NAHUM 2:4 - ASII LAKDAP Bible (BSI)

⁴ Kumrang leng thun khutaü phewa, lamko doqha lamko na, jutrangtlo. Chela kilamphai na hiqbin ba; kumrang leng thun chhai wa; wanii tu phong liliim; siimko maq riita siimko na jutrangtlo.

Hawa Naga Bible 2001

⁴ Mvre renc kuex lvmx laungx htenc nuex yuz hvlc maq yuz ruiux, ghaqyungx gongx htenc nuex tvkot rot khuemx yaq. Tsuingshiq kuex wvrnarc tuz ikhoc luic vtueq raunglep ikhoc phelep yaq.

NAHUM 2:4 Referencias Cruzadas

TAKSU LAK 31:21

Apaiq ka diwinji na, nyiirii rok raü min chapa mak. Ajamkun miitu khea, chamtraq asi.

ISAIA 37:24

Ümniiraq ümjaqshisetiim tiiki laüta ümkumrang leng phong ningkun maq ümniiraq Lebanon pum kaütiim diiluhea thun ka wiitashe khat wan laüta jiiwan laü nguta ikhaki na jarap jirap tiitsaki tiichong tlaü. Ümniiraq kra binjü wa maisak pero achong diiluhea pinthum thun nai pinthum ahea awa sidar pechong thun ka daqbaiq wan laü nguta tiishom rasiq tlaü. Kiimaq ümniika bintang jüngi tsaühea mong na phoili she nyap wan laü nguta tiitsaki tlaü.

ISAIA 66:15

Tatiwe ka watu rai miki. Apaiq ka rathaiq raikhü na ngaraüta misaüho. Raüta apaiq rai tsan arkhiq sitlaqti thun kriima mo mitiiho.

JEREMIA 4:13

Liironglaq, rewe ka phum pong wan tlaq ikha saü wantlo. Apaiq rekhat chang kumrang leng phong ka atro rathaiq ikha saü wantlo. Kiimaq apaiq kumrang kong thun ka liihawe kaütiim bitlaq nam miimin aphiq lin. Nashiq ha miqkai she! Nashiq ha michup thumkai she!

JEREMIA 46:9

Kumrang kong ma aming kuqlaq lanta tiiju ronglaq, kiimaq leng thun kra tiijutlo ronglaq! Phenlabi ka tiiwatlo ronglaq; maiq thun Sudan mung nai Libia mung wa, liiq piraqchhaq maq, kiimaq Lidia mung wa liqhiip sreabi thun kra.’”

EJEKIEL 23:24

Tsangshiq raq ümniika shekhu nü maq mikhat phaho. Phenlabi phong ka pahea misheaho. Kumrang leng na chaoti phenlabi ka pahea misheaho, kiimaq hupsam hoti leng thun min pahea milamho. Tsangshiq ka liiq kiimaq jinkhuphok thun sam raq raq misaüho. Raüta tsangshiq raq ümniika tiikomtam maq mikom wan. Ngi raq ümniika tsangshiq jaqkhon mong na mikuqbaiqha. Tsangshiq raq ümniika tsangshiq thung tri maq ümkha ka mipho.

EJEKIEL 26:10

Tsangshiq kumrang kong botkhulai ka phum pong wantlaq ikha mitiikhuk wan. Raüta ümniika mibok wan. Tsangshiq kumrangkong raq kumrang leng thun nai hupsam hochang lengthun ka athen kaiwi chela mong maq hittlaq kriiraq ümchela khetuk thun kra wiita mitiikhai.

EJEKIEL 26:7

Tati Rakaü Hiqwe raq ngutlo, “Ngi raq hokhambi thaq na ajong thaq niimin ajong pinthum Bebilon mungti Hokhamwe Nebukadnejar ka Tajar chela khatkai miitu misheahoha. Apaiq ka shekhu nü maq phenlabi rama hiqma sheaho raüta, kumrang kong kiimaq kumrang leng phong kiimaq kumrang raikhü na nga raüta rekhatti phenlabi thun kra sheaho raüta miki.

DANIEL 11:40

“Riita Siria mung hokhamwe ma, apaiq ningthoi she saüwanto angu na, Ejip mung hokhamwe raq apaiq ka mikhat. Kiijiishe Siria mung hokhamwe raq asengi phenlabi ka ra ma hiq ma tsuq raütiishe, apaiq ningkun wiita shoq raüta, kumrang leng thun, kumrang thun, kiimaq mokkiitu pahea riichom raütiishe, Ejip mung hokhamwe ka mikhat. Kiimaq apaiq raq maiqmung thun pahea ka, raju jüchhang watlaq ikha mikhat wan.