Biblia Todo Logo
La Biblia Online
- Anuncios -




NEHEMIA 10:29 - Hawa Naga Bible 2001

29 vpiq nvrc waz Moshe maq raz tueq Tishox rueq vkuq Tishox Tvrac rulc rv-ngvlc naungshiq rullungx tvraungx muex muinz, Yehowa naungshiq Taungjix rueq naungshiq muex nvr phuex lotlaz kuex phvnc muex muinz, vpiq tvrac htenc nuiyc jungx shec tueq lotlaz kuex phvnc muex muinz, naungshiq walaungx bix rulc vkhoc rvhumc henc vtueq bomshuit taq vshix ningkhvnc nuex kvruex naungshiq rueq tvbac gay ruiux yuq, vhttonc vtvmc murx gurx shix ngoz tueq kvtuemc vtix.

Ver Capítulo Copiar

ASII LAKDAP Bible (BSI)

29 ümchaü ranaiq na, naimung shun shea wanti welabi rai adam maq, Shiikeawe raq, adise Mosheq lümaq naishiq ma Thungtri kuqtaq, kra lang wan laita, Thungtri khong niishe mishong nga wan rong i nguta, kiimaq apaiq tri ka jin wan hai jiila, manson miho wan rong i, nguta atum riiwan laita, ara kiqkham raüpot ara kha wan tiikai. Riita, ümchaü sanha, Tati, nashiq Tatiwe raq nashiq ma aming ümchuwa kuqtaq kra, lang wan laitiishe mishong nga wan rong i. Kiimaq Tatiwe thung tri ka, tsapkapkap maq lang wan laitiishe, mishong nga wan rong i, nguta ara kiqkham raüpot kha wan tiikai.

Ver Capítulo Copiar




NEHEMIA 10:29
38 Referencias Cruzadas  

Yuq muinz Jehu rueq Yehowa Israel Tishox tvrac kuex piq thuinz vmungx lotlaz maq phvnx yaq rvmuq, kvkhoc ruec tvraung Israel miqsaz htenc kuex mvrax lvmx nuex shvlc jix waz Jeroboam honc vyaungc lvmx kuex phvnx laq tueq.


Piq kuex hokhvmx lunghtung hep nuex jvp vtueq, Yehowa kvjaz kuex phvnx ruiux vpiq tvrac lotlaz nuiyc vnvrc bomc htenc kuex thuinz vmungx lotlaz nuex taq vtueq luik dvp nuex wuiyq shec tueq rulc rv-ngvlc Yehowa rulc bomkhvrc taq tueq, kvruex shuimc kay muex bomc shuit taq tueq. Mungx miqsaz lotlaz rueq muinz bomkhvrc kuex phvnc tvkoc bomkhvmc taq wuez tueq.


Tsuingshiq tsak vnyvmx hup vsvmx httax yaq ghaqyungx htenc nuex vphaungc vyek wawc kuex Israel miqsaz htenc, shomc waz bix, Lewi miqsaz nuiyc Shomc Yuimx nuex yauk shuimc jix bix htenc lomx tueq.


Piq kuex hokhvmx htung hep nuex jvp vtueq, piq thuinz vmungx, siyac lotlaz maq tay phvnx ruiux tvrac nuiyc nvrc bomc htenc kuex phvnx vtueq, luik nuex wuiyq shec tueq bomkhvrc rulc rv-ngvlc shuimx lvmz lvp laz juing ngoz tueq Yehowa rulc bomkhvrc tv-phaungx tueq.


Majuiuc Yehowa Israel Tishox lex, mnoz rueq iwaz Dawid muex ngoc, msuiuz msaz hez kuex mnoz kvkhoc Tvrac kuex tay phvnx wvnc ruiux yuq, Israel mungx nuex mkaq muinz mphvnx hokhvmx rvpat tuex rvmuq, ngoz tueq kuq toq bomkhvmc kuex tv-phaungx ngaungx shuiuz.


