NEHEMIA 10:31 - ASII LAKDAP Bible (BSI)

³¹ Ümchaü sanha, Asii Niitiitsak Ranaiq ranaiq lo, laihin apii ranaiq niilo, nashiq phana pongmung maiqse raq hai awong, kiimaq huk asam howan raüta shawa raü la, rimai she. Kiimaq, rawii wiimiishi apaiq tumwan tlaq rawii akhing na, wak ka shamsiq mai she. Kiimaq thamtham thiilam, alap wan chang ümchuwa sitlaq, kra thiitham athü wan kriimin, wiita adüshe mirbaiq rong i.

Hawa Naga Bible 2001

³¹ Pungnuk miqsaz htenc rueq naungshiq kuex Vguilc Raungnuiyq nuiyc vganc vsawc raungnuiyq nuex tuiuz vtsvmz nuiyc vganc phvnx shishiz vshaungc muex laq ruiux yuq, naungshiq rueq tsuingshiq kox wawc ruiyx shix rvmuq. Naungshiq rueq wawc mvshix httuiuc tuex tek wuik vnax kuex shuimx miq, htawz htuimc httax yaq lotlaz tv-nyingx tvmaq gay vshix.

NEHEMIA 10:31 Referencias Cruzadas

2 KAÜWA WERAÜ 36:21

Krai mren she Tatiwe raq shammiwe Jeremia lümaq riisham bomtsi akha tiithaitaq kriishe kupi wanto: “Armung arka rawii roqmiishi hiqmiq changkhü ma mitiija baiq wan, kriika Niitiitsak akhing lang wan mak tlea baiq wantaq kra tiinyi wan miitu miraq.”

NEHEMIA 13:23

Kra akhing na hali ngi raq, Jehudinok phong wa maiqwere pahea raq, Ashdoknok sheare, Ammon nok sheare, kiimaq Mobnok sheare lam wan raüta sitlo nguta tho ka lapkang.

NEHEMIA 13:27

Riita, ümchaü min, naishiq mungmaiqse raq, namshiq raq Shiikeawe tri jin lanta, pongmung sheare lam tlan, kra ngarai lam kriisha miphan wan dam hai?”

DUNGWVNC 12:16

Apha wan ranaiq na kiimaq ramiishi ngo ranaiq na hali namshiq ka shomnoqkai noqku na kai ratlo. Kra ranaiq thun bala namshiq raq minshiiqkai raamak. Shatmaq namshiq raq phaqsea kloliika amai.

DUNGWVNC 20:10

Shatmaq ramiishi ranaiq ka Ngi ma akiinongkuq niitiitsak ranaiq. Kra ranaiq ka jurmin minshiiqkai maimak. Ümniiraq lo, ümsetiim raq lo, üm disetiim raq lo, üm nyamsekong raq lo, riimakla pong mungti thun üm mung na siti raq lo jiimin minshiiqkai maimak.

DUNGWVNC 34:16

Kiimaq namsetiim raq pong mung maiqse sheare kra molam wan she moraq miraq. Raüla kra nyungre raq tsangwesetiim ka Ngi miimthü raüta lamjiq niishe misheaho. Raüta tsangshiq thatsang phra kong kriishe mitiishomnoqho.

ISAIA 58:6

“Ngi raq lungwiitiikang amang maq achujaü ka akha rotiikang: Maiq ji maq nishishi haihiitlan kharü ka chumbaiq ronglaq. Kiimaq di ama ikha maiq tiichamchaotlan kra atiiwa she riibaiq ronglaq.

LEWI 16:29

Arthun thungtri arka pattup lang wan ruq ratlo. Jipi lümiishi she angu na kra jipi lüwa jiha raroq shi angu na Israilnok raq kiimaq pongmungti wanshanok tsangshiq rai sidamti raq amang maq achu jaü ratlo. Kiimaq kra ranaiq ka apii jamlai phan jaqsham kaiwa min mai mak.

LEWI 23:21

Kra ranaiq namshiq phong wa jurmin maiqmii joli jaqsham ka shamkai maimak. Shatmaq adam na riitam lanta noqku na shomnoq ronglaq. Namsaü namsetiim raq pattup miitu tsangshiq ka ümriiba na shong nga raü min ara poi ka klo wanruq ratlo.

LEWI 23:3

Namshiq raq minshiiq miitu ka ratrok asi. Shatmaq ramiishi ranaiq ka tsan na tiitsang ronglaq. Kriika Asii Niitiitsak Ranaiq. Kra ranaiq ka niitiitsak ranaiq. Kra ranaiq jaq naqsham rongkiq. Shatmaq noqku na riitam lanta shomnoq ronglaq. Asii Niitiitsak Ranaiq ka Tatiwe rii. Namshiq ka ümriiba na sihan jiimin, arka Tatiwe rii.

Matthew 6:12

Naishiq ma ashut klotibi mra thun diikuqkai, kiikhiisii naishiq mra thun kiimin diikuqlaq.

Colossians 2:16

Ara chongtiikang Khristo raq thawe kharü ka adii baiq kun she kha maq, ümchaü sanha, maiq raq namshiq ma arphan arka aphaq asea mimai, arphan arka aphaq asea maimak, apii chang nguta tri raü arun baiq wishe kra thongshiri hali, namshiq ma khakuq tlaq kriika, naq tiikha nong rongkiq. Rahiq jipi kiimin, arka jihea ranaiq, arka jibi ranaiq nguho. Kiimaq Jinye Dong Poi ka alang chang nguho. Asii Niitiitsak ranaiq ka alang chang maa nguho.

James 2:13

Shiikeawe raq khapho akhing ranaiq na, jurwa kongti ma mangchan tiichhi mak dea riitaq, kriiti miika apaiq riimin mangchan tiichhikuq mak miraq. Shatmaq jurwa nanok ma, mangchan tiichhi kuqtaq, kriiti miika Shiikeawe riimin mangchan mitiichhi kuq.