. Krai mren, tsangshiq raq Matthias ka Jesuq kiimwe miishe tseato. Kra ranaiq miiphat she, Matthias ka Jesuq Khristo kiimwebi roqshi ri weshi krai kongshi she jawanto.

JOSHUA 9:27

Shatmaq apaiq raq tsangshiq ka di ma tiija baiqto. Raüta Israilnok miitu nai Tatiwe berong-wacha na lang miitu chin tiithamto. Kiimaq kham tiipito. Ümchaü akhing na saüli, Tatiwe raq apaiq shomnoq chang ba ka ümriibano tiihong wantlaq, kiijaq tsangshiq raq ara jaq ka shamkuqtlo.