Kvkhoc ningkhvnc nuex ngaz rueq kvruex waz hez kuex ngoz ngax httonx tauk, thvt tauk, tsuingshiq khux mul muinz phiz gay tauk. Kvruex yimaq ngaz rueq tsuingshiq nuiyc tsuingshiq sahez muex mkaq muinz pungnuk shvlx rulc kuex lvmz miq shex, ngoz tueq Tishox muingc jungx vtueq tvtuemc tvkhvmc wuez tauk.


Vthuq vruez laq wawc vyek waung Shomc Yuimx yauk shuimc jix taungx hez htenc kuex: Ziha, Hasupha, Tabbaot, Kero, Sia, Padon, Lebana, Hagaba, Shalmai, Hanan, Giddel, Gahar, Reaia, Rezin, Nekoda, Gazam, Uza, Pasea, Besai, Meunim, Nephushesim, Bakbuk, Hakupha, Harhur, Bazlit, Mehida, Harsha, Barko, Sisera, Tema, Nezia nuiyc Hatipha.


Kvkhoc rvtueq Ezra rueq shvmhvlx tuiuz tay thenc jix miqwaz, yalxjuik rulx htenc nuiyc nosaz rulx htenc ngoz yaq miq htenc rvtuimx yaq baung kvyuq lvmz laq tueq.


Piq rueq raungnvp maq raz tueq raungnuiyq shalhtungx nuex httuiuc laz palx kaluix hep vwanc baung nuex Tvrac luik kuex wvl kuq tueq, miq lotlaz rueq muinz thuinz vlomx maq tay wuez tueq.


Vruex lvmz lotlaz yaungx wvnc tueq ningkhvnc nuex, naungshiq Israel miqsaz rueq rungx raz vtix lvmz bomkhvmc vshiz wuiyq vshix, naungshiq walaungx bix, naungshiq Lewi miqsaz htenc nuiyc naungshiq shomc waz bix tsuingshiq rueq kvyuq sohic htuing wuez tueq.


Kvkhoc rvtueq vpiq miqsaz htenc rueq vpiq tvrac htenc kuex tay phvnx ruiux, vpiq rueq nvrc bomc lotlaz kuex phvnx tvhungx tueq. Yehowa muex tvtsvmc wuez shuinz!


Mnoz rueq tsuingrux lvmx jungx vshuiux htenc kuex phvnc tvkoc ngaz kvtuemc vtaungx bomkhvmc rulc rv-ngvlc ngaz rueq shuimc tvhungx shaungx.


O Yehowa nuiyshiq Yehowa lex, Mnoz yungc vloayc lvmz kuex mungkawx lotlaz nuex khiz vshix! Mnoz muex tvtsvmc thuic bomc kuex raungmungx nuex httuiuc yaq;


O Yehowa nuiyshiq Taungjix lex, Mnoz yungc vloayc kuex mung-kawx lotlaz nuex kvkhic yaq nyix!


Yehowa rueq vpiq miqsaz Israel kuex laukshiz hulawx menjenc vtueq tsuingshiq kuex vpiq phvnx ikhoc thvl wvnc yek shuex. Vpiq rueq tsuingshiq kuex miqmac ghaq vraungx nuex tvyek yek shuex, tsuingshiq rulc vdvmz pungnuk miqsaz htenc muinz httax kaz naungx tuex.


Yehowa rueq ngaz maq raz tueq miq htenc muex tvjungc phuex, “Ngaz Yehowa rueq mnoz muex tvluing kuq phaungx lvmx kuex phvnx vtueq ngvy kvjaz kuex phvnx shuiuz,


Mnoz rueq raungnuiyq vhuq httvmx yix maq, mthuinz kvlayc wvnc vtueq ngaz rueq raungc raq shaungx kuex shuimx kaz tuit. Nuimshiq lotlaz rueq mphuz mnox Israel htenc kuex tvdungc wvnc tvkoc rvkhvmc taq tuit, mnoz rueq ngaz muex nawk palx juing Shomc Yuimx mungx maq ngvy khaungkac nuex bomkhvrc taq toq.


Ngaz rueq nuimshiq nuex ngvy siyac htawc kuq phaungx, kvkaq nuimshiq kuex ngaz rueq nvr phaungx kvjaz htenc phvnx tvhungx vtueq ngvy tvrac lotlaz kuex phvnx wuez shuinz.


