Mikha 7:6 - Hawa Naga Bible 2001

⁶ Kvruex pat vkhing nuex miqwaz sahez rueq vwaz hez kuex vngauk vngaz jix htenc muex ikhoc ruez wuez shuex, yalxjuik sahez rueq vnyuiuz hez kuex tvgap gawx shuex, vnvmx nyuiuz tamx rueq vnguiy pez hez rulc rvkhawc lvlc tuex; nuimshiq ralx hez kuex nuimshiq yuimx wuinz wawc dvyx rvtueq.

ASII LAKDAP Bible (BSI)

⁶ Ara akhing na asetiim raq awetiim ka, angiwe ikhli mishipoq, jechakse re raq anyungre kiqkhii misru, kiimaq anam-nyungre raq anyai-chhitiim kiq mikhii, wesang jati ka maiqmii jam wiili midong.

Mikha 7:6 Referencias Cruzadas

RAPHA HIQWA LAK 49:4

Mnoz kuex yuix puingc nuex kaz yaq yuix kuk ikhoc rvtoq, Yuq muinz mnoz kuex m-waz juik nyuiuz ruinx rulc woalc naungx vtueq, M-waz woalchuing tvshuy shac toq ningkhvnc nuex mnoz kuex vyungx vlaungx phvnx muex yaungx lot muq.

2 SAMUEL 16:11

Kvmaq Dawid rueq Abishai nuiyc piq miq vyungx vlaungx bix lotlaz muex ngoc, “Isaz shauk rueq doc muinz ngvy thvy tvnz yaq, kvkhoc rvtueq vruex Benjamin miqsaz htenc vmac nuimhez yvmx ngoz tueq wangc langc lac? Piq rueq ruec roc mruez shueq, mhttonx thvt shueq, Yehowa rueq tvjungx koq tueq piq rueq kvkhoc httonx yaq.

Tvtsvmc 41:9

Ngaz muex pinhtumc tvluimc vtueq ngaz rulc vdvmz nuex phuiuz svy jix ngaz muex vhvlx pinhtumc kungjix rueq doc muinz ngaz kuex vngvr kox nuex khawx lvlx yaq.

TAKSU LAK 30:11

Miq wvyvmc jix rueq vwaz muex mvnhttonx kuq ruiux, miqmac nyuiuz muex kejux tvyez muq.

TAKSU LAK 30:17

Vwaz muex nueykuic jix waz, rullungx wikuiux shex vnyuiuz rueq nvr yaq kvjaz kuex wvlc guez tvyaungc jix ukhaq yuq muinz, tsvy hvlc wu-khax htenc rueq vmuik kuex htuiuc tv-phuk gay ruiux lawx tawx htenc rueq piq maungx kuex phuiuz gay aungx yaq.

ISAIA 3:5

Miq pumz tek vtueq vdvmz dvmz tharc maq rvmop jap wuez tuex. Yalx rox rulx rueq nyuiuz waz rulx muex tvtsanc nganc shuex rvmuq, yvmx muinz tvyc rvyc muq jix htenc rueq tsuingshiq htauk wawc miq htenc muex tvtsanc nganc shuex rvmuq.

ISAIA 9:19

Tvphaungc Tvsuip Yehowa kuex khaq vtueq, vpiq rueq murx tvgurc shuex kuex mungtan tvlot laz khamc wvnc yaq wvr ikhoc khamc vtueq, miq htenc kuex tvbac gay yaq, miq htenc rueq tsuingshiq phuz vnox htenc kuex tvjungx shec shuex rvmuq.

JEREMIA 12:6

Mphvnx mmaq htenc, m-yuimx wuinz htenc rueq doc muinz mnoz muex khawx lvlx wuez yaq; tsuingshiq kuex mnoz khawx lvlx khvt yaq kvyuq lomx wvnc wuez vtuex. Tsuingshiq kuex kungjix kvjak tix ikhoc kvjak ruiux muinz, tsuingshiq muex nauk kvmx kaz,” ngoz tueq jungx tueq.

JEREMIA 20:10

Ngaz rueq miq htenc shuip shuyx yaq kuex tay tauk, “Baung ruip saz nuex Kvhiz juing! Kvkhoc rvtueq piq kuex vrangx vpangx vhttax jix muex tvtay ix!” ngoz tueq. Ngvy kungjix shauk rueq doc muinz ngvy rulc wvnc kuex bvmc yaq. Tsuingshiq rueq, “Piq kuex naungshiq rueq laulawc lot shix shvmx; kvkaq naungshiq rueq piq kuex lvp ruiux murx tvyez lot shix,” ngoz tueq.

JEREMIA 9:4

Miq pumz tek vtueq miqmac kungjix htenc muex honc lvmz hvt rvshuex, phvnx vmaq lotlaz kuex Yaku ikhoc kvlauc lawc thenc wuez yaq ningkhvnc nuex ukhaq muinz miqmac phvnx vmaq htenc muex kvmx muq; miq pumz tek vtueq miqmac kungjix htenc kuex jungx saq yaq.

EJEKIEL 22:7

Kvruex ghaqyungx nuex httaz jix miq htenc uraq muinz miqmac nyuiuz waz muex tvtsanc nganc wuez muq. Mnoz rueq pungnuk wuinz waz kuex laulawc vtueq mvntix nyuiuz tamx nuiyc nojix sahez kuex guirguenz vshuiux.

Obadia 1:7

Mnoz muex nomic mungtan htenc rueq mnoz kuex laulawc gay kv-phux; tsuingshiq rueq mnoz kuex mmungtan wawc yurc gay kv-phux shex. Mnoz rulc nomic rvyaungc jix miq htenc rueq majuiuc mnoz shex taungx gay kv-phux. Mnoz rulc vdvmz phuiuz svy jix kungjix bix rueq mtvkoc bix tsvnc taq tueq; tsuingshiq rueq mnoz ngoc, ‘Piq nuex httax yaq miqjat lat lvmz lotlaz mnuex shex lac?’ ngoz tueq ngoz wuez yaq.

Matthew 10:21

“Kvkaq saqphuz saqnox vdvmz dvmz vthueyc nuex httuiuc laz lekuq gay shuex. Kvmaq vwaz rueq vsahez kuex, vsahez rueq vwaz hez kuex vthueyc nuex httuiuc laz lekuq gay shuex.

Matthew 26:23

Yesu rueq, “Ngaz rulc roc nuex wvyshuiuz khaqwanc nuex wanx thuimc phuiuz jix waz rueq ngaz kuex tvshuk lekuq gay phuex.

Luke 12:53

Vwaz nuiyc vsaz, vnyuiuz nuiyc vsaz yalxjuik saz, tsuingnueyc saq nyuiuz kuex vnvmx nyuiuz rulc nuiyc vnvmx nyuiuz tamx vdvmz dvmz thuinz raz tsaz muq rv-phvlc wvnc tuex,” ngoz tueq.

Luke 21:16

Nuimshiq nyuiuz vwaz, phuz vnox, phvnx vmaq nuiyc kungjix htenc lekuy gay rvhumc tuex, nuimshiq wawc wvyvmc kuex thvt gay kv-phuinx.

John 13:18

“Ngaz rueq ngoz vshaungx kuex nuimshiq lotlaz ngoc rvmuq, ngaz rueq vthvl taq hez kuex ngaz rueq tuiuz yaq. Yuq muinz Rumvrc luik nuex, ‘Ngvy rulc dungc svy jix waz rueq piq yaz htuimx maq ngaz kuex huip gay phuex,’ ngoz tueq wuiyq shec tueq kuex hungx wvnc tvkoc rvtueq.