NAHUM 2:5 - ASII LAKDAP Bible (BSI)

⁵ Siihiipbi thun kra heato, tsangshiq khaki nü na tiithap miitha juto. Rekong chela ruk nü kiina jutrangto. Chela kiitelong ruk run wan miitu; tsangshiq tiiwong wan chang haito. Kilamchong ka tiibun wanchang, wrangtam pechong hiqkhu haito.

Hawa Naga Bible 2001

⁵ Vyungx vlaungx bix kuex vgvl rvhumc yaq; tsuinghez kuex khaungx tvmax kox nuex kaz wvnc vtueq kvhtuip rul wuez yaq. Vkhvt wvnc jix hez kuex palx ruk nuex kvnvp yuz wvnc vtueq, lak htenc maq kvwungx ruiux nolaungx ghaqshungc tvbunx juing pvrrawx htenc tvhungx wuez tueq.

NAHUM 2:5 Referencias Cruzadas

ISAIA 21:5

Riisham mak maq phaqsea poi jonghea tiijeto chhikang. Wanwe thun nga ma kheathum damsii thun ka phiitlo. Tsangshiq ka dungsea kiimaq che nyangsea riito. Kiijaq tiihanghiiq miili aming akha kuqto: “Phentubi lei! Maiqmii liiqdo tiije ronglaq!”

ISAIA 5:27

Tsangshiqnok ka ahun aniitsi ngutiika ahü. Ajulam maq weshi ra dongdii min tiithap thamak. Tsangshiq ka akhiismin riiman mak riimakla konmak phan. Tsangshiq chhii na jiitu patlaq kriimin tiisi mak phan. Kiimaq tsangshiq hokpa sandal kriimin ashi ra min tiipan mak.

JEREMIA 46:12

Maiq mung thun raq namshiq jeangaü tsütsa taito she; loweatek raq namshiq hosii trang ka taito she. Phenla weshi ka arewe thaq na tiithap raitlo, raüta tsangnai wiita hiq na riwantlo.

JEREMIA 50:29

“Liq shamti sreabi kiima Bebilon mung ka khat rong laq nguta chong rong laq. Maiq loweatek jurwa liqsham atsinti thun ka tarü rekhat wa tiiwa ronglaq. Lanta chela ka trotam maq kom ronglaq. Lanta chela mong wa maiq ka ashi min tiijubaiq raamak. Apaiq raq jamlai wa abi klo wantaq kra tham ka apaiq ma thamkuq ronglaq. Apaiq raq nanok ka jamkho haihiitaq kra phan phan apaiq kiimin haihii ronglaq. Jamkhano ngukla apaiq raq Ngi, Israilnok Rümti Asiiwe ka roi raüta shiikongkhiq maq ajiq kiimungto.

NAHUM 2:6

Re raq jüraikii khamlam kilü dibaiqto. Hokham jam na siti phiip raq tsaito.

NAHUM 3:18

Ajong Asiria hokhamwe lei, üm wanghupti thun tsaikito she, kiimaq ümwelabi ka pattup miitu konkito! Ümsengi mungmaiqse ka, pum thun na wiita pin wanto, tsangshiq jam na tiijang sheawanti, jumin ahü miraq.

NAHUM 3:3

Kumrang leng na chaoti rewebi; hoho nguta jiip wan; nepja chai lip wa trang! hambongpiq khu chai wa trang! re na atsai maiqmaa riiphong; awealot chang riimak; maiqmaa thaq na maiqtiithap!

HABAKUK 1:8

“Tsangshiq rekhat kumrang kong ka, chiqwaiq kong phiq ikha abi ali. Shenyap wan na asea shekong adong ikha. Tsangshiq rekhat kumrang kong ka, adoq haha maiq jowan. Tsangshiq rekhat kumrang kong ka, ratho ko wa watlo. Tsangshiq ka liihawe raq wuphiim tlaq ikha, phiqhea maq jo raüta do wan tlo.