Mikha 4:1 - ASII LAKDAP Bible (BSI)

¹ Rawii shiqwii Tatiwe Shomjam khü hiqlam ka ku akin tarü thaq na, diilu pinthum miraq. Maiqphan pahea wa raüta kra pum na mirtam wan.

Hawa Naga Bible 2001

¹ Httuiuc wvnc yaq raungnuiyq htenc nuex Shomc Yuimx jvp yaq kanx kuex lotlaz htauk nuex joz hvlc rvtuex, ghaqluimx lotlaz htauk nuex vjoz pinhtumc rvtuex. Miq phvnx paunghvlc htenc kuex kvruex baung kvyuq rvtuimx waung vtueq,

Mikha 4:1 Referencias Cruzadas

RAPHA HIQWA LAK 49:1

Jakob raq asetiim thun tiiheakito raüta akha nguto, “Ngi tro na riitam ronglaq. Kiimaq rawiichiiji namshiq ma jamlai wa hongtha wan tlaq kra bom chongkuq pha:

RAPHA HIQWA LAK 49:10

Juda raq hokham nyeakii kra misham, Kiimaq asaü ase phan raq pattup mung misiq wan. Maiq mung thun raq apaiq ma tijong tsiiq wa miho kuq wan Kiimaq ajichong na apaiq puk na minyap wan.

Tvtsvmc 110:3

Ümjaqtinok khattlaü ranaiq na, ümsenginok raq maiqmii tsii maq dongrang raüta mikhrum, ranapchu maq bangrok ikha ümsengi jerobi ümphana asii hiqlam thun na miwa.

Tvtsvmc 22:27

Mangjong maiqse kunli raq Tatiwe ka tsan na mitiitsang. Mangjong hiqraikhü na siti barapseti apaiq wokhong na minyap wan; Maiqphan tlotli raq apaiq mishomnoq wan.

Tvtsvmc 48:1

Tatiwe ka ajong kiimaq apaiq ka pinthum shreng chang nashiq Shiikeawe chela na, apaiq asii hiq lampo na.

Tvtsvmc 86:9

Maiqmung thun ümniiraq tiiqlaü thun wiita ümjichong na miwa raüta hiq na bumraüta minoq; tsangshiq raq ümnaq jonglu kra mitiitsam.

ISAIA 27:13

Kra ranaiq akhing she saüwa raüla, nüchhong lerong tsü raüta, Israilnok ka tlotli Asiria mung wa nai Ejip mung wa munglu shumwi ma atsuq wan kra mihea. Kiimaq tsangshiq ka miwa. Raüta asii hiqlam Jerusalem maq Tatiwe ka mishomnoq wan.

ISAIA 43:6

Ngi raq shekhu nü mungti ma tsangshiq ka tiiki ronglaq nguta michongha, kiimaq shemai nü mungti ma tsangshiq ka naq shiikhing rongkiq nguta michongha. Isenginok ka ratsüko mung thun wa mijang wanlaq; mangjong hiq tlotli wa.

ISAIA 49:6

Tatiwe raq ngi ma nguto, “Ngi raq ümniima jaqsham jonghea tiisham chang asi, Ijaqshi se lei. Ümniiraq Israilnok aso tiichongtaq ka, atiijonglu wan lam lam li ka riimak; shatmaq Ngi raq ümniika maiqphan thun ma walüli ashi ma mitiijaha; krai mren mangjong maiqse kunli mitiichhii wanlaq.”

ISAIA 54:2

Ümsichang tombutiip ka atiijong riilaq; achan chang raü thun kra atlushe riilaq, laüta atiikha chanchang tson thun kra samhea tiipha shonglaq!

ISAIA 56:7

“Ngi raq namshiq ka Jajon na, Ngi asii kin na mishea wanha. Ngi raq namshiq ma chochi jonghea ijam achujaü chang jam na mikuqha. Kiimaq namshiq raq Ngi ma berong-wacha na honglu akuq wanhan thun kra mitao wanha. I Shomjam ka mangjong maiqse tlotli miitu achu jaü chang jam ngutiishe mingu.”

