NEHEMIA 10:32 - ASII LAKDAP Bible (BSI)

³² Kiimaq, rawiitek Shomjam na khoro khosha raa tlaq kra chomke wan miitu, nashiq maiq loweatek raq, kampho sii ka shekel ashi wa, mantsam na tiikho laita, manshi rii kra kuq wan lili mirii rong i.

Hawa Naga Bible 2001

³² Naungshiq rueq wawc tek vtueq Shomc Yuimx nuex shuimc lvmc tvkoc kuimphox sawx gram 5 kuex mvnz tvjvt wawc mvnz shiz htawc wuez vshix.

NEHEMIA 10:32 Referencias Cruzadas

RAPHA HIQWA LAK 28:22

Krai mren ara tsan na tiitsang chang miithii longkaü shong tiikang arba arka ümnaq shomnoq chang hiq ba miraq. Kiimaq ümniiraq ngi ma phanrap kuqtlaü kriiwa wiita, roqshi khu wa manshi ka ümniima mikuqha.”

1 KAÜWA WERAÜ 26:27

Tsangshiq raq rekhat tsiiq sepat lopi alap wan wiijam ka lam wan raüta Shomjam na lang miitu Shiikeawe ma kiinong kuqto.

NEHEMIA 13:15

Ngi raq kra akhing na, Juda wang na siti Israilnok raq, Asii Niitiitsak Ranaiq ranaiq na spiqtsi tsai ka tiikit nyat tlo chhikang. Kiimaq mungmaiqse abiti riika, püwong, che, spiqtsi, phupmuptsi, kiimaq laihin huk asam thun kra, tsangshiq kumtoq kaütiim raikhü na miirea chhikang. Raüta tsangshiq raq kra hupsam thun ka, Jerusalem na hoho tlo chhikang. Kra chhilatiishe, ngi raq tsangshiq ka kiq atsin maq ason riikang. Kiimaq Asii Niitiitsak Ranaiq ranaiq na jamlai phan min ari athii shata raamak nguta aming kuqkang.

NEHEMIA 13:18

Akha ashut ngarai tang wan kha na, Shiikeawe raq namtitiim ma sintsang tiihokuqto, raüta ara chela ka shiithen baiqto. Kra taümaq dongdii min, namshiq raq, Asiihai Ranaiq ka tiishe shi wan lanta, Shiikeawe tsankhiq ka Israilnok ma misaüho nong laq nguta ngarai tang wan nong tlan,” nguta sonkang.

NEHEMIA 13:21

Kra chhilatiishe, ngi raq tsangshiq ma, “Namshiq ka hupsam shata kham ma, chela ruk phai na anap ra miwiiho shaq nguta atu na naq khe rongkiq. Namshiq raq ibom tai man tlea han jiila, namshiq raq imo she miho han,” nguta tsangshiq ka tiihai sonkang. Kra sonkang kriimiiphat she, tsangshiq ka Asii Niitiitsak Ranaiq ranaiq na jangki nongmak she riito.

NEHEMIA 5:10

Ngi raq nanok ma kampho kiimaq rai awong thun tiinam kuq wan kang. Kiimaq ikongtitiim riimin kiikhiisii tiinam kuq wanto. Kiimaq isengi, ijaqsham kewanti riimin, akhiisii tiinam kuqto. Riita, ümchaü min, nashiq tarü raq thiitham thun ka atham jaümaili she thaq baiq rong i.

NEHEMIA 9:14

Asii Niitiitsak Ranaiq ranaiq ka asii maq, lang ronglaq nguta, tsangshiq ma, ümniiraq shrinkuq wan laü. Kiimaq ümluqkhapse Mosheq lümaq, tsangshiq ma ümtri raü, khakuq wan laü.

DUNGWVNC 23:11

Shatmaq wiimiishi she angu na kra wak ka naq shamsiq kiq. Kiikhiili thülaq. Kra rawii ka kiijaq jamlai wa dong mantlaq kriimin naq jut siq kiq. Miitsan maiqse raq mijut siqlaq. Kra bung tiichongtlaq kriika rum nyamse raq miphaq siqlaq. Üm spiqtsi ro nai olip tsiro kiimin kiikhiisii thülaq.

TAKSU LAK 3:9

Tatiwe ka tsiiq nai nyam maq shreng laq, Wak na adong man ahea pinthum kra, honglu na kuq laüta shreng laq.

2 Corinthians 8:12

Namshiq raq khoqriiq shishiiq maq kuq han jiila, Shiikeawe raq namshiq kongphiq jaqmiiq ka, chochi khiq ma mitao. Namshiq raq ümchuwa mitang han, kra kuq ronglaq. Namshiq jaq na jamlai wa ahü, kriika Shiikeawe raq asap.