Mikha 5:13 - ASII LAKDAP Bible (BSI)

¹³ Namshiq raq aklohan sumla thun nai, namshiq raq ashong han asii longkham thun, wiita she mitiithen baiqha. Namshiq maiqmii jaq maq, ahaihun han ka noqlu man she mirhan.

Hawa Naga Bible 2001

¹³ Ngaz rueq nuimshiq rueq vtvhungx yac yuimx htenc nuiyc vsawc lunghtung htenc kuex tvbac gay shaungx; yix maq pat nuex nuimshiq yauk maq vtvhungx phvnx htenc kuex nuimshiq rueq mkaq muinz nawk palx shuiux rvmuq shex.

Mikha 5:13 Referencias Cruzadas

ISAIA 2:8

Tsangmung ka sumla phra phong riili she mawanto. Kiimaq tsangshiq riika tsangshiq raq maiqmii jaq maq atiiq lowan sumla phra phong kriili she shomnoqtlo.

ISAIA 27:9

Shatmaq ümtiikiiwa thatsang maiqse raq phra thun shomnoq chang berong-wacha longkaü thun kra wiita hiqrai shottlii maq tiithenbaiq jüq, kiimaq homseng honglu chaq chang berongwacha thun nai Ashera phra nyung shomnoq chang berong thun kra apun tiichong mak tiithenbaiq jiiq, kra raüta Israilnok ngarai thun ka midiikuq.

EJEKIEL 16:41

Tsangshiq raq ümjam thun kra wa maq michaqbaiq. Raüta maiq jechakre kong pahea ma ümniiraq mo hotlaü kra mitlii. Ngi raq ümniika mephe nyung ma tiija mang she mirha. Kiimaq ümkongtiwetiim ma kongphiq kuqtlaü kra tiikuq mang she mitiithaqha.

EJEKIEL 36:25

Ngi raq namshiq khum na kham asii maq mibatha. Lata namshiq raq sumla phra thun noq lanta kiimaq phanrap ashe ashi klo wan lanta, namkhum tiisheshi baiq lan kra, Ngi raq wiita atiisii mirkuqha.

EJEKIEL 37:23

Tsangshiq raq tsang khum ka maiqphai asi sumla phra thun maq tiisheshi mak she miraq. Riimakla tsangshiq raq tsang khum ka ngarai maq tiinam mak she miraq. Ngi raq tsangshiq ka lamlu ümchu no ngarai tang wantaq raüta Ngi ka shishe wantaq kriiwa midok wanha, lata wasetiim miishe mitiijaha. Ngi raq tsangshiq ka atiisii she mirha. Tsangshiq ka Isenginok she miraq. Kiimaq Ngi ka tsangshiq Shiikeawe she mirha.

EJEKIEL 6:9

Kiijaq tsangshiq ka munglu shumwikong ma jaraüta mishong wan. Kiijaq tsangshiq raq Ngi ka tsan na mitiima. Kiimaq Ngi riidea tsangshiq ma mo ka tiihokang kiimaq tsangshiq ma jea tiingaü kang nguta misap. Jamkhano ngukla tsangshiq raq Ngi ma kammak miimbaiqthü raüta sumla phra thun kra shomnoqto. Kiimaq tsangshiq raq maiqphai asi pahea klo wanto kiimaq tsangshiq raq anun ashe jaqsham wanto kra ningkhan, tsangshiq ka thophi riiqphi she miraq.

Hosea 10:2

Tsangshiq tsantsii laopha tsii. Kriikha na chamchao raa dongdii. Tsangshiq phra sumla noqwan chang, berong-wacha thun, Shiikeawe raq wiita mitiibun baiq wan.

Hosea 14:3

Naishiq Asiria mung raq tiikhup wongkuqlot mak. Naishiq tiichhiilot mak, rekhat kumrang kong raq. Naishiq jaq maq ahai sumla, ‘ümniidea naishiq shiikeawe’ nguta noqmai she. Thümwaq manti khrumti, O, Shiikeawe lei, ümniili.”

Hosea 14:8

Israilnok raq sumla phra thumthum, raq na mitiikü baiq wan. Tsangshiq achujaü ngi raq mitre wan ha. Tsangshiq ngi raq mitiichhanchhi wanha. Langjong pechongtsung ikha, inyam mong na midung wanha. Tsangshiq achu shiiman ngi raq mikuq ha,” nguta Tatiwe raq chongtlo.

NAHUM 1:14

Tatiwe raq Asirianok miitu tri tu kuqto she, “Tsangshiq mangchongti alai min ahü she miraq, Tsangshiq phra jam mong na sumla thun ka, tiisiirai she mishthen baiq ha. Ngi raq tsangshiq Asirianok lap ma, maakho she tiije tiikang. Tsangshiq atra si thekmak!” nguta Tatiwe raq aming kuqto.

JEPHANIA 1:4

“Ngi raq Jerusalemti ma mo mitiihoha. Kiimaq Juda mungti tlotli. Kiiwa Baal phra shomnoq chang thun kra, wiita hiq maq hutse mitiithenbaiqha. Kiimaq apaiq shomnoqti, thatsang maiqse ramwebi mang, jurmin tiitsang mak she miraq.

JEKERIA 13:2

Kra akhing na, ngi raq armung wa phra mang thun wiita mitiithumbaiqha. Kriithun ka jai na jurmin tiimaki mak she. Ngi raq arot shammibi wiita milambaiqha. Kiimaq phra sumla noqpi tsantsii ka wiita milambaiqha.

Revelation 9:20

Atinkhan sawa tha wa raq tiichamchao jai min, mangjong hiq na maiq ümchuwa tiichongtaq, kra raq tsangshiq jaq maq ahai sumla phra shomnoq ka thaq mak phanli shatshat riito. Tsangshiq raq thatsang ka thaqmak dea riito. Maiqse jaq maq aklo chaq sumla, kampho sumla, koti ngam maq ahai sumla, longkaü maq ahai sumla, kiimaq pe maq ahai sumla, mak ahü, ni ahü, khumtsü mak, tsitsü ahü phra sumla shomnoq ka thaqmak phanli shatshat riito.

PHOWEBI 18:17

Raüta siwebi webiingi ka Mika jam mong na leaphok nyap wanto. Raüta pe maq ahai phra sumla kampho ngamtai maq alo kra, kiimaq phra sumla ahin thun kra, kiimaq asii miirii kra lam wato. Kiimaq ramwe ka sreabi shitrok rai chela kilamchong maq kheto.