JEREMIA 16:19

Tatiwe ümniikli ngi khup wongtiwe kiimaq ngi ma ningkun shoqketiwe. Ümniiraq ngi ka litkot chamchao ranaiq na khrum kuq tlaü. Maiqmung pahea wa maiq ka ümphana wa raüta, akha mingu, “Naititiim pat na jam min ahü shaqmii siwanto. Tsangshiq raq arot phra phongkli shomnoq wanto. Jamlai liip min ahü, shatmaq thiihü sumla phra phong kli shiili liiwanto.

JEREMIA 26:18

“Man na Hejekia raq Juda mung na hokham jataq akhing na, Moresheth hiqti shammiwe Mika raq mungmaiqse tlotli ma Tati Ningkun Ajongwe raq jamlai wa ngutaq kra akha chongto, ‘Jajon chela ka wak thutlaq ikha mithubaiq, Jerusalem ka jamriim phong li she miraq, kiimaq Shomjam haichang jamkhii ka rumtang pero ma mijaki.’

JEREMIA 3:17

Ümtiikiiwa kra akhing she saüwajiiq, Jerusalem ka, ‘Tatiwe Ngachang Hokham Chaoki’ ngutiishe mingu. Kiimaq maiq phan thun wiita Jerusalem na riitam raüta, ngi mishomnoq. Tsangshiq tiima tsantsii wanshakshak nilan sitlaq kra kiimaq tsangshiq tsan mong na abi ati tiima sitlaq thun kriiraq tsangshiq ma jamlai bom wa thaütlaq kriika klomak she miraq.

JEREMIA 31:12

Tsangshiq ka Jajon pum na wa raüta chojong chise miishe mishi nge wan, kiimaq ngi raq kongphiq thun kuq tiikang kra miitu kai mikhoq riiqsiq wan. Raipo wonglo, kiimaq spiqtsi tai nai olip khamtai kongphiq thun; sku kong kiimaq minsaü chhechhi kong kongphiq thun. Tsangshiq ka petsiro kham maq aheawiq nyuktlaq ikha chiithe jong rongboq miraq; tsangshiq ma jamlai wa rong ratlaq wiita kunkun asi miraq.

JEREMIA 48:47

Shatmaq rawiichiiji na, Tatiwe raq Mob ka chiithe lüwa jong ma hali mitiijong wan nong. Arthun arka, Tatiwe raq chongtlaq kra phan phan she dea mihong tha wan nong.

EJEKIEL 38:16

Ümniiraq isengi Israilnok ka rathaiq henghea mung hamli maq thaiq wantlaq ikha mikhat haü. Ümtiikiiwa akhing she saüjiiq, Ngi raq ümniika i mung kra khatkai mitiikiha. Ngi raq i mung khatkai tiikitiikang kriika, mangjong hiq na maiq thun sitlaq kriima, Ngi ka juwa kra tiichhike miitu kiimaq ümnaq lümaq Ngi raq jamlai jaq wa shamtiikang kriimaq Ngi ka asii sitiikang kra mitiichhi kuqha.

EJEKIEL 40:2

Ngi raq riisham mak maq chhikang, Shiikeawe raq ngi ka Israil mung na sheahoto. Raüta ngi ka pum diiluhea kiijaq thü wato. Ngi raq imakki na jam phong ka pahea chela ashi ikha chhikang.

EJEKIEL 43:12

Arka Shomjam tri raütu: Shomjam trotam na sitlaq, hiqlam khupo thun kra kunli ngamrea hiq phu kiimaq asii siisaq.”

DANIEL 10:14

Ngi ümphana saükikang arka, rawiishiqwii namshiqnok ka jamkha jawan chang wa miraq kra ümniiraq sap wan miitu chongkekai kikang. Riita ara riishammakchhi arka rawiichii miitu tiichhi kuqto.”

DANIEL 2:28

Shatmaq ramungtan na siti Shiikeawe asi. Apaiq riili amao chang hupsam thun kra tiichhi kuqtlo. Apaiq raq, Chaü lei, rawiishiqwii pat achat na, jamlai phan hongtha wan chang wa kra ümniima tiichhi kuqto. Riita ümchaü ngi raq ümniima ümma maq, riisham makchhi maq jamlai wa chhilaü kriishe chongkuq pha.

