Mikha 7:6 - ASII LAKDAP Bible (BSI)

⁶ Ara akhing na asetiim raq awetiim ka, angiwe ikhli mishipoq, jechakse re raq anyungre kiqkhii misru, kiimaq anam-nyungre raq anyai-chhitiim kiq mikhii, wesang jati ka maiqmii jam wiili midong.

Hawa Naga Bible 2001

⁶ Kvruex pat vkhing nuex miqwaz sahez rueq vwaz hez kuex vngauk vngaz jix htenc muex ikhoc ruez wuez shuex, yalxjuik sahez rueq vnyuiuz hez kuex tvgap gawx shuex, vnvmx nyuiuz tamx rueq vnguiy pez hez rulc rvkhawc lvlc tuex; nuimshiq ralx hez kuex nuimshiq yuimx wuinz wawc dvyx rvtueq.

Mikha 7:6 Referencias Cruzadas

RAPHA HIQWA LAK 49:4

Ümniika jüchhang jonghea watlaq ikha, Shatmaq ümniika wiita rü thaq na ajong pinthum ka riimaü mirhaü. Jamkhano ngukla ümniika ijamti-nyung chakliip rai kiicham laü. Laüta ümwe changdü tiishe laü.

2 SAMUEL 16:11

Kiimaq Dawit raq Abishai nai asengi ajong alabi thun ma nguto, “Ise shaq raq santla, ngi ka atsea baiq tan tlaq jiika, ara Benjamin phan raq klotlaq namshiq ka awang rai chang min asi shea? Tatiwe raq apaiq ma sonlaq nguta thaütaq kata; Kriikha na apaiq raq thithi bam ümson siq laq.

Tvtsvmc 41:9

Itsanwawe shaq, ngi raq pinthum kamtiikangwe raq dongdii min, ngi rai dung pinshi na phaqseatiwe riimin, ngi ka shaphaq baiqto.

TAKSU LAK 30:11

Maiq wiijam raq, awetiim ka ason riitlo; kiimaq anyungtiim ma, kechu tumkuq mak riitlo.

TAKSU LAK 30:17

Awe tikiija na niqsiq tlaq, anyung wikaüja na saisitlaq, kriiti makpo ka khala ma tiichat baiq chang, angam ka langtang ma tiiphaq chang.

ISAIA 3:5

Maiq loweatek raq loweatek jaq wa lapphaq lusiq lam kriili she miklo wan. Jerobi raq nyungwere ka shreng mak miraq. Kiimaq pantlat na haiseati bang bang kong raq tsangshiq thaq na maiqlare sitlaq kra shrengmak miraq.

ISAIA 9:19

Jamkhano ngukla Ajong Pinthum Tatiwe ka atsan khiqhea, arningkhan tiina apaiq raq tsangshiq ma mo tiihotlaq wa ka tsang mung tlotli na wakchaq walü wa ikha tiinyai chaq wantlo. Raüta mungmaiqse ka wiita thumpak tsatbaiq wantlo. Kiimaq maiq pumsii loweatek ka apaiq miituli she sitlo.

JEREMIA 12:6

Ümphu ümno ümjamtitiim raq santla ümniika tiishaübaiqtaq; tsangshiq riimin ümnaq ngengtibi rai pong raüta ngengtlaq. Tsangshiq miika naqkamkiq, tsangshiq raq bom ka aheawiq bom raü min.”

JEREMIA 20:10

Ngi raq barapse na atsise maq maiq raq akha riichongtlo tai tiikang, “Barap binrii na phiiptsi chang tong long! Arkha na apaiq ka mungpengti rung na shok rong i!” Ngi ma tatishaqti raq dongdii min, ngi ka ümtincho wa dea wan jiiq nguta kli khesiqtlo. “Jursap, apaiq ka momin raili moraq miraq,” nguta tsangshiq liipan na riichongtlo. “Kriishe nguraü ka nashiq raq apaiq ka thiikho na mitiiminlot rong i. Laita nashiq phuk ka milamlot rong i.”

JEREMIA 9:4

Maiq loweatek raq aphunowe ma honkam shatmaq sichang, Juwe riimin akongtiwe miika kamtsantsii thülot mak; jamkhano ngukla phunaino ümchu wa sitlaq ka Jakob ikha laopha maiqse siisaq, kiimaq maiq loweatek raq aphunowe chongsiqtlo.

EJEKIEL 22:7

Chela na siti jurmin anyungwe ka shreng mak. Namshiq raq pong mungtibi ka laotlan. Kiimaq manti nyungre nai jechisetiim ka nanshan shan haihiitlan.

Obadia 1:7

Ümkongtinok thun raq, ümnaq laobaiqto. Tsangshiq raq ümniika ümmung wa jobaiqto she. Ümniirai wehea mungti raq, ümchaü ümnaq longto. Raüta ümniika tangto. Raüta ümhiqshong jiiwanto. Ümniirai dung pinshi na seati raq, Ümnaq tiidea chang thiikho thuto, Tsangshiq raq ümnaq ngutlo, ‘Apaiq khonglaq phaqchi ira ümbano?’

Matthew 10:21

“Maiq wiijamti raq maiqmii phu ano thun kiimin rung na mihit thüki. Raüta mitiitsat baiq. Kiimaq, kiikhiisii hali awetiim riimin asetiim ka mitiitsat baiq. Kiimaq asetiim riimin anyungwe ka ngeng raüta mitiitsat baiq.

Matthew 26:23

Kiijiishe Jesuq raq treto, “Ümriiti riiwa apaiq winsii phu ka ngamtai winpin na ngi rai adam tsam raüta phaq tlaq, kriiwe raq ngi ka mishaphaq.

Luke 12:53

Awetiim raq asetiim ka mingeng wan. Kiimaq asetiim raq awetiim ka mingeng wan. Anyungtiim raq ase jechaksetiim ka mingeng wan. Kiimaq ase jechaksetiim raq anyungtiim ka mingeng wan. Anyai-chhitiim raq anam-nyungtiim ka mingeng wan. Kiimaq anam-nyungtiim raq anyai-chhitiim ka mingeng wan.”

Luke 21:16

Namshiq ka nam nyungwe raq mitiishaü baiq. Namphu namno raq, namshiq ma tanyang senobi raq, kiimaq kongtibi raq mitiishaü baiq. Namshiq phong wa wiijamti ka, atsea mirbaiq.

John 13:18

“Shatmaq tiina, ngi raq ara chong tiikang arka wiitarü ma wanghap niika riimak. Ngi raq namshiq ka jamkhiinok maiqsetiim wa tsea wan kang, kriika ngi raq asap ha. Asii bomtsi na, ‘Ngi rai dung pinshi na sia wan damti we raq ngi ka shaphaqto’ nguta chong tlaq kriika tiiku wan chang dongdii.