NEHEMIA 10:34 - Hawa Naga Bible 2001

³⁴ Naungshiq muinz, mungx miqsaz htenc muinz, shomc waz bix nuiyc Lewi miqsaz htenc muinz tay wvnc tueq tvrac rulc rv-ngvlc Yehowa naungshiq Tishox muex shomc nawk juing jauk shomc kuy tvkoc rax yaq janx htenc mruex taungx rueq lvmc lvy juing lac kuex wawc tek hangchac toc maq thvl yaq.

ASII LAKDAP Bible (BSI)

³⁴ Kiimaq, Thungtri lakdap na waiqtlaq kra phan phan, nashiq Tati Shiikeawe ma, wa maq chaq raü raüta, honglu kewan miitu, chin raa tlaq kra chomke wan miitu, nashiq mungmaiqse tarü raq, ramwebi rai, kiimaq Lewinok rai adam na rongri laita, kra rawii na, chin ka juta weraü raq thamke wan chang wa miraq, kra jaqsham ka langlii lili laita, lang raq thaü tlaq kra phan phan, jaqsham ka aweraü ma pheakuq lili mirii rong i.

NEHEMIA 10:34 Referencias Cruzadas

1 KAÜWA WERAÜ 24:5

Eleazar nuiyc Ethamar suiuz vsaz hez kuex Shomc Yuimx wawc vyungx vlaungx bix nuiyc siyac lvmx nuex shunshvlc jix walaungx bix rvtueq ningkhvnc nuex yauk shuimc kuex hangchac doc maq httauk vtueq tvshuimc tueq.

1 KAÜWA WERAÜ 24:7

Vruex kuex yauk shuimc gurc pic tvkoc yauk shuimc phvlc kuy rvhumc jix yuimx taungx phungc 24 nuiyc vmuingc htenc rvtueq: 1. Jehoiarib 2. Jedaia 3. Harim 4. Seorim 5. Malkija 6. Mijamin 7. Hakko 8. Abija 9. Jeshua 10. Shekania 11. Eliashib 12. Jakim 13. Huppa 14. Jeshebeab 15. Bilga 16. Emmer 17. Hezir 18. Happize 19. Pethahia 20. Jehezakel 21. Jachin 22. Gamul 23. Delaia 24. Maazia

2 KAÜWA WERAÜ 2:3

Solomon rueq Tire Hokhvmx Hiram kox nuex bomjungc tvtay jungx tueq: “Mnoz rueq Iwaz hokhvmx Dawid muex piq hoc guirc tvkoc ruenx pulx guix htenc shaung kuq toq ikhoc ngaz rulc muinz pvkac pvylvyc lvmz shuimx lvmz ix.

EJRA 3:5

kvdvyx muinz rvmuq mkaq muinz shomc kuq ruiux yaq shomc nawk kuy juing kuex wvpumz tuimx maq juiuz tvkoc muinz, yac nyalx raungnuiyq tvhungx yaq kuex shomc kuy tvkoc muinz, Yehowa muex nawk palx juing baung nuex mkaq muinz rvtuimx kaz vtueq, Yehowa muex miqmac thuinroc kuq noalx yaq shomc kuy juing lotlaz kuex jauk shomc kuq wuez yaq.

NEHEMIA 11:1

Walaungx bix kuex Yerusalem nuex httax wuez tueq, kvjungx yaq miq htenc kuex waz rokshiz wawc yuimx shiz kuex vsawc Yerusalem ghaqyungx nuex httaz tvkoc nuiyc kvjungx yaq miq htenc kuex vganc miqghaq htenc nuex httaz kay tvkoc hangchac maq httauk wuez tueq.

NEHEMIA 13:31

Ngaz muex hungx tuex baunglaung wvr maq jauk shomc kuy tvkoc janx nuiyc vphaungc thuey yaq vthuey vngoz nuiyc vphaungc muinx yaq tuiuz vtsvmz htenc lvmc lvy tvkoc tvhungx htaungx tauk. O Tishox lex, vruex lotlaz kuex rvwvl vtueq, ngaz muex kejux kuq koq.

TAKSU LAK 18:18

Tvrac rungx nuex khuec vkhac vhttax miq wanueyc kuex luimc vkawc vyungx jix jvnc ngoz ruiux yuq, tsuingnueyc khac kuex hangchac maq htvp htaz kuq lot shix.

ISAIA 40:16

Lebanon luingx vlak nuex httax yaq ngvmx saz lotlaz kuex naungshiq Tishox muex shomc nawk kuy tvkoc hungx muq, kvwawc pulx jungx htenc muinz wvr juiuz juing janx muex hungx muq.

LEWI 24:5

Wungwanx kilogram 12 maq wanx poz rokshiz rac ponueyc shuz shuinz.

LEWI 24:6

Yehowa khaungkac wawc kuimshawx maq vtvhungx humpanx htauk kvyuq wanx kvruex rencshiz nuex poz tvruk ruk maq renc nueyc nuex taq shuinz.

WEAWEA 28:2

vpiq tvkoc vhomc vtumc tvyaungc muex rax yaq phuiuz svy shomc kuy juing htenc kuex htvp htaz taq tueq vkhing nuex Tishox muex shomc kuy tvkoc Israel miqsaz htenc muex jungphvnx kuy tvkoc nvr tueq.

Acts 1:26

Kvruex yimaq tsuinghez rueq hangchac toc koq tueq Mathia nuex aungx tueq ningkhvnc nuex piq kuex thvl tvhungx tueq, kvruex maq piq kuex kamx waz 11 nuex lomx wvnc naungx tueq.

JOSHUA 9:27

Yuq muinz kvkaq dvyx piq rueq tsuingshiq kuex dax muex tvyaungc ruiux, Israel miqsaz nuiyc Yehowa shomrawx yauk shuimc tvkoc nuex janx htuimc yuix gurc yauk shuimc kuex tvshuimx tueq. Majuiuc raungnuiyq nuex httuiuc laz nawk palx tvkoc Yehowa rueq vhttauk shec baung nuex vkhoc shuimx kaz wuez yaq.