DANIEL 2:35

Maklii liipan niili, jinbu thun, hamlii hiq thun, miiki thun, kampho thun, kiimaq chaq thun ka, bunlak buncha bunkito. Raüta rajuji na khaolüm phong nichang ba, botkhulai riiphongtlaq ikhiishe jakito. Raüta rahai raq wiita tiisiirai pan wanto. Hiq na jamlai min tiichong mak she riito. Shatmaq kra longkaü ka jongwan raüta, pumkaü jonghea miishe jakito. Raüta mangjong hiq ara hamli she bumkito.

DANIEL 2:44

Kra hokhambi raq mung lang wantlaq akhing niishe, ramungtan na siti Shiikeawe raq mungtan ashi she mishong wan. Kra mungtan ka pattup pat-sa thenki mak phan she miraq. Kra mungtan ka hokham ahinti juwe riimin khat lot mak she miraq. Shatmaq kra hokhamwe raq mungtan ahin thun ka wiita tiithumpak mikhat wan. Raüta apaiq mungtan kriili she pattup pat-sa thummak miqmak miishe mung ka misiq wan.

DANIEL 7:14

Apaiq ma arang, shreng, kiimaq hokham jaqsham ningkun kuqto. Krai mren maiqmung thun, maiqphan thun, kiimaq maiq phan phan bomti thun, wiita raq apaiq kli she minoq wan. Apaiq arang ka pattup pat-sa thummak miraq, kiimaq apaiq mungtan ka, ümtiikiimin thummak miraq.

DANIEL 7:18

Kiimaq, Ajong Thaq Na Ajong Shiikeawe sengi raq, hokham jaqsham ningkun milap wan. Raüta mung ka pattup pat-sa misiq wan.”

DANIEL 7:22

Kiijiishe pattup pat-sa atrali sitiwe ka ki raüta, kha ka Ajong Thaq Na Ajong Shiikeawe sengi tlop na phokuqto. Shiikeawe sengi mungmaiqse raq Shiikeawe jaq wa hokham ma jawan aming lap wan akhing she saüto.

DANIEL 7:27

Mangjong hiq wa mungtan thun ningkun, kiimaq tsangshiq jonglu thun ka, Ajong Thaq Na Ajong Shiikeawe, sengi miishe mikiinong kuqbaiq wan. Tsangshiq hokham jaqsham ningkun ka, ümtiikiimin thumki mak she. Kiimaq mangjong hiq wa hokham wiita raq, tsangshiq puk na nyap raüta, tsangshiq ka mishli wan.”

Hosea 3:5

Shatmaq akhing ashi misaü wan, Israilnok ka tsangshiq Tati Shiikeawe wokhong na hali mijang wan nong. Raüta tsangti Dawit saüse phan wa tsangshiq hokham ma shong wantlaq kriiwe puk niishe hali mishang wan nong. Kra akhing niishetiq tsangshiq ka Tatiwe ma haisong tsantsii kra mithü wan nong. Krai mren, tsangshiq raq Tatiwe achu shiiman ahea kongphiq thun kriishe milap wan nong.

Mikha 3:12

Namshiq raq arümkhan ashut klo tlan khana, Jajon ka ni ma athubaiq ikha mishthen baiq. Jerusalem ka then wan raüta, hiqmiq changkhü miishe mijaki, kiimaq Noqku Jamjong kin ka, rumnyangkhi miishe mijaki

JEKERIA 14:10

Kra mung tlotli ka shekhu nü na Geba hiqshong maq phaho, raüta shemai nü ka Rimmon hiqshong na saüli, hiq thung miishe miitiija baiq. Jerusalem ka kra tro na maiqhiq thun thaq na diilu hiqlam miishe mija. Chela jonglu ka Benjamin Kilamchong maq phawan raüta, man na kongkhu na kilamchong asi dongdii riitaq, kriiba kiijaq saüli she miraq. Kiimaq riita Hananel kongmong chong ba kiina saüli raüta, hokhamwe spiqtsitai tiikitchang longtham ba kiijaq saüli she miraq.

