NEHEMIA 10:29 - ASII LAKDAP Bible (BSI)

²⁹ ümchaü ranaiq na, naimung shun shea wanti welabi rai adam maq, Shiikeawe raq, adise Mosheq lümaq naishiq ma Thungtri kuqtaq, kra lang wan laita, Thungtri khong niishe mishong nga wan rong i nguta, kiimaq apaiq tri ka jin wan hai jiila, manson miho wan rong i, nguta atum riiwan laita, ara kiqkham raüpot ara kha wan tiikai. Riita, ümchaü sanha, Tati, nashiq Tatiwe raq nashiq ma aming ümchuwa kuqtaq kra, lang wan laitiishe mishong nga wan rong i. Kiimaq Tatiwe thung tri ka, tsapkapkap maq lang wan laitiishe, mishong nga wan rong i, nguta ara kiqkham raüpot kha wan tiikai.

Hawa Naga Bible 2001

²⁹ vpiq nvrc waz Moshe maq raz tueq Tishox rueq vkuq Tishox Tvrac rulc rv-ngvlc naungshiq rullungx tvraungx muex muinz, Yehowa naungshiq Taungjix rueq naungshiq muex nvr phuex lotlaz kuex phvnc muex muinz, vpiq tvrac htenc nuiyc jungx shec tueq lotlaz kuex phvnc muex muinz, naungshiq walaungx bix rulc vkhoc rvhumc henc vtueq bomshuit taq vshix ningkhvnc nuex kvruex naungshiq rueq tvbac gay ruiux yuq, vhttonc vtvmc murx gurx shix ngoz tueq kvtuemc vtix.

NEHEMIA 10:29 Referencias Cruzadas

2 HOKHVMX 10:31

Shatmaq Jehu raq Tatiwe, Israilnok Shiikeawe thungtri ka atsan atsii kunli kiinong kuq raüta lang wan mak dea riito. Kra rii na apaiq riika Jeroboam raq Israilnok ka ngarai lam na shunsheataq, kra lam kra khoti phanto.

2 HOKHVMX 23:3

Apaiq ka Shomjam mong na hokhamwe toqpum kham tho na chapto. Raüta Tatiwe rai apaiq wokhong na silata abom mitaiha, apaiq tri raütu thun kra milangha kiimaq apaiq aming thun kra tsan nai mongjii wiita kuq lata milangha nguta tongshong wanto. Kiimaq kra lakdam na waiqtlaq kra phan phan aming thun kra milangha nguta tongshong ramkham tiibok wanto. Krai mren mungmaiqse kunli raq tongshong tri wokhong niidea misi rong i nguta kiqkham wanto.

1 KAÜWA WERAÜ 9:2

Apha shaq shaq tsangmung na chela thun na janghotaq phong niika, Israilnok hiqshong maiqse thun, ramwebi, Lewinok, kiimaq Shomjam na jaqshamti thun riito.

2 KAÜWA WERAÜ 34:31

Apaiq ka hokhamwe toqpum kham tho na chapto. Raüta Tatiwe rai apaiq wokhong na misiha, kiimaq apaiq tri raütu nai aming thun kra tsan nai mongjii kiimaq tsaiji wiita kuq lata mithüha kiimaq kra lakdap na waiqtaq kra phan phan tongshong tri raükha thun kra milang wan ha nguta kiqkhamto.

2 KAÜWA WERAÜ 6:16

Riita ümchaü min, Tatiwe Israilnok Shiikeawe lei, ümniiraq iwe ma kiqkham raüpot ashi hali khakuq laü, apaiq raq jamkho ümniiraq akuq haü Thungtri Raütu ka tsapkapkap maq lang wantaq kiikha tsangshiq riimin langwan ruq riihaüla, asaü asetiim phong kiiwa maiq pat tek na weshi ka Israilnok mung thaq na hokham ma shong wan ruq mirha nguta khamkuq laü kra bomtsi kriiri tiikupi kuq laq.

NEHEMIA 13:25

Kra ningkhan, ngi raq tsangshiq awere thun ka, phanrap ma tsat son kang. Lata, tsangshiq khuthaq na manson kiqsü she riikang. Lata sintsang maq tsat kang, kiimaq tsangkhushü maq hit-hihi hitkang. Latiishe, ngi raq, tsangshiq ka Shiikeawe mang na, tsangshiq riilo, riimak la, tsangsetiim jiimin, pongmung maiqse rai khesea riija klo wan maimak she nguta, tsangshiq ma tumkham tiinyang kang.

