Mikha 5:12 - ASII LAKDAP Bible (BSI)

¹² Namshiq raq mintin kloke chang thun wiita mitiithum baiqha. Namshiq jaqliiketi tewe shammi ahü she miraq.

Hawa Naga Bible 2001

¹² Ngaz rueq nuimshiq rueq shuimx vshuinx hangsex htenc kuex tvbac gay ruiux, nuimshiq nuex luinglawc thenc jix httax tuex rvmuq.

Mikha 5:12 Referencias Cruzadas

ISAIA 2:20

Ümtiikiiwa kra ranaiq akhing she saüwa jiiq, tsangshiq raq chaq nai kampho maq atiiq sumla phra phong ka rum niishe mibaiqki. Raüta kriithun ka juk kong nai phaqsaiq kong miishe mikiinong kuqbaiq.

ISAIA 27:9

Shatmaq ümtiikiiwa thatsang maiqse raq phra thun shomnoq chang berong-wacha longkaü thun kra wiita hiqrai shottlii maq tiithenbaiq jüq, kiimaq homseng honglu chaq chang berongwacha thun nai Ashera phra nyung shomnoq chang berong thun kra apun tiichong mak tiithenbaiq jiiq, kra raüta Israilnok ngarai thun ka midiikuq.

ISAIA 44:17

Kriiwa chantlaq pebu ka apaiq raq sumla phra ashi hai miishe langtlo. Raütiishe apaiq raq phra sumla khaki na hiq na bumhihi raütiishe noqhotlo. Apaiq raq sumla jaq wa akha achu jaütlo, “Ümniika i shiikeawe. Ngi chhiilaq!”

EJEKIEL 16:41

Tsangshiq raq ümjam thun kra wa maq michaqbaiq. Raüta maiq jechakre kong pahea ma ümniiraq mo hotlaü kra mitlii. Ngi raq ümniika mephe nyung ma tiija mang she mirha. Kiimaq ümkongtiwetiim ma kongphiq kuqtlaü kra tiikuq mang she mitiithaqha.

EJEKIEL 36:25

Ngi raq namshiq khum na kham asii maq mibatha. Lata namshiq raq sumla phra thun noq lanta kiimaq phanrap ashe ashi klo wan lanta, namkhum tiisheshi baiq lan kra, Ngi raq wiita atiisii mirkuqha.

JEKERIA 13:1

Tati Ningkun Ajong Pinthumwe raq ngutlo, “Kra akhing saü wan raüla, hiqtang maq jütangkham miphok. Kra kham raq Dawit saüse phan nai Jerusalem na siti raq ngarai nai ashe sumla noq wantaq kriiwa mitiisii heakuq wan.

TRI CHONGKE 18:14

Kra raütiishe Mosheq raq nguto, “Ümchaü namshiq raq mung jiiwan nam nam she kiijaq, kra mung na siti mungmaiqse riika langliiti raq chongtlaq kra phan phan shamtlo. Kiimaq atiijishi kra lii raüta jaq shamtlo. Shatmaq Tatiwe üm Shiikeawe raq arthun jaqsham arka ümniima tiisham mak.

Revelation 19:20

Kra ngamthaiq kaü nai apaiq jaqshi arot shammi awang chang jaqshamti we ka kharü maq khato. (Ara arot shammi we raq pahea awang chang jaqsham wanto. Kiimaq ara awang chang jaqsham wantaq kra lümaq apaiq raq maiqse pahea laoto. Apaiq raq lao wan kha maq, tsangshiq khum na kra ngamthaiq kaü sil maq tiikhat waiq wanto. Kiimaq ngamthaiq kaü sumla ka tsangshiq raq shomnoq wanto.) Kra ngamthaiq kaü nai arot shammi we ka sammoktra jüchum jonghea ikha walü jonghea nyiimwin wa nyai rai tlaq ikha lü tlaq wamungtan na tiidea baiqto.

Revelation 22:15

Shatmaq chela phai na ashang baiq wanti maiqse thun kriika, ajok aliiq kiimaq maiqwuq maiqlongti, sethoq sepii jati, kiimaq showe lumwe ma jati, sumla phra noqtibi kiimaq abom asa na kiimaq jaqsham kaiwa na arot akiq wanti bi thun ka miraq.