JEKERIA 2:11

Kra akhing na maiq phan pahea Tatiwe puk na minyap wan. Raüta asengi miishe mija wan. Apaiq ka namshiq rai adam misi wan. Kiimaq ngi ka namshiq phana apaiq riidea tiikito nguta misap wan han.

JEKERIA 8:3

Arningkhan ngi ka Jajon na hali mijangki nongha. Lata asii Jerusalem na misiki nong ha. Kra chela ka tsapkapkap chela nguta mingu. Kiimaq Tati Ningkun Ajong Pinthumwe asii pum nguta mimang wan.

MALAKI 1:11

Mangjong maiqse shedong maq riita shenyap mung na saüli raq, ngi shrengtlo. Tsangshiq raq barapse maq ngi ma homseng honglu athuk atsom kuqtlo. Tsangshiq tarü raq ngi shrengtlo!

Acts 2:17

‘Shiikeawe raq akha chongtlo, Ngi raq phangthum wan akhing na akha mirha: Ngi raq i Wenyi ka pheanyin pheanyi kaütak rishi, maiq loweatek ma asho awo miraü kuq ha. Namsetiim jechak aja maiqwe aja wiitarü raq, rinkinku maq changriim chiiriim, i tsütsa ara michong kuq wan. Namsetiim jerobi ka shammibi ma mija. Kiimaq nyungwere raq ra wa ma ka, machha khaqkhaq mima.

Hebrews 1:2

Shatmaq ümchaü sanha, ara phangthum wan pat she ngo maq, Shiikeawe raq nashiq ma tsii chongke ka, Ase nübok lümiishe bom dam tlo. Shiikeawe raq Ase lümaq, ara ra nai hiq ara phansang wanto. Kiimaq Shiikeawe raq Ase ka phangthum jai maq ara ra nai hiq thun wiita kunli ara rüm wan miitu ashong wan kun she.

2 Peter 3:3

Namshiq raq ara bomtsi ara tsan na tiitsangdada shaq rong laq. Phangthum akhing saü wan raüla, maiq wiijamti namshiq phana misaü. Raüta tsangshiq ka maiqmii abi ngarai han-ngam ramho kra pao wantibi li miraq. Tsangshiq raq namshiq kamtsantsii, Jesuq ma thü tlan kra minaikü.

Revelation 11:15

Kiijiishe, rase miishi ngoja raq alerong ka tsüto. Krai mren, ngi raq ramungtan na maiq bom hong raüta abom kra taikang. Tsangshiq raq akha arü ariiq rütrangto: “Mangjong hiq peng arang ningkun ka nashiq Tatiwe nai apaiq Khristo rii she. Apaiq raq pattup pat-sa she mung ka milang wan.”

Revelation 15:4

O Tati we lei, ümniima haimakti juwa? Ümmang jong ka tiitsam makti juwa? Ümniili kata asii. Mangjong maiqse angu raq, ümniili she mishom noq. Ating arai ümjaq sham, tsangshiq raq chhi wanto.”

Revelation 20:4

Kiijiishe, ngi raq hokham ngachang ngacho thun ka chhikang. Kiimaq hali ngi raq Jesuq tsütsa nai Shiikeawe bomtsi ka tsapkapkap maq traho bom chongke wan kha na, atsatbaiq wanti maiq tsaiji thun min chhikang. Tsangshiq raq ngamthaiq kaü lo, ngamthaiq kaü sumla lo kra shomnoq mak dea riito. Kiimaq tsangshiq raq ngamthaiq kaü abi khoqramkii maq tsangshiq khakam na lo, tsangshiq jaq na lo, tiiwaiq wan mak dea riito. Tsangshiq ka amaa wa dong wan nongto. Raüta hokham ngacho na ngatlo. Jamkhano ngukla, Shiikeawe raq tsangshiq ma hokham jawan arang ka kuqto she. Kiimaq krai mren, tsangshiq raq Khristo rai rawii hingshi mung she milang dam.