NEHEMIA 7:46

Shomjam na jaqshamti phan munglu asiwa wa ajang wan maiqweraü thun ka ara riito: Jiha, Hasupha, Tabbaoth, Keros, Sia, Padon, Lebana, Hagaba, Shamlai, Hanan, Giddel, Gahar, Reaia, Rejin, Nekoda, Gajjam, Ujja, Pasea, Besai, Meunim, Nephushesim, Bakbuk, Hakupha, Harhur, Bajlith, Mehida, Harsha, Barkos, Sisera, Tema, Nejia, kiimaq Hatipha riito.

NEHEMIA 8:2

Krai mren. Ejra riimin thungtri lakdamkom ka, mungmaiqse maiqwere, jechakre, kiimaq nosere, phanrap ahea abi mitaklotti thun thungtlaq kiijaq tlam wato.

NEHEMIA 8:3

Raüta, kra tapshok ikha kilam chong tho na hiqthung ba kiimaq chap raüta, Thungtri lakdap ka ranap chu maq phaho raüta, ranaiq shethung shekham na saülili phatkuqto. Krai mren, tsangshiq riimin tsan tiitsi raüta tsangrakrak maq tiitsang taito.

NEHEMIA 9:38

Arthun chamchao riihum wan kai kha maq, naishiq Israilnok raq, kiqshi maq jaq phak na riihan laita, tri raü ka akhii she waiq thü kai. Krai mren, naishiq shunsheati mungtubi, naishiq Lewinok raq, kiimaq naishiq ramwebi raq, tsangshiq jaq maq ara tri raütu lakwaiq wankai arjaq mangkhat wanto.

Tvtsvmc 105:45

arka asenginok raq apaiq thung tri milanglaq raüta apaiq aming wokhong na misilaq nguta kuqto. Tati tiitsam ronglaq!

Tvtsvmc 119:106

Ngi raq i sinkham bomtsi ka mithüha ümniiraq tingting hon atsii chongkuqlaü kra langwan lata misi wanha.

Tvtsvmc 8:1

O Tatiwe lei, naishiq Tatiwe lei, mangjong tlotli na ümmang chong ka jonghea pinthum! Ümnaq tiitsam kam ka ramungtan thun na saütlo;

Tvtsvmc 8:9

O Tatiwe, naishiq Tatiwe lei, üm jonglu ka mangjong hiqraikhü wiita na rashra!

ISAIA 14:1

Tatiwe ka thongshiri hali asengi Israilnok ma mangchan mitiichhikuq nong. Raüta tsangshiq ka apaiq riishe nguta mitsea wan nong. Apaiq raq tsangshiq ka tsang mung na thongshiri hali mitiishong wan nong. Kiimaq pongmungti maiq pahea kiijaq waraüta tsangshiq rai misidam.

JEREMIA 26:4

Tatiwe raq ngi ma mungmaiqse ma chongkuqlaq nguta thaüto, “Ngi Tatiwe raq namshiq ma Ngi raq jamlai wa shrinkuq kang kra lang lanta iwokhong na sironglaq nguta chongkuq kang.

JEREMIA 34:15

Ümnap ümji ka tsantsii klai lanta namshiq raq Ngi tiichochi chang jaq sham wan lan. Namshiq tarü kiqri tsiimri lanta namshiq wokhong na maiqmii phan Jehudinok disetiim sitlaq kra atiidong riibaiq wan lan. Lanta namshiq raq iman na, Ngi shomnoq chang Shomjam maq, tongshong raukha thüwan lan.

EJEKIEL 36:27

Ngi raq iwenyi ka namtsan mong niishe mithii kuqha. Kiimaq namshiq raq Ngi raq akuqha tri raütu thun kra nai aming thun kra langwan lanta siwan miitu she milii kuqha.

LEWI 20:26

Namshiq ka asii misi han kiimaq Ngi riili. Jamkhano ngukla Ngi ka Tatiwe kiimaq Ngi ka asii. Ngi raq namshiq ka nanok maiq mung ahin thun phong wa pong niishe rai rii wan kang. Krai mren namshiq ka Ngi rii miituli she misi han.