Nuimshiq kuex ngaz rueq guimz vphaungx ningkhvnc nuex vsawc yaungc rax, yvmx khoc lac ngoz ruiux lec ngaz kuex vsawc nuiyc Ngaz kuex Yehowa rvtauk. Ngaz rueq dvyx nuimshiq kuex guimz wvnc tvkoc miqphvnx ruip rawx htauk wawc thvl wvnc phaungx.


“Israel miqsaz lotlaz rueq phvnc tvkoc Sinai Kanx maq ngvy nvrc waz Moshe muex ngaz rueq kuq tauk tvluingc jungphvnc lvmz, tvrac htenc nuiyc vnvrc bomc htenc kuex rvwvl wuez shuinz.


mmuingc kuex mphvnx mmaq htumc nuex Yehowa rueq mvnhttonx kuy rvhumc kuiuz. Mnoz yalxjuik hupsvmx kuex httuiz rawk shanx wvnc vtueq, m-wuk mramx wvnc kueq.


Tishox rueq Moshe maq raz tueq Tvrac kuex kuq phuex, yuq muinz kejux nuiyc tsuingrux lvmx kuex Yesu Christu maq httuiuc kaz tueq.


Nuimshiq kuex ngaz rueq nvr phaungx kvjaz tay phvnx ruiux kuex nuimshiq kuex ngvy kungjix hez rvtuit.


Moshe rueq nuimshiq muex Tvrac kuq shec tueq rvmuq haz? Yuq muinz nuimshiq washiz rueq muinz kvruex Tvrac kuex phvnx muit. Ngvy thvy gay tvkoc yvmx ngoz tueq lac thuiyx vphuinx?” ngoz tueq tvralc tueq.


Piq httuiuc kaz tueq nuex miq htenc muex Tishox rueq yvmx khoc lac ruimrix kuq yaq nguinx kuex khiz vtueq, piq kuex vkoz vkez maq Taungjix nuex thuinz vmungx lotlaz maq tvmtuing httax tvkoc lotlaz muex honc tvsvmz jungx kuq tueq.


Miq wvyvmc kuex piq rulc rvkung daungc naungx vtueq kvmluimx miqsaz muex yaungx wvnc tueq, tsuingshiq phungc kvyuq suingdaungx muingdaungx rvtuimx nuex lomx jix Dionisiu ngoz yaq washiz, kvmaq vmuingc Damari ngoz yaq yalxjuik nyuiuz nuiyc vganc jix wvyvmc muinz lomx tueq.


Tsuingshiq rueq thoz shuex kvjaz kuex nauk tay kuq kaz, lvmx nuex miq warok bvlic jvnc rueq kvhttuiyq bvmc wuez yaq, kvruex hez kuex Polu thvt lvp miq wawwawx yvmx muinz phauk saq miq ngoz tueq kvtuemc wuez tueq, majuiuc doc muinz tsuingshiq rueq Polu kuex thvy gay tvkoc mbomc tvdvy dvyx bvmc yaq,” ngoz tueq.


Lungwawc thuinz nuex kvguirc guenc lomx muq mruez kueq; honc vbac kuex shuiuc gay ruiux, vhvlx nuex rvwak kuiuz.


Naungshiq kuex Moshe rueq vkuq Tvrac kuex phvnx vshix, kvruex kuex naungshiq phvnx muex raungc hvlc tsak jungx rvtueq.


Moshe rueq Israel miqsaz htenc kuex gvl vtueq tsuingshiq muex vkhoc jungx kuq tueq, “Israel miqsaz htenc lex, majuiuc raungnuiyq nuimshiq muex ngaz rueq kuq phaungx tvrac lotlaz kuex tay wuez shuinz. Kvruex tvrac htenc kuex tvluing vtueq phvnc tvkoc honc lvmz wuez shuinz.


“Israel miqsaz lex, Yehowa nuimshiq Tishox rueq jungx yaq rulc rv-ngvlc phvnc rax. Vpiq tvrac htenc wawc yvmx yuq muinz yaq mvy muq.


Síguenos en:

Anuncios


Anuncios


¡Síguenos en WhatsApp! Síguenos