MALAKI 4:4

“Ngi raq ijaqshise Mosheq ma Sinai Pum maq Israilnok tlotli raq lang wan miitu akuqha, thungtri raü, kiimaq aming thun ka tsan na tiitsang ronglaq.

WEAWEA 5:21

Tatiwe raq ümmang ka ümnok ümta phong na manson hoti nyung nguta misilaq. Apaiq raq ümhupsam ka atiishin mirbaiqlaq. Kiimaq ümwok po ka achhang she mirkilaq.

John 1:17

Shiikeawe raq Thungtri ka Mosheq lümaq kuqto. Shatmaq, kaphap mangchan nai tengteng rilung ka, Jesuq Khristo lumiitiq kuqtlo.

John 15:14

Kiimaq ngi raq namshiq ma jamlai aming wa kuq tiikang kra namshiq raq lang wan lili riihan jiika, namshiq ka i khi i lu wetiim miishe mija wan han.

John 7:19

Riita namshiq ma Mosheq raq Thungtri kuq thütaq riimak sha? Shatmaq, namshiq phong wa, maiq weshi ra raq dongdii min kra Thungtri ka lang man. Riita, kra taü maq, namshiq raq ngi ka atsea baiq chang nguta jaram wa tan khan tlan?”

Acts 11:23

Barnabas ka Antiok na saüto. Kiimaq Shiikeawe raq tsangshiq ma pinthum achu shiiman kuq tlaq kra chhito. Kra chhi raüta, apaiq ka kai khoqriiqto. Kiimaq apaiq raq tsangshiq ma tsan nai tsii wiita kiinong kuq lanta tsapsaü kapse maq, Tatiwe ma kamwan ruq maq shongnga ronglaq nguta tsaido jido bomtsi chongkuqto.

Acts 17:34

Li jiimin, Paul traho bomchong taiti nokwe phong wa, maiqwere wiijamti ka Paul rai she pong wan damto. Kiimaq Paul raq chongkuqtaq tsütsa kiima kamto. Ara kamwantiiti thun phong wiika, maiq weshi Dainosias kiimin riito. Apaiq ka kra rung phung wa wela ashi riito. Kiimahali jechak nyung min ashi riito. Apaiq mang ka Damaris riito. Apaiq kiimin kamwanto. Kiimaq nanok maiq ahinti riimin kamwanto.

Acts 23:21

Shatmaq, siihiipjong we lei, ümniiraq tsangshiq bom ka naq taikiq. Jamkhano ngukla, Paul tsea baiq ma nguta, lam na rehuk hai raüta atiipaü maiq ka weroqblai pat raq kheshat miraq. Tsangshiq raq Paul ka tsatmai wiiwii, khamsang kokshi min nyang mai nguta japhak maq riihan raüta tiitumto. Riita ümchaü tsangshiq ka Paul tseabaiq ma nguta khekham miishe khe tlo. Kiimaq ümniiraq apaiq tiikai kra kheli she sitlo,” nguta norii we raq siihiipjong we ma tsütsa ka tiitaito.

Romans 12:9

Maiq ma lungwii tsii ka siirairai hea thü wan lili ronglaq. Jamlai wa abi phan, kriika atsaihai rii ronglaq. Jamlai wa ahea, kra jaqkhon tiipha lanta shamshat maq si ronglaq.

TRI CHONGKE 33:4

Nashiq ma Mosheq raq akuq thungtri raütu kra langtiikai, arka namung ma tsiiq chong nyamchong rahea pinthum.

TRI CHONGKE 5:1

Raüta Mosheq raq Israilnok ka kunli adam na triitam heato. Raüta tsangshiq ma akha chongkuqto, “Israilnok lei, ümchaü ranaiq ngi raq namshiq ma tri raütu thun kuq tiikang ara wiita tiitsang tai ronglaq. Kriithun ka saptsin ronglaq kiimaq tri wokhong na sironglaq.

TRI CHONGKE 5:32

“Israilnok sing mungmaiqse lei, Tatiwe namshiq Shiikeawe raq aming kuqtaq thun kra kun kun lang lanta shong nga rong laq. Apaiq thungtri raütu thun kra loshi ra min naq jin rongkiq.